Versículos bíblicos populares de Matyo 6

Compartir

Baŋnɨ ntɛgɨ atú azo be a nye ɨnu ɨtsum tsa tsɨ tsinɨ mbɨ́ʼ Nɨfɔ nɨ Ŋwi abɔʼnɨ ɨnu ɨtsum tsa Ŋwi a lɔnə a mbó gho, wɛrə a mɨ tiʼ gha ɨdzúm mətsiŋ ɨtsum a mbó gho ghe.

Ma lan, koʼ ɨnye ɨzo a mbúʼə mbɨ́ʼ ɨzo, mbɨ́ʼ ngə́ ɨzo mɨ tsi nɨ ɨchi ɨnu a mbúʼ ɨnye mbɨ́ʼ a tsɛrə ghe. Koʼ kwiʼtɨ ngɨ́ʼ za sɨŋə a tsinɨ nɨ zɛrə ghe.”

Ma lan, ma sóŋə́ awɨŋ ə, koʼ ɨnye ɨzo a mbúʼə mbɨ́ʼ ntsi mbyi ɨzo, mbɨ́ʼ mɨdzɨ ma o mɨ dzɨ kə za o mɨ no, kə ɨtsɛʼ tsa o mɨ wəgə. Ntsi mbyi ɨzo se tsa mɨdzɨ, á mbəmnye ɨzo tsa ɨtsɛʼ le?

Lá be nɨ tɨ tsaʼtɨ a Ŋwi, nɨ kon ngɛn a mu ndá ɨtsən nkubɨnɨ ntsu ndá ntsaʼtɨ a Ŋwi a mbó Ta ɨwən wa ka bɨ ndzě ayi ayi ɛ. Ta ɨwən wa a zɛ́nɨ́ ɨnu tsa nɨ ghɨnə a nkubə, a mɨ tiʼ kyaŋ awɨŋ ə.

Nɨ ntíʼə ntsaʼtə a Ŋwi ngə́: ‹Ta ɨwɨgɨ a fɔməbvurə: A ɨbɛn nkɔ́ʼsɨ́ ɨkum ɨgho wu fɛmnɨ atɨ́; á Nɨfɔ ɨno yiŋə; á tsi atuəshe tso mbáʼ a tsinɨ a fɔməbvurə lá.

Gha mɨdzɨ ma bɨgɨ lɔnə a mbó bɨgɨ ɨ sɨŋə ghe.

Lɨgɨnɨ mɨbvu ma bɨgɨ ghɨnə, tso mbáʼ bɨgɨ kɨ́nə́ ndɨ́gɨ́nɨ́ mɨbvu mɨ ɨbɛn bə mɔʼɔ ma bo fanə a nye bɨgɨ ə.

Koʼ nyɛʼtɨ á bɨgɨ ghɨ ɨbvu mbáʼ be bɨ kwaʼnɨ awɨgɨ, lá kwarɨ awɨgɨ a mbó Wu Ntɔmnɨnɨ wa.›

Be nɨ lɨgɨnɨ mɨbvu ma ɨbɛn ghɨnə a nye bən, muŋ Ta ɨwən a fɔməbvurə a mɨ kɨ lɨgɨnɨ ɨmɨŋ mɨbvu ə.

Nɨ zě bɨsɨ́ŋ ben ba bɨ línə́ a mu ɨfɛgɨ lá: bo se mbǐ mɨdzɨ kə nkə́ fúʼə ngótə́ a mu mɨntaŋ mɨ mɨdzɨ ɨma ghe, lá Ta ɨwən a fɔməbvurə a dzɨ́gə́ awa ghe. Ndvuŋ ɨwɨŋ se tən ntsa wu bɨsɨ́ŋ ben le?

