Mag 1
1
Inug imbə̀ʼ Jɔn we ne nàʼà mənib
1Icheg ne ikən chɔm imbə̀ʼ Yeso Kristo we ne ya Ŋwan Ŋwiye ya ko angu. 2Wə̀dkə̀n Ŋwiye Àzayà ya ŋwàʼrì gha,
“Ŋwiye gha, ‹Nḛ! Mə biri chà ìmə wə̀dtɔm ine imbìghè.
Wì biri tangi inɔnjì ine.›
3Məd ya wə̀d we ne kyḛ inga ibad zɔbi gha,
‹Mbə̀ tangi inɔnjì abə Anɔŋisəg.
Mbə̀ tangi mənɔnjì məd mbe təm!›”
4Jɔn we ne yaya nàʼà mənib ya ghò inga ibad zɔbi pè ko se nàʼà mənib abə bəd bə̀ ghàmà Ìngam Ŋwiye gha bəd niŋ mənib ni chwi gha mbe fə bə̀ŋì fìŋ sìkì inug tibɔ̀ŋ, Ŋwiye bə̀ waʼ ìmbɔb inug tibɔ̀ŋ. 5Bəd mbe inga aba aben Jùdeyà fɔrɔ bəd məjìm mbe a Jèrusalèm ya dù ghò kɔ̀ti aməd. Mbi yaya bḛ ìmbɔb inug tibɔ̀ŋ. Ane, wì yaya nàʼà mənib inɔb inga igyi Jodàn.
6Jɔn yaya zìyè ndwi ne mbi ya tangi ane nyɔ̀ŋì Kàme. Wì yaya bə̀ tìŋə̀ ìkɔ̀bì gɔb ibo ìkyèri. Wì yaya kùrə ngwèmi bə̀ nère jog ne mbi chi inga iboʼ. 7Wì yaya ghàmà gha, “Wə̀d we ne yèʼe inum anjìm bèrì ati chè amə. Chəyi mə̀ koʼi ane wə̀d ne tì mə gundi aseg zà tiniʼ itami məd. 8Mə ya nàʼà mənib inən, si ya gha, məd biri chà Azwighi Ŋwiye igun inən.”
Yeso niŋ mənib, Sàtàn kwàʼrì aməd
9Anyumə̀ we ne Jɔn yaya nàʼà mənib abə bəd, Yeso ya nɔ̀ʼ a Nazarèd inga Galìli ghò abə Jɔn. Ane, Jɔn ya nàʼ mənib ibo inga igyi Jodàn. 10Anyumə̀ ne Yeso yaya dùwə̀ inga igyi we, wì ya bàd icheg ne ikaŋ àbɔ̀ŋɔ fiʼe, bə̀ bàd Azwighi Ŋwiye ze swìʼe yèʼe igun məd icheg bupə. 11Gì mɔ̀ʼɔ ya bə̀ ghàm ikaŋ àbɔ̀ŋɔ gha, “Àghò ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ awe.”
12Kwàʼ ati ati, Azwighi Ŋwiye ya ghì wì ghò inga ibad zɔbi. 13Wì ya chughi inga ibad zɔbi we ineg iwum ikwè. Sàtàn ya kwàʼrì aməd ane nyùmə̀ we. Wì ya yaʼ tì nyam tɔ tɔ inga ibad zɔbi we. Mbè angirə̀ ya nàʼ ighi mbe ne wì ya kə̀bi ibo.
Yeso ya kàrì mbaŋà tikwè ne yaya gwìyè àgweg
14Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye. 15Wì yaya gha, “Nyùmə̀ fə kòʼ. Anug ìfɔ̀n Ŋwiye fə tinde. Mbə̀ bəŋə ìtən fìŋ, bḛ ikən chɔm gho̰.”
16Anyumə̀ ne Yeso yaya yḛ̀ iban atəŋ ze a Galìli, wì ya bàd mbaŋà tibe ne àzɔb àfàʼì ya ni ya gwìyè àgweg. Mbi yaya màʼà kyə̀ inga atəŋ ze. Mbaŋà te yaya Sayimùn tì Andrò ne ya ifi məd. 17Yeso ya bàd awɔb ane, ghà inɔb gha, “Mbə̀ beni abɔ̀ʼ inum. Mə biri chwi icheg ne mbə̀ biri se ghìyə̀ bəd bene abɔ̀ʼ inum.” 18Kwàʼ ati ati, mbi ya nɔ̀ʼ sàŋì ìtɔb kyə̀ bèni abɔ̀ʼ məd.
