Alukasɨ 2
2
Adzaŋ za bɨ Jwínɨ́ a Yeso ghe
(Mat 1:18-25)
1A bé a nkfu məwa lá, Kaisa Agosto a sáʼ ngə́, á bɨ kwaʼ a ŋwɔn tsum a mu ɨlaʼ tsa ɨtsum mbáʼ Roma a kɨ́nə́ sáʼə ghe. 2Ntsambyi nkfu za bɨ sháŋnɨ́ ɨbɛn, Gobɨna Kwirino a kə́ sáʼə Alaʼ Sirɨya ghe. 3Ŋwɔn tsum a tíʼ ngɛn a ntáʼmbagə bo a nɨ́ŋ ɨkum ɨyi a mu aŋwaʼnɨ ə.
4Yosɛb a fú a ntáʼmbagə Nazarɛ a mu mbuʼ Galili ngěn a ntáʼmbagə Bɛtrəʼɛm a mu mbuʼ Yudiya adiʼ wa bɨ jwínɨ́ a Devidɨ ɨwu ə. Yosɛb a ghɛ́n ɨwu mbɨ́ʼ ngə́ wɛrə a bé ŋwɔn ɨlə̌ Devidɨ ə. 5A ghɛ́n a nɨ́ŋ ɨkum ɨyi bo wu Mɛrɨ, mbáʼ bɨ ghúnɨ́ wəmbo ə. A nkfu məwa Mɛrɨ a bé mabvu ə. 6Mbáʼ bo tsínɨ́ a Bɛtrəʼɛm lá, nyom njwi ɨyi a kúʼə. 7A jwí a ntsambyi mɔn ɨyi a be mɔn mbáŋnɨ́ bɨ lwɛrɨ nɨ ɨbagɨ ɨtsɛʼ ɨ nyɔŋ a mu akəbɨ a ndzɨgɨ mɨnyam mbɨ́ʼ ngə́ abárɨ́ a sé bé a mbó bo a mu ndá ngaŋ nɨghan za.
Bɨntsiŋ Mɨnyam abɔʼnɨ Bɨtsen bɨ Ndá bɨ Ŋwi ə
8Bɨntsiŋ mɨnyam bə tse a bagɨ alaʼ məwa kə́ ndə̌tú a nye ɨkarɨ ɨnyam ɨtsa nɨ ɨtfúʼ ə. 9Ntsendá Ŋwi zɨ Maʼmbyí ɨ fú a ɨshe a ɨshi bo, nɨfáŋ nɨ Maʼmbyí ɨ tá nkubɨnɨ awa ghe. Nɨbɔgɨ nə wi tsí a ntəm bo, 10ntsendá Ŋwi za sóŋ a mbó bo ngə́, “Nɨ keʼ bɔgə! Ma yen nɨ nkən wu shiʼnɨ a mbó bɨŋ ə, mbáʼ ɨ mɨ gha nɨdorɨ nə wi a mbó ŋwɔn tsum ə. 11Ɨ sɨŋə wɛnə, a Ntáʼmbagə wu wi wu Devidɨ, bɨ jwi a Ndoŋə awən wa a nɨ Kristo – mbáʼ a nɨ Maʼmbyí ɛ. 12Alɨgɨ azhi a mbó bən a zɛnə: nɨ mɨ zɛn a mɔn ə, á bɨ lwɛrɨ nɨ ɨbagɨ ɨtsɛʼ, ɨ nyɔŋ a mu akəbɨ a ndzɨgɨ mɨnyam ə.”
13Bɨ vwúkɨ́ ngə́ bɨ zě, ɨnɔ bɨtsen bɨ ndá bɨ Ŋwi ɨ lo a fɔməbvurə nkwiʼtɨ a zɨ mbyi za, ntiʼə ndzɔ́bə́, mbóntə́ a Ŋwi ngə́:
14“Nɨfáŋ a mbó Ŋwi a fɔməbvurə atú a təntsánɨ́, á mbɔnɨ tiʼ ntsi atuəshe a mbó ɨbɛn ba ntəm ɨyi dórɨ́nə́ mbɨ́ʼ awa ghe!”
