Versículos bíblicos populares de यहून्नो 3

Compartir

छना कुचे परमेश्वरे संसारो मीहतंङ साते झांह ठ्रोह दाह लहरी कि दोई एनोह इच्च़ा योह रें च़रति, कि अच़िला दोऊ टोहकठे विशवास लोहतो दुह नाश माह शोह्तो, पर दोच़ी अनंत जीवन खोक्पोर।

छना कुचे परमेश्वरे एनोह योह बि संसारारंङ दिऊ थल्जी चरच़ि माह शुह कि संसारो मीहतिंङ दण्डो आज्ञा रमतो, पर दिऊ थल्जी कि संसारो मीहरे दोऊ दोरच़ी उद्धार खोक्पोर।

यीशु ज़ि दोबि जुबाब रेंई, गेह करंङ साते हेले कुट्र्तग, अगर अच़िया खरकोई जन्म माह लेप्ति ता दोई परमेश्वरो राज्यो अनुभव लेह मरपोतो।

अच़ि परमेश्वरो योहू टोहकठे विशवास लहज़ा, दोऊ टोईच़ी दण्डो आज्ञा माह शुहबी, पर अंऊ दोऊ टोहकठे विशवास माह लहज़ा, दुह दोषी शुहचे इलजी तोह; दिऊ थल्जी कि दोई परमेश्वरो इच्च़ा योहू मिन्दु टोईच़ी विशवास माह लहरिर।

छना कुचे ऊई दण्डो हुकुमो दी बजह शुह कि छंङी संसार रिंङ अंज़े तोह, दंङ मीहज़ी हंयारा बि छंङी बे महस रूठे चेहतिर छना कुचे दोतु कम मांजी तोहई।

ज़रूरी तोह कि दुह महसे खास शुबी जूंस दंङ गेह दोबे कम।

छना कुचे अच़िला मांजी लोहर, दोई छंङी रंङ बेर तहच़ि, दंङ छंङीऊ कछंङ माह अपि, झांह शुबी मेस कि दोऊ कमो टोईच़ी दोष अपतो।

अच़ि परमेश्वरो योहू टोहकठे विशवास लहज़ा, अनंत जीवन दोऊ शुह; पर अच़ि योहू टोहकठे विशवास माह लहज़ा, दोबि अनंत जीवन माह खोकसोतो, पर परमेश्वरो सज़ा दोऊ टोहकठे शोतो।

दंङ छना ठ्रोह मूसा ज़ि सुनसान ठाहरीरिंङ, रीयो ओमड्रा उथड़ेरिंङ केहच़ी च़रतिर, दिऊ थल्जी ज़रूरी तोह कि गेह मीहू योह ला उथड़ेरिंङ केओर।

पिता परमेश्वरो योह रंङ साते दाह लहज़ा, दंङ दोई भत्ते चीज़र दोऊ गुहड़िंङ रें च़रति।