Matyo 17
17
Kòʼ i Yeso i kweyyə kɔʼnu
(Mak 9.2-13; Luk 9.28-36)
1Ambə tsuʼu n tsəghə tsunə ntuubə tə̀ Yeso dza tsunə nə̀ i khə ni fəghə, ghə wey wi, tə n ney kɔʼ Pita, Jeyms ghi waazə ə wi Jɔn, nuu kɔʼ ndòw n tow kə kaʼ u dabə u loʼ wə, ghə n loʼ fu n nəŋə ghə. 2Sey wû u Yeso wə n kweyyə kɔʼ n sə kə ghə, tûm usə̂ u wi wə n nyiələ tə̀ a loʼ tsə̀, ndzə̂ tə wi tə n fə̀mmə fùŋ tə a loʼ kədzəd. 3Ghə n daŋŋə koʼ Mushi ghi Elayja ghə ghɔɔmənə ghi wi.
4Sey Pita n dza ndòw tə̀ Yeso nə̀, “Mûkəbii, i dzɔbənu nghee ghey loʼnə fa. Abə wə ləghənə ghey loʼ ni khəm kɔʼ nfəə ntəghə fa, fəmɔʼ tə̀ wɔ, fəmɔʼ tə̀ Mushi, fəmɔʼ tə̀ Elayja.”
5Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”
6Ambə ngəd tə wi tə zow tsunə dzə̀ zey, tsəŋ zə n kwu tsu ghə, ghə n bwu tsəd ndòw tum n təsə̂ n ghə aghəd. 7Yeso n bə mɔm tsu ghə, dza nə̀, “Nuu kɔʼ na, kə̂ ghaa nə tsəŋənə.” 8Sey, ghə n nuu bàŋ laalə kɔʼ ndòw idəŋ, koʼ tsu nə̀ à loʼ kə Yeso fu n nəŋə wi.
9Nghee tə̀ ghə tsuu dzəŋŋə bənə, Yeso n dza tə̀ ghə nə̀, “Kə ghaa nə dzanə ghəə zey ghaa koʼnə tə̀ wù loʼ ni ndòw kùm n nəŋə zey Zə̀ kə i zhəm dzəŋŋə bənə waa weynum nə ivə.” 10Ngəd tə wi tə n bəb ndòw tə̀ wi nə̀, “À loʼ kee ghə̂ a dii a kəlaŋ a dzanə nə̀ Elayja teeli khə ni bə dzə isə̂ tə̀ wù wey tə i bəghəshiənə ghə̂ ghə ni bə ə?” 11Yeso n beeli ndòw ghə nə̀, “Elayja ndzəm khə ni bə isə̂, tə bə bayyə naŋa tsu aghəə adzəm. 12Sey, n dza bə tə̀ ghaa nə̀, Elayja mâ bə, ghə n ka koʼ keeli wi. Ghə n fəd ghəŋə ndòw tə̀ wi ghəə ghey a dzɔbənə tə̀ ghə. À loʼ soʼo ighələ Waa weynum î fəʼlənə n wɔɔ kə ghə.” 13Sey, ngəd tə wi tə n daŋŋə zowkeeli nə̀ tə sey ghɔɔmə tə̀ ghə bòʼ Jɔn wù fuu u mmuu n Kəzə̀ mə.
Yeso baŋŋə waa u loʼ wə zay kə bwu kə loʼnə n kow wi
(Mak 9.14-29; Luk 9.37-43a)
14Ambə ghə bə kwɔɔlə dzəŋŋə bənə nɔɔ kə aghə̂ kə, wù loʼ n ndòw bə, təm bə tənguʼ n tənə Yeso dza, 15“Mûkəbii, kwɔɔlə sî zə n kow waa wuŋ, tə dzaŋa kəbwù, tə u ngii zow soʼonə fɔɔbə zə, n təŋkey, tə bəghə tə n bwù zeeli nə uvəllə nsə nə mmuu. 16N mə ney bə wi n səə ngəd tə tə̀, ghə u dəm kìi tsunə ni baŋŋə wi.”
17Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.” 18Nghee ghə ney bə waa tii, Yeso n kii ndòw zay kə bwu key, kə n nuu shi tsu n kòw waa u num wey, waa tii n daŋŋə taw i kɔʼ.
19Ngəd tə Yeso tə n bə tsɔŋ bəb bə tə̀ wi ibam nə̀, “À loʼ kee ghey mə way ni dzùm shi zay kə bwu kə tii kə?”
20Yeso n beeli ndòw ghə nə̀, “À loʼ n təŋkey, bəghəm i fə̀ŋ i ghaa i ngii təbənu. N kuum dza bə tə̀ ghaa nə̀, abə bəghəm i fə̀ŋ i ghaa i təbənə tə̀ a loʼ sam i kaʼ fə Mɔstad, ghaa loʼnu ni dza tə̀ kaʼ u wən nə̀, ‘Nuu tsu fa n luʼu kən, wə ndow fey!’ Wə i bɔɔmə nuu tsu. Ghə i loʼ i way zə i loʼnə ni tsəghəshi ghaa.” 21[À bɔɔmə may kə nə igɔŋŋə nsə dzuu i bam zə wù loʼnə ni dzùm shi ndzoʼo zay kə bwu kən.]#17.21 Maʼlə u loʼ u khə way ghəllə i zən.
Yeso ghɔɔmə kpiʼi bòʼ və i wi
(Mak 9.30-32; Luk 9.43b-45)
22Ambə Yeso ghi ngəd tə wi tə bə təmdzəŋi bənə n naʼ i Galili, tə n dza ndòw tə̀ ghə nə̀, “Ghə i kuʼlə ney fuu tsəghə ndownu Waa Weynum n wɔɔ kə ghə̂ ghən fa n mbi, 23ghə i wey wi, a i bə nə ntsuʼu ntəghə, Zə̀ kə i zhəm dzəŋŋə bə wi nə̀ ivə.”
Sey, ngəd tə wi tə n ngii khə imow n fə̀ŋ tə ghə.
Màʼlə kə tsow kə n Ndaw Kəzə̀ i nii zə n Yerosalem
24Nghee tə̀ Yeso ghi ngəd tə wi tə ndòw bənə n Kapenum, ghə̂ a kwɔɔ a màʼlə kə tsow kə n ndaw Kəzə̀ i nii zey n Yerosalem n bə bəb bə tə̀ Pita nə̀, “Wù dii ə ghaa tsow tsə way màʼlə kə n ndaw Kəzə̀ i nii zə nə̀ à loʼ kee?”
25Pita n beeli ndòw ghə nə̀, “Tə tsow tsənu.”
Ambə Pita nyi ndòwnə n ndaw, Yeso n ghɔɔmə ndòw tə wi isə dza nə̀, “Wə̀ moʼlə nə̀ ngee a Shimun? Də̀ŋ wən fa mbi kwɔɔ màʼlə kə tsow kə n wɔ ghə ndee? À loʼ n wɔ ghə̂ ghə inaʼ a ghə ghə mɔ n wɔ ghə̂ a nuu ghə ə?”
26Pita n beeli ndòw wi dza nə̀, “À loʼ n wɔ ghə̂ a nuu ghə.”
Yeso n dza tə wi nə̀, “I sey dii nə̀, ghə̂ ghə inaʼ a ghə a khə way ni tsow màʼlə kə tii kə. 27N ləghə way nə̀ ghə fəələ n fə̀ŋ ghi saa. Sey, ndòw nə inyi, wə̀ say ndòw saʼ fə kwɔɔ fə tətsəghə fə, tsəghə i sə̂ i sə zey wə î kwɔɔ kɔʼɔnə, wə i chi kɔʼ dzuu wi, wə koʼ tsu ukhəə tii wə i kpiinə ni tsow màʼlə kə nsə kə kuŋ kə. Wə i ney kɔʼ, wə fuu ndow tə̀ ghə tə̀ a loʼ tsow zə nsə i zuŋ zə.”
