Marɨkusɨ 7
7
Za Bɨtarɨ bə Kɔ́ʼɔ́nguʼ Díʼnə́
(Mat 15:1-9)
1Bə Farisao abɔʼnɨ bɨdiʼ bɨ Nyɔngɔŋ bə tse ba bɨ lónɨ́ a Yerosalɛm, bɨ yén ngótɨ́ nkárɨ́sɨ́ a Yeso ghe. 2Bo zɛ́n ngə́ bɨyɛʼ bɨ Yeso bə mɔʼɔ kə́ ndzɨ́ə tɨ zɔŋ mbɔm bə Yuda a sugɨ mbó bɔŋ ɨ dzɨə.
3(Mbɨ́ʼ ngə́ bə Farisao, abɔʼnɨ abvuʼ a bə Yuda, ka bo ndzɨə awa tɨgha bo sugɨ mbó ɨma, ndzɔ̌ŋ adzaŋ za bɨta ɨba bə kɔ́ʼɔ́nguʼ díʼnɨ́; 4ka bo kə́ ndzɨə awa azúm za a lonɨ a mɨtan tɨgha bɨ sugə. Bo kə́ ndzɔ̌ŋ ɨnu tsə ghaʼnɨ tsa bɨ díʼnɨ́ tso ndóm wa ɨ kuʼnɨnɨ a sugɨ ndɔ́ŋ, bənto abɔʼnɨ ɨkəbɨ broŋsɨ ə.)
5Ma lan, bə Farisao abɔʼnɨ bɨdiʼ bɨ Nyɔngɔŋ bítɨ́ a Yeso ngə́, “Bɨyɛʼ ɨbo se ndě ɨnu tsa bɨtarɨ bə kɔ́ʼɔ́nguʼ díʼnɨ́, lá mbaŋnə ndzɨ́ə tɨ zɔŋ mbɔm bə Yuda a sugɨ mbó ɨma lá ngə́ ke le?”
6Yeso a chwɨ́gɨ́ awa ngə́, “Ntom Ŋwi Asaya a sóŋ ɨ shiʼnɨ mbɨ́ʼ awən ngaŋ ngɨ ɨtsi adzaŋ za wɛrə a ŋwáʼnɨ́nɨ́ ngə́:
‹Ɨbɛn biŋ kɔ́ʼsə́ aghan atɨ́ nɨ mɨgham
lá mɨntəm ɨma tsi adiʼ adaŋ ə.
7Bo ghúʼsə́ aghan adaŋədaŋə
mbɨ́ʼ ngə́ bo dǐʼ ntɨgə ŋwɔn mɨsɔŋ a ntsu
tso ngə́ tsɨ lo mbe bɨnyɔngɔŋ bɨ Ŋwi ə!›
8Nɨ nyɛʼ ntɨgə Ŋwi, ndzúʼnɨ́ ɨnu tsa ŋwɔn mɨsɔŋ a ntsu a diʼnə ghe.”
9Yeso a ghɛ́n nɨ mbyi ngə́, “Nɨ tsi nɨ ndóm ayigɨnɨ a ntúŋ ntɨgə Ŋwi, taŋ ɨ len ɨnu tsa ŋwɔn mɨsɔŋ a ntsu a diʼnə! 10Mbɨ́ʼ ngə́ Mǒse a sóŋ ngə́, ‹Diʼ mbɔm zɨ shiʼnɨ a mbó ta ɨgho bo nɨmi ɨgho›; nkɨ soŋ ngə́, ‹Ŋwɔn tsum wa a ghamnɨ ɨnu tsɨ tɔmnɨnɨ mbɨ́ʼ a ta ɨyi kə nɨmi ɨyi, á bɨ zagɨ njwitɨ ayi ɛ›; 11lá nɨ diʼə ngə́ be ŋwɔn tse a tsi nɨ azúm, za a chinɨ lɔgɨ a zɛrə ɨ kwatɨ a ta ɨyi kə a nɨmi ɨyi ɨwu, lá mbaŋnɨ soŋ ngə́ ‹Nə nɨ korɨban› (mbáʼ a diʼnɨ lá ngə́ a nɨ zə Ŋwi ə), 12a chi tiʼ tsi ayi tɨ bə nkwatɨ a ta ɨyi kə nɨmi ɨyi ɛ. 13A nye ndóm məwen, nɨ chíʼtɨ́ nɨgham nɨ Ŋwi nɨ ɨnu tsa nɨ diʼnə ntíʼə nyɛ́ʼtə́ a mbó ɨbɔ ɨbɨŋ ə. Nɨ kə́ ngɨ̌ ɨnu tsɨ mɔʼɔ tsə ghaʼnɨ tso mətsiŋ ə.”
