Lukka 14
14
Yeesu ghoahaap siida miyaan
1Eaweechcha nea gwanda sabatto gawa gweagiischi aba gheappa siyagi ambaliischi bea Farisayajeega, hean geeng'ulla niny. 2Asi ng'ulla, gwanda madeeda siisi lolloohani saseeda. 3Gobalool Yeesu diinagoodiga ea Farisayajeega, nea gwayeeshsha, “Heappi ghwadoabiiwi gideaba gajeahhaap siida eaweeda Sabatto, ghana manda?” 4Hean geasiinda. Ghoang'ng'waay siidida ak ghoahaap, ak gwasiksa gawa. 5Ak gwayeeshsha saawa, “Gajea ng'eaha aba jeedeang'wa, jea ghoabitta, balleandaannyi ghana heaydaannyi jeeda healadeeda, eaweeda Sabatto jea ea maygabay gwalealu?” 6Ea measha ng'asheanji.
Ng'eeninda ea inynyeanda jeeda
7Iiduw gwaruksa Yeesu buuneeda gidagala fuga siguush, iidaa gidiissa ghwaloatta buuneeda hoorgajeegeaba mwadi, ak gwayeeshsha, 8“Tiguurneey siida wassean nyeangiida, adiipteadawi hoorgeda madeeda, aba gideaba gwadeeppa ea siguush siida siwwal gheang'da mawuurjeeweey; 9ak ghwahidu siida guusheegwa ak gwayi, ‘Assiipta goopteada siisi aba hiji,’ abeeda gajuna apteadawana horgeedeaba bwadaw nea gibwaspwasaadi. 10Asi isiguushnyi, guwi ak giipteadi aba hoorgajeegeaba bwadaw, iihidu siida guurneey gaygwayi, Siida eaduupchcheewi beenni hiji bea mwadiin, abeeda gaynyasa mureeda aba madeeda buuneessean imbuuchcheewi. 11Aba gideaba siisi nyoo goodiing'u geaw gajeahiing'u nea dea hiing'u geaw gajeettiing'u.” 12Ng'atta gwayeeshsha siitta guush ninyiin, “Iidaydi hamitteaba askweari ghana ghweelmeeda, adiguushi fuga iduupcheewi ghana oorjooga geamadu ghana buweadeegaagu ghana giischeawdaang'u was meanang'oodiga, gajiiduw gaguushnyi saawa gawalu guurshtida ghayi ittaang'uun. 13Eaweeda isini ghwelmeeda aba gheang'u abeeda giguursi fuga barbari, ea gea ghanyeatta ea gea badoojiga, ea gea ng'oowi, 14abeeda gaynyasa ng'wanooda, aba gideaba fiisu mandeawana gichchea gawalneey. Ak gaygawalneey Aseetta eaweetta dunnooda fuga doobiiweadi.”
Gissigala ghwelmeeda haw
(Mat 22:1-10)
15Iiy Siagi bea jeeda fuga ammbuuchchi gwayeeshsha, “Ghang'wana siida jea ghwaak mukkatte aba jeeda sugoochcheandumeeda Aseetta!” 16Ghwasha ak gwayeeshsha niny, “Siyagi ghayi gwasin ghweelmeeda haw, ak gaguush fuga saang'a; 17hitta damanda ghweelmeeda goojeakta soomjeanda gaguush rabastannyi nea gwayeeshsha, ‘Abeenni aba gideaba haleanjeessean nihit.’ 18Hean ghabwar badooji sean. Ak gwayeeshsha dea madeeda siitta, ‘Nashaayi madamnyeanda ak gaydawa dadaa, geamuscheey samsean.’ 19Gwayi niirja, ‘Nashaayi heew damanamughuush bea barooda, ghamneawa geawi danaal, geamuscheey samsean.’ 20Gwayi nirja, ‘Nagheannyi gatmooda ak ea maydaammu dahidu.’ 21Iiduw gawa soomjeanda ghoadaw siidaannyi haw itteaba ng'asheesu seanin. Ak ghwanyareas siida bea gheeda ak gwayeeshsha soomjeandaannyi, ‘Lamwaja una jeeda naweadinga hees ea gea manang'i bea mujinin, ak giyeadu fuga barbari ea gea ghanyeatta ea gea badoojiga ea gea ng'oowwi.’ 22Ak gwayeeshsha soomjeanda, ‘Siida mureeda, gida ijeakteawanean nahiichchi ak gheeda ea miighwannyiit.’ 23Hean gwayeeshsha Siitta hawiin soomjeanda, ‘Ritta jarooda una guyeeda naweadinga ea moonghajeega ak gidiing'si buuneeda ghapka gah ghwannyiit gheanyu. 24Aba gideaba geayeeshshineegwa, manda eara siyagi aba jeedeaba fukka sigushiin dea jea gwasamu ghwelmedeanyu.’”
