Versículos bíblicos populares de Marcos 7

Compartir

Xi maqui' ara nein iri' ca xumu wa oro carawa ca to' em' nain ca wari' wa ta. Mo na: Ca coromicat pan teretem wa ma', ca caracat wa pain ca quep ximama' wa ma', ca cut noc xa wa carawa ma', ca to' pa' wa wari' ma', ca quep tacacama oro manacocon oro wari' ma', je pain ca quep ne cocon xucun tarama' oro narima' ma' quem, ca param ximama' wa ma', ca pan teretem ximama' wa ma', ca mixein wa ma', ca tamanain to wa pain oro ca quep ximama' wa ma', ca noc wa wari' ma', ca tomi' napat wa ma', ca xec xec wa ma', ca om coromicat xo' wa ma'. Oro ca pan teretem wa ca tomi' xuhu' ca', maqui' nain ca xumu wa. Je i ma' ca to' em' nain ca wari' wa ta na ca tomi' tococwa ma'.

Oro carawa ca corom hwet nuhu' pain capijahu' ma', pain ca cao' nuhu' ma', om ca to' em' ac cuhu'. Ca coromicat nuhu' ca maqui' nain xumuhu' ma' iri na ne, je pain ca tomi' ximama' nuhu' ma' quem, je i ma' ca to' em' nuhu' ta. Om ac ne na ca querec hohot cuhu' Iri' Jam.

Ac ca iri'o' xi' ca' tara me hwe ra ac tococwa na. Iri'o' na ca xirao' nucun Isaías cara pane, pain ca tomi' hwet cain capijacon Iri' Jam cocon oro hwanana nuhu' pane ta ac tococwa na. Ca' na ca xirao' pe ca pane: Tomi' ca' na Iri' Jam: Tomi' ha' urut pum ta paxi' nanapa' oro wari' cwa'. Ane tomi' capijacocon e' caca ne. Om ca tomi' querec te iri'o' cacapa'. Ac ca to pira ca' cacapa' na pain ximicocon ta.

In ac paxi' nanapa' pain ca pe torotop mi' cacapa' ca'. Ane om tomi' querec te toton pain ne. Xi tomi' mixein ara caca pain ca tomi' nucucun ta: Om na, oro capijaxut ca ca' na urut pahu' ca', maqui' non Iri' Jam ta nonon oro win ma' caca. Xi maqui' capa' ca pijim' nucucun pain ca ca' na cacain capija ta. Maqui' nonon oro hwanana nucucun ta. Ac i ma' na ca tomi' hwet cain capijacon Iri' Jam Isaías pane, pain ca pan to' cain taraxicocon oro hwanana nuhu' pane na ca tomi' tococwa ma'.

Miri'om hwein oro capijacon Iri' Jam ca ara je capari' ta. Tomi' ha' e' hwein oro ca tomi' pan nuhu' ta na ca tomi' tococwa ma'.