Genesis 2
2
Ndjambi ma sere ondaya keyuva oritjahambombari na yapura ro
1Komuhingo mbwi Ndjambi oviungura vye avihe vyo ma memeno weyuru nehi noviṋa avihe, we vi mana meyuva oritjahamboumwe. 2#Eks 20:11#Heb 4:4, 10Nu meyuva oritjahambombari Ndjambi wa suva kotjiungura tje atjihe tja ungurire. 3Ndjambi wa sera eyuva oritjahambombari ondaya na yapura ro, eye tjinga a suva mu ro kotjiungura atjihe tja mema. 4Indi oro ehungi rombutiro yeyuru nehi, tji vya memenwe.
Ombutiro yomurumendu nomukazendu
Muhona Ndjambi tja ungura ehi neyuru, 5kamwa ri ovihwa mokuti kombanda yehi, nu kamwa hapere ovihape vyokuti; orondu Muhona Ndjambi tjandje keya rokisa ombura kombanda yehi, nu kapa ri omundu okuungura ehi. 6Nungwari ombundu ya zire mehi nai ningeke ehi arihe.
7 #
1Kor 15:45
Nu Muhona Ndjambi wa zezenga omundu poruuma rwehi, na suvire mo omuinyo meyuru re; nomundu wa rira omunamuinyo.
Otjikunino mOeden
8Kombunda yanao, Muhona Ndjambi wa kuna otjikunino mOeden kuṱa komuhuka, na twa mo omundu ngwa memene. 9#Omav 2:7; 22:2, 14Nu Muhona Ndjambi wa hapisa omiti ngamwa avihe ominanyuṋe mombunikiro, nu mbi novihape oviwa okuriwa. Nu mokati kotjikunino mwa ri omuti mbu yandja omuinyo, nomuti warwe mbu yandja ondjiviro okutjiwa ouwa nouvi.
10MOeden iyamu pupu onḓonḓu okutjatja otjikunino, nokuzambo aa i pauka motupa tune. 11Ena rorupa orutenga oPison; oro ru kondoroka ehi arihe ra Hawila ku ku nongoldo. 12Nongoldo yehi ndi ombwa; wina ku nomapya wobedellium, nomawe wooniks. 13Nena rorupa orutjavari rwonḓonḓu oGihon; oro ru kondoroka ehi arihe ra Kus. 14Nu orupa orutjatatu oTigris; oro ru pupa kuṱa komuhuka wa Asirie. Norupa orutjaine oEufrat.
15 Muhona Ndjambi arire tja toora ingwi omundu, ne mu twa motjikunino tja Eden okutjiungura nokutjitjevera. 16Nu Muhona Ndjambi wa rakiza komundu a tja: “U nousemba okurya komiti avihe vyotjikunino otja pu movanga, 17posiya omuti mbu yandja ondjiviro okutjiwa ouwa nouvi o ri ovihape vyawo. Tji wa tjiti nao, mo ṱu.”
18Norukwao Muhona Ndjambi wa tja: “Kakokuwa omundu okukara erike; ami me mu tjitire omuvatere ngu ma pu ku ye.” 19Nu Muhona Ndjambi wa toora ehi na zezenga po ovipuka avihe nozonḓera zeyuru azehe; neye we vi eta komundu kutja e vi ruke omana. Nomundu ena nda ruka mu atjihe, onda rira ena ratjo. 20Nomundu wa ruka omana movitumbwa avihe na mozonḓera zeyuru na movipuka vyokuti; nungwari komundu kapa munikire omuvatere ngu ma pu ku ye.
21Nu Muhona Ndjambi wa rarisa omundu ozomboṱu ozonḓeu; nu ngunda a rara, eye wa homona orupati rwe rumwe, nu poṋa mbo a setike nonyama. 22Nu Muhona Ndjambi wa ungura omukazendu porupati ndwa homona momurumendu, ne mu eta ku ye. 23Omurumendu arire tja tja:
“Ingwi eṱupa romaṱupa wandje,
nonyama yonyama yandje!
Eye ma rukwa ‘Omukazendu’,
orondu eye wa isiwa momurumendu.”
24 #
Mt 19:5; Mk 10:7, 8; 1Kor 6:16; Ef 5:31 Omurumendu opu ma zu okuisa ihe na ina na kakatere komukazendu we, nowo mave rire onyama imwe.
25Naveyevari va ri muzu, omurumendu nomukazendu we, nungwari kaave ṱasana ohoṋi.
Actualmente seleccionado:
Genesis 2: HRR-UNI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Herero Revision Bible © Bible Society in Namibia, 2021.