19Anyumə̀ ne wì ya sungi ghò imbìghè iki piʼì, wì ya bàd Jem tì Jɔn ne ya bɔn ìmbi Zebedì. Mbi ya yaʼ inga abaŋ igyi tànga ìtɔb kyə̀ ne ya sète. 20Anyumə̀ ne wì ya bàri awɔb, wì ya kàrì awɔb. Mbɔb ya nɔ̀ʼ sàŋì ìwɔb mbaʼ ne ya Zebedì inga abaŋ igyi ze tì bəd mbe ne wì ya niŋi ane àfàʼì. Mbɔb ya sàŋì ane, beni abɔ̀ʼ məd.
Yeso ya chì azwighi tibɔ̀ŋ inga mbaŋà mɔ̀ʼɔ
21Yeso tì ìmbi mə̀mə̀nənùg ya ghò nyi inga Kàpenàwum. Àsi igun aneg àzwètì mə̀Ju ze ne ya beni abɔ̀ʼ, wì ya ghò nyi ko chwìti inug inga ichamì Ŋwiye we ne ya yaʼi asiŋi ze. 22Bəd mbe ne ya zughi inug mbe ne wì yaya chwìte ya yeti. Mbi ya yeti imbə̀ʼ icheg ne wì yaya chwìte inug inɔb icheg wə̀d ne beri ika ni chwiti inug, kayi icheg ne mə̀chwitì mə̀nɔ̀ʼɔ̀ yaya chwìte.
23Kwàʼ anyumə̀ we, mbaŋà mɔ̀ʼɔ ne azwighi tibɔ̀ŋ ya yaʼi inga məd ya kyen inga ichamì Ŋwiye we. 24Wì ya kyḛ ane gì ka ka gha, “Yeso a Nazarèd! Àghò kə̀ beri anug aghə ne ghì tì ina? Àghò wa yèʼe ni nimni awa? Mə kyèri wə̀d ne àghò yaʼi ìwiwən. Àghò ya Wə̀d ìzḛzḛ we ne Ŋwiye tɔ̀mi.”
25Yeso ya ghàm tɔ abə azwighi tibɔ̀ŋ ze ane gì ka ka gha, “Chim tizi, dù inga məd!”
26Azwighi tibɔ̀ŋ ze ya kyen ane gì ka ka, chìʼrì mbaŋà ze, si dù inga məd. 27Anug ya chè bəd məjìm mbe ne ya yaʼi angu. Ane, mbi ya se bìre mbɔb mbɔb gha, “Azo̰ kə aghə? Anìŋ kə ikuchèg feg ni chwiti inug? Mbaŋà ìzo̰ bèrì ika ni ghàm abə izwighi tibɔ̀ŋ, mbi zugrə aməd!”
28Kwàʼ ati ati, bəd ya chètì iyeti inug ne Yeso yaya ghìyə̀ inga isiŋi ijìm inga aba aben ze a Galìli.
Yeso ya ghù bəd nɔʼ nɔʼ
29Kwàʼ ati, Yeso tì ìmbi mə̀mə̀nənùg ya dù inga ichamì Ŋwiye we ghò inga achan àze Sayimùn tì Andrò. Jem tì Jɔn ya bə̀ ghò tì inɔb. 30Inyɔ ìwi Sayimùn ya yaʼ igun abaʼ tì ifə. Anyumə̀ ne Yeso ya pe nyi inga nəb ze, mbi ya ghà ibo gha inyɔ ìwi Sayimùn we igun abaʼ ghɔ̰̀. 31Yeso ya ghò iban məd, pè nyìmi abo məd nɔ̀ aməd, wì nɔ̀ʼ chùghi chughi. Ifə we ya mèg, wì si nɔ̀ʼ nàʼ ighijəg inɔb.
