Versículos bíblicos populares de Marɨkusɨ 14

Compartir

Wɛrə a tsáʼtɨ́ a Ŋwi ngə́, “Tarɨ, Ta ɨghan! Anu zə tse a chi keʼ agho tsaə. Kwarɨ ndɔ́ŋ ngɨ́ʼ zen a mbó me ghe. Lá á keʼ be be adzaŋ za ma lɔnə, á be be adzaŋ za o lɔnə ghe.”

Wɛrə a tíʼ sóŋ a mbó bo ngə́, “A nɨ nkyérə́ nkə́ ntsáʼtə́ a Ŋwi mbɨ́ʼ nɨ ghɨ ngvo a mu akwaʼnɨ ə. Tsɛʼ a nkənu, azhwi a lǒ ghe, lá ɨnyam ɨnye ghɔgə.”

Tsɛʼ a nkənu, ma sóŋə́ a mbó bɨŋ ə, adiʼ atsum za bɨ ghɨnɨ sóŋ nkən wu shiʼnɨ a mu mbyi, anu za wɛrə a ghɨnɨ lá, bɨ ghɨ kərɨnə a nkwémtɨ́ ɨkum ɨyi ɛ.”

A tíʼ sóŋ a mbó bo ngə́, “Adzə́ŋnɨ za a tsinɨ a mu ntəm me a ghaʼ be tɨ́sə́n a nye ndóm wa a chinɨ zhwitɨ aghə. A nɨ tsi ɨghan, nkyérə́ ghe.”

Adzaŋ za bo kɨ́nə́ ndzɨ́ə lá, Yeso a lɔ́gɨ́ abán, ngɨ atsaʼtɨ a Ŋwi zə ngá mɨya, ntiʼ mbatɨ nga a mbó bɨyɛʼ ɨbyi, ɨ soŋ ngə́, “Konə, nə nɨ ɨnyam ɨnye ɨzə ziŋ ə.”

Wɛrə a tíʼ nkɨ́ ndɔ́gɨ́ ndɔ́ŋ, nga a mɨya a mbó Ŋwi ntiʼ nga a mbó bo, bo no a mu ndɔ́ŋ za. Yeso a sóŋ a mbó bo ngə́, “Nə nɨ alɛm azə a zen mbáʼ bɨ chwirɨnɨ a mbó bə ghaʼnɨ, alɛm azan za a nɨ fɛnwu akan zə fi ə.

Yeso a sóŋ a mbó bo ngə́, “Bən bɨtsum mɨ kɨəkɨ ɨ nyɛʼ aghə; mbɨ́ʼ ngə́ aŋwaʼnɨ a Ŋwi a soŋ ngə́, ‹Ŋwi a mɨ zhwitɨ a ntsǐŋ mɨnyam, á mbyindzɨ tiʼ ndzagɨnə.›

Nɨ lo atɨ́, á bɨgɨnə ghen. Zɛnə, ŋwɔn wa a fenɨ aghan a wɛnə!”

Yeso a sóŋ a mbó Bita ngə́, “Tsɛʼ a nkənu, ma soŋ a mbó gho ngə́, tsɛʼ nɨ ɨtfúʼ sɨŋə, bɔŋ á ankɨʼə a tɔŋ nkfu tsi bá, o mɨ ton aghə nkfu tsi tárə́ ghe.”