Versículos bíblicos populares de Mateu 24

Compartir

Ngokuti kushaisha kunozowanda, rudo hwo vazhinji runozopora. Asi uwo unozoshingirira mbhera ku magumo unozoponeswa.

No iri vhangeri ro Umambo rinozochumaihwa mu nyika jese kuyita chapupu ku majinja ese, naapo kupera kunozoguma.”

Nemwi munozozwa ngo imbi, no marehwa rehwa oimbi; ngwaranyi kuti musazotya; ngokuti kunosisira kuti izvi zvese zviyitike, asi magumo aasati aguma.

Ngokuti jinja rinozomukirana no jinja, no umambo hunozomukirana no umambo; kunozovapo njara, ndhenda no kuzungunyika kwo nyika, kundau jakaparajana. Izvi zvese zviri zvo kuamba kwo matambujiko.

Gore no nyika zvinozopinda, asi mazwi angu aatongozopindi akadi.”

Ngokuti vazhinji vanozoviya ngo zina rangu, vechiti: Inini ndiri Kristu, vanozorashikisa vazhinji.

Naapo vanozomupira mukutambujwa, navo vanozomuuraya; nemwi munozonyenywa ngo majinja ese ngo ndava yo zina rangu. Naapo vazhinji vanozopsherujwa, vanozopirana umwe no umweni, no kunyenyana. No vaprofeti vazhinji vokunyepa vanozovapo, navo vanozorashikisa vazhinji.

Jesu wakapingura, wakati kwavari: “Ngwaranyi kuti musazopaukiswa ngo mundhu.

Ndizvo itanyi vakanasirihwa; ngokuti ngo nguva yo musikakarakaji Mwana wo Mundhu unoviya.”

Ndizvo rindanyi; ngokuti amuzivi zuva raanozoviya Mambo wenyu.

“Asi ngo ndava yo zuva iro no nguva iyo akuna naumwe unoziva, pikija ngirosi jo mu gore, nokuti Mwana, kwega Baba.

Ngokuti vanozovapo vakristu vokunyepa, no vaprofeti vokunyepa, navo vanozoyita zvivoniso zvikuru, no mishamiso, kupaukisa, kudari zvechiitika, pikija naavo vakatsananguhwa.

Ngokuti kudari ngo mazuva a Noa, kunozodarozve kuviya kwo Mwana wo Mundhu. Ngokuti kudari ngo mazuva ao pamberi po ndambi, vakaha, vechimwa no kurovora, no kurovoja, mbhera rakaguma zuva iro raakanghwina ndiro Noa mu ngarava. Navo avazivi kuziva mbhera ndambi yakaguma, yakavatora vese, kunozodarozve kuviya kwo Mwana wo Mundhu.