Máfìù 7
7
Mɛ́ĩ́ yɔɔ ɓò mia gbĩ mɔ̀
(Lúù 6.37-38, 41-42)
1“Yékɛ̀ ká mɛ̀ĩ́‐sà káá mia wĩĩ́. Yé kaà gɔ̃́ à kɛɛ̀ kília, Wálà lɛ̀ɛ́ ló mɛ̀ĩ́‐sà káà ka wĩĩ́. 2Ƃii Wálà lɛ́ɛ̀ lo mɛ̀ĩ́‐sà káà ka wĩĩ́ zi nɔ́ kà mɛ̀ĩ́‐sà kàà ká mia wĩĩ́a ká. Zí kà pɛ gɔ̃á mia lɛ̀ɛ, Wálà lɛ́ɛ̀ lo ka zì gɔ̃́ɔ̃̀ à ká. 3Mɛ́ e kɛ lɛ́ i yɛ́lɛ́ lɛ yílí‐séé lɛ́ e i lèe‐gé nyìɛɛ píé, lɛ́ i yɛ́lɛ́ nyɛɛ̀ lɛ yílí‐kpàla ké e i nyìɛɛ píé ɓɛ? 4Zi sùu kpɛɛ̀ lɛ́ ì bɛ̀i à mɔ̀ ɓá gèeá i lèe‐gé lɛ̀ɛ, ‘Tó ḿ yílí‐séé e i nyìɛɛ ɓeí,’ yé yílí‐kpàla lɛ i nyìɛɛ ká? 5Ƃí ì i dìè wɛlɛ li e ké ɓɛ. Ì yílí‐kpàla lɛ́ lɛ i nyìɛɛ ɓeí nɛ́. Yé aà kɛ kília, bɛ̀i lɛ́ɛ̀ lo kɛɛ̀ i mɔ̀ kɛ í lɛ̀ gɛ̃̀, kɛ í tĩã́ yílí‐séé lɛ́ e i lèe‐gé nyìɛɛ ɓeíì.
6“Yékɛ̀ ká pɛ lɛ́ lɛ púlúa nɔ gbã́ lɛ̀ɛ. Ɛ́ɛ̃́ yékɛ̀ ká kà gɛ̀lɛ̀ sɔ̃̀ɔ̃́ gbùò zɛ̀ dùò ɓɔ̀ vɔ̀ fĩ̀ã̀. Yé kaà kɛ kília, táá lɛ́ nɔ́ ò lo à ɓoò o làa. Ɛ́ɛ̃́ óò lo nìɛ̀ o ka kṹ.
Kà pɛ pɛ̃́
(Lúù 11.9-13)
7“Kà pɛ pɛ̃́. Ká kɛ̀á kília, káà lo à sɔ̀lɔ̀ ɓoò. Kà pɛ naa. Káà lo pɛ gɛ̃̀ɛ̃̀ yé kaà kɛ kília ká. Kà ká lé mɛ̀. Ká kɛ̀á kília, à lé lɛ́ɛ̀ lo ɓoò ka lɛ̀ɛ. 8Ƃii mi nɔ́ɔ fé lɛ́ è pɛ pɛ̃ɛ, lɛ́ɛ̀ lo pɛ sɔ̀lɔ̀ ɓoò. Ɛ́ɛ̃́ mí è pɛ nààa, lɛ́ɛ̀ lo pɛ gɛ̃̀ɛ̃̀. Ɛ́ɛ̃́ ká lé lɛ́ɛ̀ lo ɓoò mí à lé mɛ̀ɛ lɛ̀ɛ. 9Mia lɛ́ ka nɛ́ dàa nì káa, ka dò lɛ́ɛ̀ lo gɛ̀lɛ̀ nɔɔ̀ là nɛ́ lɛ̀ɛ, yé là nɛ́ aà belè pɛ̃́ à mɔ̀ɔ ká? 10Ɛ́ɛ̃́ lɛ́ɛ̀ lo mɛ̀nɛ nɔɔ̀ là nɛ́ lɛ̀ɛ, yé aà kpã̀ã́ pɛ̃́ɛ ká? 11Lɛ̀ zí bɛ̃̀ɛ̃ ka kɛ‐pɛ̀ lɛ à ká yɔɔ, káà pɛ yiè nɔ̀ kà nɔ́ɔ̀ lɛ̀ɛ zì dɔ. Zi sùu kpɛɛ̀ lɛ́ ka Dàa lɛ́ e lɛ̀ía, è lo pɔɔ̀ yiè yiè nɔɔ̀ à ká mia lɛ́ ò o pɛ̃ à mɔ̀ɔ lɛ̀ɛ ké.