15Nyom wa bɨtsen bɨ ndá bɨ Ŋwi ba a bɨ lónɨ́, mbə́n awa a fɔməbvurə lá, bɨntsiŋ mɨnyam ba bɨ ghámnɨ́ a tɨtərɨ bo ngə́, “Bɨgɨnə ghɛn a Bɛtrəʼɛm, ndzɛn anu za a funɨ, mbáʼ Maʼmbyí a soŋnɨ a mbó bɨgɨnə lá.”
16Bo tíʼ ngyaŋnɨ ngɛn ndzɛn a Mɛrɨ bo Yosɛb nkɨ ndzɛn a mɔn wa a nɔŋ a mu akəbɨ a ndzɨgɨ mɨnyam za. 17Mbáʼ bɨntsiŋ mɨnyam ba zɛ́nɨ́ a mɔn wa lá, ntiʼ fɨʼtɨ a mbó bo anu za Ntsendá Ŋwi za ɨ sóŋnɨ́ mbɨ́ʼ a mɔn wa. 18Anu za bɨntsiŋ mɨnyam ba sóŋnɨ́ lá, a tsánɨ́ a ŋwɔn tsum wa a zúʼnɨ́ a zɛrə ghe. 19Mɛrɨ a lén ɨnu tsiŋ ɨtsum a ntəm zɨ ntiʼə ndánə́ nkwáʼtə́ atú azhi tsɛʼ nkan mbɨ́ʼ a tsɛrə ghe. 20Bɨntsiŋ mɨnyam ba tíʼə nkwě awa, ngyíŋə́ ndzɔbə mbóntə́ a Ŋwi mbɨ́ʼ ɨnu ɨtsum tsa bo zúʼnɨ́ nkɨ ndzɛ́n; a kɨ́ nyáʼ mbé tsɛʼ adzaŋ za Ntsendá Ŋwi za ɨ sóŋnɨ́ a mbó bo ghe.
Bɨ Chwi Ɨkum Yeso ghe
21Ngabɨ ɨ kwemnə, mbáʼ nkfu ɨ kúʼnɨ́ a ntsəŋ alagɨ a mɔn wa, bɨ chwi ɨkum ɨyi nɨ Yeso, ɨkum wa Ntsendá Ŋwi za ɨ ghánɨ́ wəmbo bɔŋ á nɨmi ɨyi a ntíʼə ntɛ́mə́ nɨ wɛrə ghe.
Bɨ Tsagɨnɨ a Yeso a Ndáŋwi zɨ Ngwi ə
22Nkfu ghɨnə nkúʼ mbáʼ Yosɛb bo Mɛrɨ tsínɨ́ nɨ sugɨ ɨtumbəm ɨtsa á tsɨ fɛm a ɨshi Ŋwi ndzɔ́ŋə́ a Nyɔngɔŋ Mǒse, bo tíʼ ndɔgɨ a mɔn wa ngɛn a Yerosalɛm a ntsagɨnə a mbó Maʼmbyí,#2:22 Levitɨkɔsɨ 12:6-8 23(adzaŋ za bɨ ŋwáʼnɨ́nɨ́ a mu nyɔngɔŋ Maʼmbyí ngə́, “Bɨ tsi nɨ nga ntsambyi mɔn mbáŋnɨ́ tsum a mbó Maʼmbyí ɛ.”)#2:23 Ɛksədɔsɨ 13:2,12 24Bɛrə kɨ́ ngɛn a ngá mɨtsuʼnɨ mɨ atú ma mɨ bénɨ́ bɨbvugɨrə-fɨkon bi bɨbá kə ɨbɔ bɨ boŋnɨ bi bɨbá adzaŋ za nyɔngɔŋ Maʼmbyí a díʼnə́.
