MATIUS 1:18-19

Wene Ar Yesus Kristus endaktagage eti yegerogon. Ar Yusuf nen kodak Maria imbirak wene warek welagage. Imbirak wene warek kigik, Maria elege arar abuda agage. (Ar kwe Maria Roh Kudus obatne paga elege abuda agage eti, ar Yusuf onggokdek welagage). Ar Yusuf eti, ap agama wene mbalek ndak-ndak dik duk ekwa mende arar welagage. Ma, ar Yusuf akla nen, kwe yi dambe kak nen yiluk, akla andarige. Andarige mende eti akla tebelek welagage. Nenaluk, ar Maria telekma dambe kamo, ar enggadi arurak ma, kirak-kirak dambe kak nen, yiluk akla andarige.