Gidamiisa sinooda ijeahuuwa ginealaneeda
(Mat 10:37-38)
25Hean gaweay emeeda nea goodeay niny; ak Ghwayam geaw ak gwayeeshsha, 26“Siida iihidu heedeanyu nea mwasta ghwaan ea ghaamwaat ea gatmoadaannyi ea diibigaaschi ea oorjooga ghamwaat ea haweega ghaamwat, nea amwasta eaweagaaschi mwoammu ghoaw ginealaneedeanyu. 27Siida mwaada behiidaannyi ak gweadu geeshteanyu, mwoammu ghoaw ginealaneedeanyu. 28Heappi gajea ng'eaha aba agooga gasa ghwadeas gheeda haw sikkeawiit, ak ea meapteada gwayiida nea goodeen haleanjeeda jea ghwadeakta ghwadaa ea jea gwadeay? 29Aba gideaba gajiiduw gwasin sindeetta, ak ghwaraay ghoahiit, ak abeeda gwajuuga fukka sean dahiin, 30nea geeyi, ‘Siisi ghoang'eat ghuutta deekshooda ak ghwaraay ghoahiit.’ 31Ghana gajea ana sugoochchean gil jea iigasa gawa gang'uchchi sea niirja, jea ea mayghanyi goopteada, ak gootteemshi ghwadaa ea ghoammu ninyi sea fii sagalamnyooji damanamughuush, ea jea ghoammu gang'uchchi sea niirja mideawa fii sagalamnyooji diktam? 32Ak idaa gideaba mwoammu gabay gojeakta buuneeda gabay gagasa hoyyoo nea gudeasheagi. 33Asi gwasnu eara aba agooga, siida manung'usiina heeda haleanjeedaannyi sean mideawa mwoammu ghoaw ginealaneedeanyu.
Balang'da masamna gil
(Mat 5:13; Mark 9:50)
34“Balang'da aamiy, ak balang'da iinuhutta samneeda, ea manda gichchea ekkuuyi gabiiksa mattawanda? 35Biissa ea mudugwarachchi gil earaba ng'eanyiida ghana raghwatta, inyeessa gageanu buuneeda ak gohiisa jarooda. Siida mideawa iidiga ea dayiing'shi.”
Actualmente seleccionado:
Lukka 14: DTGANT09
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Datooga New Testament © Bible Society of Tanzania, 2009.
Lukka 14
14
Yeesu ghoahaap siida miyaan
1Eaweechcha nea gwanda sabatto gawa gweagiischi aba gheappa siyagi ambaliischi bea Farisayajeega, hean geeng'ulla niny. 2Asi ng'ulla, gwanda madeeda siisi lolloohani saseeda. 3Gobalool Yeesu diinagoodiga ea Farisayajeega, nea gwayeeshsha, “Heappi ghwadoabiiwi gideaba gajeahhaap siida eaweeda Sabatto, ghana manda?” 4Hean geasiinda. Ghoang'ng'waay siidida ak ghoahaap, ak gwasiksa gawa. 5Ak gwayeeshsha saawa, “Gajea ng'eaha aba jeedeang'wa, jea ghoabitta, balleandaannyi ghana heaydaannyi jeeda healadeeda, eaweeda Sabatto jea ea maygabay gwalealu?” 6Ea measha ng'asheanji.
Ng'eeninda ea inynyeanda jeeda
7Iiduw gwaruksa Yeesu buuneeda gidagala fuga siguush, iidaa gidiissa ghwaloatta buuneeda hoorgajeegeaba mwadi, ak gwayeeshsha, 8“Tiguurneey siida wassean nyeangiida, adiipteadawi hoorgeda madeeda, aba gideaba gwadeeppa ea siguush siida siwwal gheang'da mawuurjeeweey; 9ak ghwahidu siida guusheegwa ak gwayi, ‘Assiipta goopteada siisi aba hiji,’ abeeda gajuna apteadawana horgeedeaba bwadaw nea gibwaspwasaadi. 10Asi isiguushnyi, guwi ak giipteadi aba hoorgajeegeaba bwadaw, iihidu siida guurneey gaygwayi, Siida eaduupchcheewi beenni hiji bea mwadiin, abeeda gaynyasa mureeda aba madeeda buuneessean imbuuchcheewi. 11Aba gideaba siisi nyoo goodiing'u geaw gajeahiing'u nea dea hiing'u geaw gajeettiing'u.” 12Ng'atta gwayeeshsha siitta guush ninyiin, “Iidaydi hamitteaba askweari ghana ghweelmeeda, adiguushi fuga iduupcheewi ghana oorjooga geamadu ghana buweadeegaagu ghana giischeawdaang'u was meanang'oodiga, gajiiduw gaguushnyi saawa gawalu guurshtida ghayi ittaang'uun. 13Eaweeda isini ghwelmeeda aba gheang'u abeeda giguursi fuga barbari, ea gea ghanyeatta ea gea badoojiga, ea gea ng'oowi, 14abeeda gaynyasa ng'wanooda, aba gideaba fiisu mandeawana gichchea gawalneey. Ak gaygawalneey Aseetta eaweetta dunnooda fuga doobiiweadi.”