32À ya yaʼ ikwikwiri we ne aneg àzwètì mə̀Ju ya fə meghi, bəd inga asiŋi ze ya niŋ bəd aghɔn məjìm fɔrɔ bəd mbe ne izwighi tibɔ̀ŋ ya yaʼi inga inɔb, ghò abə Yeso. 33Bəd məjìm inga asiŋi ze ya ghò fète imbìghè nəb ze. 34Yeso ya ghù bəd nɔʼ nɔʼ ne yaya ghɔ̰̀ tiku ighɔn nɔʼ nɔʼ. Wì ya bə̀ chì izwighi tibɔ̀ŋ nɔʼ nɔʼ inga bəd. Chəyi wì yaya bḛ gha izwighi tibɔ̀ŋ mbe ghama imbə̀ʼ icheg ne mbi ya kyeri wə̀d we ne wì yaʼ ìwiwən.
Yeso ya ghàm Ìngam Ŋwiye a Galìli
35Isusu abɔ̀ʼ, ne chəyi ituʼ ya kiri taŋ chəg, Yeso ya nɔ̀ʼ dù ghò a asiŋi ne chəyi wə̀d mɔ̀ʼɔ ya yaʼi angu. Wì ya ghò chàʼra Ŋwiye tèzìʼì. 36Sayimùn tì bəd mbe ne ya yaʼi tì məd ya dù ghò kə̀bə Yeso. 37Anyumə̀ ne mbi ya kə̀bi məd bàd, mbi ya ghà ibo gha, “Wə̀d ijìm we kə̀bə̀ awe.”
38Wì ya ghà inɔb gha, “Aton ne mə̀ yeʼe igun isəg ya ni ghàm Ìngam Ŋwiye abə bəd. Ane, tì ghò inga isiŋi mbe ne yaʼi iban iban mə̀ bə ghàm Ìngam Ŋwiye angu.”
39Wì ya yḛ̀ inga Galìli ijìm, yḛ̀ ne ghàmà Ìngam Ŋwiye inga məchamì Ŋwiye mbe ne ya yaʼi inga isiŋi mbe, bə̀ yḛ̀ nè chìyè izwighi tibɔ̀ŋ inga bəd.
Yeso ya ghù mbaŋà ne yaya ghɔ̰̀ àwàrikə̀m
40Mbaŋà mɔ̀ʼɔ ne yaya ghɔ̰̀ àwàrikə̀m ya ghò abə Yeso, pè gɔ̀m itog inwḭ aseg boʼ ibo ibo gha, “Àghò ghuyə amə, àghò mə kɔ̀ŋ.”
41Yeso ya nèn aməd sɔ̀mnɔ̀. Ane, wì ya chà abo bètì aməd ghà ibo gha, “Mə kɔ̀ŋ ni ghù awe. Ìwe nyɔd meghe!” 42Kwàʼ ati ati, àwàrikə̀m ze ya mèg, nyɔd məd zen. 43Bɔŋ Yeso ya se ghà abə wə̀d we gha wì si ghò yi, wì ya taŋ pàti aməd gha, 44“Nḛ! Icheg ne àghò we ghò anìŋ, imbə̀ʼ àghò gha awe anug mɔ̀ʼɔ abə wə̀d. Ndò chwiti ìwe nyɔd yaʼ abə wə̀d mbàn Ŋwiye wì nḛ awe. Àghò nàʼ ighi àfàtì mbe ne Muse ya fə gha, ni chwi gha bəd kyeri gha àwàrikə̀m ze fə mèg igun ine.”
45Wì ya pati aməd ane, si ya gha, mbaŋà ze ya nɔ̀ʼ ko yḛ̀ nè sàʼa anug ze isiŋi ijìm. Àze ya ghì gha imbə̀ʼ Yeso ywirì nyi yi inga asiŋi ndəŋ asaŋ asaŋ. Wì ya si ghò chùghi yaʼ ane asiŋi ne chəyi bəd angu. Si ya gha, bəd yaya kiri nɔʼɔ̀ ane isiŋi ijìm se ghò kɔ̀tɔ aməd angu.
