João 14
14
Jeju co Iri' Wanaxicon Iri' Jam
1Ta toron ne xumuhu' me ac caparut na. Howa jun Iri' Jam, howa xine quem. 2Pain xiricon Te pain pawin cain, ma' mija na oro ca to pan xi' hwe cain. Mo xi om iri'o' ne, om xi tomi' hwet xuhu' pain. Wara ara xo' tain ca to pan xi' hwe ta. 3Mao iri ta' ne, ara xo' ac tain tara ca to xi' nuhu', in qui' ac ta' tara, cut mama' ac xuhu' tara pain i cain quem. Ma' ta to ho' cara mahu' pain ca pe pan ta' pain i cain inuhu' ta. 4Querec pin' hwein wana ca ac ta' ta' pain ca mao ta' ta' ca' quem ac caparut na.
5Taramaxicon ne ac con na Tomé. Om ca taxi' urut pum pain ca mao ta' ma ma' quem. Cain' xi querec pin' ac urut pain wana ca ac ta' ma ma' quem na ca tomi' con ma'.
6Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun. 7Mo xi querec pin' iri'o' mahu', querec pin' ac hun xira Te quem. Ane querec pin' pin hun pain xocori ca' ne. Querec hun quem, ac i ma' na ca tomi' caparut ma'.
8Taramaxicon ne ac ca na Filipe. An hwet mi' xut con Cote ma quem. Je ca param urut ca', om na xijein carawa ca param urut ca' na ca tomi' con ma'.
9Cain' cain' xima quem Filipe ac ca na Jeju. Pain cara pane ca pe ho' xuhu' ca'. Om ca querec pin' querec mapa' ra? Wari' co querec napa', querec ac con na Te. Para an hwet mi' xut con Cote ma mapa' ma' quem? 10Om ca howa mapa' pain ca win cwere ton Te ra? Om ca howa mon pain ca win cwere pan capa' quem ra? Oro ca tomi' ne ca tomi' xuhu' ca', om ca maqui' nein ca coromicat ne. Maqui' non Te co pe ho' napa'. Oro ca tomi' ne ca', oro ca ara ne ca' quem, wirico Te na co tomi' pan nain. Wirico co ara pan nain quem. 11Howa xine pain ca tomi' xuhu' ca': Win cwere inon Te. Win cwere napa' quem. Mo ta om howa mahu' pain ca taraju hwein ca tomi' ne ca', je xi howa mahu' pain ca querec hwein oro ca ara ne ca' quem? 12Je ca tomi' xuhu' ca', tomi' iri'o' inuhu': Mo ta howa mahu', ara ac hwein tara oro carawa ca an xiho' nain ca ara ta' ca'. Hwara' opa tiquin' tamana tara oro ca ara xi' hwe quem. Xi om ne ca hwet ton ara ton Te ta#14.12 Hwara' opa tiquin' tamana tara oro ca ara xi' hwe quem iri na Jeju ne, tomi' napari' pain ca tomi' xo' xuxun oro wari' pain ca howa tocwa quem. Na napari' pain ca tomi' xo' xuxun pain capijacon Iri' Jam. Xi om ne ca in hwet ara con Cote ca pain pawin pane. Xi om ne ca mam' ara capari' pain Tamataracon quem. Je Tamataracon ca mi' napari' pain ca hwara' opa wa.. 13Oro carawa ca mi' xut pain hun Te ma', pain ca an hwet mi' hun pain wuxu pain ca mi' naparut pain ca tomi' urut pum ca' hun pata', ara mi' ac xuhu' pain tara. Ma' ta an hwet mi' xuhu' pain ca hwara' opa nucun Te pain ca awi tamana nucun ta inuhu'. 14Ara mi' xuhu' pain oro ca mi' xut pain hun ma', pain ca an hwet mi' hun pain wuxu pain ca mi' naparut pain ca tomi' urut pum ca' hun pata' na ca tomi' caparut ma'.
