Lʉkas 12
12
Levure oFarizyɛŋ lé edi e ye e
1Lɛŋ ba jɔʼ, ntuntuma bʉr, yé ntɔʼ bâʼle fwal. Bé a be ó otɔɔyin otɔɔyin, baʼ bʉr dɨ tibe bʉʉ mokʉ. Yesʉs, nye le ompʉn be ó: «Diʼe ga ncye e l'oFarizyɛŋ é lɔb levure bé ndɨ e ye e. Yé ó bɨkʉʉŋʉ! 2Sa yiyɛh ndɨ é l'efo e, yé ógwiha. Sa yiyɛh ndɨ fela ɛ, yé ókʉ gʉŋɔ. 3Ebe no, sa bɨn bé ólɛɛla é l'edurʉ ɨ, yé ópyal kʉl é kpɛŋlɛm. Sa bɨn bé ónyimla é l'egwal e nuu mʉr é tiʼe e, bʉr, bé ócyɛb é mie kʉ lé etuno ye.»
Ajoʼo ga bʉa e bʉr
(Mataos 10.26)
4«Ofo bam, me elɛɛ bɨn ó nɛɛ: ajoʼo ga bʉa e bʉr. Bé dam jʉ bɨn é nko paʼ bɨpuno. Bɛɛ bé abe e nkul esa bɨn yʉʉ sa fih. 5Me elɛɛ bɨn waa bɨn lé ejala le ejoʼo bʉa e nye e: yé ó waa ndɨ e nkul enʉa bɨn, jʉ, ze guho é Bɨ-siʼe e. Me elɛɛ bɨn ó nɛɛ: joʼa ga bʉa e nye. 6Bé ebɛma baatɔlɔ otɛn ó, bɨpara bɨba. Dam be no, yé abe e l'atɔlɔ ngwar ndɨ ejɨhɔ é paʼ mo Zyɛm. 7Nteme, Zyɛm, nye egʉa tolɔɔ mɨkoho mɨ mpuo ndɨ bɨn é mɨlʉ ɨ. Ajoʼo ga bʉa. Bɨn bé é bul buo dime, laa buobuo baatɔlɔ.
8«Ebe no, me elɛɛ bɨn ó nɛɛ: ǃɨ mʉr si kuro bɨr, gban me é mih mo bʉr nɛʼɛ, mɛm nteme Mwan mo Mʉr, me ógban nye é mih beengles mo Zyɛm. 9Sa gwar, ǃɨ mʉr si lɛɛ é pyɛldweh ó, nye abe mpʉn wam nɛʼɛ, mɛm nteme Mwan mo Mʉr, me ólɛɛ nteme ó, nye a baabe mpʉn wam é mih beengles mo Zyɛm. 10Mʉr nyiwɛh lé epyeh Mwan mo Mʉr ɨ, baa ebebe laa, yé óbɛm pɛʼɔ. Sa gwar, mʉr ópyeh Mbɨambɨa Sisim ɨ, baa ebebe yaa, yé ákwoʼ pɛʼɔ. 11É jɔʼ bé ódaʼre bɨn é mompah mɨnjwɨʼla mɔɔ, nkʉ é mih mo bʉr o ndɨ e nkul mojwɨ̀ʼa ɛ, to pur bɨn ɨ, mʉr asyɛl ga ba e nye mʉr tɨ, tiibe e nkar bɨn bé ófuo monyʉl mɨn e tɨʼ ɨ. Mʉr ayeʼbe mpɨha bɨn bé óbɨha be e, 12ebe, Mbɨambɨa Sisim ólɛʼle bɨn sa bɨn bé ójala le elɛɛ be é jɔʼ gwar yaa ɛ.»