25A nkfu məwa ŋwɔn tse a kə́ nchyɛ̌ a Yerosalɛm ɨkum ɨyi be Simiɔn ə. Ngɨnɨ mɨnu ɨmyi chínɨ́, a kə́ wúmnə́ a Ŋwi tsɛʼ nkə. Wɛrə a kə́ ntsǐŋ njwi za bɨ ghɨnɨ loŋ bə Izrai ghe. Azhwi zə Fɛmnɨ a tsí wə mu ɨnye 26nkɨ nkaʼ ayi ngə́ a ghɨ keʼ kfo tɨ zɛn a Wa bɨ Zɔ́ʼnɨ́ wa mbáʼ Maʼmbyí a káʼnɨ́ a ntsagə a mbó ɨbɛn lá. 27Azhwi a tótɨ́ a Simiɔn a kon ngɛn a mu Ndáŋwi zɨ Ngwi ə. Nkfu za Yosɛb bo Mɛrɨ yénɨ́ nɨ Yeso a mu Ndáŋwi zɨ Ngwi a ndwɨ́gɨ́ Nyɔngɔŋ lá, 28Simiɔn a kwárɨ́ a mɔn wa nkwɛʼ nga a mɨya a mbó Ŋwi ngə́:
29“Tɨtsɔŋnɨ nə Maʼmbyí, o lɛnə akaʼ azo, o chi tiʼ nyɛʼtɨ á ngaŋ afaʼ ɨzo ghɛn nɨ mbɔnɨ ə.
30Mbɨ́ʼ ngə́ nɨ ɨmɨgɨ ɨman, ma zɛnə ɨloŋ ɨgho
31wa o kyáŋtɨ́nɨ́ a ɨshi ɨmɨgɨ ɨbɛn bɨtsum ə:
32Nkaʼ wa ɨ ghɨnɨ diʼ anu za Ŋwi a lɔnə a mbó ba a se bə Yuda be ɨ kɨ gha nɨfáŋ a mbó ɨbɛn ɨbo ba a nɨ bə Izrai lá.”#2:32 Asaya 42:6, 49:6
33Ɨnu tsa Simiɔn a sóŋnɨ́ mbɨ́ʼ a mɔn wa tsɨ kɨ́ʼnɨ́ a ta ɨyi bo nɨmi ɨyi ɛ. 34Simiɔn a tíʼ fɔ́gɨ́ awa, ɨ soŋ a mbó Mɛrɨ nɨmi ɨyi ngə́,
“Zɛn lá, Ŋwi a tsɔʼ a mɔn wen ngə́ á bə Izrai a ɨnɔ ghɨ́ nkɔgɨ ɨmugɨ ɨwa wə ɨnye, á bə mɔʼɔ kwarɨ ɨloŋ ɨwa tsɛʼ wəmbo ə.
Wɛrə ghɨ bé alɨgɨ za a lonɨ a mbó Ŋwi, mbáʼ ɨbɛn bə ghaʼnɨ ghɨnɨ tón awa ɨnu tsa wɛrə sóŋnə́ ghe.
35(lumban mɨ kɨ sɔbɨ ɨ tosɨ ntəm ɨgho) Ɨwu ɨ tiʼ kyɛʼ ɨkwaʼtɨ tsa tsɨ tsinɨ a mu mɨntəm ɨma ghe.”
36Ntom Ŋwi mangye zɨ tse tsí ɨwu ndanɨ ndvuŋ tsɛʼ nkan, mbe nkfugɨ, ɨkum ɨyi be Ana mɔn Fanuə ŋwɔn atsé zə wi zə Asha ghe. A tsí a mu nɨzɔ́ʼ tsɛʼ atú ɨlom samba ghe. 37A nyom məwa a bé ɨlom mɨghúm mi nɨfə̧ nɨ ntsɔb nɨkwa ghe. A sé a mu Ndáŋwi zɨ Ngwi a mbóŋə́ ghe; ngúʼsə́ a Ŋwi nəzhwɨgɨnɨ bo nɨ ɨtfúʼ, nchigɨ nji tsə ntsaʼtɨ Ŋwi a nye abaŋ zə sa nkə́ ntsáʼtə́ a Ŋwi ə. 38Tsɛʼ a nyom ndiʼ Yeso wa a Ndáŋwi zɨ Ngwi, Ana a yén nga a mɨya a mbó Ŋwi nkɨ fɨʼtɨ ɨnu mbɨ́ʼ a mɔn wa a mbó ɨbɛn ba bɨ tsínɨ́ ɨwu ntsǐŋ njwi za Ŋwi a ghɨnɨ kyɛtɨ mɨnkɨ mɨ abuʼ a nye Yerosalɛm ə.
