Versículos bíblicos populares de Lucas 15

Compartir

Hwet ho' ton ta ac ca na, mao ac ca na quem. Wa' mao ta' iri na ne, querec pira ac con na cote ca. Xiram pa' tamana non panxica. Mo hwet ac con na, pe horoman tapan' ac con na, xup ac con na pain orocoxicon quem.

Xi in qui' ara ca panxita' cwa' ta. Ac ca mi' pin ca paxi' na ira, ac ca e' mami' ca na pain xocori ca'. Ac ca pan' am ca paxi' na, ane mam' ton ne na cote ca. Tomi' querec te xi', xi om ne ca in hwet ara capa' ta na.

Je ca tomi' xuhu' ca' ac tococwa na. Ac i ma' tara Iri' Jam cocon oro jam co taramaja mi' nonon pain pawin cain, tomi' querec te tamana tatara con wari' co cwirin' pin nain ca caracat nucun ta. Xica' pe paxi' tara, tomi' querec te tiquin' ca' totoron cocon ca 99 nucucun co wara xuruxut xo' nana ma', co wara cwirin' pin nanain ca caracat nucucun ta na ca tomi' tococwa ma'.

In hwet ton te ta ac xucun na. Tomi' ton, caracat ina ta te, xi ari ara ton Iri' Jam pane ta, ari inem pane quem ac ton tara.

Caracat ina ta te ac con na panxica. Caracat ina, xi ari ara ton Iri' Jam pane ta. Ari inem quem. Om ca hohot ne pain ca panxita' mami' mapa' ta non.

Ca' na ca pijim' tococwa ma': Am ma' ca win ma' nuhu' co wina ovelha, ma' 100 na ovelha ca wina ca. Pan' am xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca 99 nein ma', pain ca cao' to ne ma'. Mo pirao' tain e' ac cain tara ca pan' am ma'. Pirao' pirao' mam' ac cain tara quem.