Kɨkɛna gʉ mʉr
13Nuu mʉr é ntuntuma bʉr yaa ze lɛɛ e Yesʉs ó: «Yeʼle, lɛŋɨ e twɨlam ó, nye kaba bɨh bɨliʼ mo sɔŋ wih!» 14Yesʉs, nye e nye ó: «Wɛɛ! Zé a cyel me lɔ̀b é mɨlɔb min? Zé a pa kʉ lɛɛ ó, me kaba bɨliʼ mo sɔŋ win?» 15Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»
16Yesʉs ntɔʼ sa be kɨkɛna ó: «Yé a ze be ó, nuu mʉr e bɨsa twiha ndwe e bɨpeme, bɨpeme bye ze bul gumo. 17Nye ze dî é leme we ó: “Me saʼ nyá ɛ? Me aka be e gumo me kaala mode mam!” 18Nye ó: “Me paʼ sa mpʉ: me ófuo gbɛɛ monkuna mam, me òka lʉo monkuna mofih, maa ndɨ é bul bwaʼ mɨmo e! Me òkoho mode mam ndwe e mobi mam é monkuna maa! 19Me òlɛɛ e leme wam ó: Leme wam, go e mobi twiha. Mé ókʉ jala e go tɔɔ mɨmbu é buobuo. Gbala é jɔʼ yi. Deʼ mode. Nyʉlɨ monwoʼ. Dɨʼe soho.” 20Zyɛm, nye e mʉr waa ó: “Go sa gʉ yi! Muh é pum wi, me ópɛʼ sisim go. Ozé, bé óka liʼ lé ede bɨsa gɨ sil koho biʼ ɛ?”» 21Yesʉs, nye e be ó: «Mʉr ndɨ ekoho mobi me é l'efu le nye mʉr tɨ, nyɛɛ yɛɛ anteʼenteʼe é mih mo Zyɛm ɨ, mʉr waa, nye ó ndɨ enwɨɨla e mʉr nwa.»
Asyɛl ga ba e bɨn bʉr o tɨ, tiibe e nyɔmlʉ nkʉ mompor
(Mataos 6.25)
22Yesʉs, nye e l'ompʉn be ó: «Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ. Asyɛl ga ba nteme e monyʉl mɨn, tiibe e mompor. 23Zê bɨn bé agʉa ó, mʉr, nye abe njɨ ede ɛ? Le nteme ó, kubo nyʉl, wé e nyɔm, laa mompor. 24Beŋɨ ga bɨkpaŋ bi. Byé abe e bɨpeme e montibe. Byé ato é mɨngol yʉʉ gumo. Byé abe e mode mɨkɛɛla é bɨtiʼe nkʉ é monkuna. Zyɛm pa taare dwe bye mode é jɔʼ yiyɛh, a dwɛʼra e bɨn bɛɛ, ndɨ é bul buo dime, laa bɨnɔn ɨ. 25Zé é sama yin ndɨ e nkul eko elu egwar é jɔʼ ye ebe ba nye lé esyɛl é leme e? 26Ebe no, nkʉ bɨn bé ekar esa sa ndɨ é bul twaʼbe e, ebe yé bɨn lé ebul yeʼbe byaa byʉʉ bibyɛh ɛ? 27Paʼ dwɛʼ ga mpʉ ofulawa lé eto le ebuʼba le esam ɨ. Ofulawa baa, bé abe lé esea syɛɛ, nkʉ tie mɨkan. Me elɛɛ bɨn ó: dam be Salomɔŋ é jɔʼ nye a be e l'okum e l'ogbaa we e, nye a baabœrɔ mompor é mbɨa mbɨa mpʉ Zyɛm lé ebœr ofulawa baʼ ɛ. 28Bɨka, byé etiʼe muh. Byé nteme sa yé óguhɔ omɛn é duro e. Zyɛm pa taare bœr bye mompor, a dwɛʼra e bɨn! Yé, yé ósa ó, nye l'ayi bœr bɨn, laa naa ɛ? A twaʼbe buʼo yin ɛ! 29Adɨ du ga njɨ mode e monwoʼ bɨn bé óde le enyʉl ɨ. Asyɛl ga ba e bɨn bʉr o tɨ, tiibe e mode. 30Bʉr o bɨkul bɨfih bibyɛh, bé ekʉ ka du ó njɨ bɨsɨa byaa. To kœb ó, Sɔŋ win, nye ebɛa gʉa ó, bɨn nteme bé ejɨ bye. 31Fuo saa ga yɛɛ eni é jwɨ̀ʼa ye. Byaa byʉʉ bɨn lé ejɨ bɨnɨ, Zyɛm óloŋlo bɨn bya.»
Mpaŋ okum e l'ogbaa
(Mataos 6.19)
32«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye. 33Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye. 34Maʼa ga okum e l'ogbaa win gʉ, ebe, gumo okum win ndɨ ɨ, tɨʼ nteme ó mɨleme min, myé óbe e!»
