Génesis 9
9
P̂eyacdyeꞌ Jenꞌsiꞌ jasoꞌmiti Noé
1Jenꞌ soꞌmacsi p̂eyacdyeꞌ Noé ạvaꞌtumdye, jéyacsi:
—Daiꞌ raꞌ ạvaꞌyi miꞌin paj qui vóshiꞌ miꞌin räj buꞌban úcheꞌ jaccheꞌ in. 2Räj jebacdyeꞌ in, jaijtyiꞌ in judyeyaꞌ tạbedyeꞌ in, mọꞌin raꞌ quijñinac cavinac in. Yụ raꞌ yụꞌtyeyeyac miꞌin paj qui räj meꞌchucsi miꞌin. 3Q̂uinꞌ yụ soꞌmeyac jebacdyeꞌ räj in jibitidyes miꞌin. Yụ jiquej soꞌmeyac sacacdyeꞌ, q̂uinꞌ chat jebacdyeꞌ soꞌmeyac. 4Chäsh qui na ramꞌ jam jebebitiñeꞌ miꞌin, ĉaĉaij na mọꞌ chäsh mọꞌ tsạꞌchucsis. 5Tyi chuc jiꞌchäshte ujate muntyiꞌ jụijyaꞌ, yụ́dye raꞌ cọdyete p̂eyacdyeꞌ juchadyes muꞌ. Meꞌdye yiris jebacdyeꞌ jiꞌchäshte ujate jụijyaꞌ muntyiꞌ, yụ raꞌ chimeꞌjeꞌdye.
6"Tyi chuc jiꞌchäshte ujate muntyiꞌ jụijyaꞌ,
paj yoctyiꞌ muntyiꞌ jiꞌchäshte ujate,
ĉaĉaij na Jenꞌ jämꞌte muꞌ muntyiꞌ yódyeijdyemꞌ muꞌ u,
joꞌmeijdye jämꞌte.
7Miꞌin raꞌ daiꞌ ạvaꞌyi,
muꞌin qui raꞌ vóshiꞌ miꞌin daiꞌ raꞌ muꞌyaꞌ in paiꞌ buꞌyi jaccheꞌ in."
8Chat qui Jenꞌ jéyacsi Noé judyeyaꞌ ạvaꞌ muꞌ:
9—Q̂uinꞌ yụ raꞌ yụꞌtyeꞌ miꞌindyes ọij p̂eyacdyeꞌ yụ judyeyaꞌ raꞌ vóshidyes miꞌin, 10judyeyaꞌ raꞌ chimeꞌ jebacdyedyes in, penꞌdyetunsiꞌ covambaĉan jiquej in, tsemsiꞌ in judyeyaꞌ jam tsemsiꞌ in, judyeyaꞌ jaijtyidyes chimeꞌ ọij p̂eyacdyeꞌ yụ. 11Ọij raꞌ p̂eyacdyeꞌ soꞌmeyac yụ: a raꞌ jam quivij jiꞌp̂utjanꞌ yụ räj jacches jedyeꞌ in, aty raꞌ jam quivij juteꞌ yụ bänedyeꞌ. 12Yụ raꞌ yụꞌtyeꞌ miꞌindyes yiris jịꞌĉocdyes paj qui dyijtubutiĉaꞌ miꞌin ọij p̂eyacdyeꞌ yụ miꞌindyes, judyeyaꞌ räjdyes jacches jụ́tyestumsiꞌ in, mijam raꞌ junꞌ mọtsiꞌ ọij p̂eyacdyeꞌ. 13Oꞌpitoꞌ yụ yụꞌte dyicbaꞌbadyeꞌĉan, jịꞌĉocdyes yụ́siꞌ p̂eyacdyeꞌ yụꞌtyeyeyacsis yụ räj jaccheꞌ bäꞌyity in. 14Jämꞌdyeyaꞌ raꞌ tuiꞌ yụ mạyedyeꞌches dyicbaꞌbadyeꞌ, jorojĉanyi raꞌ oꞌpitoꞌ yụ, 15chat qui raꞌ yụ dyijtuĉan p̂eyacdyeꞌ yụ yụꞌtyeyeyacsiꞌ yụ miꞌindyes jiquej judyeyaꞌ räj yocsiꞌ jacches jụ́tyisdyes in, yiꞌ mọꞌ: aty raꞌ jam yụ cuvij jiꞌp̂utacseban yụ bänedyeꞌyaꞌ yụ. 16Jämꞌdyeyaꞌ jorojĉanyiyaꞌ muꞌ oꞌpitoꞌ dyicbaꞌbadyeꞌĉan, yụ raꞌ cạvete chat qui raꞌ yụ dyijtuĉan p̂eyacdyeꞌ yụ miꞌindyes judyeyaꞌ räj yocsiꞌ jacches jụ́tyisdyes in. Ọij p̂eyacdyeꞌ jam raꞌ jụꞌñisĉan mạyedyeꞌ mọtsiꞌ. 17Meꞌ buꞌyi raꞌ oꞌpitoꞌ jịꞌĉocdyes p̂eyacdyeꞌ yụ yụꞌtyeyacsis yụ räj jacches jụ́tyis in —yi Jenꞌ jajiti Noé.