Bo bə Mbən a Nazarɛ ghe
39Mbáʼ Yosɛb bo Mɛrɨ mɛ́tɨ́nɨ́ a ngɨ ɨnu ɨtsum a ndwɨ́gɨ́ nyɔngɔŋ Maʼmbyí lá, mbə ntiʼ mbən awa a njwuʼ bo a Ntáʼmbagə Nazarɛ a Galili ə. 40Mɔn wa a kə́ nkwǐ ɨ shiʼnɨ; zóŋ a lon wətú, ɨfɔgə Ŋwi kɨ ntsi wə ɨnye.
Yeso, a Ndáŋwi zɨ Ngwi mbáʼ a Bvúrɨ́nɨ́ mbé Mɨmu Mbáŋnɨ́ ə
41Ngɔŋ alom atsum ta bɨ Yeso bo nɨmi ɨyi: bo bo kə́ ngěn a Yerosalɛm a dzɨ́ Nɨdorɨ nɨ Tsa-yɛʼnɨ ə.#2:41 Ditronomi 16:1-8 42Mbáʼ Yeso a bénɨ́ ɨlom nɨghúm ntsɔb bá, bo bo ghɛ́n ghá adiʼ a nɨdorɨ ndzɔ̌ŋ mbɔm ɨza ɨlom ɨtsum ə; 43anu a nɨdorɨ za a minə, bo bɨŋə mbɨ́ŋə́ a njwuʼ bo, lá mɔn mbáŋnɨ́ wa, Yeso a ghɔ́ŋ a Yerosalɛm ə. Ta ɨyi bo nɨmi ɨyi sé zhyɛ; 44bo kwáʼtɨ́ ngə́ bo bo kə́ ngyenə aku ə. Bo ghɛnə nɨyen nɨ táʼ njwi ntiʼ mbiʼnɨ ndǒ wɛrə a tɨtərɨ ngwəgɨ abɔʼnɨ bɨson ə. 45Mbáʼ bɨ sé ayi zɛn lá, mbə ngɛn a Yerosalɛm a ndó wɛrə ghe. 46A benɨ njwi tárə́, bɨ kwatɨ ayi a mu Ndáŋwi zɨ Ngwi, a shiʼtɨ ntsi a tɨtərɨ bɨdiʼ bɨ aŋwaʼnɨ, njwíʼtə́ a mbó bo nkə́ mbítə́ awa nɨ ɨbítɨ ə. 47A kɨ́ʼnɨ́ a ŋwɔn tsum wa a tsínɨ́ ɨwu adzaŋ za a kɨ́nə́ ndzúʼə nkə́ njíɛ abɔʼnɨ ɨchwɨgə ɨchi ɛ. 48Anu za a kɨ́ʼnɨ́ a ta ɨyi bo nɨmi ɨyi mbáʼ bɨ zɛ́nɨ́ ayi ɛ. Nɨmi ɨyi a tíʼ mbítɨ́ ayi ngə́, “Mɔn ɨghan, o lanɨ ngɨ a ziŋ anu a nye bɨgɨ lá ngə́ ke le? A ghagɨ awɨgɨ ta ɨgho tsɛʼ nkan bɨgɨ zɨ lanɨ mbuʼ ɨnye ndǒ agho ə.”
49Yeso a chwɨ́gɨ́ a mbó bo ngə́, “Nɨ kɨ chyɛ ndánə́ ngágɨ́ ɨnye ɨtsən ndǒ aghan lá ngə́ ke le? Nɨ kɨ se zhi ngə́ ma kɨ tsi nɨ nchyɛ a ndá Ta ɨghan le?” 50Lá, bo sé lanɨ ndzuʼ nkɨ nji anu za achwɨgə azhi a díʼnə́.
51Ma lan, Yeso a bə́ ngɛn bo bo a Nazarɛ ghe. Ɨwu a kə́ ndzúʼnɨ́ bɨta ɨbyi tsɛʼ nkə. Nɨmi ɨyi a lén ɨnu tsiŋ ɨtsum a ntəm zɨə. 52Yeso kə́ nkwíə a nye mbəmnye ɨzhi abɔʼnɨ zóŋ, ngɨnɨ mɨnu ɨmyi bɔŋ a ɨshi ɨmɨgɨ Ŋwi abɔʼnɨ ɨbɛn ə.