“A nɨ keʼ afuʼ a mbó ɨtumbəm ɨtsən lɛn atuəshe, adiʼ wa ɨsɛʼ bo ntsɛb mɨ tsənkɨ, á mɨzɛrə kɨ ngyen ndze. A nɨ baŋnɨ ndɛn afuʼ azən a fɔməbvurə, adiʼ wa ɨsɛʼ abɔʼnɨ ntsɛb chinɨ keʼ tsənkɨ, á mɨzɛrə keʼ kɨ mbɛʼ ndá nkon ndze. Mbɨ́ʼ ngə́ o lě ntəm ɨgho lá tsɛʼ adiʼ wa afuʼ azo a tsinə.”

“Ka ŋwɔn tse a chi faʼ ayi a mbó bɨta bɨ afaʼ bi bɨbá ghe; a mɨ ban a táʼ, ɨ baŋnɨ kɔŋ a wu mɔʼɔ kə a shíʼtɨ́nə a ɨshe a ɨshi táʼ, ɨ baŋnə tságɨ́nə a wu mɔʼɔ ghe. O chi koʼ faʼə a mbó Ŋwi nkɨ mbe abuʼ a mbó afuʼ ə.

A wə́gə́ Ŋwi ngwəgɨ ɨtsɛʼ a nye ngyɛn — ngyɛn za mbáʼ o zɛ́nə́ sɨŋə ndo ndo ɨzo kɨ́káŋ, mbɨ́ʼ ngə́ bɨ tɔn nɨ ɨmugɨ ə. Be Ŋwi a boŋ lá abə́ŋ atsɛʼ ake a ngwə́gə́ a ɨnye bən le? Abeməntəm azən a kɨ́gɨ́ be tɨsɨŋə!

Lá nɨ tɨ kwátɨ́ ɨbɛn ba bɨ lɔnə akwatɨ, nɨ ghɨnə a zɛrə a nye ndóm wa tsɛʼ mbɔŋ ɨson ɨgho wa a fatɨnɨ agho tsɛʼ nkan a chi keʼ a zɛrə zhyɛ. A mɨ tiʼ be anu a nkubə ghe. Ta ɨwən, zɨ wa a zɛ́nɨ́ ɨnu tsa nɨ ghɨnə a nkubə, a mɨ tiʼ kyaŋ awɨŋ ə.”

“A nɨ lə ɨtú ɨtsən nkeʼ ngɨ̌ ɨnu tsɨ shiʼnɨ tsa Ŋwi a lɔnə asaŋəsaŋ taŋ á ɨbɛn zɛn awɨŋ ə. Be nɨ ngɨə ma lan asaŋəsaŋ muŋ nɨ mɨ keʼ nɨ mɨkyaŋnɨ a mbó Ta ɨwən wa a tsinɨ a fɔməbvurə chyɛ.

“Be o nchígɨ́ nji tsə ntsaʼtɨ Ŋwi, koʼ adzəŋnɨ a ndiʼə a ɨshi gho tso mbáʼ ngaŋ ngɨ̌ ɨtsi ghɨnə lá. Bo diʼə adzəŋnɨ a mɨshi bo lá taŋ á ɨbɛn zɛn ngə́ bo chigɨ nji tsə ntsaʼtɨ Ŋwi ə. Tsɛʼ a nkənu, ma sóŋə́ awɨŋ ə, bo kwarɨnə mɨtsɔʼnɨ mɨ afaʼ ɨma ghe. Lá be o tɨ chigɨ nji tsə ntsaʼtɨ Ŋwi, sugɨ ɨshi ɨgho ndzɔʼ nɨ mɨvwurɨ nkɨ sha ɨnyɔŋ atú ɨtso, taŋ á ɨbɛn bə mɔʼɔ chi keʼ zhi ngə́ o chigɨ nji tsə ntsaʼtɨ Ŋwi ə. A baŋnɨ nji tsɛʼ Ta ɨgho wa mbáʼ ka ŋwɔn tsɛrə a ndzě ayi ayi ɛ. Ta ɨgho wa a zɛ́nə́ anu za o ghɨnə a nkubə, a mɨ tiʼ kyaŋ agho ə.”