Versículos bíblicos populares de XÓ NI̱GI̱ꞋDU̱U̱N-MUU 45

Compartir

Ikhaa jngó xúge̱ꞌ rá, ma̱xájuwalaꞌ gaꞌkho̱, ni máꞌ ma̱xájiꞌná ju̱ya̱-mi̱jna̱laꞌ rí ni̱ngu̱júúnlaꞌ rí ma̱ꞌkha ge̱jioꞌ. Numuu rí Ana̱ꞌ-málóꞌ nixuꞌmúú wapha ginúú ná inalaꞌ, jngó ma̱goo ma̱jáwíin xa̱bo̱.

Rúꞌkhue̱n jngó Ana̱ꞌlóꞌ ñajuun tsí nixuꞌmúú rí ma̱ꞌkhalo̱ꞌ ge̱jioꞌ, ra̱ꞌkhá ikháa̱nꞌlaꞌ ne̱ne̱. Ikhaa̱ niꞌgiúu̱n rí ma̱nindxu̱ꞌ asndo xóo anu̱u̱ Faraón, jamí tsí na̱ru̱thuun xúgíí ñajun ná goꞌóo̱, xúꞌkhue̱n máꞌ niꞌgiúu̱n rí ma̱nindxu̱ꞌ thúngaa mbá xúgíí ná mbayuu Ejípto̱.

Ikhaa jngó Ana̱ꞌlóꞌ nixuꞌmúú wapha máꞌ ginúú ná inalaꞌ, rí ma̱xámba̱a̱ ri̱jia̱ꞌlaꞌ ná inuu numbaa, jamí ma̱jáwia̱nꞌlaꞌ ga̱jma̱á rí wáá rí naꞌne Ana̱ꞌlóꞌ.

A̱ꞌkhue̱n José niꞌthúu̱n: ―A̱gu̱xu̱ꞌma-mi̱jna̱laꞌ tháan ná inu̱ꞌ ge̱e̱. Xómáꞌ ikhii̱n ni̱xu̱ꞌma-mi̱jne̱e̱. A̱ꞌkhue̱n ikhaa̱ niꞌthúu̱n: ―Ikhúúnꞌ ñaju̱nꞌ José, ge̱ꞌthia̱ꞌlaꞌ tsí ni̱ngu̱jua̱a̱laꞌ ma̱ꞌga Ejípto̱.

Tiriajma̱ máꞌ tsigu eꞌne rí ri̱ga̱ ewe inuu numbaa, jamí xóó ndaꞌyóo i̱mba̱á witsu tsigu rí ma̱xáríga̱ gidu ni máꞌ rí ma̱gi̱xi̱i̱.

A̱ꞌkhue̱n José niꞌthúún dxíyo̱o̱: ―Ikhúúnꞌ ñaju̱nꞌ José. Á xtáa xóó anu̱ꞌ rá dxe̱ꞌ. Xómáꞌ dxíyo̱o̱ táma̱ñúú rí mu̱riꞌña̱a̱, numuu rí ni̱ka̱ a̱kuíi̱n inuu José.