Génesis 18
18
Jenꞌ jajiti Abraham: "Ạvaꞌyi raꞌ mi"
1Ayoꞌ jiꞌcaviti Abrahamyaꞌ poc̣hoꞌsisyaꞌ son, Mamre tịj aꞌ muꞌ. Quichĉan tsun jiꞌcaviti muꞌyaꞌ, chụiꞌdyeꞌyaꞌ muꞌ bäꞌvaꞌjoij quịꞌsiꞌ acaꞌ muꞌ, meꞌ jiꞌcaviti muꞌyaꞌ. 2Ĉụiꞌdye doijrojyi muꞌ Abraham cạvacsi chibin muntyiꞌ in muꞌyaꞌ rụiꞌcujcuquen in. Sac muꞌ tyeij siscajcacsi jiꞌrebacsi, muꞌinsiꞌyaꞌ vej in dyụtsyi muꞌyaꞌ täjjequeꞌ jac jáfiyaꞌ muꞌ. 3Chat qui muꞌ p̂eyaqui Abraham yi:
—Jämꞌ jụijyaꞌ ĉọiꞌ mi atsiva, jambiꞌ raꞌ jiyi mi. 4Yụ raꞌ damꞌ cọdyetacsi ojñiꞌ paj qui favaqui yuj miꞌin, chat qui raꞌ jịꞌjutyimtuti miꞌin sonsiꞌyaꞌ onomꞌsimꞌ. 5Anic maꞌjoij yụ úyaꞌ atsij miꞌin, yụ raꞌ jiꞌsäcseyac miꞌin paj qui jiĉun miꞌin, chat qui jiyi miꞌin —jéyacsi Abraham.
—Meꞌ toꞌ o —yi in.
6Chat qui muꞌ Abraham sisan quịꞌsiꞌĉan acamꞌ, jeꞌ Sara p̂en muꞌ:
—Cavinyeva jäcme jämꞌtyiꞌ jaꞌsha, päräꞌ quiꞌtac quiro jämꞌme pan.
7Muyaꞌ tŝọij Abraham vacachemꞌ jäcaqui banꞌsis vaca jụꞌñis chuc mọjoꞌchaꞌ jämꞌsiꞌ, mọꞌ soꞌmete úñity muꞌ. Cavintum muꞌ bijoij muntyidyes in. 8Aty mụiꞌ mọꞌ, chat qui muꞌ Abraham tuyacsi shush, judyeyaꞌ quesiyo judyeyaꞌ reche, soꞌmacsi muntyiꞌ muꞌ. Muꞌyaꞌ säcsi in sonsiꞌyaꞌ onomꞌsiꞌ mọꞌ. Muꞌ na Abraham cạvacsevaꞌjoij meij, muꞌdye patstyeyacsity.
9Aty meꞌsiꞌ chụ́qui in chat qui jéte Abraham in:
—¿Janaꞌ p̂en um Sara?
Vorjeyacsi Abraham:
—Mọꞌĉan o acaꞌĉan.
10Yirity muntyiꞌ jajiti Abraham:
—Yocsiꞌ raꞌ yómodyeꞌ cuvij raꞌ caꞌñibun yụ ĉọ́shadyeye, tupuj raꞌ muꞌyaꞌ ạvamꞌ Saraty p̂entyiꞌ mi —yi.
