Halloo 2
2
1Ebiyoommi gommona shimaayoonaa showoona, boonoshi daggooch beeti mooyo bulliyoo shuunetaa taccehe.
2Yeeri bi shuunoon shuunee bi taccitoyich, shabaattinnee qemooba shuunoo bulliichee kashehe. 3Yeeri halliya bi iton hallii ciichiꞌi, shuunoo bulliichee arooba bi kashetoyich, shabaattinnee qemon diiriꞌi yaafiye. 4Nuggishoo Doono Yeeri shimaayoonaa showoonon bi halliyooba, boonoshin bi hallito ebiyoommi gommonane.
Eden Becheeti Becheenaꞌo
Nuggishoo Doono Yeeri shimaayoonaa showoonon bi halliyooba, 5showee toommooch amiyon dichaano bi tunetoyich, wotta showoon gochemmi asho batt aallo bi tunetoyich, showee toommo bulliich arooba mocee collo batt aalloone; maayi collo bulliyoo batt colleyaanoone. 6Tunebaani qubo showoochee kechiꞌi, showoo bullin shuxii beehe. 7Aroochee Nuggishoo Doono Yeeri showee buttoochee ashoon hachiye; ebi are ashi muddoonoo bi kashee hiinnoon huggiye; asho kashechon tunehe.
8-9Nuggishoo Doono Yeeriyoo aabi-keyo waan, Eden, becheenaꞌon bechiye. Ciinoyich emirikkiibeeti, mamoyichoo shaawiibeeti becheenaꞌo bullin showoochee colliihe; wotta ebi becheenaꞌo daggooch bi aafo maataa kashoon immaabeeti mixinaa ashich gondoonaa deꞌoonon arichiibeeti mixinon colliihe.#Yaaꞌo. 2:7; 22:1-2,14 Doono Yeeriyoo bi hachiti ashoon arooch kotiihe.
10Ebi Eden beeti becheenaꞌo uchemmoyich aaco xuupphii beehe; aroochee ebi aaco awudde xaaꞌoona qoodee woccii beehe. 11Ebi aacoochee ikkoo, Fishooni getteehe; ebi are aaco aachoo daneebeeti, Hawilee showoo bullin guuddiibeeti aacone. 12Ebi showoochee daneebeeti aachoo xalloone. Ebi aroochee wotta gaawe shittoonaa aaxxe xaqqoona danee beetone. 13Guttinnee aaco, Giyooni getteehe; ebi aroo Topphiyee showoo bullin guuddiibeeti aacone. 14Keejjinnee aaco, Xegiroosi getteehe; ebi aroo Asooree showoochaa aabi-keyo waan wocciibeeti aacone. Awuddinnee aaco Efiraaxisine.
15Nuggishoo Doono Yeeri ashoon daammii Edeni bechee daggooch bi kotiito, goyi shiime bi quyemmoyichiye. 16Nuggishoo Doono Yeeriyoo biich ishichiye: “Hiniich beeti michi aafo bullin mamo hakkihine; 17tunebaani gondoonaa deꞌoonon arichiibeeti michi aafoochee maayaahine. Ebi michi aafoochee ne maahooba, iberoon qitemmo neene” iye.
18Aroyee gubb Nuggishoo Doono Yeeri “Asho bi ikkeeton beemo gaaweto toonoone; biich mashaamemmi gaachoon hallemmo taane” iye.
19Nuggishoo Doono Yeeri showee buttoochee gijjeenaꞌonaa cooxinaꞌo bullinon, wotta shimaayoona yoobbiibeeti yoobbereenaꞌo bullinoo hachitone; Addaami am ama geti bi shigiyemmo gaata beegoyich, bi waan deebiye. Addaamiyoo kashechi halleenaꞌo bullich bi shigiiti shigo manjiye. 20Biyoo gijjeenaꞌo bullich, shimaayoona yoobbiibeeti yoobbereenaꞌo bullich, showee toommooch beeti cooxinaꞌo bullichoo shigoon kichiye. Tunebaani Addaami biich mashaamiti gaachoon batt daneyaanoone.
21Ebich Nuggishoo Doono Yeeri Addaami toommooch magge tokketoon minjiye. Addaami tokketeechaa, bi naaboochee ikke shaawusheen waaxxiye; ebi shaawushe kecheti xaaꞌoonoo meenona dookkiye. 22Doono Yeeriyoo Addaam waanee bi daammiti shaawusheen maachee tuniiꞌi shuunehe; Addaam waanoo deebiye. 23Arooba Addaami ishichiye:
“And hini shaawushe ta shaawushoocheeniye;
hini meenoo ta meenoocheeniye;
biyoo asho waanee bi danetoyich,
ashe getteebu” iye.
24Ebich asho bi nihoonaa bi indeenon qayiichi, bi mecheena tookki ikkoo tunemmone; gutteenaꞌoo ikke meeno tunemminaꞌone.
25Addaaminaa bi mecheena gutteenaꞌo shokkaachoon beeheete; tunetaa boonoshinaa boonoshina yeelleyaaneenaꞌone.
Actualmente seleccionado:
Halloo 2: KBRC
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
SIM International, 2020.