Gissigala ghwelmeeda haw
(Mat 22:1-10)
15Iiy Siagi bea jeeda fuga ammbuuchchi gwayeeshsha, “Ghang'wana siida jea ghwaak mukkatte aba jeeda sugoochcheandumeeda Aseetta!” 16Ghwasha ak gwayeeshsha niny, “Siyagi ghayi gwasin ghweelmeeda haw, ak gaguush fuga saang'a; 17hitta damanda ghweelmeeda goojeakta soomjeanda gaguush rabastannyi nea gwayeeshsha, ‘Abeenni aba gideaba haleanjeessean nihit.’ 18Hean ghabwar badooji sean. Ak gwayeeshsha dea madeeda siitta, ‘Nashaayi madamnyeanda ak gaydawa dadaa, geamuscheey samsean.’ 19Gwayi niirja, ‘Nashaayi heew damanamughuush bea barooda, ghamneawa geawi danaal, geamuscheey samsean.’ 20Gwayi nirja, ‘Nagheannyi gatmooda ak ea maydaammu dahidu.’ 21Iiduw gawa soomjeanda ghoadaw siidaannyi haw itteaba ng'asheesu seanin. Ak ghwanyareas siida bea gheeda ak gwayeeshsha soomjeandaannyi, ‘Lamwaja una jeeda naweadinga hees ea gea manang'i bea mujinin, ak giyeadu fuga barbari ea gea ghanyeatta ea gea badoojiga ea gea ng'oowwi.’ 22Ak gwayeeshsha soomjeanda, ‘Siida mureeda, gida ijeakteawanean nahiichchi ak gheeda ea miighwannyiit.’ 23Hean gwayeeshsha Siitta hawiin soomjeanda, ‘Ritta jarooda una guyeeda naweadinga ea moonghajeega ak gidiing'si buuneeda ghapka gah ghwannyiit gheanyu. 24Aba gideaba geayeeshshineegwa, manda eara siyagi aba jeedeaba fukka sigushiin dea jea gwasamu ghwelmedeanyu.’”
Gidamiisa sinooda ijeahuuwa ginealaneeda
(Mat 10:37-38)
25Hean gaweay emeeda nea goodeay niny; ak Ghwayam geaw ak gwayeeshsha, 26“Siida iihidu heedeanyu nea mwasta ghwaan ea ghaamwaat ea gatmoadaannyi ea diibigaaschi ea oorjooga ghamwaat ea haweega ghaamwat, nea amwasta eaweagaaschi mwoammu ghoaw ginealaneedeanyu. 27Siida mwaada behiidaannyi ak gweadu geeshteanyu, mwoammu ghoaw ginealaneedeanyu. 28Heappi gajea ng'eaha aba agooga gasa ghwadeas gheeda haw sikkeawiit, ak ea meapteada gwayiida nea goodeen haleanjeeda jea ghwadeakta ghwadaa ea jea gwadeay? 29Aba gideaba gajiiduw gwasin sindeetta, ak ghwaraay ghoahiit, ak abeeda gwajuuga fukka sean dahiin, 30nea geeyi, ‘Siisi ghoang'eat ghuutta deekshooda ak ghwaraay ghoahiit.’ 31Ghana gajea ana sugoochchean gil jea iigasa gawa gang'uchchi sea niirja, jea ea mayghanyi goopteada, ak gootteemshi ghwadaa ea ghoammu ninyi sea fii sagalamnyooji damanamughuush, ea jea ghoammu gang'uchchi sea niirja mideawa fii sagalamnyooji diktam? 32Ak idaa gideaba mwoammu gabay gojeakta buuneeda gabay gagasa hoyyoo nea gudeasheagi. 33Asi gwasnu eara aba agooga, siida manung'usiina heeda haleanjeedaannyi sean mideawa mwoammu ghoaw ginealaneedeanyu.
Balang'da masamna gil
(Mat 5:13; Mark 9:50)
34“Balang'da aamiy, ak balang'da iinuhutta samneeda, ea manda gichchea ekkuuyi gabiiksa mattawanda? 35Biissa ea mudugwarachchi gil earaba ng'eanyiida ghana raghwatta, inyeessa gageanu buuneeda ak gohiisa jarooda. Siida mideawa iidiga ea dayiing'shi.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Datooga New Testament © Bible Society of Tanzania, 2009.