Versículos bíblicos populares de Lucas 24

Compartir

Taraju wet xine e': Main mam' xuhu' pain Tamataracon Te ca wara tomi' pe mi' cuhu' pane. Ane na e' ne pain ca winim' cain' hwein ne. Winim' to cain' jein Jerusalém ca', aram aram hwet pa' ac cuhu' tara ca hwara' opa nucun Te co pe pawin cwain na ca tomi' tococwa ma'.

Om pin nain i ca'! E' mami' na ta! Mam' pe wet jein ca tomi' cuhu' pane, pain ca pe ho' pe ho' wet cuhu' pain Galileia pane.

Ane ane ma' pin ac ne na ximicocon. Querec pin' nonon Jeju. Ane om pin hap pan ca ne. Querec querec om pin nonon. Wirico ma' ira ac xucucun na. Om ca meo toto ne ximixi' pain ca tomi' tomi' capari' pain wana ra? Meo toto napari' ca' ira! Tomi' querec te tamana iri' pain iri' ximixi' pain ca tomi' xo' capari' pain ca xirao' pe xine capijacon Iri' Jam ne xucucun.

Tomi' ac tococwa na: Je i ca' ca xirao' to caca pata' pane: Cristo ma', na e' na pain ca jain jain ca pain ca to' pa' pin tocwa ta. 3 pin iri tara xec pain ca mi' pin nucun ne, e' mami' ac ca tara ta na ca xirao' to caca pata' pane. Xirao' to ca' nana pane quem: Oro wari' co howa nonon ma', na e' na pain ca pijim' hwet cocon oro wari' con Cristo ta nana pata'. Pijim' pijim' pi' pin totoron oro wari' pain oro xijein macan'. Pijim' ca' totoron: Cwirin' pin jein ca caracat nuhu', ma' ta xic am pin cain Iri' Jam ta totoron. Pijim' cain' to tatarain Jerusalém, mao ac ne ma' tara cocon, pijim' mama' ac cacain tara oro xijein macan' ta na ca xirao' to caca pane.

Hwet iri nanain ne, querec ac cacamain na ca wara joc panajao' pin xine pacun ca tao' pa' nain ma'. Corom mama' ac cacama na. Wara om pin na curucun Taramaxicon nexi' Jeju.