Matìyò 21
21
Yeso nyi inga Jèrusalèm icheg Ifɔn
(Mag 11:1-11; Lug 19:28-40; Jɔn 12:12-19)
1Anyumə̀ ne Yeso tì mə̀mə̀nənùg məd yaya se tìnde iban Jèrusalèm, mbɔb ya pè a Bedfèg ne yaʼi ibə̀m Iwum mə̀Olìf. Mbi ya pè angu ane, Yeso chà ìmbi mə̀mə̀nənùg məbe gha mbe bi ghò imbìghè. 2Wì ya ghà inɔb gha, “Mbə̀ gho nyi inga asiŋi ze ne yaʼi inən imbìghè. Kwàʼ anyumə̀ ne mbə̀ nyi nyi, mbə biri bàd jàkas mɔ̀ʼɔ ne mbi tiŋi, bə̀ bàd ŋwan jàkas we iban məd. Mbə̀ za mə̀jàkas mbe yèʼe nàʼ inum. 3Wə̀d mɔ̀ʼɔ mə̀ ghà anug mɔ̀ʼɔ inən, mbə̀ ghà abə tengàŋ gha, ‹À ya Anɔŋisəg we kə̀bə̀ mə̀jàkas mbo̰.› Kwàʼ ati ati, wì biri sàŋì gha mbə̀ niŋ.”
4Anug azo̰ ya chè ane ni ghì gha ìngam we ne wə̀dkə̀n Ŋwiye ya fə bi ghà we duwə ane tesiʼ. Ìngam we ya gha:
5“Mbə̀ gha abə bəd mbe ne chùghə a Zayɔ̀n gha,
mbə̀ nḛ, ìwən ifɔn we yèʼe inən!
Məd ya wə̀d àbɔrɔ̀bɔd ne yḛ̀ igun jàkas.
Wì bə̀ kɔʼ ŋwan jàkas.”
6Mə̀mə̀nənùg mbe məbe ya bə̀ ghò ghi kwàʼ icheg ne Yeso ya gha inɔb. 7Mbi ya niŋ jàkas we fɔrɔ ŋwan məd ghò abə Yeso, pè zèg ìtɔb ndwi igun mə̀jàkas mbe. Ane, Yeso ya si kɔʼ igun. 8Inɔ̰ bəd kwàʼ ìwi kyen ya zèg ìtɔb ndwi igun inɔnjì. Mbin tì bəd yaya se kə̀bə̀ tìtab ized zèkè igun inɔnjì. 9Inɔ̰ bəd we ne yaya ghò imbìghè abə Yeso tì inɔ̰ bəd we ne yaya bène ibo anjìm, yaya yḛ̀ nè kyḛ ghà gha,
“Tì ghumni Ŋwan ifɔn Dèvid!
Ŋwiye ziye àbɔrɔ̀bɔd igun wə̀d we ne yèʼe ane ikum Anɔŋisəg!
Tì ghumni Ŋwiye we ne yaʼi ikaŋ àbɔ̀ŋɔ!”
10Anyumə̀ ne Yeso ya nyi inga Jèrusalèm, isiŋi ijìm ya chìʼrè. Ane, bəd yaya se bìre gha, “Wə̀d gho̰ àkə we?”
11Tinɔ̰ bəd mbe yaya se ywìtè gha, “Aŋa ya Yeso we ne yaʼi wə̀dkə̀n Ŋwiye. Wì nɔ̀ʼ a Nazarèd inga Galìli.”