Ɨnu tsa tsɨ Ghɨnə a Ŋwɔn a keʼ Lə̂
(Mat 15:10-20)
14Yeso a bə́ ntɔ́ŋ ɨnɔ wa a mbyɛn zɨ ɨ soŋ a mbó bo ngə́, “Bən bɨtsum nɨ zhwiʼtɨ a mbó me, nkɨ ndzuʼ nkɨ nji anu za nɨ zhwíʼtɨ́nə́ ghe. 15Ka azúm zə tse a tsi ayi ɨwu za a kónə́ ngěn a mu ɨnye ŋwɔn ndǒ abyɛn za a chinɨ ghɨ á keʼ fɛm a ɨshi ɨmɨgɨ Ŋwi ə. A baŋnɨ mbe be za a fúnə́ a mu ɨnye ŋwɔn za a ghɨnə a keʼ fɛm a ɨshi ɨmɨgɨ Ŋwi ə.” 16#7:16 Ɨŋwaʼnɨ tsɨ lvuŋ tsɨ mɔʼɔ tsa bɨ tsánɨ́ mbyi ɨ ŋwáʼnɨ́ kwiʼtɨ nkaŋ 16 ngə́ ŋwɔn tsum wa a tsinɨ nɨ ɨtoŋnɨ á zuʼə.
17Wɛrə a ghɨnə nyɛʼtɨ ɨnɔ ɨbɛn wa, nkon ngɛn a mu ndá, bɨyɛʼ ɨbyi bitɨ ayi ngə́ á fɨʼtɨ nɨgham nə nanɨ məniŋ ə. 18Wɛrə a bítɨ́ ngə́, “Lá be ngə́ nɨ se ndzúʼə nkə́ njíɛ le? Nɨ se zɛn ngə́ azúm atsum za a kónə́ a mu ɨnye ŋwɔn ndo abyɛn a chi keʼ ayi ghɨ á keʼ fɛm a ɨshi ɨmɨgɨ Ŋwi, 19mbɨ́ʼ ngə́ a kon be a mu mɨto nkeʼ a mu ntəm be, ntiʼ ntsa ɨ fu ayi a mu ɨnye ŋwɔn le?” (Yeso a sóŋ ma lan, ndiʼ lá ngə́ mɨdzɨ mɨtsum fɛmə.)
20Wɛrə a ghɛ́n nɨ mbyi a sóŋə́ ngə́, “Azúm za a fúnə́ a mu ɨnye ŋwɔn, a nɨ zɛrə za a ghɨnə a keʼ fɛm a ɨshi ɨmɨgɨ Ŋwi ə. 21Mbɨ́ʼ ngə́ a mu ɨnye ŋwɔn, ndo a mu ntəm, ɨkwaʼtɨ tsɨ tɔmnɨnɨ fúə ɨwu tso ɨnu ntɔrɨ ɨlɛbɨ, ɨzɛrə, njwitɨ ŋwɔn, 22achwurɨ, mbe amiɛnɨngám, abɨgəntəm, ntám, nɨshwe, aghɨʼnɨ, nɨgham nɨ ntsənkɨ ɨkum ŋwɔn wu shiʼnɨ, ɨŋuʼ ɨnye abɔʼnɨ ngɨ ɨnu atərɨ ə. 23Mɨbvu men mɨtsum mɨ fúə lá a mu ɨnye ŋwɔn nkə́ ngɨə a keʼ fɛm a ɨshi ɨmɨgɨ Ŋwi ə.”