12“Kà wɔ̃́ kɛ mia ká lɛ̀ zí kà nàà ó wɔ̃́ kɛá ka káa lɛ́ ɓe. Ƃii Móózè là Lɔ́ɔ̀ɔ, wà wɔ̃́ lɛ́ dɔ̀‐Wálà‐lé‐là‐mìàa o à gèea, à yí lɛ́ ɓɛ.
Gàlà‐lé sɔ́ɔ́‐sɔ̀ɔ̀ zɛ̀
(Lúù 13.24)
13“Kà kpɔ́ gàlà‐lé sɔ́ɔ́‐sɔ̀ɔ̀ zɛ̀ɛ ká. Ƃii zi lɛ́ è lo mia yí‐sìè‐pìàa tàà‐à‐píé lɛ lɔ́ɔ́‐lɔ̀ɔ̀, ɛ̃́ɛ̃́ à mɔ́ɔ̀ gàlà‐lé lɛ gbùò. Ɛ́ɛ̃́ mia kù gbùò zɛ̀ óò to zí e kília píé. 14Zi lɛ́ è lo lɛ̀ lɛ́ kɛ̀ɓe lɛ yía mɔ̀ɔ, tàà‐à‐píé lɛ gágà, ɛ̃́ɛ̃́ à mɔ́ɔ̀ gàlà‐lé lɛ sɔ́ɔ́‐sɔ̀ɔ̀. Ɛ́ɛ̃́ mia wɛ́lɛ́ ɓéĩ́ lɛ́ nɔ́ ò à gɛ̃̀ɛ.
Yílí wà e ɓɛɛ
(Lúù 6.43-44)
15“Kà ka yɛ́lɛ́ kɛ ka dìè píé mia lɛ́ ò o dìè si dɔ̀‐Wálà‐lé‐là‐mìà, lɛ́ o wá mɔṹ à káa wɛ̃́ĩ̀. Óò nu ka píé e kpɔ́lɔ́ṹ‐kpɔ̀lɔ̀ũ̀ ká lɛ̀ ɓáá lɛ́ ɓe. Kɛɛ o zò píé zàá yee, o yí lɛ̀ gɔ́ nyaàa lɛ́ ɓe. 16Káà lo o dɔɔ̀ o zì wɔ̃́ kɛ‐kɔ̀ mɔ̀. Gɛ́nɛ́ yìlì lɛ̀ɛ́ ɓa pɛ ɓɛɛ lɛ́ ò kɛ̀ wã́ã́ĩ̀ káa ká. Ɛ́ɛ̃́ sùu gɛ́nɛ́ zɛ̀ lɛ̀ɛ́ ɓa féè ká. 17Yílí yiè lɛ́ɛ̀ ɓa e ɓɛɛ yiè ká. Tó yílí yɔɔ bɛ̃̀ɛ̃ áà ɓà e ɓɛɛ yɔɔ ká. 18Yílí yiè lɛ̀ɛ́ bɛ̀i ɓaà e ɓɛɛ yɔɔ ká. Ɛ́ɛ̃́ yílí yɔɔ bɛ̃̀ɛ̃ lɛ̀ɛ́ bɛ̀i ɓaà e ɓɛɛ yiè ká. 19Yílí nɔ́ɔ fé lɛ́ lɛ̀ɛ́ ɓa e ɓɛɛ yiè káa, óò kã, tó wa dùò tíè. 20À mɔ́ɔ̀ wɔ̃̀ mɔ̀ɔ, káà lo míá o kília dɔɔ̀ o zì wɔ̃́ kɛ‐kɔ̀ mɔ̀.