Zé óbe lé ebono nye é l'esie e mbi jɔʼ yi?
(Mataos 24.36; Markus 13.32; Lʉkas 17.26)
35«Pila ga monkwan. Bɨn bé à baʼle molama mɨn mɨtwima. 36No ó bɨn bɛɛ, diʼe ga mpʉ osyɛl o mosa ndɨ é mpono tî wɔɔ ɛ. Mpʉ bé lé egʉa ó, nyi to bœm mʉma ɛ, bé mu ó njɨ lé ebono mpula we, lé ekpɛl ó, ǃnye si kwaʼle ebe nɛʼɛ, bé òkpahbe dib nye la. 37Mocyɛʼ mo mpom, mé e l'osyɛl o mosa sɔŋ wɔɔ ókœb ó, bé be ó si di nkehe e. Me elɛɛ bɨn cyecye ó nɛɛ: nye óbwar mɨkan mye mpʉ syɛl mosa#12.37 É lwib grɛk, yé elɛɛ wâʼ ó, nye óbɨn dur ye, lé ebir mokʉ me lé enyin bʉr é mih. Nye ótiile kana we lé esa ó, dur ye, yé diʼe nye mbɨna kʉ é l'ebor e mɨndwe., ntɔʼ sa ó, bé diʼe si, ó bé deʼ. Nye òsea e be. 38ǃNye óbe si pyal é moni, nkʉ é dwo mɛn nɛʼɛ, baa nye ókœb é mpono e, bé óbe ó e mocyɛʼ mo mpom, 39ebe, bɨn bé egʉa ó, nkʉ mʉr mbɛr a be ó be, gʉa ewala ndiblʉ, wé a be ó, wé ópyal nɛʼɛ, mpa nye a di ó nkehe. Nye a ngbaa be ó, abir ó, wé kɛʼɛ nye mbɛr, díbe. 40Bɨn nteme, diʼe ga é doʼlo. Mwan mo Mʉr amu pyal bɨn motwɨra, é l'ewala bɨn bé óbe, abuʼla nye e.»
Osyɛl o mosa oba
(Mataos 24.45)
41Pyɛr ntɔʼ dî e nye ó: «Da, zê go lé esa yinɨ kɨkɛna ó, é l'efu lɨh ɛ? Zê é l'efu e bʉr bɨbɛh ɛ?» 42Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ. 43ǃƗ tî we óbe si to, ze bula, ze bee nye lé esea syɛɛ yaa nɛʼɛ, mocyɛʼ mo mpom, mé ósʉŋɔ é mbi syɛl mosa waa! 44Me elɛɛ bɨn cyecye ó nɛɛ: nye ódwe nye nkul mojwɨ̀ʼa é bɨsa bɨ mbɛr bibyɛh. 45Wáa mʉr é l'esama lɨn ndɨ ebula nwɨɨla e bɨbla syɛl mosa ɛ? Mbi syɛl mosa waa, nye ejwɨʼ é leme we tʉŋlʉ ó: “Tî wam, nye ó mpʉ sa lɛɛ ó, nye aŋa lɨ bula.” Nye eka taare lé eŋmɛh osyɛl o mosa o bʉba ndwe e baa o bʉrʉm, le egubo de mode le ebɛble monwoʼ mɔɔ. Mpur, nye òmɛr nye. 46Njwɨɨ syɛl mosa waa ópyal ó, dobo nye óbe, abuʼla ó, nye e nkul epyal ɨ, é l'ewala nye óbe, agʉa ɛ. Nye ókab syɛl mosa waa bɨntɨʼa ó, byaa ndɨ é nyan nyan ɨ, jwɨʼ gwar e gwar e bʉr o ndɨ ajyɛʼ taa buʼo yɔɔ boo nye e.
47«Syɛl mosa mu si bɛa gʉa bɨgwɨma bɨ sɔŋ we, nyɛɛ yɛɛ l'akʉmsa, nkʉ loŋlo bɨgwɨma byaa ɛ, nye ófuurɔ mɨmbihe é buobuo. 48Syɛl mosa fih, waa a baagʉa bɨgwɨma bɨ sɔŋ we e, dam be ó, mpʉ nye lé esa syɛɛla ndɨ ejala e ntɨʼa ɛ, nye aŋa bul bîŋɔ. Mʉr a bul dweŋɔ ɛ, nye ódîŋɔ ó, nye dɨʼe dwe nteme é buobuo. Mʉr a bul buʼlɔ, ntɔʼ dweŋɔ ekʉm ɨ, nye ódîŋɔ ó, nye bula ntɨh, laa bim nye a taare dweŋɔ ɛ.»