Actualmente seleccionado:
Alukasɨ 2: MNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2023, CABTAL
Alukasɨ 2
2
Adzaŋ za bɨ Jwínɨ́ a Yeso ghe
(Mat 1:18-25)
1A bé a nkfu məwa lá, Kaisa Agosto a sáʼ ngə́, á bɨ kwaʼ a ŋwɔn tsum a mu ɨlaʼ tsa ɨtsum mbáʼ Roma a kɨ́nə́ sáʼə ghe. 2Ntsambyi nkfu za bɨ sháŋnɨ́ ɨbɛn, Gobɨna Kwirino a kə́ sáʼə Alaʼ Sirɨya ghe. 3Ŋwɔn tsum a tíʼ ngɛn a ntáʼmbagə bo a nɨ́ŋ ɨkum ɨyi a mu aŋwaʼnɨ ə.
4Yosɛb a fú a ntáʼmbagə Nazarɛ a mu mbuʼ Galili ngěn a ntáʼmbagə Bɛtrəʼɛm a mu mbuʼ Yudiya adiʼ wa bɨ jwínɨ́ a Devidɨ ɨwu ə. Yosɛb a ghɛ́n ɨwu mbɨ́ʼ ngə́ wɛrə a bé ŋwɔn ɨlə̌ Devidɨ ə. 5A ghɛ́n a nɨ́ŋ ɨkum ɨyi bo wu Mɛrɨ, mbáʼ bɨ ghúnɨ́ wəmbo ə. A nkfu məwa Mɛrɨ a bé mabvu ə. 6Mbáʼ bo tsínɨ́ a Bɛtrəʼɛm lá, nyom njwi ɨyi a kúʼə. 7A jwí a ntsambyi mɔn ɨyi a be mɔn mbáŋnɨ́ bɨ lwɛrɨ nɨ ɨbagɨ ɨtsɛʼ ɨ nyɔŋ a mu akəbɨ a ndzɨgɨ mɨnyam mbɨ́ʼ ngə́ abárɨ́ a sé bé a mbó bo a mu ndá ngaŋ nɨghan za.
Bɨntsiŋ Mɨnyam abɔʼnɨ Bɨtsen bɨ Ndá bɨ Ŋwi ə
8Bɨntsiŋ mɨnyam bə tse a bagɨ alaʼ məwa kə́ ndə̌tú a nye ɨkarɨ ɨnyam ɨtsa nɨ ɨtfúʼ ə. 9Ntsendá Ŋwi zɨ Maʼmbyí ɨ fú a ɨshe a ɨshi bo, nɨfáŋ nɨ Maʼmbyí ɨ tá nkubɨnɨ awa ghe. Nɨbɔgɨ nə wi tsí a ntəm bo, 10ntsendá Ŋwi za sóŋ a mbó bo ngə́, “Nɨ keʼ bɔgə! Ma yen nɨ nkən wu shiʼnɨ a mbó bɨŋ ə, mbáʼ ɨ mɨ gha nɨdorɨ nə wi a mbó ŋwɔn tsum ə. 11Ɨ sɨŋə wɛnə, a Ntáʼmbagə wu wi wu Devidɨ, bɨ jwi a Ndoŋə awən wa a nɨ Kristo – mbáʼ a nɨ Maʼmbyí ɛ. 12Alɨgɨ azhi a mbó bən a zɛnə: nɨ mɨ zɛn a mɔn ə, á bɨ lwɛrɨ nɨ ɨbagɨ ɨtsɛʼ, ɨ nyɔŋ a mu akəbɨ a ndzɨgɨ mɨnyam ə.”
13Bɨ vwúkɨ́ ngə́ bɨ zě, ɨnɔ bɨtsen bɨ ndá bɨ Ŋwi ɨ lo a fɔməbvurə nkwiʼtɨ a zɨ mbyi za, ntiʼə ndzɔ́bə́, mbóntə́ a Ŋwi ngə́:
14“Nɨfáŋ a mbó Ŋwi a fɔməbvurə atú a təntsánɨ́, á mbɔnɨ tiʼ ntsi atuəshe a mbó ɨbɛn ba ntəm ɨyi dórɨ́nə́ mbɨ́ʼ awa ghe!”
