Matthieu 20
20
Kɨkɛna bílóbila, byé á to séa ɨ́ pemé bí
1«Mpóʼo mé Dâ Nzyɛ̌m nwɨɨla ó e mʉr bipemé á tô kʉ̌l ɨ́ dwiné mɛ́n kúnó, lɨ́ etó sáa bilóbila nyá. Nye á sáa ó bʉr o tó séa nyé syɛ́ɛ́ ɨ́ pemé óraisin bá. 2Nó ó bé e bilóbila byaá, bé á di twíí ó, byé ónʉa ó, mʉr ngwár nzǎŋ mɔnɨ́ ngwár ɨ́ móhó ntinɨ̂. Nye ntɔ̂ʼ lómo byê, byé tôʼ séa ɨ́ pemé yé. 3Nó yé mû kúnókúno e mewala ebǔ nɛ́ɛ: nye nzě báʼǎ tô kʉ̌l, bee bʉ̂r oswîh lɨ́ etyɛ̂b lɨ́ ebɨ̌m é pátele, asâ sɔ̂ʼ. 4Nye ó: “Bɨ̌n nyɨɛ ntémé, laŋaa gâ. Tó séa gá pemé yâm. Me ójána bɨ́n myɛ́na ngá jala e bɨ̌n má.” 5Bɨ́ɛ ntémé nzě tô. Jɔ̌ʼ témé móhó, yé á pyâl yɨ́, nye nzě báʼǎ tô kʉ̌l, sâ mpʉ nyé á pa sɨ̂sa yɨ́. Ɨ́ mewala melɛ̂l mé bíí kʉ̌ʼ, nye nzě sâ ntémé jwɨʼ gwár e gwár yaá. 6Yé mû kúnókúno e mewala metɛ́n mé bíí kʉ̌ʼ nɛ́ɛ: nye nzě báʼǎ tô kʉ̌l, kœb bʉ́ʉ́ bʉ̂r mitîtyěl ɨ́ jwɨ́h, abe e sá ésâ. Nye nzě lɛ́ɛ e bé ó: “Bɨ̌n bé lɨ́ edi náǎ, asâ sɔ̂ʼ, móhó lɨ́ elaa bɨ́n dwêh ɨ́ yé?” 7Bê nzě yala e né ó: “Ebě, mʉr bé ajébe bɨ́h bɨɛ ó, bɨ̌h tô séa nyé syɛ́ɛ́.” Nye e bé ó: “Bɨ̌n nyɨɛ ntémé, laŋaa gâ. Tó séa gá ɨ́ pemé yâm.”
8«Nó ɨ́ jɔ̌ʼ pum, wé á dwíne yɨ́, mʉr pemé ntɔ̂ʼ jébe mʉ̂r á bɨbaʼle nye bisɔ̂ʼ nyá. Nye e né ó: “Jébáá bílóbila. Go jánaa e byé tâŋ nyɔ́ɔ́. Go ónyɛɛ́ jána ó, mʉr nzé épíhe nyá. Gó okǎ tó swâhle e waâ nzé ésôʼ nyá.” 9Baá bé á nʉŋɔɔ ɨ́ mewala metɛ̂n bá, bê nzě pyâl ésôʼ. Bé á jána e bé ó, mʉr ngwár, nzǎŋ mɔnɨ́ ngwár. 10Nó ɨ́ jɔʼ bʉ̂r o b'á nyɛɛ nʉŋɔɔ bá, bé á ka nze yɨ́, bé á bûʼla ó, bé ókɛlɔɔ gúú nzaŋ swîh kʉ́ wɨ́haá. Sâ gwár, bé ntémé, bé á jaa bibi ó, njɨ mʉr, nzǎŋ mɔnɨ́ ngwár e ngwár. 11Jɔʼ bé á sil enʉa, mʉr wé nzaŋ yɨ́, bê nzě lwib ɨ́ bébe bébe dumo e mʉr pemé. 12Bé e né ó: “Baá bé épíhé bâ, bê jaa nze séá ó njɨ ewala egwár. Go bánǎ kʉ́ jána bɨ́h bɨ́bɛ̂h njɨ jwɨʼ gwár e gwár. Bɨ̌h bɨɛ sí sia e mitúú mí syɛ́ɛ́ móhó ntinɨ̂ le ejaʼra e dwéhé yaá yɨ́yɛ̂h!” 13Nye nzě yala e mʉr ngwár ɨ́ sɔ́má bʉ̂r baá ó: “Wɛɛ, ntʉ ébébe mê sá gó. Mɨná e go bê komlo ó, me ójána gó nzǎŋ mɔnɨ́ ngwár ɨ́ móhó. Yê bé abe nó? 14Nʉaa myɛ́na mô, go e swîʼ. Mě kpɛl éjána e mʉr epíhé nyâʼ ó, bím mê jáná e go ntémé yɨ́. 15Nzê yé ambɨa ó, me sâʼ e bisá byâm ɨ́ mpʉ mé kpɛ̂l yɨ́ ɛ́? Go lɨ́ ebene mé ɨ́ lɔ̌b mpâm nyǎm ɨ́ yé?” 16Mbi waá ó ngá sáŋɔɔ bʉr o dí mepíhe bá. Bé ótyɛ̂b mésôʼ. Nó baá o dí mesôʼ bá, bé ótyɛ̂b mépíhe.»