Ca mi' xuhu' pain Tamataracon Te ta caparut Jeju
15Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na. 16Tomi' ac ton tara Te pahu': Mam' roron con xucun co quep xiho' toton nonon, ac i ma' tara ca tomi' ton pahu'. Mam' ac cuhu' con tara. Pe ho' cara ac cuhu' tara quem. 17Mam' turuhu' pain Tamataracon. Je tara Tamataracon ca an hwet mi' nuhu' pain oro ca iri'o' wa con Te Iri' Jam. Om ca mi' ac tococwa pain Tamataracon Te oro wari' co om howa nanapa' ma'. Xi querec cacain ta. Om ca querec pin' camain' cacain. Wahu' iri na ne, querec pin' hwein. Xi om ne ca pe ho' ara cuhu' ta. Win cwere turuhu' quem.
18Paca' xuhu' paxi' inuhu', ane om ximin xi' hwe ne. Ame hwe e', in hwet ac xuhu' tara ta. 19Om ta pain homa ne, om ac ne tara ca querec mami' cacapa' co om howa nanapa' ma'. Wahu' iri na ne, querec mami' ac mahu' tara#14.19 Jeju ma', tomi' mi' nain Tamataracon Cote ca. Ac ca querec xun Jeju tara pain ca ma' capari' Tamataracon Cote ca.. Om ta pi' ra ha' ne ca e' nuhu' ta. Xi pi' ra ha' ne ca e' ne ca' quem. 20Maqui' iri tara xec nein ne, pain ca querec mami' xim mahu' ma', taxi' pin ac mahu' tara pain ca win cwere ton Te cwa', je pain ca win cwere mahu' quem, je pain ca win cwere xuhu' ca' quem.
21Mo ta taraju pa' hwein capija ca tomi' ha' je xuhu' ca'. Mo ta tomi' ha' mahu' quem. Querec pin' ac xihwe tara pain ca om noc mahu' ma'. Mo ta om noc mahu', om ta noc cuhu' Te. Wata' quem, om ta noc xuhu', an hwet pe ac xije tara pahu', mi' ac xuhu' tara pain ca querec pin' mahu' pain iri' xumuhu' ma' quem na ca tomi' caparut ma'.
22Tomi' querec ac con na Judas ma', xucun Judas, om na Judas Iscariotes: Cain' cain' xima quem Taramaxicon ne? Para mi' e' xim maparut pain ca querec pin' urut pum pain iri' xumuxut quem? Je xi mi' momon pain ca querec pin' quequem oro xucucun wari' co om howa nenem quem na ca tomi' querec con ma'.
23Om na ta Judas ac con na. Wari' co om noc napa' ma', tomi' ha' ac cain tara ca tomi' ne. Te ma', om ta noc con quem. Wata', Te quem, hwet ac xut con tara, to ho' ac xut con tara quem. 24Wari' co noc napa' ma', om ca tomi' ha' cain ca tomi' ne. Oro capija ca tomi' xuhu' ca', om ca maqui' nein ca coromicat ne. Maqui' pan non Te co hwet roron oro wari' napa' ta naparut.