15Nyom wa bɨtsen bɨ ndá bɨ Ŋwi ba a bɨ lónɨ́, mbə́n awa a fɔməbvurə lá, bɨntsiŋ mɨnyam ba bɨ ghámnɨ́ a tɨtərɨ bo ngə́, “Bɨgɨnə ghɛn a Bɛtrəʼɛm, ndzɛn anu za a funɨ, mbáʼ Maʼmbyí a soŋnɨ a mbó bɨgɨnə lá.”
16Bo tíʼ ngyaŋnɨ ngɛn ndzɛn a Mɛrɨ bo Yosɛb nkɨ ndzɛn a mɔn wa a nɔŋ a mu akəbɨ a ndzɨgɨ mɨnyam za. 17Mbáʼ bɨntsiŋ mɨnyam ba zɛ́nɨ́ a mɔn wa lá, ntiʼ fɨʼtɨ a mbó bo anu za Ntsendá Ŋwi za ɨ sóŋnɨ́ mbɨ́ʼ a mɔn wa. 18Anu za bɨntsiŋ mɨnyam ba sóŋnɨ́ lá, a tsánɨ́ a ŋwɔn tsum wa a zúʼnɨ́ a zɛrə ghe. 19Mɛrɨ a lén ɨnu tsiŋ ɨtsum a ntəm zɨ ntiʼə ndánə́ nkwáʼtə́ atú azhi tsɛʼ nkan mbɨ́ʼ a tsɛrə ghe. 20Bɨntsiŋ mɨnyam ba tíʼə nkwě awa, ngyíŋə́ ndzɔbə mbóntə́ a Ŋwi mbɨ́ʼ ɨnu ɨtsum tsa bo zúʼnɨ́ nkɨ ndzɛ́n; a kɨ́ nyáʼ mbé tsɛʼ adzaŋ za Ntsendá Ŋwi za ɨ sóŋnɨ́ a mbó bo ghe.
Bɨ Chwi Ɨkum Yeso ghe
21Ngabɨ ɨ kwemnə, mbáʼ nkfu ɨ kúʼnɨ́ a ntsəŋ alagɨ a mɔn wa, bɨ chwi ɨkum ɨyi nɨ Yeso, ɨkum wa Ntsendá Ŋwi za ɨ ghánɨ́ wəmbo bɔŋ á nɨmi ɨyi a ntíʼə ntɛ́mə́ nɨ wɛrə ghe.
Bɨ Tsagɨnɨ a Yeso a Ndáŋwi zɨ Ngwi ə
22Nkfu ghɨnə nkúʼ mbáʼ Yosɛb bo Mɛrɨ tsínɨ́ nɨ sugɨ ɨtumbəm ɨtsa á tsɨ fɛm a ɨshi Ŋwi ndzɔ́ŋə́ a Nyɔngɔŋ Mǒse, bo tíʼ ndɔgɨ a mɔn wa ngɛn a Yerosalɛm a ntsagɨnə a mbó Maʼmbyí,#2:22 Levitɨkɔsɨ 12:6-8 23(adzaŋ za bɨ ŋwáʼnɨ́nɨ́ a mu nyɔngɔŋ Maʼmbyí ngə́, “Bɨ tsi nɨ nga ntsambyi mɔn mbáŋnɨ́ tsum a mbó Maʼmbyí ɛ.”)#2:23 Ɛksədɔsɨ 13:2,12 24Bɛrə kɨ́ ngɛn a ngá mɨtsuʼnɨ mɨ atú ma mɨ bénɨ́ bɨbvugɨrə-fɨkon bi bɨbá kə ɨbɔ bɨ boŋnɨ bi bɨbá adzaŋ za nyɔngɔŋ Maʼmbyí a díʼnə́.