Actualmente seleccionado:
Mag 1: MBTP
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 CABTAL
Mag 1
1
Inug imbə̀ʼ Jɔn we ne nàʼà mənib
1Icheg ne ikən chɔm imbə̀ʼ Yeso Kristo we ne ya Ŋwan Ŋwiye ya ko angu. 2Wə̀dkə̀n Ŋwiye Àzayà ya ŋwàʼrì gha,
“Ŋwiye gha, ‹Nḛ! Mə biri chà ìmə wə̀dtɔm ine imbìghè.
Wì biri tangi inɔnjì ine.›
3Məd ya wə̀d we ne kyḛ inga ibad zɔbi gha,
‹Mbə̀ tangi inɔnjì abə Anɔŋisəg.
Mbə̀ tangi mənɔnjì məd mbe təm!›”
4Jɔn we ne yaya nàʼà mənib ya ghò inga ibad zɔbi pè ko se nàʼà mənib abə bəd bə̀ ghàmà Ìngam Ŋwiye gha bəd niŋ mənib ni chwi gha mbe fə bə̀ŋì fìŋ sìkì inug tibɔ̀ŋ, Ŋwiye bə̀ waʼ ìmbɔb inug tibɔ̀ŋ. 5Bəd mbe inga aba aben Jùdeyà fɔrɔ bəd məjìm mbe a Jèrusalèm ya dù ghò kɔ̀ti aməd. Mbi yaya bḛ ìmbɔb inug tibɔ̀ŋ. Ane, wì yaya nàʼà mənib inɔb inga igyi Jodàn.
6Jɔn yaya zìyè ndwi ne mbi ya tangi ane nyɔ̀ŋì Kàme. Wì yaya bə̀ tìŋə̀ ìkɔ̀bì gɔb ibo ìkyèri. Wì yaya kùrə ngwèmi bə̀ nère jog ne mbi chi inga iboʼ. 7Wì yaya ghàmà gha, “Wə̀d we ne yèʼe inum anjìm bèrì ati chè amə. Chəyi mə̀ koʼi ane wə̀d ne tì mə gundi aseg zà tiniʼ itami məd. 8Mə ya nàʼà mənib inən, si ya gha, məd biri chà Azwighi Ŋwiye igun inən.”
Yeso niŋ mənib, Sàtàn kwàʼrì aməd
9Anyumə̀ we ne Jɔn yaya nàʼà mənib abə bəd, Yeso ya nɔ̀ʼ a Nazarèd inga Galìli ghò abə Jɔn. Ane, Jɔn ya nàʼ mənib ibo inga igyi Jodàn. 10Anyumə̀ ne Yeso yaya dùwə̀ inga igyi we, wì ya bàd icheg ne ikaŋ àbɔ̀ŋɔ fiʼe, bə̀ bàd Azwighi Ŋwiye ze swìʼe yèʼe igun məd icheg bupə. 11Gì mɔ̀ʼɔ ya bə̀ ghàm ikaŋ àbɔ̀ŋɔ gha, “Àghò ya ìmə Ŋwan ne mə̀ taŋ kɔ̀ŋ. Ìmə fìŋ ze taŋ bɔ̀ŋɔ̀ imbə̀ʼ awe.”
12Kwàʼ ati ati, Azwighi Ŋwiye ya ghì wì ghò inga ibad zɔbi. 13Wì ya chughi inga ibad zɔbi we ineg iwum ikwè. Sàtàn ya kwàʼrì aməd ane nyùmə̀ we. Wì ya yaʼ tì nyam tɔ tɔ inga ibad zɔbi we. Mbè angirə̀ ya nàʼ ighi mbe ne wì ya kə̀bi ibo.
Yeso ya kàrì mbaŋà tikwè ne yaya gwìyè àgweg
14Anyumə̀ ne mbi ya gwi Jɔn ghò zì inga nəb ndəŋ, Yeso ya ghò a Galìli pè ko ghàm ikən chɔm imbə̀ʼ anug ìfɔ̀n Ŋwiye. 15Wì yaya gha, “Nyùmə̀ fə kòʼ. Anug ìfɔ̀n Ŋwiye fə tinde. Mbə̀ bəŋə ìtən fìŋ, bḛ ikən chɔm gho̰.”