Abeməntəm a Mangye
(Mat 15:21-28)
24Yeso a nyɛ́ʼtɨ́ adiʼ za ngɛn a mbuʼ Taya bo Saidɔn ə. Wɛrə a kón a mu ndá zɨ tse lá nkeʼ ndǒ ngə́ á ŋwɔn tsɛrə a zhyɛ; lá a kɨ chi keʼ ghɨ á bɨ tsi tɨ zhi ngə́ wɛrə a tsí ɨwu ə. 25Mangye tse wa mɔn ɨyi wu mangye a tsínɨ́ nɨ azhwi a tɨbɔŋ a zúʼ mbɨ́ʼ a Yeso, mbyi ntiʼ ngyen ngvo wə mɨku ə. 26Mangye wa a sé ŋwɔn bə Yuda be, bɨ jwí ayi a Mbuʼ Fonisha a mu Sirɨya ghe. Wɛrə a búʼtɨ́ mbó a mbó Yeso ngə́ á fɨgɨ a dzɨŋ wa a mu ɨnye mɔn ɨyi wu mangye wa. 27Lá Yeso a chwɨ́gɨ́ wəmbo ngə́, “Nyɛʼtɨ á bɨgɨ fom ndzɨgɨ ɨbɔ zaʼnə. Ka a kuʼnɨ ayi a ndɔgɨ mɨdzɨ mɨ ɨbɔ ɨ maʼ a mbó ngvo ə.”
28Mangye wa a chwɨ́gɨ́ ngə́, “Eŋə a Maʼmbyí, lá tsɛʼ ngvo tsa tsɨ tsinɨ a shwúrɨ́ atɛkɨ, tsɨ dzɨ̌ ɨbvuʼ mɨdzɨ mɨ ɨbɔ ə.”
29Wɛrə a tíʼ sóŋ a mbó mangye wa ngə́, “Mbɨ́ʼ ngə́ o chwɨgɨ adzaŋ məwen; bə nkwɛn a ndá gho ghe, awa azhwi a tɨbɔŋ za a nyɛʼtɨnə a mɔn ɨgho wu mangye wa.”
30Wɛrə a kwɛ́n ngɛn a njwuʼ zɨ ndzɛn ngə́ mɔn ɨyi wu mangye wa a nɔ́ŋ a ɨkon, dzɨŋ wa a kɨ nyɛʼtɨ ayi ɛ.
Yeso a Tsuʼ Akəkúgɨ́ ə
31Yeso a tíʼ nyɛʼtɨ Mbuʼ Taya za ntsa a mu Saidɔn, ɨ shiʼ ngɛn a Sagɨrə Galili ə. Wɛrə a kɨ́ ntsa a mu Mbuʼ Dekabolisɨ ə. 32Ɨbɛn bə tse yén nɨ ŋwɔn tse wa a bénɨ́ akəkúgɨ́ ə. Bo búʼtɨ́ mbó wəmbo ngə́ á wɛrə nyɔŋ abó azhi a nye ŋwɔn wa. 33Yeso a fɨ́gɨ́ ayi a tɨtərɨ ɨnɔ ɨbɛn wa ngɛ́n nɨ zɨ a nkubə, ɨ nɨŋ bɨshwi bɨ mbó ɨbyi a mu ɨtoŋnɨ ŋwɔn wa; ntiʼ ntfugɨ mɨtwe, ɨ mɔmtɨ alɛm a ŋwɔn wa ɨwu ə. 34Wɛrə a líŋ fɔməbvurə, ntsám achwɛrə ɨ soŋ a mbó ŋwɔn wa ngə́, “Efata” (mbáʼ a diʼnɨ ngə́, “Ŋaʼnə”).
35Bɨ byí ŋáʼ ɨtoŋnɨ ɨchi, nkyɛgɨ alɛm azhi, a gham ɨ shiʼnɨ ə. 36Yeso a kwántɨ́ a mbó bo ngə́ á bo keʼ a mbó ŋwɔn tse soŋə. Lá, mbáʼ a kɨ́nə́ ntsúʼnə́ awa ngěn nɨ mbyi lá, bo kə́ ndaʼə tsɛʼ laʼnɨ a zɛrə ngěn nɨ mbyi ɛ. 37A kɨ́ʼnɨ́ ɨbɛn ba bɨ zúʼnɨ́ be tɨsɨŋə. Bo sóŋ ngə́, “A ghɨ̌ ɨnu ɨtsum tsɛʼ ɨ shiʼnɨ ə. A tsúʼə a ŋwɔn tsum ɨ ghɛn kuʼ a nye adzaŋ za a ghɨnɨ ɨkfo ɨtú zuʼnɨ ɨnu, ɨkəkúgɨ́ kə ngámə́ ghe.”
