Versículos bíblicos populares de HLIMI 17

Compartir

Abramu wi da gâ da yɛʔɛ́ too ticɛrɛ ní kprɔʔɔ ní yɛʔɛ́ nacɛrɛ nyiŋi ga na, Bajegɔ Nyɛʔɛlɛ à li pan wì krugu mà bɔ́ɔ̀ po: «Mí nyɛ Nyɛʔɛlɛ la Sye wì bɛfu fɔlɔ we. Ma da danrí na yɛʔɛ̀ ma ge, ma po baʔahaʔa fun.

Pe ìn bi da ma yeri Abramu adi, di pé bi da ma yeri Abrahamu, mɛjɛn mí bi ba ma krɛʔɛ klòʔo fafaʔagaa tokpɔ.

Mí bi ki yoflimi nofele yaʔa li kò mì nì mo ní wò kpafoʔo ni, li po wa nɛ mì nì ma kluru pii ní wò kpafoʔo ni ali nàʔa ja bo moò nyɛ naʔa adi ge. Lí bi go wa wò kpafoʔo ni su. Nàʔa po ban pa mi bo ma Nyɛʔɛlɛ bì bo nɛ ma kluʔu pii pe Nyɛʔɛlɛ kpo.

«Welé, domi na yoflimi nofele lí la ma namyɛlɛ na le: Má bi ba bo klòʔo fafaʔagaa tokpɔ.

Nyɛʔɛlɛ à li yo: «Ayo! Ma cɔ Sara wí bi ba nabiple he má kan. Ma baa wi yeri Isake. Mí bi ba na yoflimi nofele funŋu le wiì ma ní wi kluʔu pii ní be. Ki yoflimi nofele lí bi bo nyiŋi kì bɛfu wolo.

Mo ní ma kluʔu pii ní mí bi ba ki klo la lì bɛfu kan ye ma, la má nyɛ naʔa lí ni nabonŋo ge. Kana klo lì bɛfu lí bi ba bo pe wolo nyiŋi kì bɛfu na, pa mi bo pe Nyɛʔɛlɛ.»

Abrahamu wɔ̀ɔ to mà wi yɛʔɛ̀ kàn tra na mà tyɛʔɛ ceŋge, mɛjɛn wi daʔá yo mà yo: Mí biʔi po mɛlɛ bí pyɔ ta mì ŋa mí ma ta yɛʔɛ́ too kɔgunnu ge? Sara pɔɔ ki po mɛlɛ bí grɛʔɛ pyɔ no, wiì ŋa wí ma ta yɛʔɛ́ too ticɛrɛ ní kprɔʔɔ ge?

Ki kruʔu ma Nyɛʔɛlɛ à liʔi yo Abrahamu ma we mà yo: «Mò gáa ma cɔ yeri we Sarayi adi, mɛjɛn kí ma yala pe dɔɔ yeri Sara.

Yè legeme mí bi bo jɛnlɛ yoflimi nofele kala na la mí ma le mì nì yèé ní wò kpafoʔo ni ge.

Di na yoflimi nofele lí bi ba bo Isake wolo, nabiple la Sara wí bi ba he má kan yɛlaban ni ki nyidege ga na ge.»

Nyiŋi ga nì ki kluʔu nabipiʔi, ga nì ki kluʔu nabipiʔi kí ma yala pe da pe lege, nyiŋi ga na pé bi gà wlɛʔɛ natanri ta ge, ní ŋkloo bee ní pé ma he wa ma deʔe na, bee ní pe nyɛ nabonmoo mâ po má ma pe syɔ, áʔa hin bo pe ìn dà glu bì bo wa ma deʔe na ge. Ki pomo na kí ma yala ŋklo ŋa wí nyɛ wa ma deʔe na ní ŋa nì má ma syɔ pe pe lege, jango na yoflimi nofele la mí ma kon ye ma li nyòŋó wa ye wre na de la lí nyɛ nyiŋi kì bɛfu wolo li ge.