M̀ḿ gbaa ka dɔ
(Lúù 13.25-27)
21“Mia lɛ́ ò m si ‘M Dàa‐mì, m Dàa‐mìa,’ o séĩ́ òó ló ɓɔɔ̀ lɛ̀ lɛ́ Wálà lɛ́ e lɛ̀ía, tóò lɛ mia là yia mɔ̀. Kɛɛ mia lɛ́ ò wɔ̃́ lɛ́ m Dàa lɛ́ e lɛ̀ía à nàà ó kɛɛ kɛ̀ɛ, lɛ́ nɔ́ ò lo ɓɔɔ̀ yia. 22Yé Lúó e kília aà ɓɔɔ, mia búnùzɛ̀ óò lo à gèeè m lɛ̀ɛ, ‘Ko Dàa‐mì, ko Dàa‐mi, ḿ gɔ̃̀, ko Wálà lé‐wè gèe i tɔ́ yí, kɔ́áà pɛ yɔɔ búnùzɛ̀ ɓò mia píé i tɔ́ yí, ɛ̃́ɛ̃́ kɔ́áà wɔ̃́ kpàlézɛ̀ búnùzɛ̀ kɛ̀ i tɔ́ yí nɔ́ kíli.’ 23Yé aà kɛ kília, ḿm̀ lo à gèeè o lɛ̀ɛ, ‘M̀ḿ gbaa ka dɔ gbɛɛ ɓo. Kɛ‐pɛ̀ yɔɔ kɛ‐mìà ka ké ɓɛ. Kà gó dɔ̀á m là.’
Ká dɔ‐mìà pèèlɛɛ
(Lúù 6.47-49)
24“À mɔ́ɔ̀ wɔ̃̀ mɔ̀ɔ, mia séĩ́ lɛ́ ò o tóó dɔ m wéè mɔ̀, lɛ́ ò à kɛ̀ɛ, óò lo kɛɛ̀ lɛ̀ gɔ̃ gíkã́ã̀a zɛ̀ lɛ́ e là ká dɔ gɛ̀lɛ̀ làa lɛ́ ɓe. 25“Lɛ̀ɛ e bã, yíí e pa. Fã̀ã̀ e die áà zɔ̃̀ ká e kília mɔ̀. Kɛɛ lɛ̀ɛ́ gbaa wí, ɓii à dɔɔ̀ lɛ gɛ̀lɛ̀ làa mɔ́ɔ̀ wɔ̃̀ mɔ̀.
26“Ɛ́ɛ̃́ mia séĩ́ lɛ́ ò o tóó dɔ m wéè mɔ̀, lɛ́ òó à kɛɛ, óò lo kɛɛ̀ lɛ̀ gɔ̃ wúàa zɛ̀ lɛ́ e là ká dɔ nyìɛ́‐sɛ́lɛ́ làa lɛ́ ɓe. 27Lɛ̀ɛ e bã, yíí e pa. Fã̀ã̀ e die áà zɔ̃̀ ká e kília mɔ̀. Ká e kília e wí tã́ã̀. Wí a ɓo kília, e kɛ yɔɔ kpó‐kpó ɓo.”
Zízɛ̀ zì yíkɛ̀ gáàa
28Lɛ̀ Zízɛ̀ e nyɛ wɔ̃́ nì e kéa gèeè mɔ̀ɔ, mia kùa o lé e pa pɛ‐zɔ̃̀ɔ̃̀‐kɔ̀ lɛ́ Zízɛ̀ e kɛ à zɔ̃̀ɔ̃̀pìàa mɔ́ɔ̀ wɔ̃̀ ká. 29Lɛ̀ɛ́ gbaa zɔ̃̀ɔ̃̀ lɛ̀ zí Wálà kii‐dɔ‐mìà ò à zɔ̃̀ɔ̃̀ à káa lɛ́ ɓe. Kɛɛ a zɔ̃̀ɔ̃̀ yíkɛ̀ gágà ká.
Actualmente seleccionado:
Máfìù 7: MNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Mann New Testament © Bible Society in Liberia, 1978.