Actualmente seleccionado:
Marɨkusɨ 7: MNT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2023, CABTAL
Marɨkusɨ 7
7
Za Bɨtarɨ bə Kɔ́ʼɔ́nguʼ Díʼnə́
(Mat 15:1-9)
1Bə Farisao abɔʼnɨ bɨdiʼ bɨ Nyɔngɔŋ bə tse ba bɨ lónɨ́ a Yerosalɛm, bɨ yén ngótɨ́ nkárɨ́sɨ́ a Yeso ghe. 2Bo zɛ́n ngə́ bɨyɛʼ bɨ Yeso bə mɔʼɔ kə́ ndzɨ́ə tɨ zɔŋ mbɔm bə Yuda a sugɨ mbó bɔŋ ɨ dzɨə.
3(Mbɨ́ʼ ngə́ bə Farisao, abɔʼnɨ abvuʼ a bə Yuda, ka bo ndzɨə awa tɨgha bo sugɨ mbó ɨma, ndzɔ̌ŋ adzaŋ za bɨta ɨba bə kɔ́ʼɔ́nguʼ díʼnɨ́; 4ka bo kə́ ndzɨə awa azúm za a lonɨ a mɨtan tɨgha bɨ sugə. Bo kə́ ndzɔ̌ŋ ɨnu tsə ghaʼnɨ tsa bɨ díʼnɨ́ tso ndóm wa ɨ kuʼnɨnɨ a sugɨ ndɔ́ŋ, bənto abɔʼnɨ ɨkəbɨ broŋsɨ ə.)
5Ma lan, bə Farisao abɔʼnɨ bɨdiʼ bɨ Nyɔngɔŋ bítɨ́ a Yeso ngə́, “Bɨyɛʼ ɨbo se ndě ɨnu tsa bɨtarɨ bə kɔ́ʼɔ́nguʼ díʼnɨ́, lá mbaŋnə ndzɨ́ə tɨ zɔŋ mbɔm bə Yuda a sugɨ mbó ɨma lá ngə́ ke le?”
6Yeso a chwɨ́gɨ́ awa ngə́, “Ntom Ŋwi Asaya a sóŋ ɨ shiʼnɨ mbɨ́ʼ awən ngaŋ ngɨ ɨtsi adzaŋ za wɛrə a ŋwáʼnɨ́nɨ́ ngə́:
‹Ɨbɛn biŋ kɔ́ʼsə́ aghan atɨ́ nɨ mɨgham
lá mɨntəm ɨma tsi adiʼ adaŋ ə.
7Bo ghúʼsə́ aghan adaŋədaŋə
mbɨ́ʼ ngə́ bo dǐʼ ntɨgə ŋwɔn mɨsɔŋ a ntsu
tso ngə́ tsɨ lo mbe bɨnyɔngɔŋ bɨ Ŋwi ə!›
8Nɨ nyɛʼ ntɨgə Ŋwi, ndzúʼnɨ́ ɨnu tsa ŋwɔn mɨsɔŋ a ntsu a diʼnə ghe.”
9Yeso a ghɛ́n nɨ mbyi ngə́, “Nɨ tsi nɨ ndóm ayigɨnɨ a ntúŋ ntɨgə Ŋwi, taŋ ɨ len ɨnu tsa ŋwɔn mɨsɔŋ a ntsu a diʼnə! 10Mbɨ́ʼ ngə́ Mǒse a sóŋ ngə́, ‹Diʼ mbɔm zɨ shiʼnɨ a mbó ta ɨgho bo nɨmi ɨgho›; nkɨ soŋ ngə́, ‹Ŋwɔn tsum wa a ghamnɨ ɨnu tsɨ tɔmnɨnɨ mbɨ́ʼ a ta ɨyi kə nɨmi ɨyi, á bɨ zagɨ njwitɨ ayi ɛ›; 11lá nɨ diʼə ngə́ be ŋwɔn tse a tsi nɨ azúm, za a chinɨ lɔgɨ a zɛrə ɨ kwatɨ a ta ɨyi kə a nɨmi ɨyi ɨwu, lá mbaŋnɨ soŋ ngə́ ‹Nə nɨ korɨban› (mbáʼ a diʼnɨ lá ngə́ a nɨ zə Ŋwi ə), 12a chi tiʼ tsi ayi tɨ bə nkwatɨ a ta ɨyi kə nɨmi ɨyi ɛ. 13A nye ndóm məwen, nɨ chíʼtɨ́ nɨgham nɨ Ŋwi nɨ ɨnu tsa nɨ diʼnə ntíʼə nyɛ́ʼtə́ a mbó ɨbɔ ɨbɨŋ ə. Nɨ kə́ ngɨ̌ ɨnu tsɨ mɔʼɔ tsə ghaʼnɨ tso mətsiŋ ə.”
