मत्ती जाणकारी
जाणकारी
मत्ती क हाता मांडेड़ो चोखो समचार नया नियम की बा च्यार पोथ्या मऊँ एक ह जखी ईसु का जीवन क बारां म बतावै ह। अनुमान लगायो जावै क आ पोथी ईसु क जलम क करीब साठ बरसा पाछै मांडी गई। इ बात प बी मतभेद ह क आ पोथी कठै मांडी गई ही। पण क्युंक मानै ह क आ पोथी पलिस्तिन अर क्युंक मानै ह क आ यरूसलेम म मांडी गई ह।
इ पोथीनै मांडबाळो मत्ती ईसु को चेलो होबाऊँ पेली बो एक चुंगी लेबाळो हो, जिको दुसरो नाम लेवी हो। मत्ती बा भेजेड़ा बारा चेला मऊँ एक हो अर बो आ पोथी यहूदि मिनखा ताँई मांडी ह क्युं क करीब साठ झघा पुराणा नियम को आंक मांड्यो ह। मत्ती को इरादो इ पोथीनै मांडबा क पिछै आ दिखाबो हो क ईसुई मिनखानै बचाबा ताँई परमेसर को टाळेड़ो मसी हो, जि ताँई करार कर्यो गयो हो। इ पोथी म मत्ती परमेसर का राज क बारां म बी बोळी बाता मांडै ह।
नया नियम की सरूआत ताँई मत्ती क हाता मांडेड़ा चोखा समचार की पोथी एक बोळी बडिया पोथी ह क्युं क इ पोथी म बोळी झघा पुराणा नियम की बातानै मांड्यो गयो ह। आ पोथी दो नियमानै आपसरी म जोड़ै ह क्युं क ज्ञानीद्यान्या को मानबो ह क मत्ती पुराणा नियम की पेली पाच पोथ्या जखी मूसा क हाता मांडी गई ह बाकी रूपरेखा की नकल करी ह। जंय्यां क डूँगरी प ईसु की सीख। (5:1—7:29) जिकी बराबरी परमेसर को मूसानै नेम-कायदा देबाऊँ करी जा सकै ह। (बेब 9:3—23:25)
रूपरेखा
1) इ चोखा समचार की सरूआत म मत्ती ईसु का जलम अर बिकी सेवा की सरूआत क बारां म बतावै ह। (1—4)
2) इकै आगै मत्ती ईसु की सेवा अर बिकी बोळी सीख क बारां म बतावै ह। (5—25)
3) आखरी भाग म मत्ती ईसु की सेवा की सऊँ बडी बात बिकी मोत अर बिको ओज्यु जी उठबानै बतावै ह। (26—28)
Actualmente seleccionado:
मत्ती जाणकारी: एस डब्लु वी
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
(c) 2010-2017, New Life Computer Institute. All rights reserved