Yeso ghò nyi inga mbàn Ŋwiye
(Mag 11:15-19; Lug 19:45-48; Jɔn 2:13-22)
12Yeso ya ghò nyi inga mbàn Ŋwiye, pè kàmni bəd mbe ne yaya fèndè ighi bə̀ kàmni bəd ne yaya zòndɔ ighi. Wì ya tḭ tiŋaŋi abə bəd mbe ne yaya kɔ̀pɔ məkab bə̀ tḭ itən abə bəd mbe ne yaya fèndè mə̀bupə. 13Wì ya ghà inɔb gha, “A ze inga Àŋwàʼrì Ŋwiye gha, ‹Mbi biri ya kàrà ìmə nəb ane nəb ne mbe chàʼrà Ŋwiye.› Si ya gha, mbə̰ fə bə̀ŋì ane asiŋi ne məji ya nə̀mbə̀ inga.”
14Məfəg tì bəd ne ighog sweʼe ya ghò abə Yeso inga mbàn Ŋwiye, wì ghu awɔb. 15Si ya gha, itog bəd mbàn Ŋwiye tì mə̀chwitì mə̀nɔ̀ʼɔ̀ ya gaŋ anyumə̀ ne mbɔb ya bàri iyeti inug mbe ne wì yaya ghìyə̀ bə̀ zug icheg ne bɔn kwa yaya kyḛ inga mbàn Ŋwiye ghà gha, “Tì ghumni Ŋwan ifɔn Dèvid.”
16Ane, mbɔb ya biri ibo gha, “Imbə̀ʼ àghò we zùghə inug mbo̰ ne bɔn kwa mbo̰ mbe ghà?”
Yeso ya ywìtì inɔb gha, “E! Mə we zùghə. Chəyi mbə̀ kiri fɔŋi inga Àŋwàʼrì Ŋwiye gha,
‹Àghò fə də̰̀ bɔn kwa bə̀ də̰̀ bɔn bɔd
gha mbe ghumni awe?›”
17Anyumə̀ ne wì ya gha ane, wì ya sàŋì awɔb, dù inga asiŋi ze ghò a Betanì, pè neg angu.
Yeso zɔ̀m azed fig
(Mag 11:12-14; 11:20-24)
18Kwàʼ isusu ne Yeso ya nɔ̀ʼi a Betanì se ywìrè bə̀ndə̀ ghò a Jèrusalèm, njèg yaya zàŋa aməd. 19Wì ya pè asiŋi mɔ̀ʼɔ bàd azed fig iban inɔnjì, ghò nèn ikaŋ, si ya gha, chəyi wì ya bàri fitam azed ikaŋ angu. Wì ya bàd məyi tifuʼ awən. Ane, wì ya ghà abə azed ze gha, “Chəyi àghò biri ywìri nɔʼ ko!” Kwàʼ ati ati, azed ze ya zɔm.
20Anyumə̀ ne mə̀mə̀nənùg mbe ya bàri anug azo̰ mbi ya yeti, ane bìri gha, “Aton ne azed fig azo̰ zɔmi kwàʼ ati ati àkə gha?”
21Yeso ya ywìtì inɔb gha, “Mə gha tesiʼ inən gha, mbə̰ mə̀ bèrì ibḛfiŋ ne chəyi mbə̰ mbe jə̀mə̀, nji chəyi mbə̀ biri ghì məyi anug azo̰ ne mə ghi ane azed fig azo̰. Mbə̰ mbe tì mbə̰ bə̀ ghà abə iwum gho̰ gha, ‹Nɔ̀ʼɔ ghò fen inga igyi tìbà!› wi bə̀ ghì ane. 22Mbə̰ mə̀ bèrì ibḛfiŋ, nji anyumə̀ ne mbə̀ chaʼra Ŋwiye, wì biri nàʼ ighi ijìm mbe ne mbə̰ mbe bìre ibo.”
Ibiri imbə̀ʼ wə̀d ne nàʼà ika abə Yeso
(Mag 11:27-33; Lug 20:1-8)
23Anyumə̀ ne Yeso ya nyi inga mbàn Ŋwiye pè se chwìte inug, itog bəd mbàn Ŋwiye tì itog bəd mbe inga aben ya ghò ibo. Mbɔb ya pè bìri ibo gha, “Àkə we nàʼi ika ine gha àghò se ghìyə̀ inug mbo̰? Àkə we nàʼi ika gho̰ ine?”