Yesʉs a ze ó, ze tira dɔm
(Mataos 10.34)
49«Me a ze ó, me caʼa siʼe é si nwa. A jɨ bee si nwaʼ mu si buma njʉl! 50Me a ze ó, me nʉŋa ndubo wam. Leme wam, wé ó kʉ é cyèl, to pyal é jɔʼ ndubo waa, wé óbe si syɛɛlɨ ɨ. 51Zê bɨn bé lé ejwɨʼ ó, me a ze ó, lé eze sa ó, bʉr o si nwaʼ diʼe é motala paʼra wɔɔ ɛ? Me elɛɛ bɨn ó: me a ze gba ó mpɔʼa monkɔm paʼra bʉr e bʉr. 52Taare é banana, bʉr o mbɛr ngwar, bé óbɔʼa monkɔm. É bʉr otɛn, olɛl, bé óbene oba; oba bene olɛl. 53Sɔŋ ólwimla e soho we; soho lwimla e sɔŋ. Nyɔŋ ólwimla e l'esehe le; esehe lwimla e nyɔŋ. Mpɔmlʉ mʉma ólwimla e njyɛl we; njyɛl lwimla e mpɔmlʉ.»
Edweʼe bɨjɔʼ lé epyal ɨ
54Yesʉs ze bâʼle lɛɛ e ntuntuma bʉr ó: «É jɔʼ bɨn lé ebee modwine mo mpie lé eduho nko dobo lé eja ɛ#12.54 Modwine mo ompie, mé e bul duho bʉr o lal Ɨzraɛl ó, ɨ nko dobo lé eja ɛ. , bɨn bé elɛɛ ó: “Mpie muno ze nwɨɨ.” Mpie nteme, bana nwɨɨ no. 55ǃBɨn si jʉʼra pubo lé eduho nko tie nɛʼɛ, bɨn bé egʉa tɨʼ ó, dwehe, yé ókah. Yé nteme, bana sa no. 56Bɨn baanya-bɨkʉʉŋʉ ba, bɨn bé naa ó lé ekʉ gʉa bɨsa lé ecemle dwehe le ompie e. Bɨn bé egʉa sa lé epyal é si nwa. Zê bɨn bé abe e nkul edweʼe sa mu lé esyɛɛlɨ é jɔʼ yiʼ ɨ?»
Bɛa komlo ga mɨlɔb min
(Mataos 5.21)
57«Ebe yé bɨn lé ekar etiʼe mɨlɔb é l'ocɨcyel paʼra win ɨ? 58Yé be ó, nuu mʉr, nyi pur go, bɨn e nɔɔ dina temezi lé eto nko mpah mɨlɔb nɛʼɛ, bɛa jwɨʼla komlo lɔb ndɨ paʼra win ɨ. Wé kwɨmlɨ é jɔʼ yaa, lé ekpɛɛ ó nye amu daʼre go, cen go é mih mo lɔ̀b; lɔ̀b cen go boo lʉ bɨpulʉm, lʉ bɨpulʉm waa, wé ntɔʼ gba go é mbʉʼ. 59Me elɛɛ go ó, go ákwoʼ pʉʼa é gumo yaa, cye yiyɛh go l'apa jɛna mpɔla go nyiwɛh, para gwar aliʼ ɨ.»
Actualmente seleccionado:
Lʉkas 12: ozmBad
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2002, Wycliffe Bible Translators, Inc. All rights reserved.
Lʉkas 12
12
Levure oFarizyɛŋ lé edi e ye e
1Lɛŋ ba jɔʼ, ntuntuma bʉr, yé ntɔʼ bâʼle fwal. Bé a be ó otɔɔyin otɔɔyin, baʼ bʉr dɨ tibe bʉʉ mokʉ. Yesʉs, nye le ompʉn be ó: «Diʼe ga ncye e l'oFarizyɛŋ é lɔb levure bé ndɨ e ye e. Yé ó bɨkʉʉŋʉ! 2Sa yiyɛh ndɨ é l'efo e, yé ógwiha. Sa yiyɛh ndɨ fela ɛ, yé ókʉ gʉŋɔ. 3Ebe no, sa bɨn bé ólɛɛla é l'edurʉ ɨ, yé ópyal kʉl é kpɛŋlɛm. Sa bɨn bé ónyimla é l'egwal e nuu mʉr é tiʼe e, bʉr, bé ócyɛb é mie kʉ lé etuno ye.»
