Versículos bíblicos populares de Génesis 13

Compartir

Yụ raꞌ soꞌmeye räj ọij jac cạveꞌsiꞌ q̂uinꞌ mi, räjenꞌdye raꞌ mídyes judyeyaꞌ vóshidyes mi, jam raꞌ jụꞌñisĉan mạyedyeꞌ mọtsiꞌ ọij p̂eyacdyeꞌ yụ yụꞌtyeyeyes q̂uinꞌ.

Aty muꞌ shubanyaꞌ muꞌ Lot, chat qui muꞌ Ayoꞌ jajiti muꞌ Abram: —Paiꞌ cạvevaꞌ ọij jac jätisve judyeyaꞌ rocve judyeyaꞌ shupquive tsun judyeyaꞌ jịjcaijcheꞌ tsun cạvevaꞌ chimeꞌ.

Yụ raꞌ jiꞌdaijbiye vóshiꞌ mi, anic raꞌ mujuꞌchaꞌ shach in, jeñej pudujquedyeꞌ jacsiꞌ, meꞌtum raꞌ in. Ọij pudujquedyeꞌ jam tupuj chaꞌsheꞌ tsiꞌ muntyiꞌ in, meꞌtumdye raꞌ vóshiꞌ mi, jam raꞌ junꞌ tupuj chaꞌshac tsic in, anic raꞌ daiꞌ in.

Meꞌdyes yi Abram jéte muꞌ Lot: —Tsun nash anictyity chätidyeꞌ tsun, jam tupuj chutiĉaꞌ tsun, mijam tupuj chuti chimeꞌ in yụty úñity mítytum.

Chat qui muꞌ Abram sacti räj muntyiꞌtum muꞌ, muꞌve jịjcaij mọꞌ poc̣hoꞌsisyaꞌ son, Mamre tịj aꞌ mọꞌ, c̣hẹiꞌyaꞌ buꞌyiꞌ mọꞌ bäꞌyedyeꞌ Hebrón. Muꞌyaꞌ bäꞌyi muꞌ Abram, muꞌyaꞌ qui jämꞌtyeꞌ jiꞌcoꞌshayacdyeꞌ Ayodyes.

Lot jämꞌ muꞌ cạveꞌ jac mojij cojiros Jordánsiꞌ, därsiꞌ mọꞌ jac, Zoarve buꞌyiꞌ, jam jayejyiꞌ ojñiꞌ. Anic jämꞌsiꞌ dạqueꞌ jac jeñej jämꞌsiꞌ cätidyeꞌtumsiꞌ Jenꞌsiꞌ jiquej muꞌ, anic jämꞌsiꞌ jac jeñej Egipto jiquej. Jambiꞌdyemꞌ muꞌ Ayoꞌ jiꞌcoꞌshayacsi jiquej Sodoma judyeyaꞌ Gomorra.