Versículos bíblicos populares de Lukasi 6

Compartir

Mu tape, namwe mbana yimu pa. Nothiyedhekeritho thothiwa thokurikanya, mbana thi pu pa. Yoyishi thiyedhekeritho thi muna kuyedhekeritha mwe, namwe tho mbo ha mu yedhekeritha.”

Munu ghomuhunga ghana kuhokora mumutjima wendi ghushwi ghoyinu yoyihunga. No mumango ghana kuhokora mumutjima wendi ghushwi ghoyinu yoyimango. Yoyishi, eyi ya yara mumutjima wendi, ghana kuyishwaghitha kanwa.

Eyi ne kadi kemo, mu hake han̂ore dhenu no mu wa yadhime mu kudhira kuyimuhuthera, ndani po mbo yi vura yiruwera yenu. Ho mbo mu kare hana Shokuru yoyishi ye ne munongo kwawakakupira matumero no kwawaringiringi.

Mu kare nothin̂eke, thika di gha kara Wihenu nothin̂eke.

“Mwa tenda ndhango, namwe ngo mbadi mba mu tendera ndhango. Mwa kutetera ndhango, namwe ngo mbadi mbo ha mu terera ndhango. Mu thigherere, namwe mbana mu thigherera.

“Ene na kughamba kukwenu mwakakutegherera kukwange eshi: Mu hake han̂ore dhenu, no mu tende ghunongo kwawakakumudhimba. Mu kandadheke hakakumukuta no mu raperere hakakumunyandeka.

Mu ghamwene hamweya, thika di mwa hima kukughamwena mwathinda.

Ngeshi ha kupumura ghumweya paditama, mu pirwere karo dimweya. Noyu ghana tumbura thivata thoye thopeghuru, wa mu shweneka karo thokwishi. Kehe yu ghana kukukumbera thinu, mu pe vene; no wa hutha thinu thoye, ngeshi ghana thi tumbura ghumweya.

“Kadi thitondo thothiwa thokwima mbuyo dhodhimango. No thitondo thothimango temba mbadi tha kona kwima mbuyo dhodhiwa.

Kehe thitondo hana kuthidimukera kumbuyo dhatho. Kuyitondo yoghuthu, mbadi gha kona munu kukokora ko n̂uyu. No kuyipumbu yomakona mbadi gha kona kutjora ko mandjembere.