Versículos bíblicos populares de Joon 10

Compartir

Kuuko pwol abwo'ji tov yiuno kuuko'mo tokwe'aro noromiyoso'mo tokwe'aro kaiyako mollounapiyo'mo tokwe'aro tonyu yo'moneyokwe bodowodekono. Toro kuvi kuruv nuvno'gwowi a'mwo abolo ton aiyo yiunokuudo mujomwekovla'mwalpino tovi mapino'moneyokwe abonyugono. Aiyo mapino su tov aiyowomno kuullutovaikwopimwalonokwono.

Sipsip duuwatokwe sugudo pwol gami sipsip toorai wiyo'mwojo'mo yogaina'dowodekono. Toro tool gavnokweyol bollunyo'mo uubwenodowodekono. Nuvu sipsip duuwatokwe sugudo su toolbusukonyugono.

A'mwo abolo moro sipsip tonbusuko nonyumo'nodupudo tono'gwowi moro yogaimaguurai tovi kaduko yodupudogano. Nuvu su toro tonyuno kuudo me'no youroma'dumdonyugono. Aki toro ton mi numjunodupudogano.

Nuvu su toro tonyu aiyo yiunokuudo mujomwekovlaiyo'moneyokwe tov wiyodumdonyugono. Moro aiyo wiyodumdo su tov yiunokuudo mamjobolmovla'mwalpinogano. Aki a'mwo abolo moro ato tovi me'no mwora'dumdo su tonyu a'mwo pwolnodo kwol kuruv ku'nono mipolonumokavlawonekono.

Nuvu sipsip noullo kuunodonyugono. Toro te a'mwo pwol mi'aro aulabwo'ji su toollu Gooti tool nuuwiyo'mwojonekono. Toro tool kuulno lokabino yowo'ji yiuwi'nokai toga wosamujuko ton yo'mgonoma'mwalonekono.

Nuvno'gwowi sipsip duuwatokwe sugudo toolbusukonyugono. Nuvnokwenyuro a'mwo abolo kuunodo tonyuno kuudo youroma'dumdonyugono. Aki moro a'mwo abolo kuunodo kun kuruv mino kuudo youronuma'dupudogano.

Su tov aro tovinokwono. Moro Nyunumiyago tool a'mwo abolo su tonyu miyo'mo me'no anyabokagano. Aki toro anyaboka su tool yiuwi'nokai noonyumwonyu punyu uuwolo'mdowodekono. Toro tonyu moro Nyunumiyago toolluro ato tovida'ai a'mwo pwolnodo kwol kuruv ku'nono mipolomaronekono. Moro Nyunumiyago su tooke'aro nuvnokwe toonyuge'aro toonal yiuno pwolnodonakono.” Kuudokaikono.

Su toro to'busuko kubalno mi Nyunumiyago tool mino kuudo me'no yanuu'dowodekono. Aki nuu kwonyu kuruv mi Nyunumiyago su toolluno kuudo me'no youroma'dumdekono. Toro te nuvu sipsip toorai wiyo'mwojo'moneyokwe yogainaro'mi nuvnokwe toonyu bollo'moneyokwe wimonyugono.

A'mwo pwolnodo kwol kuruv moro aiyo mwalodumdo tovi mavipolonumaronekono. Yiuno nuvnokwe toonyu wonyapino yodo'mure toga nokwo romiyanubwepinonyugono. Toro te nuvnokwenyuro jurogudo tovida'ai to'no nokwo bolmonyugono. Aki nuvnokwenyuro jurogudo tovida'ai to'no aiyo aiko te duka'monyugono. Nuu su toro yo'moneyokwe tovino mi Nyunumiyago tool amonuwopiyabokanyugono.”

Jisasol toro wuujuno sumaiyokwe aki aiko te aro kuudokaikono. “Nuvu nebal'no kuunodo ikudumo'mokwono. Sipsip tooravuro kuulabiyo'moneyokwe noullo tov, nuu kwonyugono.

Toro kuvi kuruv a'mwo pwolno'gwowi sipsip duuwatokwe kuunodo mimo'nodowodekono. Su tool nuugwiyo mallo'mo to'no kuudo yaurowo'ji sipsip toorai moduvomwalonekono. Toro tool sipsip tooravuro jukwo kuunodolmaiyo. A'mwo su tool kuullujuluko pwol abwo'ji toga kwono'ji tov sipsip toorai wuugollu'movowo'ji lukado to'no plawonekono. Aki kuullujuluko su tool sipsip toorai ipolodovanyo'mo yodowo'jure tovino tov sipsip tekwojo gomno gomno lukado younopiyodupudorogano.

Aki Jisasol aro kuudokaikono. “Nuu nebal'no kuunodo ikudumo'mokwono. A'mwo pwol sipsip kuurupto tovuro noullo tovi'aro maullo'mo kuruv yiulo tomuu'aro pologa'nyo kwolodukwopiyawo'ji su tool a'mwo kuuko pwekono. Aki toro tool povipolomato to'no yodowodekono.