San Mateo 9:13

Maimua magjim ĩchab: —Wajapha khĩirjunaa Ẽwandam iek phã sim gaaim mua jawaagpam khap abat. Chi phã sim iek gaai Ẽwandamau mag sim: “Muan pãragan sĩi nemchaainta khechnaa mʉrʉg jeeu nʉʉ aju khãai, pãach khapeenta ʉ̃rcha dau aug khaug paraa apim khõsi chirʉm” a simgui ajim Jesuu. Maguata muajã am pekau pom nʉmjã igba, am dʉi thach kho chirʉmgui ajim. Mʉ chan bʉ̃ʉrjã pekau chukhu wajapha khitheem aajem khʉʉn jʉraanjã beeba, mʉʉn õor pekau pooma khitheem khʉʉn peerdʉ awaanta beejimgui ajim, khĩirjug iiur aumkhĩir. Maguata mag õor pekau pom nʉmjã igba, am dʉi thach kho chirabahab ajim, amjã Ẽwandam denkha awaag.