Jɔn 3
3
Yeso ghi Nikodemus
1Wù Falasi u loʼ wə â loʼnu ghə â tɔŋŋənə nə̀ a loʼ Nikodemus. Tə n loʼ soʼo ngəd n zəghə u ghə̂ a Təjuu. 2N tsuʼ fə loʼ fə, tə n ndòw bə n səə Yeso n tsuʼu tə, dza nə̀, “Wù dii wə, n khənu nə̀ a wɔ tûm bə Kəzə̀ nə̀ wə bə dii ghey n ghəə ghə, n təŋkey, wù loʼ way dzə tə loʼnə ni fwaʼ ndzoʼo ghəə a faalə ghən wə fwaʼanə, a gɔʼɔ kə nə̀ Zə̀ kə loʼ ghi wi.”
3Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”
4Nikodemus n bəb ndòw tə̀ wi nə̀, “Ghə loʼ ngee ni ji kuulə wù nə̀ tə n nyim ə? Tə loʼnu ni nyi dzəŋŋə ndow n nəghə u này wi tə̀ ghə ji kpiʼi bə wi ə?”
5Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə. 6Wù sɔŋtsuʼ jiə wù sɔŋtsuʼ, Zay K-a-zə̀ kə a kee ghəŋŋənə saa nə̀ saa keeli kəzay. 7Kə̂ dzuu i nə̂ zumnə wɔ nghee n dza bənə tə̀ wɔ nə̀ ghə teeli khə ni ji kuulə ghaa. 8Abə kɔŋŋə kə tsəghə ndownə n bad key kə ləghənə, wù zownu nghee kə fuŋu tsəghənə, a kee loʼ nə̀, wù way dzə ni dza luʼu key kə nuu bənə tii nkee luʼu key kə ndòwnə. A wey loʼ soʼo nghee i loʼnə ghi wù wey Zay kə Zow kə loʼnə n kow wi.”
9Nikodemus n bəb ndòw tə wi nə̀, “Ghəə ghən loʼ ni shi ngee?”
10Yeso n beeli dza ndòw tə̀ wi nə̀, “Wə ndzəm loʼ wù dii u səŋi wə n naʼ zə Izree, a loʼ kee wə sə khə way ghəə ghən ə? 11N kuum dza bə isəŋə tə wɔ nə̀, ghey ghɔɔmə ghəə ghey ghey khənə, tiilə dza bə ghəə ghey ghey koʼnə, ghaa u nam bəghəm way tûm ə ghey. 12Abə n dza bənə ghəə ghey a shiənə aghəlitsə tə̀ wɔ, wə u way ni bəghəm, wə î sə bəghəm ngee abə n dza bənə wɔ n ghəə ghə idəŋ ghə ə? 13Wù loʼ ka kam kɔʼ koʼ tsə idəŋ, a may kə wù wən tə shi tsu bənə idəŋ, tɔŋŋə Waa Weynum. 14Nghee tə̀ Mushi â ney khəə naŋa kɔʼnə zuu#3.14 Ghə â faalə kɔʼ zuu zey n vuʼ key ghə tɔŋŋə nə̀ a loʼ brɔns n mbaŋ n mbvən ə ntsaŋ, a loʼ ighələ ghə î ney naŋa kɔʼɔnə Waa Weynum 15sey nə̀, wù wey tə bəghəmnə tə̀ wi, tə i keeli muu zə itsali.
16Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali. 17Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi. 18Wù wey tə bəghəmnə tə̀ wi, Zə̀ kə kəm saʼa way wi, wù wey tə ka kee bəghəm tə̀ wi, Zə̀ kə n saʼ a wi gboo khəə tən, tə u naŋa wi n ngoʼ, n təŋkey, tə ka bəghəm dzə n zəd i sɔʼi fə Waa wi. 19Tow kə ighəə key Zə̀ kə saʼa ghə̂ ghə a tii loʼ nə̀, daa kə bàŋ nyi bə n mbi, ghə̂ ghə u kee ləghənə ləm kə tsəghəshi kədaa, n təŋkey ghəə a ghə a ghəŋŋə a loʼ ghəə a bəbə ghə. 20I loʼ nə̀, ghə̂ ghey ghə ghəŋŋənə ghəə a bəbə ghə, ghə ləghə way daa kə, ghə i ləghə soʼo way ni bə n tənə kədaa, sey nə̀, kə̂ kə nə̂ chiə diinə ghəə a ghə a bəbə ghə. 21Ghə̂ ghey ghə kee ghəŋŋənə ghəə ghey a loʼnə tsətsəghə, ghə bəghənu n tənə kədaa, ni ghəŋə nə̀ ghə̂ ghə i koʼo bə nə̀ ghəə a ghə a ghəŋŋə a loʼ ghəə ghey Zə̀ kə ləghənə.”