Noé judyeyaꞌ ạvaꞌ muꞌ
18Noétyiꞌ ạvaꞌ muꞌ penꞌdyetutety covambaĉan jiquej in, tịj muꞌin Sem, Cam, judyeyaꞌ Jafet, Camtyiꞌ ạvaꞌ muꞌ tịj muꞌ Canaán.#9:18 Camtyiꞌ ạvaꞌ muꞌ Canaán tịj muꞌ, meꞌdye chimeꞌ tịj mọs bäꞌyedyes. P̂eyevaꞌ Génesis 15:18 19Muꞌin chibintyity ạvaꞌ Noétyiꞌ jiquej in, muꞌin nash vóshiꞌ räj jacchetytyiꞌ muntyiꞌ in paiꞌ bäꞌyity in.
20Noé quịjoijtyiꞌ muꞌ tashcheꞌ jiꞌshupquety ova. 21Väshtaqui mọꞌ chat qui tyeij judyeyaꞌ qui jämꞌ shuꞌqui. Ñäcräꞌjeꞌ ĉọshi quịꞌsiꞌ acaꞌ muꞌ, mijam ĉúti. 22Muꞌ na Cam, Canaántyiꞌ jenꞌ muꞌ, cạvaqui jenꞌ ĉụiꞌtyiꞌ muꞌ anic cädäj muꞌ, chat qui aꞌc̣hisyaꞌ dyijyedyeꞌ jéyajquiqui vojity muꞌ pärenꞌdye. 23Sem judyeyaꞌ Jafet quịꞌsiꞌ murujrucheꞌ cạyaqui jenꞌ muꞌin, chat qui päcäꞌ miꞌi in, busjeĉajte in, jam cạvete in.
24Noé aty jiꞌjiyaqui shuꞌquedyeꞌ, chat q̂uinꞌdyemꞌ chị́yepte aꞌc̣his dyijyedyeꞌ Camsimꞌ jiquej, muꞌ jäquity ạvaꞌ muꞌ. 25Mọꞌdyes qui yi muꞌ Noé:
Vaꞌtacdyeꞌĉan raꞌ bäꞌyi in Canaántyiꞌ vóshiꞌ muꞌ,
anic raꞌ uyaꞌyaty úñity bäꞌyi in.
Muꞌin raꞌ úñi in vojitytyidyes vóshiꞌ in.
26Chimeꞌdye yi muꞌ Noé:
Timaꞌqueja muꞌ Jenꞌ,
muꞌ Semtyiꞌ Ayoꞌ muꞌ.
Muꞌtyiꞌ raꞌ vóshiꞌ ayoꞌbuꞌyi in Canaántyidyes vóshiꞌ in.
27Yụ cọdyete Jenꞌ paj qui muꞌ jiꞌdayacsebi Jafettyiꞌ vóshiꞌ in,
muꞌin raꞌ jämꞌjiti bäꞌyi in Semtyiꞌtum vóshiꞌ in,
Canaántyiꞌ raꞌ vóshiꞌ in úñi raꞌ in Jafetytyidyes vóshiꞌ chimeꞌ in.
28Aty jiyiꞌ mọꞌ bänedyeꞌ tacaꞌ muꞌ men yejĉoij bäꞌyi Noé, chibin quiꞌ cien ĉanamꞌ quiꞌtac yómodyeꞌ, meꞌquiꞌ bäꞌyi. 29Aty arajtac quiꞌ cien ĉanamꞌ quiꞌtac yómodyeꞌ tyiti chat q̂uinꞌdyemꞌ säñi muꞌ Noé.