Sara chụiꞌdyeꞌyaꞌ acas bäꞌvaꞌjoiꞌ seꞌvacsevaꞌbiꞌ p̂eyacdyeꞌ muꞌin. 11Abraham judyeyaꞌ Sara p̂en muꞌ vaj meꞌ ishoꞌmun in, Sara aty tätsiꞌ japacjodyeꞌ ạvaꞌyedyes mọꞌ. 12Meꞌdyes qui mọꞌ Sara ĉojtyiꞌĉan dyisiꞌ judyeyaꞌ yiꞌ: "¿Junaꞌdyemꞌ raꞌ ạvaꞌyiꞌ yụ? Aty ishoꞌ atsvun yụ judyeyaꞌ vämtyiꞌ yụ. ¿Junaꞌdyemꞌ raꞌ tupuj maꞌjoiꞌ yụ?" 13Ayoꞌ jajiti Abraham:
—¿Junꞌ dash meꞌ dyisiꞌ Sara? ¿Junꞌ dash meꞌ yiꞌ chimeꞌ: "¿Junaꞌdyemꞌ raꞌ ạvaꞌyiꞌ yụ ishodyeꞌĉan yụ?" yiꞌ. 14Itŝiꞌ méquis carij Ayodyes, jam jayej ferdyeꞌ muꞌ. Cạvetiñeꞌdye raꞌ miꞌin, yocsiꞌ raꞌ yómodyeꞌ caꞌñibun raꞌ yụ, tupuj raꞌ muꞌyaꞌ ạvamꞌ Saraty p̂entyiꞌ mi.
15Sara aty chiquepte p̂eyacdyeꞌ muꞌ anic noiꞌyiꞌ, väñäiꞌ yiꞌ ticamaquiꞌ:
—Yụ jam junꞌ dyisiꞌ.
Ayoꞌ vorjajitiꞌ Sara:
—Chịj nash yụ dyisiꞌ mi.
Abraham cọdaqui Jenꞌcheꞌ Sodomaĉantyidyes in
16Chat qui muꞌin muntyiꞌ in sacti in Sodomave jịjcaij in. Abraham méquiꞌyaꞌ cäc̣häꞌchucsi penꞌdyetucsi majmiyaꞌ judyeyaꞌ vorjeyacsetaqui. 17Ayoꞌ dyijyi yi:
—Yụ raꞌ jéte muꞌ Abraham junꞌ chuc raꞌ yụs dyijyedyeꞌ, 18ĉaĉaij na yụ aty yụꞌtyeꞌ muꞌdyes p̂eyacdyeꞌ yụ, yiꞌ: "daiꞌ raꞌ vóshiꞌ muꞌ, fer buꞌyi raꞌ in." Chimeꞌdye yụ jéte jiquej: "míyaꞌ raꞌ yụ ñịbeꞌjeyacsi räj jacchety muntyiꞌ in", jéte yụ. 19Uts nash Abraham yụty tsimꞌtactyiꞌ paj qui muꞌ ĉụiꞌtyiꞌ ạvaꞌ jịꞌchiyaqui judyeyaꞌ vóshiꞌ muꞌ paj qui muꞌin chimeꞌ chäquibun p̂eyacdyeꞌ yụ in, paj qui rụij buꞌyi in. Chat qui raꞌ yụ jịꞌcätseꞌ p̂eyacdyeꞌ yụ yụꞌtyeyetes jiquej yụ —yi Ayoꞌ.
20Chat qui Ayoꞌ jajiti Abraham:
—Sodomaĉantyiꞌ in judyeyaꞌ Gomorraĉantyiꞌ in anic därsiꞌ meꞌchuiꞌ juchaj in, meꞌ seꞌveꞌ yụ, anic jiyi ac̣hiꞌ bäꞌyi in. 21Mọꞌdyes yụ raꞌ chạij ĉọcsequi paj qui chịj yụ jadac meꞌ bäꞌyi in, vatyquej rụij mọꞌ p̂eyacdyeꞌ —yi Ayoꞌ.
22Muꞌin päräꞌ muntyiꞌ in ĉọctety Abraham in, muꞌĉan jịjcaij in Sodomaĉan. Abrahamdyety tacyaꞌ Ayosyaꞌ vej muꞌ. 23Abraham ĉọcte jéte:
—¿Räjjeyacsi bu ramꞌ Sodomaĉantyiꞌ in, meꞌ bu raꞌ muꞌinmun tyejoij in rụijtyity in? 24Vatyquej raꞌ muꞌyaꞌ ĉanamꞌ quiꞌtac rụijtyity jụijyaꞌ in, ¿jam bu raꞌ mi ñịbeꞌ ĉọiꞌ mọꞌ bäꞌyedyeꞌ? 25Jam raꞌ meꞌ ijacsi mi muꞌin rụijtyity in, jeñej qui ac̣hiꞌyity cạvacsiyam. Mi nash Tashchety Jịꞌcäts Yụꞌtacsity úcheꞌ, jemoñeꞌ rụij dyijyi mi —yi Abraham jéte Ayoꞌ.