24Yeso ya ywìtì inɔb gha, “Mə biri bə biri anug mɔ̀ʼɔ inən. Mbə̰ mə̀ ywìtì inum, mə biri bə ghà asiŋi ne mə nìŋə ika angu bɔŋ se ghìyə̀ inug mbo̰. 25Àkə Ŋwiye ya nàʼi ika abə Jɔn gha wì se nàʼà mənib abə bəd kə̀ àkə bəd ya nàʼi ika we ibo?”
Mbɔb ya zug ane ko se tàŋà mbɔb mbɔb gha, “Tì mə gha, ‹À ya Ŋwiye,› wì bìri biri ina gha, ‹Àmə yaʼ ane, aton ne chəyi mbə̀ ya bḛ ìngam məd àkə imbə̀ʼ aghə?› 26Tì mə gha, ‹À ya bəd› tì we bə̀ bɔ inɔ̰ bəd gho̰. Mbɔb məjìm bḛ gha Jɔn yaya wə̀dkə̀n Ŋwiye.”
27Ane, mbɔb ya ywìtì abə Yeso gha, “Chəyi tì kyeri.”
Wì ya bə̀ si ghà inɔb gha, “Chəyi mə̀ biri bə gha wə̀d ne nàʼi ika inum gha mə̀ ghiyə inug mbo̰.”
Ngam məgri imbə̀ʼ bɔn mbaŋà mɔ̀ʼɔ məbe
28Yeso ya chè imbìghè ghà abə itog bəd mbe gha, “Mbə̰ kɔ̀ndi àzən gha? Wə̀d mɔ̀ʼɔ ya bèrì ìmbi bɔn mbaŋà məbe. Wì ya ghò abə ŋwan mbèg pè ghà ibo gha, ‹Ŋwan, ndò gho fàʼ inga mben vayìn tèchɔ̀ŋ.›
29Wì ya ywìtì gha, ‹Chəyi mə̀ biri ghò›. Si ya gha, amad ya sà, wì bəŋi ìzi fìŋ ghò fàʼ.
30Wə̀d we ya bə̀ ghò abə ŋwan mbaŋà we ne beni abɔ̀ʼ ìwi mbèg pè ghà məyi anug ne wì ya bə ghà abə ŋwan mbèg. Wì ya bḛ gha, ‹E Àta, mə biri ghò›. Si ya gha, chəyi wì ya gho.
31Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?”
Mbɔb ya ywìtì gha, “À ya ŋwan mbèg.”
Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən. 32Mə ghà ane imbə̀ʼ icheg ne Jɔn ya yeʼe inən ni chwi inɔnjì ne koʼi, si ya gha, chəyi mbə̀ ya bḛ ìngam məd. Àsi bədtag tì ìkwàrì, mbi ya bḛ ìngam məd. Ka bèyi anyumə̀ ne mbə̀ ya bàri icheg ne bədtag fɔrɔ ìkwàrì ya bḛ ìngam məd, chəyi mbə̀ ya bə̀ŋi ìtən fìŋ bḛ ìngam məd.”
Ngam məgri imbə̀ʼ bəd ne ya nə̀ngə mben vayìn
(Mag 12:1-12; Lug 20:9-19)
33Yeso ya bə̀ ywìrì ghà abə itog bəd mbe gha, “Mbə̀ zug ìngam məgri ndəŋ. Wə̀d mben mɔ̀ʼɔ ya kon ìzi mben vayìn, kɔd ikam chè kad. Wì ya tɔŋ ibighi bɔm asiŋi ne mbi biri se mìyè mənoʼ vayìn inga. Wì ya bə̀ bɔm nəb ikaŋ ne mbi biri se chùghə inga nə̀ngə mben ze. Wì ya ghì ane, nàʼ mben ze abə bəd mɔ̀ʼɔ gha mbe niŋ se fàʼà inga. Wì ya nàʼ inɔb ane, nɔ̀ʼ ghò yi inga aben ndəŋ. 34Nyùmə̀ ne mbi yaya kàba titam vayìn ya kòʼ, ane, wì ya tɔm ìmbi bəd àfàʼì gha mbe gho niŋ àzi tì aba ane titam vayìn te.
