Versículos bíblicos populares de Muuduko 37

Compartir

Toruda'ai puga Joosepol wojo puruv iwo'nyuno sumaiyokwe gami gadai'yago toorai wojo suwo'noka su tovino kuudokaikono. Gami gadai'yago tooro surodo wuunodupudo kworai kuruv wojo suwo'noka su tovino wuudoduke toga'no'gwowi surodo'mo bwotonyo yo'mno kemoro sumwoluko ton duko kuunoporogano.

Kemi kuunumiyago Jekoopolluno yovo puruv Isuraiyololekono. Toro tool yadaiyo kuunodo amwaloka toga kwolaiyo pwollu me'no sawosunokaikono. Toro toolluno yovo tov Joosepolekono. Toro tool Jekoopolluro kuu'dello kuunodekono. Jekoopol gamoro kwoloraiyo punyuno kalo buuropino kwinyajuko kuvi kuruv Joosepolluno'gwowi gami kuu'dello kuunodo kwimo'nyajukekono. Toro te iruko pullugwoji Jekoopol youro kumi'yago sugumaluko puul agiwolokaikono. Toro giwolno sumaiyokwe Joosepollu kwiyokaikono.

Toro kwiyoka tovi Joosepolluro gadai'yago tooro wonyuno sumaveyokwe aro sajunoporogano. “Nemi nellunumiyago toolluro kuu'dello kuunodo tool Joosepoldeyo.” Toro yajunyuno sumaveyokwe Joosepolluno surodo kuunoporogano. Toro tooro yiuwi'nokai toga Joosepollu burolyogalo to'no kuujajuporogano.

Toruda'ai Joosepol wojo purukwe'aro iwo'nyuno sumaiyokwe gami gadai'yago toorai wojo suwo'noka su tovino aro kuudokaikono. “Kevu duu'nyulo. Moro wojo suwo'numo puruv arokwono. Kuujo tooke'aro lobako tooke'aro 11-pela sullugabwo togai'aro ton mi kwako tomuu'aro nyodupu kemoro mido ton alugulo'na'maporogano. Wojo su toro suwo'numonyugono.” Kuudokaikono.

Toro tovino gami gadai'yago tooro kwekuullu kuudo yau'dupu Joosepolluno ilaiyo mwinyajuporogano. Toro kuvi kuruv gami ganumiyago toolno'gwowi Joosepolluro wojo kuudoka tovino kuudo kwolallo sourukwapiyajukekono.

Toro te Joosepol gamoro wojo suwo'noka su tovino aro kuudokaikono. “Moro wojo suwo'numo tovino kevu duu'nyulo. Nevu todorotonol wit womdo tovi kuulomwalodowa wit yogudo ton adovamdukuu'mawonogano. Me'no dovomuudukuurosuno yodowa moro adovomdukuurosumo towa ido'nyuno ada'mokakwono. Toro da'mduke toga kemoro adovomdukuurosumapo ton moro tovi aiyowomno mwodovoma'dupu kwako tomuu'aro alugulo'na'maporogano.” Kuudokaikono.

Mekono, nevu yere neya yano. A'mwo su to kuvasi romiyosowa'ji buuso tovi wolomoropiyowano. Toro yowa'ji kuunano yogalo aro youkuu'nuudanokwono. “I'womdo tomuuda'ai ibesa'aiyo kuulludaiyo pwol me'no adovanokaikono.” Toro youkuu'nuudowa'ji toga gamoro wojo nekudodowodo ton kuvinono imo'nono'mdukoneyokweyo'mo muugonaranokwono. Toro amuugonara'ji kuvi kuruv gamoro wojo ton ku'nono mimo'nupinogano.” Sajunoporogano.

Toro te kwako Midiyada'ai a'mwo Isumaiyololluro iko tovasuda'ai su tooro kuuno bodopure toga gadai'yago tooro Joosepollu buuso tovida'ai wole'nomora'mno a'mwo su toorai uumallo'mno 20-pela silva nuugwiyo tobuuke sodolovomaropekono. Toro te Midiyada'ai a'mwo su tooro Joosepollu Ijup'no ameromokavlavopekono.

Toro tooro aro sajunoporogano. “Nemoro wojo mollago tova aka tool abadopiyo.

Joosepol toro yo'mgonoma'duke toga gami gadai'yago tooro manyu toru boduke toollu wonyuno sumaveyokwe Joosepollu romiyoso'mo adomduukuurosoporogano.

Toro duumjuku'no sumaiyokwe aro kuudokaikono. “Gamoro mujako tov nobwolawo'jokweyo'mo nevu marowa'ji a'mwomaiyo kwako yalukullo toruda'ai buuso akavi wolomoropiyowano. Toro kwolomoropiyowa'ji tov nevu kwollu yiunokuudo maromiyosanekono.” Kuudokaikono. Toro aduumjukuroka tov Ruubenol Joosepollu wiyo'mwojo'mo tool aro kuudo saurokaikono. Nuu Joosepollu wiyo'mwojo'mi gami ganumiyago toollu aikomgu uumollamekono. Ruubenol toro kuudo yauro'no gagwai'yago toorai aduumjukurokaikono.