Halloo 2
2
1Ebiyoommi gommona shimaayoonaa showoona, boonoshi daggooch beeti mooyo bulliyoo shuunetaa taccehe.
2Yeeri bi shuunoon shuunee bi taccitoyich, shabaattinnee qemooba shuunoo bulliichee kashehe. 3Yeeri halliya bi iton hallii ciichiꞌi, shuunoo bulliichee arooba bi kashetoyich, shabaattinnee qemon diiriꞌi yaafiye. 4Nuggishoo Doono Yeeri shimaayoonaa showoonon bi halliyooba, boonoshin bi hallito ebiyoommi gommonane.
Eden Becheeti Becheenaꞌo
Nuggishoo Doono Yeeri shimaayoonaa showoonon bi halliyooba, 5showee toommooch amiyon dichaano bi tunetoyich, wotta showoon gochemmi asho batt aallo bi tunetoyich, showee toommo bulliich arooba mocee collo batt aalloone; maayi collo bulliyoo batt colleyaanoone. 6Tunebaani qubo showoochee kechiꞌi, showoo bullin shuxii beehe. 7Aroochee Nuggishoo Doono Yeeri showee buttoochee ashoon hachiye; ebi are ashi muddoonoo bi kashee hiinnoon huggiye; asho kashechon tunehe.
8-9Nuggishoo Doono Yeeriyoo aabi-keyo waan, Eden, becheenaꞌon bechiye. Ciinoyich emirikkiibeeti, mamoyichoo shaawiibeeti becheenaꞌo bullin showoochee colliihe; wotta ebi becheenaꞌo daggooch bi aafo maataa kashoon immaabeeti mixinaa ashich gondoonaa deꞌoonon arichiibeeti mixinon colliihe.#Yaaꞌo. 2:7; 22:1-2,14 Doono Yeeriyoo bi hachiti ashoon arooch kotiihe.
10Ebi Eden beeti becheenaꞌo uchemmoyich aaco xuupphii beehe; aroochee ebi aaco awudde xaaꞌoona qoodee woccii beehe. 11Ebi aacoochee ikkoo, Fishooni getteehe; ebi are aaco aachoo daneebeeti, Hawilee showoo bullin guuddiibeeti aacone. 12Ebi showoochee daneebeeti aachoo xalloone. Ebi aroochee wotta gaawe shittoonaa aaxxe xaqqoona danee beetone. 13Guttinnee aaco, Giyooni getteehe; ebi aroo Topphiyee showoo bullin guuddiibeeti aacone. 14Keejjinnee aaco, Xegiroosi getteehe; ebi aroo Asooree showoochaa aabi-keyo waan wocciibeeti aacone. Awuddinnee aaco Efiraaxisine.
15Nuggishoo Doono Yeeri ashoon daammii Edeni bechee daggooch bi kotiito, goyi shiime bi quyemmoyichiye. 16Nuggishoo Doono Yeeriyoo biich ishichiye: “Hiniich beeti michi aafo bullin mamo hakkihine; 17tunebaani gondoonaa deꞌoonon arichiibeeti michi aafoochee maayaahine. Ebi michi aafoochee ne maahooba, iberoon qitemmo neene” iye.
18Aroyee gubb Nuggishoo Doono Yeeri “Asho bi ikkeeton beemo gaaweto toonoone; biich mashaamemmi gaachoon hallemmo taane” iye.
19Nuggishoo Doono Yeeri showee buttoochee gijjeenaꞌonaa cooxinaꞌo bullinon, wotta shimaayoona yoobbiibeeti yoobbereenaꞌo bullinoo hachitone; Addaami am ama geti bi shigiyemmo gaata beegoyich, bi waan deebiye. Addaamiyoo kashechi halleenaꞌo bullich bi shigiiti shigo manjiye. 20Biyoo gijjeenaꞌo bullich, shimaayoona yoobbiibeeti yoobbereenaꞌo bullich, showee toommooch beeti cooxinaꞌo bullichoo shigoon kichiye. Tunebaani Addaami biich mashaamiti gaachoon batt daneyaanoone.
21Ebich Nuggishoo Doono Yeeri Addaami toommooch magge tokketoon minjiye. Addaami tokketeechaa, bi naaboochee ikke shaawusheen waaxxiye; ebi shaawushe kecheti xaaꞌoonoo meenona dookkiye. 22Doono Yeeriyoo Addaam waanee bi daammiti shaawusheen maachee tuniiꞌi shuunehe; Addaam waanoo deebiye. 23Arooba Addaami ishichiye:
“And hini shaawushe ta shaawushoocheeniye;
hini meenoo ta meenoocheeniye;
biyoo asho waanee bi danetoyich,
ashe getteebu” iye.
24Ebich asho bi nihoonaa bi indeenon qayiichi, bi mecheena tookki ikkoo tunemmone; gutteenaꞌoo ikke meeno tunemminaꞌone.
25Addaaminaa bi mecheena gutteenaꞌo shokkaachoon beeheete; tunetaa boonoshinaa boonoshina yeelleyaaneenaꞌone.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
SIM International, 2020.