Versículos bíblicos populares de Mapookyony 6

Compartir

Nndumi Iruva kakurrya elyi aleumba nndu ulaniny kasokkywa mfyoova nriminy.

Kyeeri Nndumi Iruva alelollya uravi lwa nndu wa vandu ni uniini ulaniny na wo ikusaro lya nrimin wakwe mmbo lyikee iravi wo nkonu.

Kyeendi we Noe kakooya isenya efo kwa Nndumi Iruva.

Yaa nng'u marika a Noe. Noe kava nndu wa usumanu, nndu nsha efo irikeny lyakwe. Noe keenda ariani na Iruva.

Nndumi Iruva kaamba. “Mmbo nsherumataa nndu yeu shilemuumba yaa ulaniny, nndu wa vandu na mafisi na ekyo kirufukaa-si na ndeye. Mashika mmbo shakurya nkiki elyi shilevaumbany.”

Naasa kyeeri kilya vandu valepooka ifumbuka urukeny, na vakaira vana va kyika. Vana va kyuumi va Iruva llyo valesennyo mmbana yewo va kyika va vandu vekee washa vakakooryafo shaasa vakunda. Nndumi Iruva kaamba, “Mumuyo wakwa mbushelung'anaa na vandu yeva mikonu simu-fo, mashika nawo ni fyuumbe. Kyasia myaaka yakwe ishevaa iyana na makumi avii nsi.” Vanefili veefo urukeny, kyeeri ekyo na numa ya vayo-da vana yewo va Iruva elyi valekaa na vana yewo va kyeny va Vandu, vakaira nawo vana. Yewo elyo kasha mmbo vekee vandu vakaari vatiri finya na irina lyawo lyikamanyika.

Ni indo Noe aletana shaasa Iruva alembavasya.

Iruva kavia Noe. “Vandu vammishura ulana ngapanu na uwai, naasany nshevalyamaraa vandu ando amwi na ulana.”

Songosia Safina niini ya mbau ta kidamwa kuvike-fo firya, kuyaambye-fo laami nisha mmba na kyipoo.

Iruva kalollya shaasa ulana lwalyang'a, mashika wo nndu mmbo ekelatya shia ya uravi ulaniny.

Na wo ifisi kwiipo avii, lya kyuumi na lya kyika safininy, naambo fikkye muu amwi neewe.