Actualmente seleccionado:
Génesis 9: CAS
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2017 Nuevo Testamento en Chimane
Jen'si' P̂eyacdye'
Génesis 9
9
P̂eyacdyeꞌ Jenꞌsiꞌ jasoꞌmiti Noé
1Jenꞌ soꞌmacsi p̂eyacdyeꞌ Noé ạvaꞌtumdye, jéyacsi:
—Daiꞌ raꞌ ạvaꞌyi miꞌin paj qui vóshiꞌ miꞌin räj buꞌban úcheꞌ jaccheꞌ in. 2Räj jebacdyeꞌ in, jaijtyiꞌ in judyeyaꞌ tạbedyeꞌ in, mọꞌin raꞌ quijñinac cavinac in. Yụ raꞌ yụꞌtyeyeyac miꞌin paj qui räj meꞌchucsi miꞌin. 3Q̂uinꞌ yụ soꞌmeyac jebacdyeꞌ räj in jibitidyes miꞌin. Yụ jiquej soꞌmeyac sacacdyeꞌ, q̂uinꞌ chat jebacdyeꞌ soꞌmeyac. 4Chäsh qui na ramꞌ jam jebebitiñeꞌ miꞌin, ĉaĉaij na mọꞌ chäsh mọꞌ tsạꞌchucsis. 5Tyi chuc jiꞌchäshte ujate muntyiꞌ jụijyaꞌ, yụ́dye raꞌ cọdyete p̂eyacdyeꞌ juchadyes muꞌ. Meꞌdye yiris jebacdyeꞌ jiꞌchäshte ujate jụijyaꞌ muntyiꞌ, yụ raꞌ chimeꞌjeꞌdye.
6"Tyi chuc jiꞌchäshte ujate muntyiꞌ jụijyaꞌ,
paj yoctyiꞌ muntyiꞌ jiꞌchäshte ujate,
ĉaĉaij na Jenꞌ jämꞌte muꞌ muntyiꞌ yódyeijdyemꞌ muꞌ u,
joꞌmeijdye jämꞌte.
7Miꞌin raꞌ daiꞌ ạvaꞌyi,
muꞌin qui raꞌ vóshiꞌ miꞌin daiꞌ raꞌ muꞌyaꞌ in paiꞌ buꞌyi jaccheꞌ in."
8Chat qui Jenꞌ jéyacsi Noé judyeyaꞌ ạvaꞌ muꞌ:
9—Q̂uinꞌ yụ raꞌ yụꞌtyeꞌ miꞌindyes ọij p̂eyacdyeꞌ yụ judyeyaꞌ raꞌ vóshidyes miꞌin, 10judyeyaꞌ raꞌ chimeꞌ jebacdyedyes in, penꞌdyetunsiꞌ covambaĉan jiquej in, tsemsiꞌ in judyeyaꞌ jam tsemsiꞌ in, judyeyaꞌ jaijtyidyes chimeꞌ ọij p̂eyacdyeꞌ yụ. 11Ọij raꞌ p̂eyacdyeꞌ soꞌmeyac yụ: a raꞌ jam quivij jiꞌp̂utjanꞌ yụ räj jacches jedyeꞌ in, aty raꞌ jam quivij juteꞌ yụ bänedyeꞌ. 12Yụ raꞌ yụꞌtyeꞌ miꞌindyes yiris jịꞌĉocdyes paj qui dyijtubutiĉaꞌ miꞌin ọij p̂eyacdyeꞌ yụ miꞌindyes, judyeyaꞌ räjdyes jacches jụ́tyestumsiꞌ in, mijam raꞌ junꞌ mọtsiꞌ ọij p̂eyacdyeꞌ. 13Oꞌpitoꞌ yụ yụꞌte dyicbaꞌbadyeꞌĉan, jịꞌĉocdyes yụ́siꞌ p̂eyacdyeꞌ yụꞌtyeyeyacsis yụ räj jaccheꞌ bäꞌyity in. 14Jämꞌdyeyaꞌ raꞌ tuiꞌ yụ mạyedyeꞌches dyicbaꞌbadyeꞌ, jorojĉanyi raꞌ oꞌpitoꞌ yụ, 15chat qui raꞌ yụ dyijtuĉan p̂eyacdyeꞌ yụ yụꞌtyeyeyacsiꞌ yụ miꞌindyes jiquej judyeyaꞌ räj yocsiꞌ jacches jụ́tyisdyes in, yiꞌ mọꞌ: aty raꞌ jam yụ cuvij jiꞌp̂utacseban yụ bänedyeꞌyaꞌ yụ. 16Jämꞌdyeyaꞌ jorojĉanyiyaꞌ muꞌ oꞌpitoꞌ dyicbaꞌbadyeꞌĉan, yụ raꞌ cạvete chat qui raꞌ yụ dyijtuĉan p̂eyacdyeꞌ yụ miꞌindyes judyeyaꞌ räj yocsiꞌ jacches jụ́tyisdyes in. Ọij p̂eyacdyeꞌ jam raꞌ jụꞌñisĉan mạyedyeꞌ mọtsiꞌ. 17Meꞌ buꞌyi raꞌ oꞌpitoꞌ jịꞌĉocdyes p̂eyacdyeꞌ yụ yụꞌtyeyacsis yụ räj jacches jụ́tyis in —yi Jenꞌ jajiti Noé.