Actualmente seleccionado:
Matyo 17: WEH
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022 CABTAL
Matyo 17
17
Kòʼ i Yeso i kweyyə kɔʼnu
(Mak 9.2-13; Luk 9.28-36)
1Ambə tsuʼu n tsəghə tsunə ntuubə tə̀ Yeso dza tsunə nə̀ i khə ni fəghə, ghə wey wi, tə n ney kɔʼ Pita, Jeyms ghi waazə ə wi Jɔn, nuu kɔʼ ndòw n tow kə kaʼ u dabə u loʼ wə, ghə n loʼ fu n nəŋə ghə. 2Sey wû u Yeso wə n kweyyə kɔʼ n sə kə ghə, tûm usə̂ u wi wə n nyiələ tə̀ a loʼ tsə̀, ndzə̂ tə wi tə n fə̀mmə fùŋ tə a loʼ kədzəd. 3Ghə n daŋŋə koʼ Mushi ghi Elayja ghə ghɔɔmənə ghi wi.
4Sey Pita n dza ndòw tə̀ Yeso nə̀, “Mûkəbii, i dzɔbənu nghee ghey loʼnə fa. Abə wə ləghənə ghey loʼ ni khəm kɔʼ nfəə ntəghə fa, fəmɔʼ tə̀ wɔ, fəmɔʼ tə̀ Mushi, fəmɔʼ tə̀ Elayja.”
5Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”
6Ambə ngəd tə wi tə zow tsunə dzə̀ zey, tsəŋ zə n kwu tsu ghə, ghə n bwu tsəd ndòw tum n təsə̂ n ghə aghəd. 7Yeso n bə mɔm tsu ghə, dza nə̀, “Nuu kɔʼ na, kə̂ ghaa nə tsəŋənə.” 8Sey, ghə n nuu bàŋ laalə kɔʼ ndòw idəŋ, koʼ tsu nə̀ à loʼ kə Yeso fu n nəŋə wi.
9Nghee tə̀ ghə tsuu dzəŋŋə bənə, Yeso n dza tə̀ ghə nə̀, “Kə ghaa nə dzanə ghəə zey ghaa koʼnə tə̀ wù loʼ ni ndòw kùm n nəŋə zey Zə̀ kə i zhəm dzəŋŋə bənə waa weynum nə ivə.” 10Ngəd tə wi tə n bəb ndòw tə̀ wi nə̀, “À loʼ kee ghə̂ a dii a kəlaŋ a dzanə nə̀ Elayja teeli khə ni bə dzə isə̂ tə̀ wù wey tə i bəghəshiənə ghə̂ ghə ni bə ə?” 11Yeso n beeli ndòw ghə nə̀, “Elayja ndzəm khə ni bə isə̂, tə bə bayyə naŋa tsu aghəə adzəm. 12Sey, n dza bə tə̀ ghaa nə̀, Elayja mâ bə, ghə n ka koʼ keeli wi. Ghə n fəd ghəŋə ndòw tə̀ wi ghəə ghey a dzɔbənə tə̀ ghə. À loʼ soʼo ighələ Waa weynum î fəʼlənə n wɔɔ kə ghə.” 13Sey, ngəd tə wi tə n daŋŋə zowkeeli nə̀ tə sey ghɔɔmə tə̀ ghə bòʼ Jɔn wù fuu u mmuu n Kəzə̀ mə.
Yeso baŋŋə waa u loʼ wə zay kə bwu kə loʼnə n kow wi
(Mak 9.14-29; Luk 9.37-43a)
14Ambə ghə bə kwɔɔlə dzəŋŋə bənə nɔɔ kə aghə̂ kə, wù loʼ n ndòw bə, təm bə tənguʼ n tənə Yeso dza, 15“Mûkəbii, kwɔɔlə sî zə n kow waa wuŋ, tə dzaŋa kəbwù, tə u ngii zow soʼonə fɔɔbə zə, n təŋkey, tə bəghə tə n bwù zeeli nə uvəllə nsə nə mmuu. 16N mə ney bə wi n səə ngəd tə tə̀, ghə u dəm kìi tsunə ni baŋŋə wi.”