Ɨnu tsa tsɨ Ghɨnə a Ŋwɔn a keʼ Lə̂
(Mat 15:10-20)
14Yeso a bə́ ntɔ́ŋ ɨnɔ wa a mbyɛn zɨ ɨ soŋ a mbó bo ngə́, “Bən bɨtsum nɨ zhwiʼtɨ a mbó me, nkɨ ndzuʼ nkɨ nji anu za nɨ zhwíʼtɨ́nə́ ghe. 15Ka azúm zə tse a tsi ayi ɨwu za a kónə́ ngěn a mu ɨnye ŋwɔn ndǒ abyɛn za a chinɨ ghɨ á keʼ fɛm a ɨshi ɨmɨgɨ Ŋwi ə. A baŋnɨ mbe be za a fúnə́ a mu ɨnye ŋwɔn za a ghɨnə a keʼ fɛm a ɨshi ɨmɨgɨ Ŋwi ə.” 16#7:16 Ɨŋwaʼnɨ tsɨ lvuŋ tsɨ mɔʼɔ tsa bɨ tsánɨ́ mbyi ɨ ŋwáʼnɨ́ kwiʼtɨ nkaŋ 16 ngə́ ŋwɔn tsum wa a tsinɨ nɨ ɨtoŋnɨ á zuʼə.
17Wɛrə a ghɨnə nyɛʼtɨ ɨnɔ ɨbɛn wa, nkon ngɛn a mu ndá, bɨyɛʼ ɨbyi bitɨ ayi ngə́ á fɨʼtɨ nɨgham nə nanɨ məniŋ ə. 18Wɛrə a bítɨ́ ngə́, “Lá be ngə́ nɨ se ndzúʼə nkə́ njíɛ le? Nɨ se zɛn ngə́ azúm atsum za a kónə́ a mu ɨnye ŋwɔn ndo abyɛn a chi keʼ ayi ghɨ á keʼ fɛm a ɨshi ɨmɨgɨ Ŋwi, 19mbɨ́ʼ ngə́ a kon be a mu mɨto nkeʼ a mu ntəm be, ntiʼ ntsa ɨ fu ayi a mu ɨnye ŋwɔn le?” (Yeso a sóŋ ma lan, ndiʼ lá ngə́ mɨdzɨ mɨtsum fɛmə.)
20Wɛrə a ghɛ́n nɨ mbyi a sóŋə́ ngə́, “Azúm za a fúnə́ a mu ɨnye ŋwɔn, a nɨ zɛrə za a ghɨnə a keʼ fɛm a ɨshi ɨmɨgɨ Ŋwi ə. 21Mbɨ́ʼ ngə́ a mu ɨnye ŋwɔn, ndo a mu ntəm, ɨkwaʼtɨ tsɨ tɔmnɨnɨ fúə ɨwu tso ɨnu ntɔrɨ ɨlɛbɨ, ɨzɛrə, njwitɨ ŋwɔn, 22achwurɨ, mbe amiɛnɨngám, abɨgəntəm, ntám, nɨshwe, aghɨʼnɨ, nɨgham nɨ ntsənkɨ ɨkum ŋwɔn wu shiʼnɨ, ɨŋuʼ ɨnye abɔʼnɨ ngɨ ɨnu atərɨ ə. 23Mɨbvu men mɨtsum mɨ fúə lá a mu ɨnye ŋwɔn nkə́ ngɨə a keʼ fɛm a ɨshi ɨmɨgɨ Ŋwi ə.”