Ajoʼo ga bʉa e bʉr
(Mataos 10.26)
4«Ofo bam, me elɛɛ bɨn ó nɛɛ: ajoʼo ga bʉa e bʉr. Bé dam jʉ bɨn é nko paʼ bɨpuno. Bɛɛ bé abe e nkul esa bɨn yʉʉ sa fih. 5Me elɛɛ bɨn waa bɨn lé ejala le ejoʼo bʉa e nye e: yé ó waa ndɨ e nkul enʉa bɨn, jʉ, ze guho é Bɨ-siʼe e. Me elɛɛ bɨn ó nɛɛ: joʼa ga bʉa e nye. 6Bé ebɛma baatɔlɔ otɛn ó, bɨpara bɨba. Dam be no, yé abe e l'atɔlɔ ngwar ndɨ ejɨhɔ é paʼ mo Zyɛm. 7Nteme, Zyɛm, nye egʉa tolɔɔ mɨkoho mɨ mpuo ndɨ bɨn é mɨlʉ ɨ. Ajoʼo ga bʉa. Bɨn bé é bul buo dime, laa buobuo baatɔlɔ.
8«Ebe no, me elɛɛ bɨn ó nɛɛ: ǃɨ mʉr si kuro bɨr, gban me é mih mo bʉr nɛʼɛ, mɛm nteme Mwan mo Mʉr, me ógban nye é mih beengles mo Zyɛm. 9Sa gwar, ǃɨ mʉr si lɛɛ é pyɛldweh ó, nye abe mpʉn wam nɛʼɛ, mɛm nteme Mwan mo Mʉr, me ólɛɛ nteme ó, nye a baabe mpʉn wam é mih beengles mo Zyɛm. 10Mʉr nyiwɛh lé epyeh Mwan mo Mʉr ɨ, baa ebebe laa, yé óbɛm pɛʼɔ. Sa gwar, mʉr ópyeh Mbɨambɨa Sisim ɨ, baa ebebe yaa, yé ákwoʼ pɛʼɔ. 11É jɔʼ bé ódaʼre bɨn é mompah mɨnjwɨʼla mɔɔ, nkʉ é mih mo bʉr o ndɨ e nkul mojwɨ̀ʼa ɛ, to pur bɨn ɨ, mʉr asyɛl ga ba e nye mʉr tɨ, tiibe e nkar bɨn bé ófuo monyʉl mɨn e tɨʼ ɨ. Mʉr ayeʼbe mpɨha bɨn bé óbɨha be e, 12ebe, Mbɨambɨa Sisim ólɛʼle bɨn sa bɨn bé ójala le elɛɛ be é jɔʼ gwar yaa ɛ.»
Kɨkɛna gʉ mʉr
13Nuu mʉr é ntuntuma bʉr yaa ze lɛɛ e Yesʉs ó: «Yeʼle, lɛŋɨ e twɨlam ó, nye kaba bɨh bɨliʼ mo sɔŋ wih!» 14Yesʉs, nye e nye ó: «Wɛɛ! Zé a cyel me lɔ̀b é mɨlɔb min? Zé a pa kʉ lɛɛ ó, me kaba bɨliʼ mo sɔŋ win?» 15Nye ó: «Gʉa di ga ncye! Syɛhla ga zɔɔ bɨsa mɨmbi mimyɛh, ebe, tiʼ mʉr, yé aduho é bɨsa mʉr waa ndɨ e bye e, byé dam buo yáa bim.»