Jɔn wù fuu u mmuu n Kəzə̀ mə ghɔɔmə bòʼ Yeso
22Ambə ghəə ghən a tsəghə tsunə, Yeso n nuu nyi ndòw n mboʼo Judeya ghi ngəd tə wi tə, dzə doʼo tsu fu ghi ghə, fuu aghə̂ n mmuu n Kəzə̀ mə. 23Jɔn n kee loʼ n naʼa fə Enɔn, fə loʼnə n səə naʼ i Salim zə, fuu soʼo aghə̂ fu n mmuu n Kəzə̀ mə, boʼ nə̀ mmuu mə â ngii loʼ fu. Ndəmə aghə̂ n ndòw n səə Jɔn, tə n fuu ghə n mmuu n Kəzə̀ mə. 24Ghəə ghən â shi nə̀ ghə ka kam kwu fìi naŋa dzə Jɔn n ndaw tsaʼ.
25Ngəd tə Jɔn tə loʼ tə n kaʼ ni baŋŋə təfəghəm ghi wù Juu u loʼ wə bòʼ jìi zey wù khə ni kàli uwû tii ni ghəŋə nə̀ tə i zow n sə K-a-zə̀. 26Sey ghə n ndòw n səə Jɔn, bəb tə̀ wi nə̀, “Wù dii wə, wə moʼlə kənu wù wey wə â loʼnə ghi wi n nguŋ ə dzuu Jodan i loʼ zey ə? Tɔŋŋə wù wey wə̀ â tiilə dzanə ghəə ghə bòʼ wi? Tə nya fuu soʼo aghə̂ n mmuu n Kəzə̀ mə, ghə̂ a nya kwɔ̀ɔ ndòw kə fu ni ndow ney mmuu n Kəzə̀ n wɔ wi.”
27Jɔn n beeli ndòw ghə nə̀, “Abə Zə̀ kə idəŋ kə ka fuu wù n fə̂ kə, wù way ni keeli koʼ fə̂ kə tii kə. 28Wû i ghaa, ghaa mâ zow n nəŋə zey mə â dzanə nə̀, ‘N way dzə wù wey Zə̀ kə â dza naŋa nə̀ i tûm bənu, Zə̀ kə maŋ tûm bə mə isə̂ nə̀ n bə bayyə naŋa tsu təluʼu tə̀ wi.’ 29Wù wey tə baa khənə weyzən n zə̂ kə ney zə iwû zə, loʼ num weyzən, fə̂ a num weyzən ə tii maŋa zəllə kə ni zow dzə̀ ə wi, ghə n duʼlə. À wey loʼ ndzoʼo ghəə zey i ghəŋŋə nə̀ mə i ngii khə duʼlə zə n fə̀ŋ zuŋ. 30Sey, ndzə̂ ighɔŋ ə wi khə kə ni kɔʼɔ nay ndow kə idəŋ idəŋ, i zuŋ zə i kee tsuu.”
Yeso loʼ wù wən tə shi tsu bənə idəŋ
31Jɔn n dza kpiʼi ndow tə dzûmə tə wi tə nə̀, “Wù wey tə shi tsu bənə idəŋ tsəghəshi aghə̂ adzəm. Wù wey tə shinə fa a ghəlitsə loʼ wù ghəlikətsə, tə ghɔɔmə tənə kə ghəə a kəghəlitsə. Sey, Yeso loʼ wù wey tə shi tsu bənə idəŋ, tə tsəghəshi aghə̂ adzəm. 32Tə tiilə dza bə ghəə ghey tə koʼnə nsə a ghey tə zownə, ghə̂ ghə a kee bəghəm way ghɔɔmə i wi zə. 33Wù wey tə bəghəm naŋanə ghɔɔmə i wi zə, loʼ ni tiilə dza nə̀ ghɔɔmə i Kəzə̀ i loʼ isəŋə. 34Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm. 35Bày idəŋ ngii ləghə Waa wi, tə u fuu naŋa ndòwnə ghəə ghə adzəm n wɔɔ kə wi. 36Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”
Actualmente seleccionado:
Jɔn 3: WEH
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022 CABTAL
Jɔn 3
3
Yeso ghi Nikodemus
1Wù Falasi u loʼ wə â loʼnu ghə â tɔŋŋənə nə̀ a loʼ Nikodemus. Tə n loʼ soʼo ngəd n zəghə u ghə̂ a Təjuu. 2N tsuʼ fə loʼ fə, tə n ndòw bə n səə Yeso n tsuʼu tə, dza nə̀, “Wù dii wə, n khənu nə̀ a wɔ tûm bə Kəzə̀ nə̀ wə bə dii ghey n ghəə ghə, n təŋkey, wù loʼ way dzə tə loʼnə ni fwaʼ ndzoʼo ghəə a faalə ghən wə fwaʼanə, a gɔʼɔ kə nə̀ Zə̀ kə loʼ ghi wi.”
3Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”
4Nikodemus n bəb ndòw tə̀ wi nə̀, “Ghə loʼ ngee ni ji kuulə wù nə̀ tə n nyim ə? Tə loʼnu ni nyi dzəŋŋə ndow n nəghə u này wi tə̀ ghə ji kpiʼi bə wi ə?”
5Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə. 6Wù sɔŋtsuʼ jiə wù sɔŋtsuʼ, Zay K-a-zə̀ kə a kee ghəŋŋənə saa nə̀ saa keeli kəzay. 7Kə̂ dzuu i nə̂ zumnə wɔ nghee n dza bənə tə̀ wɔ nə̀ ghə teeli khə ni ji kuulə ghaa. 8Abə kɔŋŋə kə tsəghə ndownə n bad key kə ləghənə, wù zownu nghee kə fuŋu tsəghənə, a kee loʼ nə̀, wù way dzə ni dza luʼu key kə nuu bənə tii nkee luʼu key kə ndòwnə. A wey loʼ soʼo nghee i loʼnə ghi wù wey Zay kə Zow kə loʼnə n kow wi.”
9Nikodemus n bəb ndòw tə wi nə̀, “Ghəə ghən loʼ ni shi ngee?”
10Yeso n beeli dza ndòw tə̀ wi nə̀, “Wə ndzəm loʼ wù dii u səŋi wə n naʼ zə Izree, a loʼ kee wə sə khə way ghəə ghən ə? 11N kuum dza bə isəŋə tə wɔ nə̀, ghey ghɔɔmə ghəə ghey ghey khənə, tiilə dza bə ghəə ghey ghey koʼnə, ghaa u nam bəghəm way tûm ə ghey. 12Abə n dza bənə ghəə ghey a shiənə aghəlitsə tə̀ wɔ, wə u way ni bəghəm, wə î sə bəghəm ngee abə n dza bənə wɔ n ghəə ghə idəŋ ghə ə? 13Wù loʼ ka kam kɔʼ koʼ tsə idəŋ, a may kə wù wən tə shi tsu bənə idəŋ, tɔŋŋə Waa Weynum. 14Nghee tə̀ Mushi â ney khəə naŋa kɔʼnə zuu#3.14 Ghə â faalə kɔʼ zuu zey n vuʼ key ghə tɔŋŋə nə̀ a loʼ brɔns n mbaŋ n mbvən ə ntsaŋ, a loʼ ighələ ghə î ney naŋa kɔʼɔnə Waa Weynum 15sey nə̀, wù wey tə bəghəmnə tə̀ wi, tə i keeli muu zə itsali.
16Kuumnə, Zə̀ kə â ngii ləghənu mbi ni ney fuu bə sɔʼi fə Waa wi, nə̀ wù wey tə bəghəmnə tə wi, tə i ka kpu, tə i fəd keeli muu zə itsali. 17Zə̀ kə â ka tûm bə dzə Waa wi fa mbi nə̀ tə bə saʼ mbi, tə â fəd tûm bə wi nə̀ tə bə bəghəshi ghə̂ a mbi. 18Wù wey tə bəghəmnə tə̀ wi, Zə̀ kə kəm saʼa way wi, wù wey tə ka kee bəghəm tə̀ wi, Zə̀ kə n saʼ a wi gboo khəə tən, tə u naŋa wi n ngoʼ, n təŋkey, tə ka bəghəm dzə n zəd i sɔʼi fə Waa wi. 19Tow kə ighəə key Zə̀ kə saʼa ghə̂ ghə a tii loʼ nə̀, daa kə bàŋ nyi bə n mbi, ghə̂ ghə u kee ləghənə ləm kə tsəghəshi kədaa, n təŋkey ghəə a ghə a ghəŋŋə a loʼ ghəə a bəbə ghə. 20I loʼ nə̀, ghə̂ ghey ghə ghəŋŋənə ghəə a bəbə ghə, ghə ləghə way daa kə, ghə i ləghə soʼo way ni bə n tənə kədaa, sey nə̀, kə̂ kə nə̂ chiə diinə ghəə a ghə a bəbə ghə. 21Ghə̂ ghey ghə kee ghəŋŋənə ghəə ghey a loʼnə tsətsəghə, ghə bəghənu n tənə kədaa, ni ghəŋə nə̀ ghə̂ ghə i koʼo bə nə̀ ghəə a ghə a ghəŋŋə a loʼ ghəə ghey Zə̀ kə ləghənə.”