Yésʉs lɨ́ elɛ́ɛ̌ lɔ́ɔ́ éswie lé ɨ́ jɔʼ lɛ̂l
17Nó bé á be ó lɨ́ ebére, tô Yerʉ́zalɛm. Yésʉs nzě tô le ompʉ́n bé kám le obá lɨ́ empah. Nye e bé téme-nzɨ̌ ó: 18«Paá bee gâ: mɨná mû ó lɨ́ ebére gá Yerʉ́zalɛm. Mwân mé Mʉr óbɛ́mɔɔ kwá ojwɨ́ɨ o mpáh Nzyɛ̌m, bé le olɛ̂ʼla o métié. Bé ótíʼě lɔ̌b wé ó, nye dwêʼ. 19Bé óntɛŋ nyé ɨ́ mebó mé bʉ̂r o bíkûl lɨ́ esú ó, bé pyâʼ nye, le eŋmɛ̂h nyé mingáhá le ebomlo nyé ɨ́ kolôs kʉ́. Nó ɨ́ móhó lɛ̂l, nye ópah.»
Tíá nyɔ̌ŋ bwán mé Zebedê
20Nó ó nyɔ́ŋ bwán mé Zebedê á nze tô nkǒ Yésʉs á be yɨ́, e bwán bé, nzě tó bɨʼ mébóó sí le etó dî nyé sɔ̂ʼ. 21Yésʉs, nye e né ó: «Gǒ kpɛl yé?» Mʉmá, nye e Yésʉs ó: «Dwéʼ nkûl ó, ɨ́ jɔʼ gó óbe, go mû ɨ́ diá jwɨ́ɨ́ yô yɨ́, bwán bâm obá bâ, bé díʼee bǎʼ e go: nyâ, ɨ́ mbó éjʉ̂m; nyʉ́ʉ́, ɨ́ mbó émyɛ̌l.» 22Yésʉs nzě lɛ́ɛ e bé ó: «Bɨ̌n bé agʉ́ǎ sá bɨ́n dí yɨ́. Nzê bɨ̌n bé e nkul enkɛ́ɛ mítúú mé mû kúno enkɛ́ɛ mí ɛ́?»
Bé e né ó: «Bɨ̌h bé e nkul enkɛ́ɛ.» 23Yésʉs, nye e bé ó: «Yé ó nó: mɨná bé ókʉ́ nkɛ́ɛ gá mitúú jwɨʼ gwár. Sâ gwár, ɨ́ páʼ édi ɨ́ mbó éjʉ́m wâm, nkʉ̂ ɨ́ mbó émyɛ̌l wâm, ntʉ mɛ̂m tíʼé wɨ́haá lɔ̌b. Bidiá byaá, byé bónó ó, baá Sɔ́ŋ wǎm á boo komlo byé lɨ́ esú lɔ́ɔ́ bá.»