16Yesʉs ntɔʼ sa be kɨkɛna ó: «Yé a ze be ó, nuu mʉr e bɨsa twiha ndwe e bɨpeme, bɨpeme bye ze bul gumo. 17Nye ze dî é leme we ó: “Me saʼ nyá ɛ? Me aka be e gumo me kaala mode mam!” 18Nye ó: “Me paʼ sa mpʉ: me ófuo gbɛɛ monkuna mam, me òka lʉo monkuna mofih, maa ndɨ é bul bwaʼ mɨmo e! Me òkoho mode mam ndwe e mobi mam é monkuna maa! 19Me òlɛɛ e leme wam ó: Leme wam, go e mobi twiha. Mé ókʉ jala e go tɔɔ mɨmbu é buobuo. Gbala é jɔʼ yi. Deʼ mode. Nyʉlɨ monwoʼ. Dɨʼe soho.” 20Zyɛm, nye e mʉr waa ó: “Go sa gʉ yi! Muh é pum wi, me ópɛʼ sisim go. Ozé, bé óka liʼ lé ede bɨsa gɨ sil koho biʼ ɛ?”» 21Yesʉs, nye e be ó: «Mʉr ndɨ ekoho mobi me é l'efu le nye mʉr tɨ, nyɛɛ yɛɛ anteʼenteʼe é mih mo Zyɛm ɨ, mʉr waa, nye ó ndɨ enwɨɨla e mʉr nwa.»
Asyɛl ga ba e bɨn bʉr o tɨ, tiibe e nyɔmlʉ nkʉ mompor
(Mataos 6.25)
22Yesʉs, nye e l'ompʉn be ó: «Ebe no, me elɛɛ bɨn ó nɛɛ: asyɛl ga ba e bɨn bʉr o tɨ, tiibe e nyɔmlʉ. Asyɛl ga ba nteme e monyʉl mɨn, tiibe e mompor. 23Zê bɨn bé agʉa ó, mʉr, nye abe njɨ ede ɛ? Le nteme ó, kubo nyʉl, wé e nyɔm, laa mompor. 24Beŋɨ ga bɨkpaŋ bi. Byé abe e bɨpeme e montibe. Byé ato é mɨngol yʉʉ gumo. Byé abe e mode mɨkɛɛla é bɨtiʼe nkʉ é monkuna. Zyɛm pa taare dwe bye mode é jɔʼ yiyɛh, a dwɛʼra e bɨn bɛɛ, ndɨ é bul buo dime, laa bɨnɔn ɨ. 25Zé é sama yin ndɨ e nkul eko elu egwar é jɔʼ ye ebe ba nye lé esyɛl é leme e? 26Ebe no, nkʉ bɨn bé ekar esa sa ndɨ é bul twaʼbe e, ebe yé bɨn lé ebul yeʼbe byaa byʉʉ bibyɛh ɛ? 27Paʼ dwɛʼ ga mpʉ ofulawa lé eto le ebuʼba le esam ɨ. Ofulawa baa, bé abe lé esea syɛɛ, nkʉ tie mɨkan. Me elɛɛ bɨn ó: dam be Salomɔŋ é jɔʼ nye a be e l'okum e l'ogbaa we e, nye a baabœrɔ mompor é mbɨa mbɨa mpʉ Zyɛm lé ebœr ofulawa baʼ ɛ. 28Bɨka, byé etiʼe muh. Byé nteme sa yé óguhɔ omɛn é duro e. Zyɛm pa taare bœr bye mompor, a dwɛʼra e bɨn! Yé, yé ósa ó, nye l'ayi bœr bɨn, laa naa ɛ? A twaʼbe buʼo yin ɛ! 29Adɨ du ga njɨ mode e monwoʼ bɨn bé óde le enyʉl ɨ. Asyɛl ga ba e bɨn bʉr o tɨ, tiibe e mode. 30Bʉr o bɨkul bɨfih bibyɛh, bé ekʉ ka du ó njɨ bɨsɨa byaa. To kœb ó, Sɔŋ win, nye ebɛa gʉa ó, bɨn nteme bé ejɨ bye. 31Fuo saa ga yɛɛ eni é jwɨ̀ʼa ye. Byaa byʉʉ bɨn lé ejɨ bɨnɨ, Zyɛm óloŋlo bɨn bya.»
Mpaŋ okum e l'ogbaa
(Mataos 6.19)
32«Bɨn bʉr o ndɨ ma daa e bɨntœme lam ɨ, ajoʼo ga bʉa. Sɔŋ win, nye ebee embɨa lé eniŋle bɨn é jwɨ̀ʼa ye. 33Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye. 34Maʼa ga okum e l'ogbaa win gʉ, ebe, gumo okum win ndɨ ɨ, tɨʼ nteme ó mɨleme min, myé óbe e!»