Jɔn wù fuu u mmuu n Kəzə̀ mə ghɔɔmə bòʼ Yeso
22Ambə ghəə ghən a tsəghə tsunə, Yeso n nuu nyi ndòw n mboʼo Judeya ghi ngəd tə wi tə, dzə doʼo tsu fu ghi ghə, fuu aghə̂ n mmuu n Kəzə̀ mə. 23Jɔn n kee loʼ n naʼa fə Enɔn, fə loʼnə n səə naʼ i Salim zə, fuu soʼo aghə̂ fu n mmuu n Kəzə̀ mə, boʼ nə̀ mmuu mə â ngii loʼ fu. Ndəmə aghə̂ n ndòw n səə Jɔn, tə n fuu ghə n mmuu n Kəzə̀ mə. 24Ghəə ghən â shi nə̀ ghə ka kam kwu fìi naŋa dzə Jɔn n ndaw tsaʼ.
25Ngəd tə Jɔn tə loʼ tə n kaʼ ni baŋŋə təfəghəm ghi wù Juu u loʼ wə bòʼ jìi zey wù khə ni kàli uwû tii ni ghəŋə nə̀ tə i zow n sə K-a-zə̀. 26Sey ghə n ndòw n səə Jɔn, bəb tə̀ wi nə̀, “Wù dii wə, wə moʼlə kənu wù wey wə â loʼnə ghi wi n nguŋ ə dzuu Jodan i loʼ zey ə? Tɔŋŋə wù wey wə̀ â tiilə dzanə ghəə ghə bòʼ wi? Tə nya fuu soʼo aghə̂ n mmuu n Kəzə̀ mə, ghə̂ a nya kwɔ̀ɔ ndòw kə fu ni ndow ney mmuu n Kəzə̀ n wɔ wi.”
27Jɔn n beeli ndòw ghə nə̀, “Abə Zə̀ kə idəŋ kə ka fuu wù n fə̂ kə, wù way ni keeli koʼ fə̂ kə tii kə. 28Wû i ghaa, ghaa mâ zow n nəŋə zey mə â dzanə nə̀, ‘N way dzə wù wey Zə̀ kə â dza naŋa nə̀ i tûm bənu, Zə̀ kə maŋ tûm bə mə isə̂ nə̀ n bə bayyə naŋa tsu təluʼu tə̀ wi.’ 29Wù wey tə baa khənə weyzən n zə̂ kə ney zə iwû zə, loʼ num weyzən, fə̂ a num weyzən ə tii maŋa zəllə kə ni zow dzə̀ ə wi, ghə n duʼlə. À wey loʼ ndzoʼo ghəə zey i ghəŋŋə nə̀ mə i ngii khə duʼlə zə n fə̀ŋ zuŋ. 30Sey, ndzə̂ ighɔŋ ə wi khə kə ni kɔʼɔ nay ndow kə idəŋ idəŋ, i zuŋ zə i kee tsuu.”
Yeso loʼ wù wən tə shi tsu bənə idəŋ
31Jɔn n dza kpiʼi ndow tə dzûmə tə wi tə nə̀, “Wù wey tə shi tsu bənə idəŋ tsəghəshi aghə̂ adzəm. Wù wey tə shinə fa a ghəlitsə loʼ wù ghəlikətsə, tə ghɔɔmə tənə kə ghəə a kəghəlitsə. Sey, Yeso loʼ wù wey tə shi tsu bənə idəŋ, tə tsəghəshi aghə̂ adzəm. 32Tə tiilə dza bə ghəə ghey tə koʼnə nsə a ghey tə zownə, ghə̂ ghə a kee bəghəm way ghɔɔmə i wi zə. 33Wù wey tə bəghəm naŋanə ghɔɔmə i wi zə, loʼ ni tiilə dza nə̀ ghɔɔmə i Kəzə̀ i loʼ isəŋə. 34Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm. 35Bày idəŋ ngii ləghə Waa wi, tə u fuu naŋa ndòwnə ghəə ghə adzəm n wɔɔ kə wi. 36Wù wey tə bəghəmnə tə Waa tii, tə i keeli muu zə itsali, wù wey tə ka kee zow tə̀ Waa, î keeli dzə way muu zə. Zə̀ kə n fəələ tən nəghə wə ghi wù tii.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022 CABTAL