35Bəd mbe ne ya niŋi mben ze ya gwì bəd àfàʼì mbe, sɔm ifibì, zwèti ifibì, bə̀ tùmbi ifibì ane ateg. 36Wə̀d mben we ya ywìrì tɔm bəd àfàʼì ndəŋ ne ya nɔʼi chè mbi mbègtog. Bəd mbe ne ya nə̀ŋə mben ze ya bə̀ ghì tì inɔb kwàʼ icheg ne mbɔb ya bi ghì tì mbi mbègtog. 37Wì ya si nwḭ̀yḛ̀ tɔm ìwi ŋwan mbaŋà inɔb gha, ‹Mbi biri ghumni ìmə ŋwan.›
38Si ya gha, anyumə̀ ne bəd mbe ne ya nə̀ŋə mben ze ya zə̰ ŋwan məd we, mbi ya ghàm mbɔb mbɔb gha, ‹Aŋa ya àjəgnəb məd gho̰. Mbə̀ yeʼe tì zweti aməd si jəg ighi məd.› 39Mbi ya ghàm ane, gwì ŋwan we màʼ anjìm ikam mben vayìn ze, zwèti.”
40Yeso ya si nwḭ̀yḛ̀ bìri abə itog bəd mbe gha, “Anyumə̀ ne wə̀d mben we yèʼe, wì kə si ghənə tì bəd mbe ne ya nə̀ngə mben vayìn ze?”
41Mbɔb ya ywìtì ibo gha, “Wì biri chə bəd inug izəg mbe, zwèti, si nàʼ mben ze abə bəd ndəŋ ne biri se nìŋə ighi a mben nàʼà àze məd tì aba.”
42Yeso ya ghà inɔb gha, “Àkə chəyi mbə̀ kiri kweʼì fɔŋ anug ze ne yaʼi inga Àŋwàʼrì Ŋwiye? Anug ze ya gha,
‹Iteg we ne bəd ne kɔ̀rɔ nəb ya to̰ awɔb,
wi fə bə̀ŋə̀ ane iteg ibug nəb.
Anug azo̰ ya Anɔŋisəg ghi.
À ya ayeti anug ina ni bàd!›
43Ane, mə̀ ya anìŋ ghà inən gha, Ŋwiye biri niŋ anug ìfɔ̀n məd inən, si nàʼ abə bəd mbe ne biri se ghìyə̀ inug mbe ne məd kə̀bi.” 44[Wə̀d we ne gùghi igun iteg gho̰, tengàŋ biri sɔpɔ iba iba. Iteg we mə bə̀ fen igun wə̀d mɔ̀ʼɔ, wì biri ghɔ̀ʼ tengàŋ.]
45Anyumə̀ ne itog bəd mbàn Ŋwiye tì mə̀Farìsi mbe ya zughi tìngam məgri te, mbɔb ya kyeri gha wì yaya ghàmà inug mbe imbə̀ʼ awɔb. 46Ane, mbɔb yaya se kə̀bə̀ ni gwì Yeso. À ya məyi gha mbɔb yaya bɔ inɔ̰ bəd we imbə̀ʼ icheg ne bəd ya bḛ gha Yeso ya wə̀dkə̀n Ŋwiye.