24Nó ɨ́ jɔʼ bʉ́ʉ́ ómpʉ́n kám, bé á jóʼo lɔ̌b waá yɨ́, bê nzě jóʼo bɨ́ɔɔ́ obá baá ebébe, nzě dweŋɔɔ bé mebě. 25Yésʉs nzě jébe bɨ́bɛ̂h. Nye ó: «Bɨ̌n bɨ́ gʉ́a ó, ojwɨ́ɨ, bé jwɨ́ɨ́ ó e cére ɨ́? Bʉr onɨ́nɨ́ɨ́, bé kpɛl ó, bé lɛ̂ʼlaa bʉr mpél yɔ́ɔ́. 26Sâ gwár, ɨ́ páʼ nyɨ́n, mbǐ syɛ́ɛla waá, wé ajala le esyɛ́ɛlɨ. Mʉ̂r ngwár ɨ́ sɔ́má yɨ́n sí kpɛl édi njwɨ́ɨ nó, nye díʼee syɛ̂l mesâ wɨ́n. 27Ntémé, mʉ̂r ngwár ɨ́ sɔ́má yɨ́n ókpɛl édi ésôʼ nó, nye díʼee túʼǎ yɨ́n. 28Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»
Yésʉs lɨ́ etiʼ báántím óbá
29Nó jɔʼ ómpʉ́n bé e boo Yésʉs, bé á duhǒ Yerikô yɨ́, bé e bʉr, entúúnó-é-nkáá. 30Tó kœb ó, baántím óbá, bé á be ó mindîndǐl ɨ́ nkpâh nkpǎʼ. Jɔʼ bé á jóʼo ó, Yésʉs ó nɨ̌ yɨ́, bê nzě bʉ̂ bítím: «Mwâ mé David ɔ́, jɨ́ʼɨ́ɨ́ bɨ́h nkoó ɔ̌!» 31Entumo e bʉ̂r nzě nkáŋla e bê. Bé ó, bé díblaa minum. Bɨ́ɛ kʉ́ kǎ bʉ́lwǎ bʉ́lwáa. Bé ó: «Dâ ɔ́, Mwâ mé David ɔ́, jɨ́ʼɨ́ɨ́ bɨ́h ekpaa nkóó ɔ̌!» 32Yésʉs nzě tyɛ̂b, ntɔ̂ʼ jébe bê. Nye e bé ó: «Bɨ̌n gwɨ́m ó, me sâʼ bɨ̌n yé?» 33Bé e né ó: «Dâ ɛ̌, pʉgʉ́ sâ ó, míh mɨ́h, mé béyɨɨ ʉ!» 34Yésʉs ntɔ̂ʼ kúna bé mîh ɨ́ lémé nkóó wé. Tyé e tyé yaá, bé ntɔ̂ʼ táare ébee, bê nzě nî ɨ́ sɔ́má mé Yésʉs.
Actualmente seleccionado:
Matthieu 20: ozm
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Matthieu 20
20
Kɨkɛna bílóbila, byé á to séa ɨ́ pemé bí
1«Mpóʼo mé Dâ Nzyɛ̌m nwɨɨla ó e mʉr bipemé á tô kʉ̌l ɨ́ dwiné mɛ́n kúnó, lɨ́ etó sáa bilóbila nyá. Nye á sáa ó bʉr o tó séa nyé syɛ́ɛ́ ɨ́ pemé óraisin bá. 2Nó ó bé e bilóbila byaá, bé á di twíí ó, byé ónʉa ó, mʉr ngwár nzǎŋ mɔnɨ́ ngwár ɨ́ móhó ntinɨ̂. Nye ntɔ̂ʼ lómo byê, byé tôʼ séa ɨ́ pemé yé. 3Nó yé mû kúnókúno e mewala ebǔ nɛ́ɛ: nye nzě báʼǎ tô kʉ̌l, bee bʉ̂r oswîh lɨ́ etyɛ̂b lɨ́ ebɨ̌m é pátele, asâ sɔ̂ʼ. 4Nye ó: “Bɨ̌n nyɨɛ ntémé, laŋaa gâ. Tó séa gá pemé yâm. Me ójána bɨ́n myɛ́na ngá jala e bɨ̌n má.” 5Bɨ́ɛ ntémé nzě tô. Jɔ̌ʼ témé móhó, yé á pyâl yɨ́, nye nzě báʼǎ tô kʉ̌l, sâ mpʉ nyé á pa sɨ̂sa yɨ́. Ɨ́ mewala melɛ̂l mé bíí kʉ̌ʼ, nye nzě sâ ntémé jwɨʼ gwár e gwár yaá. 6Yé mû kúnókúno e mewala metɛ́n mé bíí kʉ̌ʼ nɛ́ɛ: nye nzě báʼǎ tô kʉ̌l, kœb bʉ́ʉ́ bʉ̂r mitîtyěl ɨ́ jwɨ́h, abe e sá ésâ. Nye nzě lɛ́ɛ e bé ó: “Bɨ̌n bé lɨ́ edi náǎ, asâ sɔ̂ʼ, móhó lɨ́ elaa bɨ́n dwêh ɨ́ yé?” 7Bê nzě yala e né ó: “Ebě, mʉr bé ajébe bɨ́h bɨɛ ó, bɨ̌h tô séa nyé syɛ́ɛ́.” Nye e bé ó: “Bɨ̌n nyɨɛ ntémé, laŋaa gâ. Tó séa gá ɨ́ pemé yâm.”