16Anyumə̀ ne Yeso yaya yḛ̀ iban atəŋ ze a Galìli, wì ya bàd mbaŋà tibe ne àzɔb àfàʼì ya ni ya gwìyè àgweg. Mbi yaya màʼà kyə̀ inga atəŋ ze. Mbaŋà te yaya Sayimùn tì Andrò ne ya ifi məd. 17Yeso ya bàd awɔb ane, ghà inɔb gha, “Mbə̀ beni abɔ̀ʼ inum. Mə biri chwi icheg ne mbə̀ biri se ghìyə̀ bəd bene abɔ̀ʼ inum.” 18Kwàʼ ati ati, mbi ya nɔ̀ʼ sàŋì ìtɔb kyə̀ bèni abɔ̀ʼ məd.
19Anyumə̀ ne wì ya sungi ghò imbìghè iki piʼì, wì ya bàd Jem tì Jɔn ne ya bɔn ìmbi Zebedì. Mbi ya yaʼ inga abaŋ igyi tànga ìtɔb kyə̀ ne ya sète. 20Anyumə̀ ne wì ya bàri awɔb, wì ya kàrì awɔb. Mbɔb ya nɔ̀ʼ sàŋì ìwɔb mbaʼ ne ya Zebedì inga abaŋ igyi ze tì bəd mbe ne wì ya niŋi ane àfàʼì. Mbɔb ya sàŋì ane, beni abɔ̀ʼ məd.
Yeso ya chì azwighi tibɔ̀ŋ inga mbaŋà mɔ̀ʼɔ
21Yeso tì ìmbi mə̀mə̀nənùg ya ghò nyi inga Kàpenàwum. Àsi igun aneg àzwètì mə̀Ju ze ne ya beni abɔ̀ʼ, wì ya ghò nyi ko chwìti inug inga ichamì Ŋwiye we ne ya yaʼi asiŋi ze. 22Bəd mbe ne ya zughi inug mbe ne wì yaya chwìte ya yeti. Mbi ya yeti imbə̀ʼ icheg ne wì yaya chwìte inug inɔb icheg wə̀d ne beri ika ni chwiti inug, kayi icheg ne mə̀chwitì mə̀nɔ̀ʼɔ̀ yaya chwìte.
23Kwàʼ anyumə̀ we, mbaŋà mɔ̀ʼɔ ne azwighi tibɔ̀ŋ ya yaʼi inga məd ya kyen inga ichamì Ŋwiye we. 24Wì ya kyḛ ane gì ka ka gha, “Yeso a Nazarèd! Àghò kə̀ beri anug aghə ne ghì tì ina? Àghò wa yèʼe ni nimni awa? Mə kyèri wə̀d ne àghò yaʼi ìwiwən. Àghò ya Wə̀d ìzḛzḛ we ne Ŋwiye tɔ̀mi.”
25Yeso ya ghàm tɔ abə azwighi tibɔ̀ŋ ze ane gì ka ka gha, “Chim tizi, dù inga məd!”
26Azwighi tibɔ̀ŋ ze ya kyen ane gì ka ka, chìʼrì mbaŋà ze, si dù inga məd. 27Anug ya chè bəd məjìm mbe ne ya yaʼi angu. Ane, mbi ya se bìre mbɔb mbɔb gha, “Azo̰ kə aghə? Anìŋ kə ikuchèg feg ni chwiti inug? Mbaŋà ìzo̰ bèrì ika ni ghàm abə izwighi tibɔ̀ŋ, mbi zugrə aməd!”
28Kwàʼ ati ati, bəd ya chètì iyeti inug ne Yeso yaya ghìyə̀ inga isiŋi ijìm inga aba aben ze a Galìli.
Yeso ya ghù bəd nɔʼ nɔʼ
29Kwàʼ ati, Yeso tì ìmbi mə̀mə̀nənùg ya dù inga ichamì Ŋwiye we ghò inga achan àze Sayimùn tì Andrò. Jem tì Jɔn ya bə̀ ghò tì inɔb. 30Inyɔ ìwi Sayimùn ya yaʼ igun abaʼ tì ifə. Anyumə̀ ne Yeso ya pe nyi inga nəb ze, mbi ya ghà ibo gha inyɔ ìwi Sayimùn we igun abaʼ ghɔ̰̀. 31Yeso ya ghò iban məd, pè nyìmi abo məd nɔ̀ aməd, wì nɔ̀ʼ chùghi chughi. Ifə we ya mèg, wì si nɔ̀ʼ nàʼ ighijəg inɔb.