Actualmente seleccionado:
Matìyò 21: MBTP
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 CABTAL
Matìyò 21
21
Yeso nyi inga Jèrusalèm icheg Ifɔn
(Mag 11:1-11; Lug 19:28-40; Jɔn 12:12-19)
1Anyumə̀ ne Yeso tì mə̀mə̀nənùg məd yaya se tìnde iban Jèrusalèm, mbɔb ya pè a Bedfèg ne yaʼi ibə̀m Iwum mə̀Olìf. Mbi ya pè angu ane, Yeso chà ìmbi mə̀mə̀nənùg məbe gha mbe bi ghò imbìghè. 2Wì ya ghà inɔb gha, “Mbə̀ gho nyi inga asiŋi ze ne yaʼi inən imbìghè. Kwàʼ anyumə̀ ne mbə̀ nyi nyi, mbə biri bàd jàkas mɔ̀ʼɔ ne mbi tiŋi, bə̀ bàd ŋwan jàkas we iban məd. Mbə̀ za mə̀jàkas mbe yèʼe nàʼ inum. 3Wə̀d mɔ̀ʼɔ mə̀ ghà anug mɔ̀ʼɔ inən, mbə̀ ghà abə tengàŋ gha, ‹À ya Anɔŋisəg we kə̀bə̀ mə̀jàkas mbo̰.› Kwàʼ ati ati, wì biri sàŋì gha mbə̀ niŋ.”
4Anug azo̰ ya chè ane ni ghì gha ìngam we ne wə̀dkə̀n Ŋwiye ya fə bi ghà we duwə ane tesiʼ. Ìngam we ya gha:
5“Mbə̀ gha abə bəd mbe ne chùghə a Zayɔ̀n gha,
mbə̀ nḛ, ìwən ifɔn we yèʼe inən!
Məd ya wə̀d àbɔrɔ̀bɔd ne yḛ̀ igun jàkas.
Wì bə̀ kɔʼ ŋwan jàkas.”
6Mə̀mə̀nənùg mbe məbe ya bə̀ ghò ghi kwàʼ icheg ne Yeso ya gha inɔb. 7Mbi ya niŋ jàkas we fɔrɔ ŋwan məd ghò abə Yeso, pè zèg ìtɔb ndwi igun mə̀jàkas mbe. Ane, Yeso ya si kɔʼ igun. 8Inɔ̰ bəd kwàʼ ìwi kyen ya zèg ìtɔb ndwi igun inɔnjì. Mbin tì bəd yaya se kə̀bə̀ tìtab ized zèkè igun inɔnjì. 9Inɔ̰ bəd we ne yaya ghò imbìghè abə Yeso tì inɔ̰ bəd we ne yaya bène ibo anjìm, yaya yḛ̀ nè kyḛ ghà gha,
“Tì ghumni Ŋwan ifɔn Dèvid!
Ŋwiye ziye àbɔrɔ̀bɔd igun wə̀d we ne yèʼe ane ikum Anɔŋisəg!
Tì ghumni Ŋwiye we ne yaʼi ikaŋ àbɔ̀ŋɔ!”
10Anyumə̀ ne Yeso ya nyi inga Jèrusalèm, isiŋi ijìm ya chìʼrè. Ane, bəd yaya se bìre gha, “Wə̀d gho̰ àkə we?”
11Tinɔ̰ bəd mbe yaya se ywìtè gha, “Aŋa ya Yeso we ne yaʼi wə̀dkə̀n Ŋwiye. Wì nɔ̀ʼ a Nazarèd inga Galìli.”
Yeso ghò nyi inga mbàn Ŋwiye
(Mag 11:15-19; Lug 19:45-48; Jɔn 2:13-22)
12Yeso ya ghò nyi inga mbàn Ŋwiye, pè kàmni bəd mbe ne yaya fèndè ighi bə̀ kàmni bəd ne yaya zòndɔ ighi. Wì ya tḭ tiŋaŋi abə bəd mbe ne yaya kɔ̀pɔ məkab bə̀ tḭ itən abə bəd mbe ne yaya fèndè mə̀bupə. 13Wì ya ghà inɔb gha, “A ze inga Àŋwàʼrì Ŋwiye gha, ‹Mbi biri ya kàrà ìmə nəb ane nəb ne mbe chàʼrà Ŋwiye.› Si ya gha, mbə̰ fə bə̀ŋì ane asiŋi ne məji ya nə̀mbə̀ inga.”