8«Nó ɨ́ jɔ̌ʼ pum, wé á dwíne yɨ́, mʉr pemé ntɔ̂ʼ jébe mʉ̂r á bɨbaʼle nye bisɔ̂ʼ nyá. Nye e né ó: “Jébáá bílóbila. Go jánaa e byé tâŋ nyɔ́ɔ́. Go ónyɛɛ́ jána ó, mʉr nzé épíhe nyá. Gó okǎ tó swâhle e waâ nzé ésôʼ nyá.” 9Baá bé á nʉŋɔɔ ɨ́ mewala metɛ̂n bá, bê nzě pyâl ésôʼ. Bé á jána e bé ó, mʉr ngwár, nzǎŋ mɔnɨ́ ngwár. 10Nó ɨ́ jɔʼ bʉ̂r o b'á nyɛɛ nʉŋɔɔ bá, bé á ka nze yɨ́, bé á bûʼla ó, bé ókɛlɔɔ gúú nzaŋ swîh kʉ́ wɨ́haá. Sâ gwár, bé ntémé, bé á jaa bibi ó, njɨ mʉr, nzǎŋ mɔnɨ́ ngwár e ngwár. 11Jɔʼ bé á sil enʉa, mʉr wé nzaŋ yɨ́, bê nzě lwib ɨ́ bébe bébe dumo e mʉr pemé. 12Bé e né ó: “Baá bé épíhé bâ, bê jaa nze séá ó njɨ ewala egwár. Go bánǎ kʉ́ jána bɨ́h bɨ́bɛ̂h njɨ jwɨʼ gwár e gwár. Bɨ̌h bɨɛ sí sia e mitúú mí syɛ́ɛ́ móhó ntinɨ̂ le ejaʼra e dwéhé yaá yɨ́yɛ̂h!” 13Nye nzě yala e mʉr ngwár ɨ́ sɔ́má bʉ̂r baá ó: “Wɛɛ, ntʉ ébébe mê sá gó. Mɨná e go bê komlo ó, me ójána gó nzǎŋ mɔnɨ́ ngwár ɨ́ móhó. Yê bé abe nó? 14Nʉaa myɛ́na mô, go e swîʼ. Mě kpɛl éjána e mʉr epíhé nyâʼ ó, bím mê jáná e go ntémé yɨ́. 15Nzê yé ambɨa ó, me sâʼ e bisá byâm ɨ́ mpʉ mé kpɛ̂l yɨ́ ɛ́? Go lɨ́ ebene mé ɨ́ lɔ̌b mpâm nyǎm ɨ́ yé?” 16Mbi waá ó ngá sáŋɔɔ bʉr o dí mepíhe bá. Bé ótyɛ̂b mésôʼ. Nó baá o dí mesôʼ bá, bé ótyɛ̂b mépíhe.»
Yésʉs lɨ́ elɛ́ɛ̌ lɔ́ɔ́ éswie lé ɨ́ jɔʼ lɛ̂l
17Nó bé á be ó lɨ́ ebére, tô Yerʉ́zalɛm. Yésʉs nzě tô le ompʉ́n bé kám le obá lɨ́ empah. Nye e bé téme-nzɨ̌ ó: 18«Paá bee gâ: mɨná mû ó lɨ́ ebére gá Yerʉ́zalɛm. Mwân mé Mʉr óbɛ́mɔɔ kwá ojwɨ́ɨ o mpáh Nzyɛ̌m, bé le olɛ̂ʼla o métié. Bé ótíʼě lɔ̌b wé ó, nye dwêʼ. 19Bé óntɛŋ nyé ɨ́ mebó mé bʉ̂r o bíkûl lɨ́ esú ó, bé pyâʼ nye, le eŋmɛ̂h nyé mingáhá le ebomlo nyé ɨ́ kolôs kʉ́. Nó ɨ́ móhó lɛ̂l, nye ópah.»