17Yeso n beeli ndòw wi dza nə̀, “Ghaa ghə̂ a num tə tən, ghaa khə way bəghəm i fə̀ŋ zə, ghaa khə kə ghəə a bəbə ghə. Mə i boʼo muulə ghi ghaa ni ndòw kùm zeeli? Mə i kow fə̀ŋ ghi ghaa ni ndow kùm zeeli? Ney bə na waa tii fa.” 18Nghee ghə ney bə waa tii, Yeso n kii ndòw zay kə bwu key, kə n nuu shi tsu n kòw waa u num wey, waa tii n daŋŋə taw i kɔʼ.
19Ngəd tə Yeso tə n bə tsɔŋ bəb bə tə̀ wi ibam nə̀, “À loʼ kee ghey mə way ni dzùm shi zay kə bwu kə tii kə?”
20Yeso n beeli ndòw ghə nə̀, “À loʼ n təŋkey, bəghəm i fə̀ŋ i ghaa i ngii təbənu. N kuum dza bə tə̀ ghaa nə̀, abə bəghəm i fə̀ŋ i ghaa i təbənə tə̀ a loʼ sam i kaʼ fə Mɔstad, ghaa loʼnu ni dza tə̀ kaʼ u wən nə̀, ‘Nuu tsu fa n luʼu kən, wə ndow fey!’ Wə i bɔɔmə nuu tsu. Ghə i loʼ i way zə i loʼnə ni tsəghəshi ghaa.” 21[À bɔɔmə may kə nə igɔŋŋə nsə dzuu i bam zə wù loʼnə ni dzùm shi ndzoʼo zay kə bwu kən.]#17.21 Maʼlə u loʼ u khə way ghəllə i zən.
Yeso ghɔɔmə kpiʼi bòʼ və i wi
(Mak 9.30-32; Luk 9.43b-45)
22Ambə Yeso ghi ngəd tə wi tə bə təmdzəŋi bənə n naʼ i Galili, tə n dza ndòw tə̀ ghə nə̀, “Ghə i kuʼlə ney fuu tsəghə ndownu Waa Weynum n wɔɔ kə ghə̂ ghən fa n mbi, 23ghə i wey wi, a i bə nə ntsuʼu ntəghə, Zə̀ kə i zhəm dzəŋŋə bə wi nə̀ ivə.”
Sey, ngəd tə wi tə n ngii khə imow n fə̀ŋ tə ghə.
Màʼlə kə tsow kə n Ndaw Kəzə̀ i nii zə n Yerosalem
24Nghee tə̀ Yeso ghi ngəd tə wi tə ndòw bənə n Kapenum, ghə̂ a kwɔɔ a màʼlə kə tsow kə n ndaw Kəzə̀ i nii zey n Yerosalem n bə bəb bə tə̀ Pita nə̀, “Wù dii ə ghaa tsow tsə way màʼlə kə n ndaw Kəzə̀ i nii zə nə̀ à loʼ kee?”
25Pita n beeli ndòw ghə nə̀, “Tə tsow tsənu.”
Ambə Pita nyi ndòwnə n ndaw, Yeso n ghɔɔmə ndòw tə wi isə dza nə̀, “Wə̀ moʼlə nə̀ ngee a Shimun? Də̀ŋ wən fa mbi kwɔɔ màʼlə kə tsow kə n wɔ ghə ndee? À loʼ n wɔ ghə̂ ghə inaʼ a ghə ghə mɔ n wɔ ghə̂ a nuu ghə ə?”
26Pita n beeli ndòw wi dza nə̀, “À loʼ n wɔ ghə̂ a nuu ghə.”
Yeso n dza tə wi nə̀, “I sey dii nə̀, ghə̂ ghə inaʼ a ghə a khə way ni tsow màʼlə kə tii kə. 27N ləghə way nə̀ ghə fəələ n fə̀ŋ ghi saa. Sey, ndòw nə inyi, wə̀ say ndòw saʼ fə kwɔɔ fə tətsəghə fə, tsəghə i sə̂ i sə zey wə î kwɔɔ kɔʼɔnə, wə i chi kɔʼ dzuu wi, wə koʼ tsu ukhəə tii wə i kpiinə ni tsow màʼlə kə nsə kə kuŋ kə. Wə i ney kɔʼ, wə fuu ndow tə̀ ghə tə̀ a loʼ tsow zə nsə i zuŋ zə.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022 CABTAL