Versículos bíblicos populares de ZAŊ 1

Compartir

Kaa kaayaŋ keɗe gə minti duunu irku du daana doŋ guuduŋ, wə əynəy kəkəy minti yə kolə la wəra karmə Pepeŋ.

A mele bə gud ko daŋ, hulum bə minti yə məntu ‹Kel kə Waateŋ› a jəŋ wəra caw. Wə a sar Pepeŋa, wə haa Pepeŋ də kusru gadi faɗi.

Pəɗakiŋ wele koŋ wəra da dər ko bə tilməŋ da, tilməŋ neke bə haara ku wəra bay wele koŋ ba.

‹Kel kə Waateŋ› koloŋ wəra hulum kisirki. Hulum toŋ a jəŋ aduubə də are, are asaŋ boblo nuutu də dər are. Boblo toŋ wə fulnu haa kasi Buru, gud minti wə haa kurmuyu tó ɗaaməna'iŋ faɗi. Pisi bə minti wə jəw sar kaŋaŋ də anə kel gə gəəzə-gəəziŋ, wə wəra bə ɗosə-ɗose duuru.

Pepeŋ jəŋ kar keɗe haa duuru, karman jəŋ anə məna bay tó ba. Kar keɗe fəlaŋ dədərgəŋ minti yə jəə la zugiŋ haa suru da. Dədərgə taŋ haa Pəɗaki də minti gaŋ gud kel wəra a kaa kəsarkaŋ.

Ɗeŋ a deye dibiiniŋ kəyaŋ, Zaŋ asaŋ Yeesu bə ɗe da suru da caw. Wə əsəŋ bə waate minti: «Aŋ golə la, Kormə taaməka kə Pepeŋ bə minti humi baymele kə kaa gə cəərə seŋkaŋ wəraŋ day cawa.

Wə a jəŋ wəra caw cəərə seŋkaŋa, jəŋ seŋkaŋ haa tó pa. Də teŋ keɗe, kaa gə cəərəŋ əsnu ba. Wə bəŋ ger kaa nuutuŋa, səma yə duunu irku du ba.

Hulum bə minti yə məntu ‹Kel kə waateŋ› wə haa Pəɗaki də gəəzə-gəəziŋ. Wə bəŋ cəərə seŋkaŋa kir minti wə walə koŋ la wəra cəərə kaŋa keɗe.

Pepeŋ a ayaŋ *ku giliŋ a áŋ haa kasi *Moyisi da, səma pisi bə minti wə jəw sar kaŋa daana gəəziŋ bəŋ kasi Yeesu Kristu da.