32À ya yaʼ ikwikwiri we ne aneg àzwètì mə̀Ju ya fə meghi, bəd inga asiŋi ze ya niŋ bəd aghɔn məjìm fɔrɔ bəd mbe ne izwighi tibɔ̀ŋ ya yaʼi inga inɔb, ghò abə Yeso. 33Bəd məjìm inga asiŋi ze ya ghò fète imbìghè nəb ze. 34Yeso ya ghù bəd nɔʼ nɔʼ ne yaya ghɔ̰̀ tiku ighɔn nɔʼ nɔʼ. Wì ya bə̀ chì izwighi tibɔ̀ŋ nɔʼ nɔʼ inga bəd. Chəyi wì yaya bḛ gha izwighi tibɔ̀ŋ mbe ghama imbə̀ʼ icheg ne mbi ya kyeri wə̀d we ne wì yaʼ ìwiwən.
Yeso ya ghàm Ìngam Ŋwiye a Galìli
35Isusu abɔ̀ʼ, ne chəyi ituʼ ya kiri taŋ chəg, Yeso ya nɔ̀ʼ dù ghò a asiŋi ne chəyi wə̀d mɔ̀ʼɔ ya yaʼi angu. Wì ya ghò chàʼra Ŋwiye tèzìʼì. 36Sayimùn tì bəd mbe ne ya yaʼi tì məd ya dù ghò kə̀bə Yeso. 37Anyumə̀ ne mbi ya kə̀bi məd bàd, mbi ya ghà ibo gha, “Wə̀d ijìm we kə̀bə̀ awe.”
38Wì ya ghà inɔb gha, “Aton ne mə̀ yeʼe igun isəg ya ni ghàm Ìngam Ŋwiye abə bəd. Ane, tì ghò inga isiŋi mbe ne yaʼi iban iban mə̀ bə ghàm Ìngam Ŋwiye angu.”
39Wì ya yḛ̀ inga Galìli ijìm, yḛ̀ ne ghàmà Ìngam Ŋwiye inga məchamì Ŋwiye mbe ne ya yaʼi inga isiŋi mbe, bə̀ yḛ̀ nè chìyè izwighi tibɔ̀ŋ inga bəd.
Yeso ya ghù mbaŋà ne yaya ghɔ̰̀ àwàrikə̀m
40Mbaŋà mɔ̀ʼɔ ne yaya ghɔ̰̀ àwàrikə̀m ya ghò abə Yeso, pè gɔ̀m itog inwḭ aseg boʼ ibo ibo gha, “Àghò ghuyə amə, àghò mə kɔ̀ŋ.”
41Yeso ya nèn aməd sɔ̀mnɔ̀. Ane, wì ya chà abo bètì aməd ghà ibo gha, “Mə kɔ̀ŋ ni ghù awe. Ìwe nyɔd meghe!” 42Kwàʼ ati ati, àwàrikə̀m ze ya mèg, nyɔd məd zen. 43Bɔŋ Yeso ya se ghà abə wə̀d we gha wì si ghò yi, wì ya taŋ pàti aməd gha, 44“Nḛ! Icheg ne àghò we ghò anìŋ, imbə̀ʼ àghò gha awe anug mɔ̀ʼɔ abə wə̀d. Ndò chwiti ìwe nyɔd yaʼ abə wə̀d mbàn Ŋwiye wì nḛ awe. Àghò nàʼ ighi àfàtì mbe ne Muse ya fə gha, ni chwi gha bəd kyeri gha àwàrikə̀m ze fə mèg igun ine.”
45Wì ya pati aməd ane, si ya gha, mbaŋà ze ya nɔ̀ʼ ko yḛ̀ nè sàʼa anug ze isiŋi ijìm. Àze ya ghì gha imbə̀ʼ Yeso ywirì nyi yi inga asiŋi ndəŋ asaŋ asaŋ. Wì ya si ghò chùghi yaʼ ane asiŋi ne chəyi bəd angu. Si ya gha, bəd yaya kiri nɔʼɔ̀ ane isiŋi ijìm se ghò kɔ̀tɔ aməd angu.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019 CABTAL