Genesis 2
2
Ndjambi ma sere ondaya keyuva oritjahambombari na yapura ro
1Komuhingo mbwi Ndjambi oviungura vye avihe vyo ma memeno weyuru nehi noviṋa avihe, we vi mana meyuva oritjahamboumwe. 2#Eks 20:11#Heb 4:4, 10Nu meyuva oritjahambombari Ndjambi wa suva kotjiungura tje atjihe tja ungurire. 3Ndjambi wa sera eyuva oritjahambombari ondaya na yapura ro, eye tjinga a suva mu ro kotjiungura atjihe tja mema. 4Indi oro ehungi rombutiro yeyuru nehi, tji vya memenwe.
Ombutiro yomurumendu nomukazendu
Muhona Ndjambi tja ungura ehi neyuru, 5kamwa ri ovihwa mokuti kombanda yehi, nu kamwa hapere ovihape vyokuti; orondu Muhona Ndjambi tjandje keya rokisa ombura kombanda yehi, nu kapa ri omundu okuungura ehi. 6Nungwari ombundu ya zire mehi nai ningeke ehi arihe.
7 #
1Kor 15:45
Nu Muhona Ndjambi wa zezenga omundu poruuma rwehi, na suvire mo omuinyo meyuru re; nomundu wa rira omunamuinyo.
Otjikunino mOeden
8Kombunda yanao, Muhona Ndjambi wa kuna otjikunino mOeden kuṱa komuhuka, na twa mo omundu ngwa memene. 9#Omav 2:7; 22:2, 14Nu Muhona Ndjambi wa hapisa omiti ngamwa avihe ominanyuṋe mombunikiro, nu mbi novihape oviwa okuriwa. Nu mokati kotjikunino mwa ri omuti mbu yandja omuinyo, nomuti warwe mbu yandja ondjiviro okutjiwa ouwa nouvi.
10MOeden iyamu pupu onḓonḓu okutjatja otjikunino, nokuzambo aa i pauka motupa tune. 11Ena rorupa orutenga oPison; oro ru kondoroka ehi arihe ra Hawila ku ku nongoldo. 12Nongoldo yehi ndi ombwa; wina ku nomapya wobedellium, nomawe wooniks. 13Nena rorupa orutjavari rwonḓonḓu oGihon; oro ru kondoroka ehi arihe ra Kus. 14Nu orupa orutjatatu oTigris; oro ru pupa kuṱa komuhuka wa Asirie. Norupa orutjaine oEufrat.
15 Muhona Ndjambi arire tja toora ingwi omundu, ne mu twa motjikunino tja Eden okutjiungura nokutjitjevera. 16Nu Muhona Ndjambi wa rakiza komundu a tja: “U nousemba okurya komiti avihe vyotjikunino otja pu movanga, 17posiya omuti mbu yandja ondjiviro okutjiwa ouwa nouvi o ri ovihape vyawo. Tji wa tjiti nao, mo ṱu.”
18Norukwao Muhona Ndjambi wa tja: “Kakokuwa omundu okukara erike; ami me mu tjitire omuvatere ngu ma pu ku ye.” 19Nu Muhona Ndjambi wa toora ehi na zezenga po ovipuka avihe nozonḓera zeyuru azehe; neye we vi eta komundu kutja e vi ruke omana. Nomundu ena nda ruka mu atjihe, onda rira ena ratjo. 20Nomundu wa ruka omana movitumbwa avihe na mozonḓera zeyuru na movipuka vyokuti; nungwari komundu kapa munikire omuvatere ngu ma pu ku ye.
21Nu Muhona Ndjambi wa rarisa omundu ozomboṱu ozonḓeu; nu ngunda a rara, eye wa homona orupati rwe rumwe, nu poṋa mbo a setike nonyama. 22Nu Muhona Ndjambi wa ungura omukazendu porupati ndwa homona momurumendu, ne mu eta ku ye. 23Omurumendu arire tja tja:
“Ingwi eṱupa romaṱupa wandje,
nonyama yonyama yandje!
Eye ma rukwa ‘Omukazendu’,
orondu eye wa isiwa momurumendu.”
24 #
Mt 19:5; Mk 10:7, 8; 1Kor 6:16; Ef 5:31 Omurumendu opu ma zu okuisa ihe na ina na kakatere komukazendu we, nowo mave rire onyama imwe.
25Naveyevari va ri muzu, omurumendu nomukazendu we, nungwari kaave ṱasana ohoṋi.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Herero Revision Bible © Bible Society in Namibia, 2021.