26Ayoꞌ vorjajiti:
—Dạcacsi raꞌ jụijyaꞌ Sodomaĉan yụ ĉanamꞌ quiꞌtac rụijtyity in, yụ raꞌ jam junꞌ soꞌmeꞌ vaꞌtacdyeꞌ mọꞌ bäꞌyedyeꞌ.
27Abraham quivij p̂eyaqui jéte:
—Jam raꞌ fáquitim ĉaĉaij nash yụ muntyiꞌ mọmoꞌ, meꞌ tsanꞌ meꞌ, yụ qui namꞌ sóñiꞌyi yụ p̂eyeye mi Anictyity Ayoꞌ. 28Vátyequej jayej jụijyaꞌ ĉanamꞌ in, vatyquej raꞌ muꞌyaꞌ vạjpedyeꞌ quiꞌtac ĉanamꞌ jiyi mọmoꞌ rụijtyity in, ¿meꞌ buty raꞌ meꞌjem mọꞌ bäꞌyedyeꞌ?
Ayoꞌ vorjajiti:
—Meꞌ raꞌ dạcacsi jụijyaꞌ yụ vạjpedyeꞌ quiꞌtac ĉanamꞌ jiyiꞌ jụijyaꞌ in yụ raꞌ jam junꞌ meꞌjeyacsi.
29Quivij muꞌ Abraham jéte Jenꞌ:
—Vatyquej vạjpedyeꞌ quiꞌtac mọmoꞌ jụijyaꞌ muꞌyaꞌ rụijtyity in —jéte muꞌ Abraham.
Vorjajiti Ayoꞌ:
—Muꞌyaꞌ vạjpedyeꞌ quiꞌtac mọmoꞌ jụijyaꞌ in, yụ raꞌ jam junꞌ meꞌjeyacsi.
30Abraham quivij cọdaqui Jenꞌcheꞌ, jéte:
—Jam raꞌ fáquitim yụ mạꞌjeꞌ yejĉoij cọdyeye mi. Vatyquej dạcacsiyam chibin quiꞌtac jụijyaꞌ in.
Vorjajiti Ayoꞌ:
—Muꞌyaꞌ chibin quiꞌtac jụijyaꞌ in, yụ raꞌ jam meꞌjeyacsi.
31Abraham quivij jéte:
—Yụ́tyiꞌ Ayoꞌ jam raꞌ fáquitim, ĉaĉaij nash sóñiꞌyi yụ cọdyeye mi, vatyquej muꞌyaꞌ päräꞌ quiꞌtac mọmoꞌ jụijyaꞌ in, ¿junꞌjeyacsi bu raꞌ mi?
Vorjajiti Ayoꞌ:
—Muꞌyaꞌ päräꞌ quiꞌtac mọmoꞌ jụijyaꞌ in, yụ raꞌ jam meꞌjeyacsi.
32Abraham vorjete:
—Jambiꞌ chum raꞌ fáquitiꞌ mi, yiriꞌdyety raꞌ cọdyeye, chat qui raꞌ meꞌquiꞌdye jéye. Muꞌyaꞌ jụijyaꞌ yiriꞌtac rụijtyity in, ¿junꞌ qui bu ram?
Vorjajiti Ayoꞌ:
—Muꞌyaꞌ jụijyaꞌ yiriꞌtac in yụ raꞌ jam meꞌjeyacsi —jajiti muꞌ Jenꞌ.
33Aty meꞌsiꞌ p̂eyaqui Abrahamtum chat qui jọban muꞌ Ayoꞌ. Chat qui acatuban muꞌ Abraham quịꞌsiꞌ acamꞌ.
