Versículos bíblicos populares de Ioanes 6

Compartir

Muri e Isu i vakalongo ria, i ta maea, “Iau a Bret na nimahuri. E huriki ri valai nau i uka ma ri gi vitolo tabu. E huriki ri luhoi tora iau i uka ma ri gi marohu tabu.

A Hanuna Vure i habi a nimahuri, pali a bakovi i keri. A ngava a taki mua vona i vakasiri mua a Hanuna Vure, ra viri i habi a nimahuri.

Naha ni leho ni bole a maki ni kani na malala. Bara i bera. Mu leho ni bole a maki ni kani na hunu, ra i tabuli vakaroro, i habi a nimahuri vakaroro. Iau, a Tuna Bakovi, ga habia mua a maki ni kani na hunu, a vuhuna a Vure e Tata i ru a kilakila nau. Ra kilakila iea, i vakasiri manga i vivi nau.”

a vuhuna e Tata i ngaru e huriki lobo ri matai iau, e Tuna, lakea ri luhoi tora iau, ri gi bole a nimahuri vakaroro. Muri na nilobona parava, bara vakamahuri mule ria na matenga.”

E Isu i koli, i ta maea, “A leho na Vure i maea, mu luhoi torea a viri a Vure i rudua i valai.”

E huriki a bakovi a ngatavine e Tata i habi nau, bara ri valai nau. E huriki ri valai nau, i uka ma ga tono mule ria

Lakea e Simon Petrus i koli, i ta maea, “Bakovi Dagi e rei tabu mi gi ramaia? Ioe kikeri o tahoka a ngava na nimahuri vakaroro.

Iau a bret na nimahuri a valai na hunu. E huriki ri kania a bret iea bara ri mahuri vakaroro. Ra bret iea a bobogu, ga habia ne huriki na malala ri gi bole a nimahuri.”

I uka tara viri ge valai nau na ningaru vona kunana. E Tata i rudu iau a valai, lakea bara i tuli e huriki i ngaru, ri gi valai mai iau. Muri na nilobona parava bara vakamahuri mule ria.

a vuhuna a bret na Vure, ra viri i pe a hunu i puru valai, i habi a nimahuri ne huriki na malala.”

Iau a bret na nimahuri.

Muri e Isu i bole a bret, i kavurikea a Vure. Muri i veru ne huriki ri made vonga, lakea ri bole na ningaru ne ria. A manu ranga, i rata mavonga. Ri kani, ri maru, lakea e Isu i taki e huriki a murimuri vona, “Mu ru kadolu a maka kalavana maki ni kani. Naha ni vuroki tavula ranga kalavana.”

Na tahuna ri vore tala pali na kilomita i lima, ri masia e Isu i lalaho langa na dari i valai mai ria na posi, lakea ri mangenge hateka i vakulu a tagane ria. Pali e Isu i taki ria, i ta maea, “Iau kunana. Naha ni mangenge.”