Versículos bíblicos populares de Лк 19

Compartir

Вет Эдем Эргӹ ямшым кӹчӓл моаш дӓ ытараш толын».

«Господь лӹм доно толшы Кугижӓ хвальымы лижӹ! Пӹлгомышты тыр дӓ кӱшнӹ лӹмлештӓрӹмӓш лижӹ!»

Иисус тӹдӹлӓн келесен: «Тагачы ти пӧртӹш ытаралтмаш толын, вет ти эдемӓт Авраамын эргӹжӹ.

Ти вӓрӹш толын шомыкы, Иисус кӱшкӹ анжалын, тӹдӹм ужын дӓ келесен: «Закхей, пӹсӹнрӓк валы! Мӹнь тагачы тӹньӹн пӧртӹштет лишӓшлык ылам». Тӹдӹжӹ пӹсӹн вален дӓ Иисусым сусун пӧртӹшкӹжӹ хыналыкеш пыртен.

Закхей анзыкы лӓктӹн дӓ Господьлан келесен: «Господь, пел пайдаэм незервлӓлӓн пуэм, а кӱн гӹц алтален нӓлӹнӓм гӹнь, нӹл пачаш шукыракым пӧртӹлтем!»

Халык лошты лишӹ фарисейвлӓ логӹц кыдыжы Тӹдӹлӓн попенӹт: «Тымдышы, тыменьшӹвлӓэтӹм цӓрӹ!» Но Тӹдӹ нӹнӹлӓн келесен: «Тӓлӓндӓ попем, нӹнӹ тырлат гӹнь, кӱвлӓ саслаш тӹнгӓлӹт».