14Məfəg tì bəd ne ighog sweʼe ya ghò abə Yeso inga mbàn Ŋwiye, wì ghu awɔb. 15Si ya gha, itog bəd mbàn Ŋwiye tì mə̀chwitì mə̀nɔ̀ʼɔ̀ ya gaŋ anyumə̀ ne mbɔb ya bàri iyeti inug mbe ne wì yaya ghìyə̀ bə̀ zug icheg ne bɔn kwa yaya kyḛ inga mbàn Ŋwiye ghà gha, “Tì ghumni Ŋwan ifɔn Dèvid.”
16Ane, mbɔb ya biri ibo gha, “Imbə̀ʼ àghò we zùghə inug mbo̰ ne bɔn kwa mbo̰ mbe ghà?”
Yeso ya ywìtì inɔb gha, “E! Mə we zùghə. Chəyi mbə̀ kiri fɔŋi inga Àŋwàʼrì Ŋwiye gha,
‹Àghò fə də̰̀ bɔn kwa bə̀ də̰̀ bɔn bɔd
gha mbe ghumni awe?›”
17Anyumə̀ ne wì ya gha ane, wì ya sàŋì awɔb, dù inga asiŋi ze ghò a Betanì, pè neg angu.
Yeso zɔ̀m azed fig
(Mag 11:12-14; 11:20-24)
18Kwàʼ isusu ne Yeso ya nɔ̀ʼi a Betanì se ywìrè bə̀ndə̀ ghò a Jèrusalèm, njèg yaya zàŋa aməd. 19Wì ya pè asiŋi mɔ̀ʼɔ bàd azed fig iban inɔnjì, ghò nèn ikaŋ, si ya gha, chəyi wì ya bàri fitam azed ikaŋ angu. Wì ya bàd məyi tifuʼ awən. Ane, wì ya ghà abə azed ze gha, “Chəyi àghò biri ywìri nɔʼ ko!” Kwàʼ ati ati, azed ze ya zɔm.
20Anyumə̀ ne mə̀mə̀nənùg mbe ya bàri anug azo̰ mbi ya yeti, ane bìri gha, “Aton ne azed fig azo̰ zɔmi kwàʼ ati ati àkə gha?”
21Yeso ya ywìtì inɔb gha, “Mə gha tesiʼ inən gha, mbə̰ mə̀ bèrì ibḛfiŋ ne chəyi mbə̰ mbe jə̀mə̀, nji chəyi mbə̀ biri ghì məyi anug azo̰ ne mə ghi ane azed fig azo̰. Mbə̰ mbe tì mbə̰ bə̀ ghà abə iwum gho̰ gha, ‹Nɔ̀ʼɔ ghò fen inga igyi tìbà!› wi bə̀ ghì ane. 22Mbə̰ mə̀ bèrì ibḛfiŋ, nji anyumə̀ ne mbə̀ chaʼra Ŋwiye, wì biri nàʼ ighi ijìm mbe ne mbə̰ mbe bìre ibo.”
Ibiri imbə̀ʼ wə̀d ne nàʼà ika abə Yeso
(Mag 11:27-33; Lug 20:1-8)
23Anyumə̀ ne Yeso ya nyi inga mbàn Ŋwiye pè se chwìte inug, itog bəd mbàn Ŋwiye tì itog bəd mbe inga aben ya ghò ibo. Mbɔb ya pè bìri ibo gha, “Àkə we nàʼi ika ine gha àghò se ghìyə̀ inug mbo̰? Àkə we nàʼi ika gho̰ ine?”
