Versículos bíblicos populares de NAANAA 15

Compartir

À Dikiri náani kɛ̀, akũ Dikiri tò yã bò kãao nna a náani kũ à kɛ̀ yãi.

Abire gbɛra Dikiri yã ò Abramunɛ wɛ́gupu'enaa gũn à pì: Abramu! Ǹsun vĩna kɛro. Makũmɛ n sɛ̃gbako ũ, n láada nigɔ̃ zɔ̃kɔ̃ manamana.

Akũ à bò kãao bàai à pì: Ǹ musu gwa ǹ susunɛnɔ naro, tó ĩni fɔ̃. Lɛmɛ n burinɔ nigɔ̃ de lɛ.

Akũ Dikiri pìnɛ: Àpi mɛ́ anigɔ̃ de n túbibleri ũro. Nɛ́ kũ ani bo n wóplɛn mɛ́ anigɔ̃ de n túbibleri ũ.

Akũ Dikiri pìnɛ: Ǹgɔ̃ dɔ̃ kũ n burinɔ nigɔ̃ nibɔ ble bùsu kũ à de ń pɔ́ ũro gũn, onigɔ̃ zɔ̀ ble gwe, onigɔ̃ wɛ́ tãḿma ari wɛ̃̀ wàa pla.

Akũ Abramu pì: Dikiri Luda, bɔ́n ĩni ma gbaa? Má nɛ́ vĩro. Damasuku gbɛ̃ Ɛliɛza mɛ́ anigɔ̃ de ma bɛ túbibleri ũ.

Zĩ birea Dikiri pì a bàka nigɔ̃ kú kũ Abramuo à pì: Mani bùsu díkĩna kpá n burinɔa zaa Misila bùsu lɛ́zɛki swai ari swada kũ òdi pi Yuflati

N nasionɔ mɛ́ oni ɛra ò su la, zaakũ Amɔrinɔ durunna dí papa kɔ̀ro.