Zé óbe lé ebono nye é l'esie e mbi jɔʼ yi?
(Mataos 24.36; Markus 13.32; Lʉkas 17.26)
35«Pila ga monkwan. Bɨn bé à baʼle molama mɨn mɨtwima. 36No ó bɨn bɛɛ, diʼe ga mpʉ osyɛl o mosa ndɨ é mpono tî wɔɔ ɛ. Mpʉ bé lé egʉa ó, nyi to bœm mʉma ɛ, bé mu ó njɨ lé ebono mpula we, lé ekpɛl ó, ǃnye si kwaʼle ebe nɛʼɛ, bé òkpahbe dib nye la. 37Mocyɛʼ mo mpom, mé e l'osyɛl o mosa sɔŋ wɔɔ ókœb ó, bé be ó si di nkehe e. Me elɛɛ bɨn cyecye ó nɛɛ: nye óbwar mɨkan mye mpʉ syɛl mosa#12.37 É lwib grɛk, yé elɛɛ wâʼ ó, nye óbɨn dur ye, lé ebir mokʉ me lé enyin bʉr é mih. Nye ótiile kana we lé esa ó, dur ye, yé diʼe nye mbɨna kʉ é l'ebor e mɨndwe., ntɔʼ sa ó, bé diʼe si, ó bé deʼ. Nye òsea e be. 38ǃNye óbe si pyal é moni, nkʉ é dwo mɛn nɛʼɛ, baa nye ókœb é mpono e, bé óbe ó e mocyɛʼ mo mpom, 39ebe, bɨn bé egʉa ó, nkʉ mʉr mbɛr a be ó be, gʉa ewala ndiblʉ, wé a be ó, wé ópyal nɛʼɛ, mpa nye a di ó nkehe. Nye a ngbaa be ó, abir ó, wé kɛʼɛ nye mbɛr, díbe. 40Bɨn nteme, diʼe ga é doʼlo. Mwan mo Mʉr amu pyal bɨn motwɨra, é l'ewala bɨn bé óbe, abuʼla nye e.»
Osyɛl o mosa oba
(Mataos 24.45)
41Pyɛr ntɔʼ dî e nye ó: «Da, zê go lé esa yinɨ kɨkɛna ó, é l'efu lɨh ɛ? Zê é l'efu e bʉr bɨbɛh ɛ?» 42Da ntɔʼ bula dî e nye tia ó: «Wáa mʉr é bɨn ndɨ mʉr ebuʼla, waa ndɨ cɨcyoo mbɔʼlʉ ekuro e? Mbi syɛl mosa waa, nye ó waa njwɨɨ we ócyel é mbɛr we ó, nye diʼe lʉ osyɛl o mosa be. Nye ó ngo kab bʉr o nduo ye monkɔb mode mɔɔ é bɨjɔʼ lé ejala ɛ. 43ǃƗ tî we óbe si to, ze bula, ze bee nye lé esea syɛɛ yaa nɛʼɛ, mocyɛʼ mo mpom, mé ósʉŋɔ é mbi syɛl mosa waa! 44Me elɛɛ bɨn cyecye ó nɛɛ: nye ódwe nye nkul mojwɨ̀ʼa é bɨsa bɨ mbɛr bibyɛh. 45Wáa mʉr é l'esama lɨn ndɨ ebula nwɨɨla e bɨbla syɛl mosa ɛ? Mbi syɛl mosa waa, nye ejwɨʼ é leme we tʉŋlʉ ó: “Tî wam, nye ó mpʉ sa lɛɛ ó, nye aŋa lɨ bula.” Nye eka taare lé eŋmɛh osyɛl o mosa o bʉba ndwe e baa o bʉrʉm, le egubo de mode le ebɛble monwoʼ mɔɔ. Mpur, nye òmɛr nye. 46Njwɨɨ syɛl mosa waa ópyal ó, dobo nye óbe, abuʼla ó, nye e nkul epyal ɨ, é l'ewala nye óbe, agʉa ɛ. Nye ókab syɛl mosa waa bɨntɨʼa ó, byaa ndɨ é nyan nyan ɨ, jwɨʼ gwar e gwar e bʉr o ndɨ ajyɛʼ taa buʼo yɔɔ boo nye e.