24Yeso ya ywìtì inɔb gha, “Mə biri bə biri anug mɔ̀ʼɔ inən. Mbə̰ mə̀ ywìtì inum, mə biri bə ghà asiŋi ne mə nìŋə ika angu bɔŋ se ghìyə̀ inug mbo̰. 25Àkə Ŋwiye ya nàʼi ika abə Jɔn gha wì se nàʼà mənib abə bəd kə̀ àkə bəd ya nàʼi ika we ibo?”
Mbɔb ya zug ane ko se tàŋà mbɔb mbɔb gha, “Tì mə gha, ‹À ya Ŋwiye,› wì bìri biri ina gha, ‹Àmə yaʼ ane, aton ne chəyi mbə̀ ya bḛ ìngam məd àkə imbə̀ʼ aghə?› 26Tì mə gha, ‹À ya bəd› tì we bə̀ bɔ inɔ̰ bəd gho̰. Mbɔb məjìm bḛ gha Jɔn yaya wə̀dkə̀n Ŋwiye.”
27Ane, mbɔb ya ywìtì abə Yeso gha, “Chəyi tì kyeri.”
Wì ya bə̀ si ghà inɔb gha, “Chəyi mə̀ biri bə gha wə̀d ne nàʼi ika inum gha mə̀ ghiyə inug mbo̰.”
Ngam məgri imbə̀ʼ bɔn mbaŋà mɔ̀ʼɔ məbe
28Yeso ya chè imbìghè ghà abə itog bəd mbe gha, “Mbə̰ kɔ̀ndi àzən gha? Wə̀d mɔ̀ʼɔ ya bèrì ìmbi bɔn mbaŋà məbe. Wì ya ghò abə ŋwan mbèg pè ghà ibo gha, ‹Ŋwan, ndò gho fàʼ inga mben vayìn tèchɔ̀ŋ.›
29Wì ya ywìtì gha, ‹Chəyi mə̀ biri ghò›. Si ya gha, amad ya sà, wì bəŋi ìzi fìŋ ghò fàʼ.
30Wə̀d we ya bə̀ ghò abə ŋwan mbaŋà we ne beni abɔ̀ʼ ìwi mbèg pè ghà məyi anug ne wì ya bə ghà abə ŋwan mbèg. Wì ya bḛ gha, ‹E Àta, mə biri ghò›. Si ya gha, chəyi wì ya gho.
31Àkə we abɔ̀ʼ bɔn mbaŋà mbo̰ məbe ne ya fàʼi anug ze ne mbaʼ məd ya kə̀bi?”
Mbɔb ya ywìtì gha, “À ya ŋwan mbèg.”
Ane, Yeso ya ghà inɔb gha, “Mə gha tesiʼ inən gha, bədtag tì ìkwàrì biri bi nyi inga anug ìfɔ̀n Ŋwiye bɔŋ awən. 32Mə ghà ane imbə̀ʼ icheg ne Jɔn ya yeʼe inən ni chwi inɔnjì ne koʼi, si ya gha, chəyi mbə̀ ya bḛ ìngam məd. Àsi bədtag tì ìkwàrì, mbi ya bḛ ìngam məd. Ka bèyi anyumə̀ ne mbə̀ ya bàri icheg ne bədtag fɔrɔ ìkwàrì ya bḛ ìngam məd, chəyi mbə̀ ya bə̀ŋi ìtən fìŋ bḛ ìngam məd.”