Abeməntəm a Mangye
(Mat 15:21-28)
24Yeso a nyɛ́ʼtɨ́ adiʼ za ngɛn a mbuʼ Taya bo Saidɔn ə. Wɛrə a kón a mu ndá zɨ tse lá nkeʼ ndǒ ngə́ á ŋwɔn tsɛrə a zhyɛ; lá a kɨ chi keʼ ghɨ á bɨ tsi tɨ zhi ngə́ wɛrə a tsí ɨwu ə. 25Mangye tse wa mɔn ɨyi wu mangye a tsínɨ́ nɨ azhwi a tɨbɔŋ a zúʼ mbɨ́ʼ a Yeso, mbyi ntiʼ ngyen ngvo wə mɨku ə. 26Mangye wa a sé ŋwɔn bə Yuda be, bɨ jwí ayi a Mbuʼ Fonisha a mu Sirɨya ghe. Wɛrə a búʼtɨ́ mbó a mbó Yeso ngə́ á fɨgɨ a dzɨŋ wa a mu ɨnye mɔn ɨyi wu mangye wa. 27Lá Yeso a chwɨ́gɨ́ wəmbo ngə́, “Nyɛʼtɨ á bɨgɨ fom ndzɨgɨ ɨbɔ zaʼnə. Ka a kuʼnɨ ayi a ndɔgɨ mɨdzɨ mɨ ɨbɔ ɨ maʼ a mbó ngvo ə.”
28Mangye wa a chwɨ́gɨ́ ngə́, “Eŋə a Maʼmbyí, lá tsɛʼ ngvo tsa tsɨ tsinɨ a shwúrɨ́ atɛkɨ, tsɨ dzɨ̌ ɨbvuʼ mɨdzɨ mɨ ɨbɔ ə.”
29Wɛrə a tíʼ sóŋ a mbó mangye wa ngə́, “Mbɨ́ʼ ngə́ o chwɨgɨ adzaŋ məwen; bə nkwɛn a ndá gho ghe, awa azhwi a tɨbɔŋ za a nyɛʼtɨnə a mɔn ɨgho wu mangye wa.”
30Wɛrə a kwɛ́n ngɛn a njwuʼ zɨ ndzɛn ngə́ mɔn ɨyi wu mangye wa a nɔ́ŋ a ɨkon, dzɨŋ wa a kɨ nyɛʼtɨ ayi ɛ.
Yeso a Tsuʼ Akəkúgɨ́ ə
31Yeso a tíʼ nyɛʼtɨ Mbuʼ Taya za ntsa a mu Saidɔn, ɨ shiʼ ngɛn a Sagɨrə Galili ə. Wɛrə a kɨ́ ntsa a mu Mbuʼ Dekabolisɨ ə. 32Ɨbɛn bə tse yén nɨ ŋwɔn tse wa a bénɨ́ akəkúgɨ́ ə. Bo búʼtɨ́ mbó wəmbo ngə́ á wɛrə nyɔŋ abó azhi a nye ŋwɔn wa. 33Yeso a fɨ́gɨ́ ayi a tɨtərɨ ɨnɔ ɨbɛn wa ngɛ́n nɨ zɨ a nkubə, ɨ nɨŋ bɨshwi bɨ mbó ɨbyi a mu ɨtoŋnɨ ŋwɔn wa; ntiʼ ntfugɨ mɨtwe, ɨ mɔmtɨ alɛm a ŋwɔn wa ɨwu ə. 34Wɛrə a líŋ fɔməbvurə, ntsám achwɛrə ɨ soŋ a mbó ŋwɔn wa ngə́, “Efata” (mbáʼ a diʼnɨ ngə́, “Ŋaʼnə”).
35Bɨ byí ŋáʼ ɨtoŋnɨ ɨchi, nkyɛgɨ alɛm azhi, a gham ɨ shiʼnɨ ə. 36Yeso a kwántɨ́ a mbó bo ngə́ á bo keʼ a mbó ŋwɔn tse soŋə. Lá, mbáʼ a kɨ́nə́ ntsúʼnə́ awa ngěn nɨ mbyi lá, bo kə́ ndaʼə tsɛʼ laʼnɨ a zɛrə ngěn nɨ mbyi ɛ. 37A kɨ́ʼnɨ́ ɨbɛn ba bɨ zúʼnɨ́ be tɨsɨŋə. Bo sóŋ ngə́, “A ghɨ̌ ɨnu ɨtsum tsɛʼ ɨ shiʼnɨ ə. A tsúʼə a ŋwɔn tsum ɨ ghɛn kuʼ a nye adzaŋ za a ghɨnɨ ɨkfo ɨtú zuʼnɨ ɨnu, ɨkəkúgɨ́ kə ngámə́ ghe.”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2023, CABTAL