Versículos bíblicos populares de लुका 13

Compartir

येसुङा पोलोवा पिसाङ् लुचि, “छुछुॽना वालाम्‍बुङ्‌भाङ् उमा योगानि, इजाङ्‌बाङ्‌निङ् का न्‍निङ्‌दा लुम्‍मेॽनेनिन, प्‍याक याॽमिचि छुछुॽना वालाम्‍बुङ्‌भाङ् उमा ङ्‌योङ्‌मे ङ्‌खाॽनिङ्‌गो उमा ङ्‌यामेनिन्‍हा॥

न्‍नाबे एता फिम्‍बिलिङ् ओन्‍दाङ् नाहाङ्‌तो इसिॽना मुइङा याक्‍सुहोङ् उमिसिङ् उगाब्‍याना एको मामु वाया॥ उङ् उगाब्‍याहोङ् चेङ् येप्‍मा मेयाखुमा लेक्‍सामासा॥ येसुङा न्‍ना मामु याॽमि निसुहोङ् ओन्‍दाङ् काहोङ् खाॽला लु, “ओ मामु, न्‍दा तुक्‍माभाङ् नुयागाना॥”

न्‍हाङा न्‍ना मामुगा पुप्‍साब्‍याना उमिसिङ्‌बे उमुकङा तोक्‍ति, ङ्‌खिङ्‌बेलामाङ् न्‍ना मामु चेङ् येबाहोङ् निङ्‌वाफुमागा पार्साम्‍सा चोक्‍मा तारोक्‍तु॥

ङ्‌खाॽनिङ्‌गो लोप हेक्‍साङ् आखुबाचि ओन्‍दाङ् ङ्‌ङामे, न्‍हाङ् लोप ओन्‍दाङ् आखुबाचि हेक्‍साङ् ङ्‌ङामेहा॥”

खिङ् सोम्‍मा गो वालाम्‍बुङ् होसामा, ङ्‌खाॽनिङ्‌गो इलेन पाङ्‌ह्‌वाङ्‌बाङा वालाम्‍बुङ् छेक्‍तिॽवा, न्‍हाङा न्‍निङ्‌दा च्‍हेन पाखान्‍धाङ् खाॽला कासाङ् वालाम्‍बुङ् ढोक्ढोक चोग्‍वाम्‍गा, ‘हाङ्‌बा वालाम्‍बुङ् होसाब्‍याघायि॥’ उङा लुइवागा, ‘न्‍निङ्‌दा इसासिगान? न्‍हाङ् हेॽनाहाङ् ताइघा? का चिनान्‍दोङ्‌मेॽनेनिन्‍हा॥’

ङ्‌खाॽला मेन्‍ना, का न्‍निङ्‌दा लुम्‍मेॽनेनिन, न्‍निङ्‌दा चा पास्‍चाताप न्‍जोगिगानभोङ् घाक ङ्‌खाॽलामाङ् सिइवाघा॥”

ङ्‌खाॽनिङ्‌गो उङा फेरि न्‍निङ्‌दा लुइवागा, ‘न्‍निङ्‌दा इसासिगान? हेॽनाहाङ् ताइघा? जेप्‍पा का चिनान्‍दोङ्‌मेॽनेनिन्‍हा, ओ इसिॽहा काम चोक्‍खुबाचि आयुम्‍भाङ् खेब्‍यानि॥’

न्‍हाङा येसुङा ङ्‌खाचि लुचि, “निङ्‌वाफुमागा राज्‍या खाॽलाना ओमभोङ् का इनुङ् तोक्‍सुङ्? न्‍ना यारोगा एको दाना लोॽवाना ओम॥ न्‍ना याङ्‌लि एको याॽमिङा उलाम्‍धाङ्‌बे ह्‌वेतु, न्‍हाङा न्‍ना पुसाहोङ् एको माडा उथाप लेक्‍सा, न्‍हाङ् न्‍नागा ह्‌वाकचिबे न्‍वाकुच्‍याकचिङा होप ङ्‌गाचि॥”