Actualmente seleccionado:
Génesis 18: CAS
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2017 Nuevo Testamento en Chimane
Jen'si' P̂eyacdye'
Génesis 18
18
Jenꞌ jajiti Abraham: "Ạvaꞌyi raꞌ mi"
1Ayoꞌ jiꞌcaviti Abrahamyaꞌ poc̣hoꞌsisyaꞌ son, Mamre tịj aꞌ muꞌ. Quichĉan tsun jiꞌcaviti muꞌyaꞌ, chụiꞌdyeꞌyaꞌ muꞌ bäꞌvaꞌjoij quịꞌsiꞌ acaꞌ muꞌ, meꞌ jiꞌcaviti muꞌyaꞌ. 2Ĉụiꞌdye doijrojyi muꞌ Abraham cạvacsi chibin muntyiꞌ in muꞌyaꞌ rụiꞌcujcuquen in. Sac muꞌ tyeij siscajcacsi jiꞌrebacsi, muꞌinsiꞌyaꞌ vej in dyụtsyi muꞌyaꞌ täjjequeꞌ jac jáfiyaꞌ muꞌ. 3Chat qui muꞌ p̂eyaqui Abraham yi:
—Jämꞌ jụijyaꞌ ĉọiꞌ mi atsiva, jambiꞌ raꞌ jiyi mi. 4Yụ raꞌ damꞌ cọdyetacsi ojñiꞌ paj qui favaqui yuj miꞌin, chat qui raꞌ jịꞌjutyimtuti miꞌin sonsiꞌyaꞌ onomꞌsimꞌ. 5Anic maꞌjoij yụ úyaꞌ atsij miꞌin, yụ raꞌ jiꞌsäcseyac miꞌin paj qui jiĉun miꞌin, chat qui jiyi miꞌin —jéyacsi Abraham.
—Meꞌ toꞌ o —yi in.
6Chat qui muꞌ Abraham sisan quịꞌsiꞌĉan acamꞌ, jeꞌ Sara p̂en muꞌ:
—Cavinyeva jäcme jämꞌtyiꞌ jaꞌsha, päräꞌ quiꞌtac quiro jämꞌme pan.
7Muyaꞌ tŝọij Abraham vacachemꞌ jäcaqui banꞌsis vaca jụꞌñis chuc mọjoꞌchaꞌ jämꞌsiꞌ, mọꞌ soꞌmete úñity muꞌ. Cavintum muꞌ bijoij muntyidyes in. 8Aty mụiꞌ mọꞌ, chat qui muꞌ Abraham tuyacsi shush, judyeyaꞌ quesiyo judyeyaꞌ reche, soꞌmacsi muntyiꞌ muꞌ. Muꞌyaꞌ säcsi in sonsiꞌyaꞌ onomꞌsiꞌ mọꞌ. Muꞌ na Abraham cạvacsevaꞌjoij meij, muꞌdye patstyeyacsity.
9Aty meꞌsiꞌ chụ́qui in chat qui jéte Abraham in:
—¿Janaꞌ p̂en um Sara?
Vorjeyacsi Abraham:
—Mọꞌĉan o acaꞌĉan.
10Yirity muntyiꞌ jajiti Abraham:
—Yocsiꞌ raꞌ yómodyeꞌ cuvij raꞌ caꞌñibun yụ ĉọ́shadyeye, tupuj raꞌ muꞌyaꞌ ạvamꞌ Saraty p̂entyiꞌ mi —yi.