Noé judyeyaꞌ ạvaꞌ muꞌ
18Noétyiꞌ ạvaꞌ muꞌ penꞌdyetutety covambaĉan jiquej in, tịj muꞌin Sem, Cam, judyeyaꞌ Jafet, Camtyiꞌ ạvaꞌ muꞌ tịj muꞌ Canaán.#9:18 Camtyiꞌ ạvaꞌ muꞌ Canaán tịj muꞌ, meꞌdye chimeꞌ tịj mọs bäꞌyedyes. P̂eyevaꞌ Génesis 15:18 19Muꞌin chibintyity ạvaꞌ Noétyiꞌ jiquej in, muꞌin nash vóshiꞌ räj jacchetytyiꞌ muntyiꞌ in paiꞌ bäꞌyity in.
20Noé quịjoijtyiꞌ muꞌ tashcheꞌ jiꞌshupquety ova. 21Väshtaqui mọꞌ chat qui tyeij judyeyaꞌ qui jämꞌ shuꞌqui. Ñäcräꞌjeꞌ ĉọshi quịꞌsiꞌ acaꞌ muꞌ, mijam ĉúti. 22Muꞌ na Cam, Canaántyiꞌ jenꞌ muꞌ, cạvaqui jenꞌ ĉụiꞌtyiꞌ muꞌ anic cädäj muꞌ, chat qui aꞌc̣hisyaꞌ dyijyedyeꞌ jéyajquiqui vojity muꞌ pärenꞌdye. 23Sem judyeyaꞌ Jafet quịꞌsiꞌ murujrucheꞌ cạyaqui jenꞌ muꞌin, chat qui päcäꞌ miꞌi in, busjeĉajte in, jam cạvete in.
24Noé aty jiꞌjiyaqui shuꞌquedyeꞌ, chat q̂uinꞌdyemꞌ chị́yepte aꞌc̣his dyijyedyeꞌ Camsimꞌ jiquej, muꞌ jäquity ạvaꞌ muꞌ. 25Mọꞌdyes qui yi muꞌ Noé:
Vaꞌtacdyeꞌĉan raꞌ bäꞌyi in Canaántyiꞌ vóshiꞌ muꞌ,
anic raꞌ uyaꞌyaty úñity bäꞌyi in.
Muꞌin raꞌ úñi in vojitytyidyes vóshiꞌ in.
26Chimeꞌdye yi muꞌ Noé:
Timaꞌqueja muꞌ Jenꞌ,
muꞌ Semtyiꞌ Ayoꞌ muꞌ.
Muꞌtyiꞌ raꞌ vóshiꞌ ayoꞌbuꞌyi in Canaántyidyes vóshiꞌ in.
27Yụ cọdyete Jenꞌ paj qui muꞌ jiꞌdayacsebi Jafettyiꞌ vóshiꞌ in,
muꞌin raꞌ jämꞌjiti bäꞌyi in Semtyiꞌtum vóshiꞌ in,
Canaántyiꞌ raꞌ vóshiꞌ in úñi raꞌ in Jafetytyidyes vóshiꞌ chimeꞌ in.
28Aty jiyiꞌ mọꞌ bänedyeꞌ tacaꞌ muꞌ men yejĉoij bäꞌyi Noé, chibin quiꞌ cien ĉanamꞌ quiꞌtac yómodyeꞌ, meꞌquiꞌ bäꞌyi. 29Aty arajtac quiꞌ cien ĉanamꞌ quiꞌtac yómodyeꞌ tyiti chat q̂uinꞌdyemꞌ säñi muꞌ Noé.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2017 Nuevo Testamento en Chimane
Jen'si' P̂eyacdye'