Tíá nyɔ̌ŋ bwán mé Zebedê
20Nó ó nyɔ́ŋ bwán mé Zebedê á nze tô nkǒ Yésʉs á be yɨ́, e bwán bé, nzě tó bɨʼ mébóó sí le etó dî nyé sɔ̂ʼ. 21Yésʉs, nye e né ó: «Gǒ kpɛl yé?» Mʉmá, nye e Yésʉs ó: «Dwéʼ nkûl ó, ɨ́ jɔʼ gó óbe, go mû ɨ́ diá jwɨ́ɨ́ yô yɨ́, bwán bâm obá bâ, bé díʼee bǎʼ e go: nyâ, ɨ́ mbó éjʉ̂m; nyʉ́ʉ́, ɨ́ mbó émyɛ̌l.» 22Yésʉs nzě lɛ́ɛ e bé ó: «Bɨ̌n bé agʉ́ǎ sá bɨ́n dí yɨ́. Nzê bɨ̌n bé e nkul enkɛ́ɛ mítúú mé mû kúno enkɛ́ɛ mí ɛ́?»
Bé e né ó: «Bɨ̌h bé e nkul enkɛ́ɛ.» 23Yésʉs, nye e bé ó: «Yé ó nó: mɨná bé ókʉ́ nkɛ́ɛ gá mitúú jwɨʼ gwár. Sâ gwár, ɨ́ páʼ édi ɨ́ mbó éjʉ́m wâm, nkʉ̂ ɨ́ mbó émyɛ̌l wâm, ntʉ mɛ̂m tíʼé wɨ́haá lɔ̌b. Bidiá byaá, byé bónó ó, baá Sɔ́ŋ wǎm á boo komlo byé lɨ́ esú lɔ́ɔ́ bá.»
24Nó ɨ́ jɔʼ bʉ́ʉ́ ómpʉ́n kám, bé á jóʼo lɔ̌b waá yɨ́, bê nzě jóʼo bɨ́ɔɔ́ obá baá ebébe, nzě dweŋɔɔ bé mebě. 25Yésʉs nzě jébe bɨ́bɛ̂h. Nye ó: «Bɨ̌n bɨ́ gʉ́a ó, ojwɨ́ɨ, bé jwɨ́ɨ́ ó e cére ɨ́? Bʉr onɨ́nɨ́ɨ́, bé kpɛl ó, bé lɛ̂ʼlaa bʉr mpél yɔ́ɔ́. 26Sâ gwár, ɨ́ páʼ nyɨ́n, mbǐ syɛ́ɛla waá, wé ajala le esyɛ́ɛlɨ. Mʉ̂r ngwár ɨ́ sɔ́má yɨ́n sí kpɛl édi njwɨ́ɨ nó, nye díʼee syɛ̂l mesâ wɨ́n. 27Ntémé, mʉ̂r ngwár ɨ́ sɔ́má yɨ́n ókpɛl édi ésôʼ nó, nye díʼee túʼǎ yɨ́n. 28Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»
Yésʉs lɨ́ etiʼ báántím óbá
29Nó jɔʼ ómpʉ́n bé e boo Yésʉs, bé á duhǒ Yerikô yɨ́, bé e bʉr, entúúnó-é-nkáá. 30Tó kœb ó, baántím óbá, bé á be ó mindîndǐl ɨ́ nkpâh nkpǎʼ. Jɔʼ bé á jóʼo ó, Yésʉs ó nɨ̌ yɨ́, bê nzě bʉ̂ bítím: «Mwâ mé David ɔ́, jɨ́ʼɨ́ɨ́ bɨ́h nkoó ɔ̌!» 31Entumo e bʉ̂r nzě nkáŋla e bê. Bé ó, bé díblaa minum. Bɨ́ɛ kʉ́ kǎ bʉ́lwǎ bʉ́lwáa. Bé ó: «Dâ ɔ́, Mwâ mé David ɔ́, jɨ́ʼɨ́ɨ́ bɨ́h ekpaa nkóó ɔ̌!» 32Yésʉs nzě tyɛ̂b, ntɔ̂ʼ jébe bê. Nye e bé ó: «Bɨ̌n gwɨ́m ó, me sâʼ bɨ̌n yé?» 33Bé e né ó: «Dâ ɛ̌, pʉgʉ́ sâ ó, míh mɨ́h, mé béyɨɨ ʉ!» 34Yésʉs ntɔ̂ʼ kúna bé mîh ɨ́ lémé nkóó wé. Tyé e tyé yaá, bé ntɔ̂ʼ táare ébee, bê nzě nî ɨ́ sɔ́má mé Yésʉs.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión