Versículos bíblicos populares de Joon 8

Compartir

Toruda'ai Jisasol a'mwo abolo tonyu aiko te sodubwasoka toga aro kuudokaikono. “Nuu yiuwi'nokai a'mwo abolo kwako akavi mwalodupudo tonyu bako wimo'nodumdonyugono. A'mwo pwol numi anumjuno'ji su tool dugumdo tomuu miyomjomwekovla'mwalonekono. Toro kwol kuruv aiyo yiunokuudo mujomwekovlaiyo'moneyokwe bako to'gwowi kurukwe imo'nonekono.” Kuudokaikono.

Aki toro toorekul nebaikuuguudo tovino kuudo nyouromapinorekikono. Nebaikuuguudo su tov kemi nobomollurolovekumokalokwonokwono.” Kuudokaikono.

Toruda'ai Jisasol Juu a'mwo pworo gamino kuudo uubweyodopure toorai aro kuudokaikono. “Kevu moro yogalo yodekubwasodumdo tonyu avorugwo'mo'napi tov moro uumjunyokwe kuunodo imo'nupinorekikono.

Toro te nuu Gooti toolluro Kwolaiyo toonyu kemi amollurolovekwapimi tov kevu ki'nato womdo tomuuda'ai kwa'mgu tomuu yiunokuudo nobirolo'nugolokuupinorekikono.

Kemoro yamuugojo kwiyopo su tovino Jisasol anekudoneyokwe wuudoganyuno wuudoganyuno soporogano. Toro te Jisasol iloda'mno sumaiyokwe aro kuudokaikono. “Yowa'nogano. A'mwo pweku ma'no ma'no pasudo nonagutonyudeyo adubi su tooku abolo akavi sulo tokwe muudu'no neya doluvaromiyono.” Kuudokaikono.

Toro kuudopo kuvi kuruv Jisasol aro kuudokaikono. “Nuu nebal'no kuunodo ikudumo'mokwono. Yiuwi'nokai a'mwo abolo ma'no ma'no amjumovlapi ton ma'no ma'no pasudo tovuro ki'nato womdokwe wimo'nodupudogano.

Toro te Jisasol aiko te iloda'mno sumaiyokwe abolo tovi aro kuudokaikono. “A'mwo gumi kooti yogalo dagujo'mo tooro gadomuu dovla'mavo? Gumi sulo togai luvoromiyagubweyo'moneyokwe a'mwo pwolnodo kwol kuruv nonagutomuudukono?” Kuudokaikono. Toro kuudoka tovi abolo tov kuudokakwono. “Agutoloo, a'mwo pwolnodo kwol kuruv nonagutomuugono.” Kuudokakwono. Toro wuujuno sumaiyokwe Jisasol kuudokaikono. “Nuu kwonyu kuruv gumi mairogumwallumonyugono. Toro te guu dovlavono. Yo'bi agada'ai ma'no ma'no pasudo tov aiko te mairoungovla'mwalbinono.” Kuudokaikono.