Sara chụiꞌdyeꞌyaꞌ acas bäꞌvaꞌjoiꞌ seꞌvacsevaꞌbiꞌ p̂eyacdyeꞌ muꞌin. 11Abraham judyeyaꞌ Sara p̂en muꞌ vaj meꞌ ishoꞌmun in, Sara aty tätsiꞌ japacjodyeꞌ ạvaꞌyedyes mọꞌ. 12Meꞌdyes qui mọꞌ Sara ĉojtyiꞌĉan dyisiꞌ judyeyaꞌ yiꞌ: "¿Junaꞌdyemꞌ raꞌ ạvaꞌyiꞌ yụ? Aty ishoꞌ atsvun yụ judyeyaꞌ vämtyiꞌ yụ. ¿Junaꞌdyemꞌ raꞌ tupuj maꞌjoiꞌ yụ?" 13Ayoꞌ jajiti Abraham:
—¿Junꞌ dash meꞌ dyisiꞌ Sara? ¿Junꞌ dash meꞌ yiꞌ chimeꞌ: "¿Junaꞌdyemꞌ raꞌ ạvaꞌyiꞌ yụ ishodyeꞌĉan yụ?" yiꞌ. 14Itŝiꞌ méquis carij Ayodyes, jam jayej ferdyeꞌ muꞌ. Cạvetiñeꞌdye raꞌ miꞌin, yocsiꞌ raꞌ yómodyeꞌ caꞌñibun raꞌ yụ, tupuj raꞌ muꞌyaꞌ ạvamꞌ Saraty p̂entyiꞌ mi.
15Sara aty chiquepte p̂eyacdyeꞌ muꞌ anic noiꞌyiꞌ, väñäiꞌ yiꞌ ticamaquiꞌ:
—Yụ jam junꞌ dyisiꞌ.
Ayoꞌ vorjajitiꞌ Sara:
—Chịj nash yụ dyisiꞌ mi.
Abraham cọdaqui Jenꞌcheꞌ Sodomaĉantyidyes in
16Chat qui muꞌin muntyiꞌ in sacti in Sodomave jịjcaij in. Abraham méquiꞌyaꞌ cäc̣häꞌchucsi penꞌdyetucsi majmiyaꞌ judyeyaꞌ vorjeyacsetaqui. 17Ayoꞌ dyijyi yi:
—Yụ raꞌ jéte muꞌ Abraham junꞌ chuc raꞌ yụs dyijyedyeꞌ, 18ĉaĉaij na yụ aty yụꞌtyeꞌ muꞌdyes p̂eyacdyeꞌ yụ, yiꞌ: "daiꞌ raꞌ vóshiꞌ muꞌ, fer buꞌyi raꞌ in." Chimeꞌdye yụ jéte jiquej: "míyaꞌ raꞌ yụ ñịbeꞌjeyacsi räj jacchety muntyiꞌ in", jéte yụ. 19Uts nash Abraham yụty tsimꞌtactyiꞌ paj qui muꞌ ĉụiꞌtyiꞌ ạvaꞌ jịꞌchiyaqui judyeyaꞌ vóshiꞌ muꞌ paj qui muꞌin chimeꞌ chäquibun p̂eyacdyeꞌ yụ in, paj qui rụij buꞌyi in. Chat qui raꞌ yụ jịꞌcätseꞌ p̂eyacdyeꞌ yụ yụꞌtyeyetes jiquej yụ —yi Ayoꞌ.
20Chat qui Ayoꞌ jajiti Abraham:
—Sodomaĉantyiꞌ in judyeyaꞌ Gomorraĉantyiꞌ in anic därsiꞌ meꞌchuiꞌ juchaj in, meꞌ seꞌveꞌ yụ, anic jiyi ac̣hiꞌ bäꞌyi in. 21Mọꞌdyes yụ raꞌ chạij ĉọcsequi paj qui chịj yụ jadac meꞌ bäꞌyi in, vatyquej rụij mọꞌ p̂eyacdyeꞌ —yi Ayoꞌ.
22Muꞌin päräꞌ muntyiꞌ in ĉọctety Abraham in, muꞌĉan jịjcaij in Sodomaĉan. Abrahamdyety tacyaꞌ Ayosyaꞌ vej muꞌ. 23Abraham ĉọcte jéte:
—¿Räjjeyacsi bu ramꞌ Sodomaĉantyiꞌ in, meꞌ bu raꞌ muꞌinmun tyejoij in rụijtyity in? 24Vatyquej raꞌ muꞌyaꞌ ĉanamꞌ quiꞌtac rụijtyity jụijyaꞌ in, ¿jam bu raꞌ mi ñịbeꞌ ĉọiꞌ mọꞌ bäꞌyedyeꞌ? 25Jam raꞌ meꞌ ijacsi mi muꞌin rụijtyity in, jeñej qui ac̣hiꞌyity cạvacsiyam. Mi nash Tashchety Jịꞌcäts Yụꞌtacsity úcheꞌ, jemoñeꞌ rụij dyijyi mi —yi Abraham jéte Ayoꞌ.
