Versículos bíblicos populares de Lucas 7

Compartir

Je ca tomi' xim ca' ac con na. Mija paxi' na ca caracat nequem cam cwa'. Ane xic am pin xine ne. Je ca tomi' querec te tamana capa' ca'. Wari' co xic am pin xine pain wijimain ca caracat nucun ma' iri na ne, tomi' querec te wijimain e' napa' quem na ca tomi' con Simão. Tomi' ac cam na Jeju: Xic am pin inain ca caracat nem ta nam.

Tomi' ac cam na narima' Jeju: To' witan ca' xima pain ca caracat nem ta, xi om ne ca howa ara mapa' ta. In mao ra. Ta toron mami' ne xumum me ta nam.

Xat pe ac camain na waracon Jeju ma', pain caximacon. Aca aca ja' ac camain na caximacon pain comi tocwam, mam' xic ac camain na pain tenenequem. Xic xic cawain' pin iri nain caximacon ne, xup ac camain na, ji'ao mi' ac camain na pain caji towaxi' ma' quem.

Je ca om xut cam' pan xim ca' nem. Ca' jun ta naparut pum: Ta toron mami' ne xumum pata' me ta Taramaxicon Jeju. Om ca hohot ne pain ca corom main xuru, xi awi ta' ta. Je ca querec pin' xije pain ca om hohot ne pain ca xut cam' pan xim ca' nem, xi awi ta' nem. Tomi' ca' nem quem ac cocon na: Tomi' ha' terem ca caxi nucun ta, taxi' ina. Win ne ca tomi' ha' pan toton oro taramaxicon ne ca', ma' nana oro soldado ne co tomi' ha' nanapa' quem, je cwerein parut. Mao rain i cain inon xucun, mao ac ca na. Hap ra ta ac ton na xucun, hap ac ca na quem. Ara rain i ca' ac ton na wari' ne co taramaja mi' e' napa', ara ac cain na quem ta, ac i ma' na ca tomi' cocon Jeju. Taraju iri nain i ma' Jeju ne, pain ca tomi' hwet cacain ca tomi' nucun taramaxicon oro nucucun ma', wa wa tamana ac con na. Tucu in hwet ac tococwa na oro wari' co ja' ja' nonon ma'. Howa tamana napa' taramaxicon nucucun oro soldado ma! Om ca querec camain' ton wari' co an xiho' non pain ca howa nucun. Tomi' iri'o' inuhu', om om nana oro judeu co an xiho' nonon pain ca howa nucun quem na ca tomi' tococwa ma'.

Pain xec nein ca hwet cocon Jeju co taxipa' ca João ma', quep xio tamana nonon wari' Jeju ma'. Quep xio pin tata co caxi tamana nana, tomi' jein pin tata oro caxicon jam co corom to ho' nonon quem. Mija nana wari' co om tococon ma' quem, quep ma' pin mami' ac cain na tococon. Taraju iri nonon pain ca tomi' querec nucucun co taxipa' ca João ne, tomi' xo' ac tococwa na: In hwet jun João ta. Tomi' hwet ac hun tara pain oro ca querec hwe ca', je pain oro ca taraju hwe ca' quem. Querec pin nana co om tococon. Xuruxut pin nana co xuruxut xirac nana. Xio pin nana wari' co ma' nonon caji nan. Taraju pin nana co om taraxicocon. E' mami' nana co cono' nana. Pijim' mi' inonon pain capijacon Iri' Jam oro wari' co ximin nana quem, pain ca to' witan pin xim cuhu' Iri' Jam ta toton ca'.