47«Syɛl mosa mu si bɛa gʉa bɨgwɨma bɨ sɔŋ we, nyɛɛ yɛɛ l'akʉmsa, nkʉ loŋlo bɨgwɨma byaa ɛ, nye ófuurɔ mɨmbihe é buobuo. 48Syɛl mosa fih, waa a baagʉa bɨgwɨma bɨ sɔŋ we e, dam be ó, mpʉ nye lé esa syɛɛla ndɨ ejala e ntɨʼa ɛ, nye aŋa bul bîŋɔ. Mʉr a bul dweŋɔ ɛ, nye ódîŋɔ ó, nye dɨʼe dwe nteme é buobuo. Mʉr a bul buʼlɔ, ntɔʼ dweŋɔ ekʉm ɨ, nye ódîŋɔ ó, nye bula ntɨh, laa bim nye a taare dweŋɔ ɛ.»
Yesʉs a ze ó, ze tira dɔm
(Mataos 10.34)
49«Me a ze ó, me caʼa siʼe é si nwa. A jɨ bee si nwaʼ mu si buma njʉl! 50Me a ze ó, me nʉŋa ndubo wam. Leme wam, wé ó kʉ é cyèl, to pyal é jɔʼ ndubo waa, wé óbe si syɛɛlɨ ɨ. 51Zê bɨn bé lé ejwɨʼ ó, me a ze ó, lé eze sa ó, bʉr o si nwaʼ diʼe é motala paʼra wɔɔ ɛ? Me elɛɛ bɨn ó: me a ze gba ó mpɔʼa monkɔm paʼra bʉr e bʉr. 52Taare é banana, bʉr o mbɛr ngwar, bé óbɔʼa monkɔm. É bʉr otɛn, olɛl, bé óbene oba; oba bene olɛl. 53Sɔŋ ólwimla e soho we; soho lwimla e sɔŋ. Nyɔŋ ólwimla e l'esehe le; esehe lwimla e nyɔŋ. Mpɔmlʉ mʉma ólwimla e njyɛl we; njyɛl lwimla e mpɔmlʉ.»
Edweʼe bɨjɔʼ lé epyal ɨ
54Yesʉs ze bâʼle lɛɛ e ntuntuma bʉr ó: «É jɔʼ bɨn lé ebee modwine mo mpie lé eduho nko dobo lé eja ɛ#12.54 Modwine mo ompie, mé e bul duho bʉr o lal Ɨzraɛl ó, ɨ nko dobo lé eja ɛ. , bɨn bé elɛɛ ó: “Mpie muno ze nwɨɨ.” Mpie nteme, bana nwɨɨ no. 55ǃBɨn si jʉʼra pubo lé eduho nko tie nɛʼɛ, bɨn bé egʉa tɨʼ ó, dwehe, yé ókah. Yé nteme, bana sa no. 56Bɨn baanya-bɨkʉʉŋʉ ba, bɨn bé naa ó lé ekʉ gʉa bɨsa lé ecemle dwehe le ompie e. Bɨn bé egʉa sa lé epyal é si nwa. Zê bɨn bé abe e nkul edweʼe sa mu lé esyɛɛlɨ é jɔʼ yiʼ ɨ?»
Bɛa komlo ga mɨlɔb min
(Mataos 5.21)
57«Ebe yé bɨn lé ekar etiʼe mɨlɔb é l'ocɨcyel paʼra win ɨ? 58Yé be ó, nuu mʉr, nyi pur go, bɨn e nɔɔ dina temezi lé eto nko mpah mɨlɔb nɛʼɛ, bɛa jwɨʼla komlo lɔb ndɨ paʼra win ɨ. Wé kwɨmlɨ é jɔʼ yaa, lé ekpɛɛ ó nye amu daʼre go, cen go é mih mo lɔ̀b; lɔ̀b cen go boo lʉ bɨpulʉm, lʉ bɨpulʉm waa, wé ntɔʼ gba go é mbʉʼ. 59Me elɛɛ go ó, go ákwoʼ pʉʼa é gumo yaa, cye yiyɛh go l'apa jɛna mpɔla go nyiwɛh, para gwar aliʼ ɨ.»
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2002, Wycliffe Bible Translators, Inc. All rights reserved.