Versículos bíblicos populares de Alukasɨ 7

Compartir

Ma tiʼə sóŋə́ a mbó gho ngə́, təkɔʼ bɨ akɔŋnɨ wa a diʼnɨ a nye me lá a ghɨ ngə́ á ma lɨgɨnɨ mɨbvu ɨmyi ma mɨ ghaʼnɨ be tɨ́sə́n lá. Ŋwɔn tsum wa bɨ lɨgɨnɨnɨ mɨbvu ɨmyi tsɛʼ mɨnyiə a kə́ ndíʼə akɔŋnɨ tsɛʼ mɨnyiə ghe.” Yeso a tíʼ sóŋ a mbó mangye wa ngə́, “Awa bɨ lɨgɨnɨnə mɨbvu ɨmo ə.”

Lá Yeso a sóŋ a mbó mangye wa ngə́, “Abeməntəm azo a loŋ agho; ghɛn nɨ mbɔnɨ ə.”

ngɛn ntɛm a ndzum Yeso ndzɛʼə nkyi nɨzɛʼ ɨyi ɨ shiʼə ntsúbə́ mɨku mɨ Yeso ghe. A zɔ́ŋtɨ́ nchiʼ a mɛrə nɨ ɨnyɔŋ atú ɨchi, nchwɨgə a mɛrə, nchwirɨ mɨvwurɨ mɨ ɨfɔgɨ wu shiʼnɨ ma ɨwu ə.

Ka ma kɨ nkyɛ nkuʼnɨ aghan ɨ yen fəŋsɨ agho me mboŋ ə. Nyam soŋ tsɛʼ a táʼ atú a nɨgham ə, ŋwɔn afaʼ ɨghan wa a mɨ shwetɨ ayi ɛ. Mbɨ́ʼ ngə́ ma nɨ ŋwɔn wa a tsinɨ a shwúrɨ́ wu mɔʼɔ ŋwɔn wa a tsinɨ atú, nkɨ ntsi nɨ bɨgwe a shwúrɨ́ me ghe. Ma soŋ a mbó gwe wa wu tse ngə́, ‹Ghen!› a ghen; ma soŋ a mbó wu mɔʼɔ ngə́, ‹Yiŋə!› a yiŋə; ma soŋ a mbó abuʼ azan ngə́, ‹Ghɨ lə!› a kɨ ngɨ tsɛʼ mə lá.” Anu məzen a kɨ́ʼnɨ́ a Yeso tsɛʼ nkə; a bə́nkɨ́ ayi ɨ soŋ a mbó ɨnɔ ɨbɛn wa ɨ kɨ́nə́ ndzɔŋə ayi lá ngə́, “Ma soŋ awɨŋ ə, ka ma zɛ́nə aghan abeməntəm tso zɛnə ghe, kə́ be a mu Izrai tsum ə!”

Tsɛʼ a nyom məwa Yeso a tsúʼ mɨghɔ abɔʼnɨ bɨtátú, ɨ fɨgɨ ɨzhwi tsɨ tɔmnɨnɨ, ntiʼ nkɨ ntsuʼ bɨfɨgɨ ə. A chwɨ́gɨ́ a mbó ntóm Yoane tsa ngə́, “Bə ngɛnə, ɨ fɨʼtɨnə a mbó Yoane ɨnu tsa nɨ zɛnɨ nkɨ ndzuʼə: bɨfɨgɨ bɨŋə ndzě ɨdiʼ ə, bɨchənkərə bɨŋə ntɛ́mə́, ɨtɨchwen bɨŋə fɛ́mə́, ɨkfo ɨtú bɨŋə ndzǔʼ ɨnu, bɨkfú bɨŋə nzhwémnə́, bɨ kə́ sǒŋ Nkən wu Shiʼnɨ a mbó ɨfúm ə.