Génesis 10
10
Noétyiꞌ vóshiꞌ in
1Ọij sánacdyeꞌ p̂eyacsebiꞌ tịj muꞌin vóshiꞌ in Semtyiꞌ muꞌ judyeyaꞌ Camtyiꞌ muꞌ judyeyaꞌ Jafetytyiꞌ muꞌ chimeꞌ, muꞌin nash Noétyiꞌ ạvaꞌ muꞌ. Aty jiyiꞌyaꞌ mọꞌ bänedyeꞌ chat muꞌin qui ạvaꞌyeban in.
2Uts nash Jafetytyiꞌ ạvaꞌ muꞌin: Gomer, Magog, Madai, Javán, Tubal, Mesec judyeyaꞌ Tiras, meꞌ meꞌ tịj muꞌin. 3Uts nash Gomertyiꞌ ạvaꞌ muꞌ: Askenaz, Rifat, judyeyaꞌ Togarma, meꞌ meꞌ tịj muꞌin. 4Uts nash Javántyiꞌ ạvaꞌ muꞌ: Elisa, Tarsis, Quitim, judyeyaꞌ Rodanim, meꞌ meꞌ tịj muꞌin. 5Muꞌin na vóshiꞌ Jafetytyiꞌ muꞌ paiꞌ paiꞌ bäꞌyi in, sinve mar in ĉụiꞌsiꞌĉaĉan jac bäꞌyi in, judyeyaꞌ ĉụiꞌsiꞌĉaĉan p̂eyacdyeꞌ p̂eyaqui in.
6Uts nash Camtyiꞌ ạvaꞌ muꞌ: Cus, Mizraim, Fut judyeyaꞌ Canaán, meꞌ meꞌ tịj muꞌin. 7Uts nash Custyiꞌ ạvaꞌ muꞌ: Seba, Havila, Sabta, Raama judyeyaꞌ Sabteca, meꞌ meꞌ tịj muꞌin. Uts nash Raamatyiꞌ ạvaꞌ muꞌ: Seba judyeyaꞌ Dedán.
Muꞌ Nimrod
8Cus ạvaꞌyi muꞌ Nimrod. Muꞌ Nimrod mujuꞌchaty ayoꞌ shupqui úcheꞌ jaccheꞌ. 9Ayoꞌ yi paj qui ferdyeꞌtumtyiꞌ däräijtyiꞌ muꞌ Nimrod. Mọꞌdyes tiyacchutiꞌ muntyis p̂eyacdyeꞌ in, jéte in tyi chuc chịj däräijtyiꞌ: "Ayoꞌ yi paj qui chịj däräijtyiꞌ shupqui, jeñej Nimrod jiquej", jéte muntyiꞌ in. 10Tashcheꞌ muꞌ vạjpedyeꞌ bäꞌyedyeꞌ ayoꞌbuꞌyi, Sinarĉansiꞌ bäꞌyedyeꞌ, tịj mọꞌin: Babel, Erec, Acad judyeyaꞌ Calne. 11Muꞌĉantyiꞌ shupqui Asur, muꞌ jämꞌtyeꞌ vạjpedyeꞌ bäꞌyedyeꞌ in, tịj mọꞌin: Nínive, Rehobot-ir, Cala 12judyeyaꞌ därsiꞌ bäꞌyedyeꞌ Resén. Mọꞌ Resén chidyiꞌĉanyaꞌ Nínive judyeyaꞌ Cala.
Yoctyiꞌ vóshiꞌ Noétyiꞌ muꞌ
13Uts nash Mizraimtyiꞌ vóshiꞌ muꞌ: muꞌin ludeo in judyeyaꞌ anameo in, lehabita in, naftuhita in, 14patruseo in, caslunita in judyeyaꞌ caftorita in, meꞌ meꞌ in. Caftor jiquej vóshiꞌ nash muꞌin filisteoty in.