Máfìù 7
7
Mɛ́ĩ́ yɔɔ ɓò mia gbĩ mɔ̀
(Lúù 6.37-38, 41-42)
1“Yékɛ̀ ká mɛ̀ĩ́‐sà káá mia wĩĩ́. Yé kaà gɔ̃́ à kɛɛ̀ kília, Wálà lɛ̀ɛ́ ló mɛ̀ĩ́‐sà káà ka wĩĩ́. 2Ƃii Wálà lɛ́ɛ̀ lo mɛ̀ĩ́‐sà káà ka wĩĩ́ zi nɔ́ kà mɛ̀ĩ́‐sà kàà ká mia wĩĩ́a ká. Zí kà pɛ gɔ̃á mia lɛ̀ɛ, Wálà lɛ́ɛ̀ lo ka zì gɔ̃́ɔ̃̀ à ká. 3Mɛ́ e kɛ lɛ́ i yɛ́lɛ́ lɛ yílí‐séé lɛ́ e i lèe‐gé nyìɛɛ píé, lɛ́ i yɛ́lɛ́ nyɛɛ̀ lɛ yílí‐kpàla ké e i nyìɛɛ píé ɓɛ? 4Zi sùu kpɛɛ̀ lɛ́ ì bɛ̀i à mɔ̀ ɓá gèeá i lèe‐gé lɛ̀ɛ, ‘Tó ḿ yílí‐séé e i nyìɛɛ ɓeí,’ yé yílí‐kpàla lɛ i nyìɛɛ ká? 5Ƃí ì i dìè wɛlɛ li e ké ɓɛ. Ì yílí‐kpàla lɛ́ lɛ i nyìɛɛ ɓeí nɛ́. Yé aà kɛ kília, bɛ̀i lɛ́ɛ̀ lo kɛɛ̀ i mɔ̀ kɛ í lɛ̀ gɛ̃̀, kɛ í tĩã́ yílí‐séé lɛ́ e i lèe‐gé nyìɛɛ ɓeíì.
6“Yékɛ̀ ká pɛ lɛ́ lɛ púlúa nɔ gbã́ lɛ̀ɛ. Ɛ́ɛ̃́ yékɛ̀ ká kà gɛ̀lɛ̀ sɔ̃̀ɔ̃́ gbùò zɛ̀ dùò ɓɔ̀ vɔ̀ fĩ̀ã̀. Yé kaà kɛ kília, táá lɛ́ nɔ́ ò lo à ɓoò o làa. Ɛ́ɛ̃́ óò lo nìɛ̀ o ka kṹ.
Kà pɛ pɛ̃́
(Lúù 11.9-13)
7“Kà pɛ pɛ̃́. Ká kɛ̀á kília, káà lo à sɔ̀lɔ̀ ɓoò. Kà pɛ naa. Káà lo pɛ gɛ̃̀ɛ̃̀ yé kaà kɛ kília ká. Kà ká lé mɛ̀. Ká kɛ̀á kília, à lé lɛ́ɛ̀ lo ɓoò ka lɛ̀ɛ. 8Ƃii mi nɔ́ɔ fé lɛ́ è pɛ pɛ̃ɛ, lɛ́ɛ̀ lo pɛ sɔ̀lɔ̀ ɓoò. Ɛ́ɛ̃́ mí è pɛ nààa, lɛ́ɛ̀ lo pɛ gɛ̃̀ɛ̃̀. Ɛ́ɛ̃́ ká lé lɛ́ɛ̀ lo ɓoò mí à lé mɛ̀ɛ lɛ̀ɛ. 9Mia lɛ́ ka nɛ́ dàa nì káa, ka dò lɛ́ɛ̀ lo gɛ̀lɛ̀ nɔɔ̀ là nɛ́ lɛ̀ɛ, yé là nɛ́ aà belè pɛ̃́ à mɔ̀ɔ ká? 10Ɛ́ɛ̃́ lɛ́ɛ̀ lo mɛ̀nɛ nɔɔ̀ là nɛ́ lɛ̀ɛ, yé aà kpã̀ã́ pɛ̃́ɛ ká? 11Lɛ̀ zí bɛ̃̀ɛ̃ ka kɛ‐pɛ̀ lɛ à ká yɔɔ, káà pɛ yiè nɔ̀ kà nɔ́ɔ̀ lɛ̀ɛ zì dɔ. Zi sùu kpɛɛ̀ lɛ́ ka Dàa lɛ́ e lɛ̀ía, è lo pɔɔ̀ yiè yiè nɔɔ̀ à ká mia lɛ́ ò o pɛ̃ à mɔ̀ɔ lɛ̀ɛ ké.