25A nkfu məwa ŋwɔn tse a kə́ nchyɛ̌ a Yerosalɛm ɨkum ɨyi be Simiɔn ə. Ngɨnɨ mɨnu ɨmyi chínɨ́, a kə́ wúmnə́ a Ŋwi tsɛʼ nkə. Wɛrə a kə́ ntsǐŋ njwi za bɨ ghɨnɨ loŋ bə Izrai ghe. Azhwi zə Fɛmnɨ a tsí wə mu ɨnye 26nkɨ nkaʼ ayi ngə́ a ghɨ keʼ kfo tɨ zɛn a Wa bɨ Zɔ́ʼnɨ́ wa mbáʼ Maʼmbyí a káʼnɨ́ a ntsagə a mbó ɨbɛn lá. 27Azhwi a tótɨ́ a Simiɔn a kon ngɛn a mu Ndáŋwi zɨ Ngwi ə. Nkfu za Yosɛb bo Mɛrɨ yénɨ́ nɨ Yeso a mu Ndáŋwi zɨ Ngwi a ndwɨ́gɨ́ Nyɔngɔŋ lá, 28Simiɔn a kwárɨ́ a mɔn wa nkwɛʼ nga a mɨya a mbó Ŋwi ngə́:
29“Tɨtsɔŋnɨ nə Maʼmbyí, o lɛnə akaʼ azo, o chi tiʼ nyɛʼtɨ á ngaŋ afaʼ ɨzo ghɛn nɨ mbɔnɨ ə.
30Mbɨ́ʼ ngə́ nɨ ɨmɨgɨ ɨman, ma zɛnə ɨloŋ ɨgho
31wa o kyáŋtɨ́nɨ́ a ɨshi ɨmɨgɨ ɨbɛn bɨtsum ə:
32Nkaʼ wa ɨ ghɨnɨ diʼ anu za Ŋwi a lɔnə a mbó ba a se bə Yuda be ɨ kɨ gha nɨfáŋ a mbó ɨbɛn ɨbo ba a nɨ bə Izrai lá.”#2:32 Asaya 42:6, 49:6
33Ɨnu tsa Simiɔn a sóŋnɨ́ mbɨ́ʼ a mɔn wa tsɨ kɨ́ʼnɨ́ a ta ɨyi bo nɨmi ɨyi ɛ. 34Simiɔn a tíʼ fɔ́gɨ́ awa, ɨ soŋ a mbó Mɛrɨ nɨmi ɨyi ngə́,
“Zɛn lá, Ŋwi a tsɔʼ a mɔn wen ngə́ á bə Izrai a ɨnɔ ghɨ́ nkɔgɨ ɨmugɨ ɨwa wə ɨnye, á bə mɔʼɔ kwarɨ ɨloŋ ɨwa tsɛʼ wəmbo ə.
Wɛrə ghɨ bé alɨgɨ za a lonɨ a mbó Ŋwi, mbáʼ ɨbɛn bə ghaʼnɨ ghɨnɨ tón awa ɨnu tsa wɛrə sóŋnə́ ghe.
35(lumban mɨ kɨ sɔbɨ ɨ tosɨ ntəm ɨgho) Ɨwu ɨ tiʼ kyɛʼ ɨkwaʼtɨ tsa tsɨ tsinɨ a mu mɨntəm ɨma ghe.”
36Ntom Ŋwi mangye zɨ tse tsí ɨwu ndanɨ ndvuŋ tsɛʼ nkan, mbe nkfugɨ, ɨkum ɨyi be Ana mɔn Fanuə ŋwɔn atsé zə wi zə Asha ghe. A tsí a mu nɨzɔ́ʼ tsɛʼ atú ɨlom samba ghe. 37A nyom məwa a bé ɨlom mɨghúm mi nɨfə̧ nɨ ntsɔb nɨkwa ghe. A sé a mu Ndáŋwi zɨ Ngwi a mbóŋə́ ghe; ngúʼsə́ a Ŋwi nəzhwɨgɨnɨ bo nɨ ɨtfúʼ, nchigɨ nji tsə ntsaʼtɨ Ŋwi a nye abaŋ zə sa nkə́ ntsáʼtə́ a Ŋwi ə. 38Tsɛʼ a nyom ndiʼ Yeso wa a Ndáŋwi zɨ Ngwi, Ana a yén nga a mɨya a mbó Ŋwi nkɨ fɨʼtɨ ɨnu mbɨ́ʼ a mɔn wa a mbó ɨbɛn ba bɨ tsínɨ́ ɨwu ntsǐŋ njwi za Ŋwi a ghɨnɨ kyɛtɨ mɨnkɨ mɨ abuʼ a nye Yerosalɛm ə.
