Versículos bíblicos populares de Madiu 4

Compartir

Ta Yesu 'igwae, “Buki Tabu solanaya loina 'imiyami 'aene, ‘Tomota yawasidi nigeya masula namo 'enega, ta esi Yaubada 'ina onao maibo'adi 'ediyega.’”

'Enega Yesu 'i'enapa'alina, 'igwae, “Seitani, 'upilisinegu! Buki Tabu solanaya loina 'imiyami 'aene, ‘'Imu 'Inapwana Yaubada namo 'ena 'uda bwagobwago be taunamo 'ina ona 'uda ematamatanedi.’”

Ga Yesu wate 'igwae, “'Ebweu wate ona Buki Tabu 'ena 'imiyami, 'igwae, ‘Geya'abo 'imu 'Inapwana Yaubada 'utootoo.’”

Gete 'enega Yaubada Yaluyaluwana Yesu 'i'au'ewena ga 'itauyena sena mitawa daitaya be 'enega 'ana toona Seitani 'enega 'ida loba. Ga 'asiyata poti solanaya nigeya 'i'e'ai, ga 'enega 'ibotana sinabwana.

'Enega 'ibwauyedi, ga 'igwae, “Wamuliyegu be tomota wada 'onadi.” Gote 'ena 'idi gomana sipilisinena ga Yesu simuliyena.

Tuta gote 'enega Yesu 'ina guguya 'ie'ale ga 'igwae, “'Imi guinuwa to'umalidi 'ediyega wada nuwa'ebuni, manuna 'iabe be Yaubada 'ietoloina 'edaya.”