12“Kà wɔ̃́ kɛ mia ká lɛ̀ zí kà nàà ó wɔ̃́ kɛá ka káa lɛ́ ɓe. Ƃii Móózè là Lɔ́ɔ̀ɔ, wà wɔ̃́ lɛ́ dɔ̀‐Wálà‐lé‐là‐mìàa o à gèea, à yí lɛ́ ɓɛ.
Gàlà‐lé sɔ́ɔ́‐sɔ̀ɔ̀ zɛ̀
(Lúù 13.24)
13“Kà kpɔ́ gàlà‐lé sɔ́ɔ́‐sɔ̀ɔ̀ zɛ̀ɛ ká. Ƃii zi lɛ́ è lo mia yí‐sìè‐pìàa tàà‐à‐píé lɛ lɔ́ɔ́‐lɔ̀ɔ̀, ɛ̃́ɛ̃́ à mɔ́ɔ̀ gàlà‐lé lɛ gbùò. Ɛ́ɛ̃́ mia kù gbùò zɛ̀ óò to zí e kília píé. 14Zi lɛ́ è lo lɛ̀ lɛ́ kɛ̀ɓe lɛ yía mɔ̀ɔ, tàà‐à‐píé lɛ gágà, ɛ̃́ɛ̃́ à mɔ́ɔ̀ gàlà‐lé lɛ sɔ́ɔ́‐sɔ̀ɔ̀. Ɛ́ɛ̃́ mia wɛ́lɛ́ ɓéĩ́ lɛ́ nɔ́ ò à gɛ̃̀ɛ.
Yílí wà e ɓɛɛ
(Lúù 6.43-44)
15“Kà ka yɛ́lɛ́ kɛ ka dìè píé mia lɛ́ ò o dìè si dɔ̀‐Wálà‐lé‐là‐mìà, lɛ́ o wá mɔṹ à káa wɛ̃́ĩ̀. Óò nu ka píé e kpɔ́lɔ́ṹ‐kpɔ̀lɔ̀ũ̀ ká lɛ̀ ɓáá lɛ́ ɓe. Kɛɛ o zò píé zàá yee, o yí lɛ̀ gɔ́ nyaàa lɛ́ ɓe. 16Káà lo o dɔɔ̀ o zì wɔ̃́ kɛ‐kɔ̀ mɔ̀. Gɛ́nɛ́ yìlì lɛ̀ɛ́ ɓa pɛ ɓɛɛ lɛ́ ò kɛ̀ wã́ã́ĩ̀ káa ká. Ɛ́ɛ̃́ sùu gɛ́nɛ́ zɛ̀ lɛ̀ɛ́ ɓa féè ká. 17Yílí yiè lɛ́ɛ̀ ɓa e ɓɛɛ yiè ká. Tó yílí yɔɔ bɛ̃̀ɛ̃ áà ɓà e ɓɛɛ yɔɔ ká. 18Yílí yiè lɛ̀ɛ́ bɛ̀i ɓaà e ɓɛɛ yɔɔ ká. Ɛ́ɛ̃́ yílí yɔɔ bɛ̃̀ɛ̃ lɛ̀ɛ́ bɛ̀i ɓaà e ɓɛɛ yiè ká. 19Yílí nɔ́ɔ fé lɛ́ lɛ̀ɛ́ ɓa e ɓɛɛ yiè káa, óò kã, tó wa dùò tíè. 20À mɔ́ɔ̀ wɔ̃̀ mɔ̀ɔ, káà lo míá o kília dɔɔ̀ o zì wɔ̃́ kɛ‐kɔ̀ mɔ̀.