26Ayoꞌ vorjajiti:
—Dạcacsi raꞌ jụijyaꞌ Sodomaĉan yụ ĉanamꞌ quiꞌtac rụijtyity in, yụ raꞌ jam junꞌ soꞌmeꞌ vaꞌtacdyeꞌ mọꞌ bäꞌyedyeꞌ.
27Abraham quivij p̂eyaqui jéte:
—Jam raꞌ fáquitim ĉaĉaij nash yụ muntyiꞌ mọmoꞌ, meꞌ tsanꞌ meꞌ, yụ qui namꞌ sóñiꞌyi yụ p̂eyeye mi Anictyity Ayoꞌ. 28Vátyequej jayej jụijyaꞌ ĉanamꞌ in, vatyquej raꞌ muꞌyaꞌ vạjpedyeꞌ quiꞌtac ĉanamꞌ jiyi mọmoꞌ rụijtyity in, ¿meꞌ buty raꞌ meꞌjem mọꞌ bäꞌyedyeꞌ?
Ayoꞌ vorjajiti:
—Meꞌ raꞌ dạcacsi jụijyaꞌ yụ vạjpedyeꞌ quiꞌtac ĉanamꞌ jiyiꞌ jụijyaꞌ in yụ raꞌ jam junꞌ meꞌjeyacsi.
29Quivij muꞌ Abraham jéte Jenꞌ:
—Vatyquej vạjpedyeꞌ quiꞌtac mọmoꞌ jụijyaꞌ muꞌyaꞌ rụijtyity in —jéte muꞌ Abraham.
Vorjajiti Ayoꞌ:
—Muꞌyaꞌ vạjpedyeꞌ quiꞌtac mọmoꞌ jụijyaꞌ in, yụ raꞌ jam junꞌ meꞌjeyacsi.
30Abraham quivij cọdaqui Jenꞌcheꞌ, jéte:
—Jam raꞌ fáquitim yụ mạꞌjeꞌ yejĉoij cọdyeye mi. Vatyquej dạcacsiyam chibin quiꞌtac jụijyaꞌ in.
Vorjajiti Ayoꞌ:
—Muꞌyaꞌ chibin quiꞌtac jụijyaꞌ in, yụ raꞌ jam meꞌjeyacsi.
31Abraham quivij jéte:
—Yụ́tyiꞌ Ayoꞌ jam raꞌ fáquitim, ĉaĉaij nash sóñiꞌyi yụ cọdyeye mi, vatyquej muꞌyaꞌ päräꞌ quiꞌtac mọmoꞌ jụijyaꞌ in, ¿junꞌjeyacsi bu raꞌ mi?
Vorjajiti Ayoꞌ:
—Muꞌyaꞌ päräꞌ quiꞌtac mọmoꞌ jụijyaꞌ in, yụ raꞌ jam meꞌjeyacsi.
32Abraham vorjete:
—Jambiꞌ chum raꞌ fáquitiꞌ mi, yiriꞌdyety raꞌ cọdyeye, chat qui raꞌ meꞌquiꞌdye jéye. Muꞌyaꞌ jụijyaꞌ yiriꞌtac rụijtyity in, ¿junꞌ qui bu ram?
Vorjajiti Ayoꞌ:
—Muꞌyaꞌ jụijyaꞌ yiriꞌtac in yụ raꞌ jam meꞌjeyacsi —jajiti muꞌ Jenꞌ.
33Aty meꞌsiꞌ p̂eyaqui Abrahamtum chat qui jọban muꞌ Ayoꞌ. Chat qui acatuban muꞌ Abraham quịꞌsiꞌ acamꞌ.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2017 Nuevo Testamento en Chimane
Jen'si' P̂eyacdye'