Bo bə Mbən a Nazarɛ ghe
39Mbáʼ Yosɛb bo Mɛrɨ mɛ́tɨ́nɨ́ a ngɨ ɨnu ɨtsum a ndwɨ́gɨ́ nyɔngɔŋ Maʼmbyí lá, mbə ntiʼ mbən awa a njwuʼ bo a Ntáʼmbagə Nazarɛ a Galili ə. 40Mɔn wa a kə́ nkwǐ ɨ shiʼnɨ; zóŋ a lon wətú, ɨfɔgə Ŋwi kɨ ntsi wə ɨnye.
Yeso, a Ndáŋwi zɨ Ngwi mbáʼ a Bvúrɨ́nɨ́ mbé Mɨmu Mbáŋnɨ́ ə
41Ngɔŋ alom atsum ta bɨ Yeso bo nɨmi ɨyi: bo bo kə́ ngěn a Yerosalɛm a dzɨ́ Nɨdorɨ nɨ Tsa-yɛʼnɨ ə.#2:41 Ditronomi 16:1-8 42Mbáʼ Yeso a bénɨ́ ɨlom nɨghúm ntsɔb bá, bo bo ghɛ́n ghá adiʼ a nɨdorɨ ndzɔ̌ŋ mbɔm ɨza ɨlom ɨtsum ə; 43anu a nɨdorɨ za a minə, bo bɨŋə mbɨ́ŋə́ a njwuʼ bo, lá mɔn mbáŋnɨ́ wa, Yeso a ghɔ́ŋ a Yerosalɛm ə. Ta ɨyi bo nɨmi ɨyi sé zhyɛ; 44bo kwáʼtɨ́ ngə́ bo bo kə́ ngyenə aku ə. Bo ghɛnə nɨyen nɨ táʼ njwi ntiʼ mbiʼnɨ ndǒ wɛrə a tɨtərɨ ngwəgɨ abɔʼnɨ bɨson ə. 45Mbáʼ bɨ sé ayi zɛn lá, mbə ngɛn a Yerosalɛm a ndó wɛrə ghe. 46A benɨ njwi tárə́, bɨ kwatɨ ayi a mu Ndáŋwi zɨ Ngwi, a shiʼtɨ ntsi a tɨtərɨ bɨdiʼ bɨ aŋwaʼnɨ, njwíʼtə́ a mbó bo nkə́ mbítə́ awa nɨ ɨbítɨ ə. 47A kɨ́ʼnɨ́ a ŋwɔn tsum wa a tsínɨ́ ɨwu adzaŋ za a kɨ́nə́ ndzúʼə nkə́ njíɛ abɔʼnɨ ɨchwɨgə ɨchi ɛ. 48Anu za a kɨ́ʼnɨ́ a ta ɨyi bo nɨmi ɨyi mbáʼ bɨ zɛ́nɨ́ ayi ɛ. Nɨmi ɨyi a tíʼ mbítɨ́ ayi ngə́, “Mɔn ɨghan, o lanɨ ngɨ a ziŋ anu a nye bɨgɨ lá ngə́ ke le? A ghagɨ awɨgɨ ta ɨgho tsɛʼ nkan bɨgɨ zɨ lanɨ mbuʼ ɨnye ndǒ agho ə.”
49Yeso a chwɨ́gɨ́ a mbó bo ngə́, “Nɨ kɨ chyɛ ndánə́ ngágɨ́ ɨnye ɨtsən ndǒ aghan lá ngə́ ke le? Nɨ kɨ se zhi ngə́ ma kɨ tsi nɨ nchyɛ a ndá Ta ɨghan le?” 50Lá, bo sé lanɨ ndzuʼ nkɨ nji anu za achwɨgə azhi a díʼnə́.
51Ma lan, Yeso a bə́ ngɛn bo bo a Nazarɛ ghe. Ɨwu a kə́ ndzúʼnɨ́ bɨta ɨbyi tsɛʼ nkə. Nɨmi ɨyi a lén ɨnu tsiŋ ɨtsum a ntəm zɨə. 52Yeso kə́ nkwíə a nye mbəmnye ɨzhi abɔʼnɨ zóŋ, ngɨnɨ mɨnu ɨmyi bɔŋ a ɨshi ɨmɨgɨ Ŋwi abɔʼnɨ ɨbɛn ə.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2023, CABTAL