M̀ḿ gbaa ka dɔ
(Lúù 13.25-27)
21“Mia lɛ́ ò m si ‘M Dàa‐mì, m Dàa‐mìa,’ o séĩ́ òó ló ɓɔɔ̀ lɛ̀ lɛ́ Wálà lɛ́ e lɛ̀ía, tóò lɛ mia là yia mɔ̀. Kɛɛ mia lɛ́ ò wɔ̃́ lɛ́ m Dàa lɛ́ e lɛ̀ía à nàà ó kɛɛ kɛ̀ɛ, lɛ́ nɔ́ ò lo ɓɔɔ̀ yia. 22Yé Lúó e kília aà ɓɔɔ, mia búnùzɛ̀ óò lo à gèeè m lɛ̀ɛ, ‘Ko Dàa‐mì, ko Dàa‐mi, ḿ gɔ̃̀, ko Wálà lé‐wè gèe i tɔ́ yí, kɔ́áà pɛ yɔɔ búnùzɛ̀ ɓò mia píé i tɔ́ yí, ɛ̃́ɛ̃́ kɔ́áà wɔ̃́ kpàlézɛ̀ búnùzɛ̀ kɛ̀ i tɔ́ yí nɔ́ kíli.’ 23Yé aà kɛ kília, ḿm̀ lo à gèeè o lɛ̀ɛ, ‘M̀ḿ gbaa ka dɔ gbɛɛ ɓo. Kɛ‐pɛ̀ yɔɔ kɛ‐mìà ka ké ɓɛ. Kà gó dɔ̀á m là.’
Ká dɔ‐mìà pèèlɛɛ
(Lúù 6.47-49)
24“À mɔ́ɔ̀ wɔ̃̀ mɔ̀ɔ, mia séĩ́ lɛ́ ò o tóó dɔ m wéè mɔ̀, lɛ́ ò à kɛ̀ɛ, óò lo kɛɛ̀ lɛ̀ gɔ̃ gíkã́ã̀a zɛ̀ lɛ́ e là ká dɔ gɛ̀lɛ̀ làa lɛ́ ɓe. 25“Lɛ̀ɛ e bã, yíí e pa. Fã̀ã̀ e die áà zɔ̃̀ ká e kília mɔ̀. Kɛɛ lɛ̀ɛ́ gbaa wí, ɓii à dɔɔ̀ lɛ gɛ̀lɛ̀ làa mɔ́ɔ̀ wɔ̃̀ mɔ̀.
26“Ɛ́ɛ̃́ mia séĩ́ lɛ́ ò o tóó dɔ m wéè mɔ̀, lɛ́ òó à kɛɛ, óò lo kɛɛ̀ lɛ̀ gɔ̃ wúàa zɛ̀ lɛ́ e là ká dɔ nyìɛ́‐sɛ́lɛ́ làa lɛ́ ɓe. 27Lɛ̀ɛ e bã, yíí e pa. Fã̀ã̀ e die áà zɔ̃̀ ká e kília mɔ̀. Ká e kília e wí tã́ã̀. Wí a ɓo kília, e kɛ yɔɔ kpó‐kpó ɓo.”
Zízɛ̀ zì yíkɛ̀ gáàa
28Lɛ̀ Zízɛ̀ e nyɛ wɔ̃́ nì e kéa gèeè mɔ̀ɔ, mia kùa o lé e pa pɛ‐zɔ̃̀ɔ̃̀‐kɔ̀ lɛ́ Zízɛ̀ e kɛ à zɔ̃̀ɔ̃̀pìàa mɔ́ɔ̀ wɔ̃̀ ká. 29Lɛ̀ɛ́ gbaa zɔ̃̀ɔ̃̀ lɛ̀ zí Wálà kii‐dɔ‐mìà ò à zɔ̃̀ɔ̃̀ à káa lɛ́ ɓe. Kɛɛ a zɔ̃̀ɔ̃̀ yíkɛ̀ gágà ká.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Mann New Testament © Bible Society in Liberia, 1978.