Versículos bíblicos populares de Márko̱s 15

Compartir

Jamí ído̱ neꞌne atsú i̱ka̱ ajwa̱nꞌ rí wakhíí, a̱ꞌkhue̱n maphú gakhe̱ nindxaꞌwá Jesús. Xáꞌnii niꞌthée̱n: «Eloí, Eloí. Láma̱ sabaktáni̱». (Rí nandoo gáꞌthán: «Táa Mikhuíí, Táa Mikhuíí, náá numuu kajngó nitatsíñúꞌ róꞌ».)

Jamí xa̱bo̱ tsí naꞌthán-ñájúún tsí ku̱ra̱tuun ajwa̱nꞌ wéje̱ ná inuu brákaa Jesús, ndiꞌyoo̱ xáne nijáñuu̱ ído̱ wámbo̱o̱ nindxaꞌwée̱, a̱ꞌkhue̱n niꞌthée̱n: «Maphú gakon rí A̱dée Ana̱ꞌlóꞌ ñajuun xa̱bo̱ tsíge̱ꞌ».

A̱ꞌkhue̱n nithongaa ti̱kua̱pha̱a̱ xtíin rí kra̱jngaa ná awúun guꞌwá dxákuun. Nithongaa ne̱ ri̱jma̱á jamí asndo mbayíí.

Xómáꞌ Jesús maphú gakhe̱ nindxaꞌwée̱, jamí nijáñuu̱.

Ído̱ neꞌne wakha̱ꞌ niníí asndo atsú i̱ka̱ ajwa̱nꞌ rí wakhíí, a̱ꞌkhue̱n neꞌne jína inuu mbá xúgíí numbaa.

Xómáꞌ Piláto̱ nandoo̱ rí ma̱nguanú-mújúu̱n ná inúú xa̱bo̱ xuajen, ikhaa jngó nixná-ñájwii̱n rí ma̱ga̱jnáa Barabás ná géjwa̱nꞌ. Jamí nixná-ñájwii̱n rí mi̱xpáthiin Jesús ga̱jma̱á ñuu xtá rí tráma ajwa̱nꞌ inuu, nda̱wa̱á a̱ꞌkhue̱n nixnáxi̱i̱ rí mi̱ꞌdujmaa ná ixe̱ krúsi̱.