15Muꞌ Canaán ạvaꞌyi muꞌ Sidón tashchety ạvaꞌ muꞌ, judyeyaꞌ Het chimeꞌ. 16Uts nash Canaántyiꞌ vóshiꞌ muꞌ: Muꞌin jebuseo in, amorreo in, gergeseo in, 17heveo in, araceo in, sineo in 18arvadeo in, zemareo in, judyeyaꞌ hamateo in, meꞌ meꞌ in. Jäquiꞌve Canaántyiꞌ vóshiꞌ in jiꞌpaiꞌcati in, moch buꞌban in. 19Därsiꞌ jac shupquiꞌ muꞌin, Sidónyaꞌ tiyacchutiꞌ jätisve tyeiꞌ chaꞌsheꞌ mọꞌ jac Gerar, c̣hẹiꞌyaꞌ mọꞌ bäꞌyedyeꞌ Gaza, judyeyaꞌ chimeꞌ pamꞌve tyeiꞌ mọꞌ jac chaꞌsheꞌ mọꞌ bäꞌyedyeꞌ Sodoma, judyeyaꞌ Gomorra, judyeyaꞌ Admah judyeyaꞌ Zeboim, c̣hẹiꞌyaꞌ mọꞌ bäꞌyedyeꞌ Lasa, meꞌquiꞌ buꞌyiꞌ muꞌinsiꞌ jac muꞌin Canaántyiꞌ vóshiꞌ muꞌ. 20Räj uts Camtyiꞌ vóshiꞌ muꞌ, muꞌin ĉụiꞌsiꞌĉaĉan jac bäꞌyi in judyeyaꞌ ĉụiꞌsiꞌĉaĉan p̂eyacdyeꞌ p̂eyaqui in.
Semtyiꞌ vóshiꞌ muꞌ
21Sem chimeꞌ ạvaꞌyi, muꞌ nash tashchety vojity muꞌ Jafetytyiꞌ. Muꞌ Heber räjtumdye ạvaꞌ muꞌ muꞌin Semtyiꞌ vóshiꞌ muꞌ.
22Semtyiꞌ ạvaꞌ muꞌ: Elam, Asur, Arfaxad, Lud, judyeyaꞌ Aram, meꞌ meꞌ tịj muꞌin. 23Aramtyiꞌ ạvaꞌ muꞌ: Uz, Hul, Geter judyeyaꞌ Mas, meꞌ meꞌ tịj muꞌin. 24Arfaxadtyiꞌ ạvaꞌ muꞌ: Sala, judyeyaꞌ muꞌ Salaty ạvaꞌ muꞌ: Heber. 25Muꞌ Heber päräꞌ ạvaꞌ muꞌ, yoctyiꞌ Peleg tịj muꞌ ĉaĉaij na aty meꞌsiꞌ pạrejti in jacchety muntyiꞌ in. Yoctyiꞌ Hebertyiꞌ ạvaꞌ muꞌ tịj muꞌ Joctán. 26Uts nash Joctántyiꞌ vóshiꞌ muꞌ: Almodad, Selef, Hazar-mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila judyeyaꞌ Jobab, meꞌ meꞌ in muty vóshiꞌ Joctántyiꞌ.
30Därsiꞌ muꞌinsiꞌ jac in, Mesayaꞌ tiyacchutiꞌ mọꞌ jac chipamꞌvedye tyeiꞌ mọꞌ, chaꞌsheꞌ mọꞌ jac Sefar, pamꞌvety mụcuꞌ mọꞌcheꞌ jac mọꞌ Sefar. 31Räj Semtyiꞌ vóshiꞌ muꞌ, ĉụiꞌsiꞌĉaĉan jac bäꞌyi in judyeyaꞌ ĉụiꞌsiꞌĉaĉan p̂eyacdyeꞌ p̂eyaqui in.
32Meꞌ meꞌ in Noétyiꞌ vóshiꞌ muꞌ, ĉụiꞌtyiꞌtutum chätidyeꞌ sánac tịj muꞌin judyeyaꞌ ĉụiꞌsiꞌĉaĉan jac bäꞌyi in. Aty jiyiꞌ bänedyeꞌ, chat qui ĉụiꞌ mọmoꞌ paiꞌ buꞌban jaccheꞌ in, ĉụiꞌsiꞌĉaĉan jac bäꞌyi in.
Actualmente seleccionado:
Génesis 10: CAS
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2017 Nuevo Testamento en Chimane
Jen'si' P̂eyacdye'