Ngam məgri imbə̀ʼ bəd ne ya nə̀ngə mben vayìn
(Mag 12:1-12; Lug 20:9-19)
33Yeso ya bə̀ ywìrì ghà abə itog bəd mbe gha, “Mbə̀ zug ìngam məgri ndəŋ. Wə̀d mben mɔ̀ʼɔ ya kon ìzi mben vayìn, kɔd ikam chè kad. Wì ya tɔŋ ibighi bɔm asiŋi ne mbi biri se mìyè mənoʼ vayìn inga. Wì ya bə̀ bɔm nəb ikaŋ ne mbi biri se chùghə inga nə̀ngə mben ze. Wì ya ghì ane, nàʼ mben ze abə bəd mɔ̀ʼɔ gha mbe niŋ se fàʼà inga. Wì ya nàʼ inɔb ane, nɔ̀ʼ ghò yi inga aben ndəŋ. 34Nyùmə̀ ne mbi yaya kàba titam vayìn ya kòʼ, ane, wì ya tɔm ìmbi bəd àfàʼì gha mbe gho niŋ àzi tì aba ane titam vayìn te.
35Bəd mbe ne ya niŋi mben ze ya gwì bəd àfàʼì mbe, sɔm ifibì, zwèti ifibì, bə̀ tùmbi ifibì ane ateg. 36Wə̀d mben we ya ywìrì tɔm bəd àfàʼì ndəŋ ne ya nɔʼi chè mbi mbègtog. Bəd mbe ne ya nə̀ŋə mben ze ya bə̀ ghì tì inɔb kwàʼ icheg ne mbɔb ya bi ghì tì mbi mbègtog. 37Wì ya si nwḭ̀yḛ̀ tɔm ìwi ŋwan mbaŋà inɔb gha, ‹Mbi biri ghumni ìmə ŋwan.›
38Si ya gha, anyumə̀ ne bəd mbe ne ya nə̀ŋə mben ze ya zə̰ ŋwan məd we, mbi ya ghàm mbɔb mbɔb gha, ‹Aŋa ya àjəgnəb məd gho̰. Mbə̀ yeʼe tì zweti aməd si jəg ighi məd.› 39Mbi ya ghàm ane, gwì ŋwan we màʼ anjìm ikam mben vayìn ze, zwèti.”
40Yeso ya si nwḭ̀yḛ̀ bìri abə itog bəd mbe gha, “Anyumə̀ ne wə̀d mben we yèʼe, wì kə si ghənə tì bəd mbe ne ya nə̀ngə mben vayìn ze?”
41Mbɔb ya ywìtì ibo gha, “Wì biri chə bəd inug izəg mbe, zwèti, si nàʼ mben ze abə bəd ndəŋ ne biri se nìŋə ighi a mben nàʼà àze məd tì aba.”
42Yeso ya ghà inɔb gha, “Àkə chəyi mbə̀ kiri kweʼì fɔŋ anug ze ne yaʼi inga Àŋwàʼrì Ŋwiye? Anug ze ya gha,
‹Iteg we ne bəd ne kɔ̀rɔ nəb ya to̰ awɔb,
wi fə bə̀ŋə̀ ane iteg ibug nəb.
Anug azo̰ ya Anɔŋisəg ghi.
À ya ayeti anug ina ni bàd!›
43Ane, mə̀ ya anìŋ ghà inən gha, Ŋwiye biri niŋ anug ìfɔ̀n məd inən, si nàʼ abə bəd mbe ne biri se ghìyə̀ inug mbe ne məd kə̀bi.” 44[Wə̀d we ne gùghi igun iteg gho̰, tengàŋ biri sɔpɔ iba iba. Iteg we mə bə̀ fen igun wə̀d mɔ̀ʼɔ, wì biri ghɔ̀ʼ tengàŋ.]
45Anyumə̀ ne itog bəd mbàn Ŋwiye tì mə̀Farìsi mbe ya zughi tìngam məgri te, mbɔb ya kyeri gha wì yaya ghàmà inug mbe imbə̀ʼ awɔb. 46Ane, mbɔb yaya se kə̀bə̀ ni gwì Yeso. À ya məyi gha mbɔb yaya bɔ inɔ̰ bəd we imbə̀ʼ icheg ne bəd ya bḛ gha Yeso ya wə̀dkə̀n Ŋwiye.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 CABTAL