Versículos bíblicos populares de San Juan 14

Compartir

Sési jakuaksïni jurajkuchexaka; jucheti sési jakuaksïni jurajkuchexaka. Nóksïni xásï sési jakuasï íntskuni jaka eska parhakpeni anapuecha na jásï sési jakua íntspejka. Ásï uandanhea je ka ásï jáma je chénheni.

Jesusi arhispti: –Ji xanhariska, ka imeska enga ísïka, ka tsípekueska. Nónema andarhentasïndi táteni enga no jíndeni jimboejka.

“Ásï uandanhea je, Ekajtsï Diósïni mintsikajka jíndentujtsïni mintsika je.

K'óru Espiritu Sántu, enga sési arhijpentajka, ka enga Táte, jucheti jimbo axaaka, iámu ambeksïni exeraati ka imani ambeksïni miátantaati engaksïni ji xáni arhikia.

Imarinisï xénhchajti enga jucheti juramukuechani míteaka ka kurhandirakuani; ka ne engarini xénhchaska, jucheti tátejtu xénhchaati; ka jíjtuni xénhchaaka ka xarhakuaka.”

ka ji Táteni Espiritu Sántuni kurhakuaka, enga méntkisï cha jinguni jauaka, Espiritu engamendu ísïka, imani engaksï parhakpeni anapuecha no újka p'irani jimbokaksï no exesïnga ka nójtuksï mítesti. Ka chájtsï míteska, jimboka cha jinguni irekaxaka.”

Ka ji úaka iámendu ambe engajtsï jucheti jimbo kurhajkorheaka, ka eska ísï jámani Uájpani jimbo Táte k'éri ambe arhinhaaka. Engajtsïni jucheti jakangurhikua jimbo kurhacheska ambe ma, ji iámu ambe úaka.

“Ekajtsïni xénhchajka, jucheti juramukuantsï kurhandirakuaka

Jucheti Táteo kánekua ambandesti; enga no ísïpiringa, nóksïni aiangupiringa eskaksïni ambantskaracheni niraxamka.

Ka engani na niaraaka ka engaksïni na ambantskaracheakia, junguaka ka pákorheakaksïni, eskajtsï chájtu jima jauaka nani engani ji jauaka.

Tomasi arhispti: –“Tata, nóchi míteska naniri niraxamki, ¿Nénasïni jucha miiuntskaia?”