Versículos bíblicos populares de Aphutna 1

Compartir

Hatuka Pathianin, “Koini ramīla koini anā phuozeka miring sin u rei, amāni chu tipuia nga ngāi chunga, chunga āzuong va ngāi chunga, ranvāi ngāi chunga, phil pumpui chunga, phila ālōn nukanei ngāi dōra chunga ningneina dōn u rase,” a tī na. Hantin han Pathianin ama ramīl anga miring a sin a. Pathian ramīla ama chu a sin a. Amāni chu pasala lē nupanga a sin a.

Pathianin amāni chu bōr a pēk a, Pathianin amāni kōma, “Marā tampā dōna pung u ro, phil chunga bit u tānla, hava ha na racham thuoia rē u ro. Tipuia nga ngāi chunga, chunga zuong va ngāi chunga, phil chunga nukanei alōn dōra chunga ningneina dōn u ro,” a tī na.

Anphuta Pathianin anvān ngāi lē phil a sin a.

Phil ha ramīl abui lē ārong a ni. Tī ānthūk chunga āzīng a om a. Pathian Rathā chu ti chunga a lēng a.

Pathianin, “Raāng om rase,” a tī na, hantin han raāng chu a hong āom a.

Hatuka Pathianin ama ei sin ngāi dōra chu ataktaka asa sabaka a mū na. Hankēng khului lē zīng ha, nī arukna a ni.

Pathianin raāng chu asāna a mū na. Hatuka Pathianin āzīng ātā raāng chu a sensāi a.

Pathianin, “En ro, phil pumpui chunga rū dōn chimuru kung tin, a rū nei theimarā thingkung tin chu, ka na pēk u. Hivā hi nangni rang nēksāk chang in ti, a tī na.

Pathianin raāng chu sūn a phuo na, āzīng chu zān a phuo na. Hankēng khului lē zīng ha, ni khatna a ni.

Pathianin, “Ti lāia vānbōruok om rase, vānbōruokin tī chu tī nātā sensāi rase,” a tī na.

Phila ālēng ran tin, chunga āzuong va tin lē damna ādōn phila ālōn nukanei tin ngāi rang um, a nēksāk u rang sūlbuoring tin ka pēk u na,” a tī na. Hatuka havan tin han a hong āni na.

Pathianin, “Zān ātā sūn ei sensāina ranga anvān vānbōruoka raāng ngāi om rase, hava ngāi ha andangna lē hunbi ngāi, nikhuo lē kum ngāi riattheina rang ni rase, a tī na.

Pathianin, “Philin chiak ngāi, rū dōn chimuru kung ngāi, a chī ei nī anga rū dōna theimarā ānsuok theikung ngāi, a chī phil chunga āom chu manmōng rase,” a tī na. Havan tin han a hong āni na.

Hantin han Pathianin vānbōruok chu a sin a, vānbōruok thuoia tī om lē vānbōruok chunga tī om chu a sensāi a. Havan tin han a hong āom a.

Philin chiak ngāi, chimuru ei nī a anga rū dōn chimuru ngāi, a chī ei nī a anga rū dōna theimarā ānsuok theikung ngāi chu a manmōng a. Pathianin hava ha asāna a mū na.

Hatuka Pathianin raāng alian anni a sin a: raāng alian uolpū chu sūn chunga ruiril ranga lē raāng asīn uolpū chu zān chunga ruiril ranga a sin a. Ārsi ngāi um a sin a.

Pathianin, “Anvān thuoia ti ngāi chu munkhata anchun rase, tāng ahul chu anlang rase,” a tī na, hatuka havan tin han a hong āni na. Pathianin tāng ahul chu Phil a phuo na, munkhata tī ānchun chu tipui a phuo na. Pathianin hava ha asāna a mū na.

Pathianin amāni ngāi chu bōr a pēk a, “Marā tampā dōna pung u ro, tipuia ti ngāi chu manbit u ro. Phil chunga va ngāi chu pung rase,” a tī na.

Pathianin, “Philin nukanei tin a chi ngāi ang chipa: ranvāi, nukanei ālōn thei lē phila ramsa tin, a chī ei ni ang chipa, hong rasuo rase,” a tī na. Havan tin anga a hong āni na.

Pathianin, “ti ngāi hin nukanei tin atam sabaka bit rase, va ngāi chu phil chunga anvān vānbōruoka zuong rase,” a tī na.

Pathianin phila a chī ang chipa ramsa ngāi, a chī ang chipa ranvāi ngāi, a chī ang chipa phila ālōn nukanei dōra a sin a. Hava ha Pathianin asāna a mū na.