25Tomi' hwet inuhu' pain capija ca', pain ca pe ho' pe ho' wet xuhu' ca' ac caparut na. 26Ane maqui' ta' ne Tamataracon Te ca quep xiho' xim nuhu' ne, ame hwe e'. Wirico Te tara co mam' xim nuhu' pain. Pe rain maxicon Panxita' ta tarain. Ma, maqui' ac ne tara, tomi' xo' tomi' xo' pi' pin ac cuhu' tara pain oro ca iri'o' wa con Te Iri' Jam. Mam' pe wet ac cuhu' tara pain oro ca tomi' xuhu' ca' quem. 27Pain ca paca' xim xuhu' ca', to' om pin tain ca toron ne xumuhu' pa'ao'. Wata' tara co mi' nuhu' pain. Om ta ac pain ca om toron ne ximicocon oro wari' co om howa nanapa' ma', om tara. To' om iri'o' tain ca toron ne xumuhu'. Je ca tomi' xuhu' ca': Ta toron ne xumuhu' me. Ta jin' hwe me ta. 28Wara taraju mahu' pain ca tomi' ca' xuhu' pane: Mao ta' paxi' ina, ane in hwet xim xuhu' ne, pe ho' ac xuhu' tara, ac i ma' na ca tomi' xuhu' pane. Mo xi om noc iri'o' mahu', tomi' querec te ac mahu' xira pain ca hwet ton ta' Te co taramaxicon hwara' opa tiquin' ca' napa'. 29Wara tomi' hwet inuhu' pain ca om mao querec ta' ca'. Ma' ta howa mahu' ta inuhu'. Mao iri ta' ne, howa ac mahu' tara pain ca tomi' iri'o' ta' ca'. 30Om ta momon tomi' tomi' tiquin' xuhu' pain xocori ca' quem, xi ma' ara ne carawa ca ara xim napa' ca'. To' quiji' pin xim paxi' napa' Caxicon Jam co taramaxicon pe ho' nonon oro wari' pain macan' ca', ane om na con pain ca to' quiji' pin capa' ne, xi taramaxicon pe ho' capa' ta. 31Ane na e' ne pain ca tomi' ha' tomi' ha' pi' pin tain oro ca ara ra capa' Te ne, pain ca mi' pin ra capa' ca'. Mi' pin ta' pan ina pain ca tomi' ha' ton ca'. Om ca nain ho' xije. Ma' ta taxi' cacapa' oro wari' pain ca om noc ton ca' naparut.
Tequi' to je e'. Maji mama' xi' ta ac caparut na.
Actualmente seleccionado:
João 14: TBPN
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil
João 14
14
Jeju co Iri' Wanaxicon Iri' Jam
1Ta toron ne xumuhu' me ac caparut na. Howa jun Iri' Jam, howa xine quem. 2Pain xiricon Te pain pawin cain, ma' mija na oro ca to pan xi' hwe cain. Mo xi om iri'o' ne, om xi tomi' hwet xuhu' pain. Wara ara xo' tain ca to pan xi' hwe ta. 3Mao iri ta' ne, ara xo' ac tain tara ca to xi' nuhu', in qui' ac ta' tara, cut mama' ac xuhu' tara pain i cain quem. Ma' ta to ho' cara mahu' pain ca pe pan ta' pain i cain inuhu' ta. 4Querec pin' hwein wana ca ac ta' ta' pain ca mao ta' ta' ca' quem ac caparut na.
5Taramaxicon ne ac con na Tomé. Om ca taxi' urut pum pain ca mao ta' ma ma' quem. Cain' xi querec pin' ac urut pain wana ca ac ta' ma ma' quem na ca tomi' con ma'.
6Om na, wata' co Iri' Wanaxicon Te Iri' Jam pan cwa' ta ac ca na Jeju. Wata' co an hwet mi' nuhu' pain ca iri'o' wa con. Wata' co mi' nuhu' pain ca e' cara wa quem. Xica' pe ina pain ca mi' taxi' xuhu' pain ca hwet hun Te ta. Om na xucun. 7Mo xi querec pin' iri'o' mahu', querec pin' ac hun xira Te quem. Ane querec pin' pin hun pain xocori ca' ne. Querec hun quem, ac i ma' na ca tomi' caparut ma'.
8Taramaxicon ne ac ca na Filipe. An hwet mi' xut con Cote ma quem. Je ca param urut ca', om na xijein carawa ca param urut ca' na ca tomi' con ma'.
9Cain' cain' xima quem Filipe ac ca na Jeju. Pain cara pane ca pe ho' xuhu' ca'. Om ca querec pin' querec mapa' ra? Wari' co querec napa', querec ac con na Te. Para an hwet mi' xut con Cote ma mapa' ma' quem? 10Om ca howa mapa' pain ca win cwere ton Te ra? Om ca howa mon pain ca win cwere pan capa' quem ra? Oro ca tomi' ne ca tomi' xuhu' ca', om ca maqui' nein ca coromicat ne. Maqui' non Te co pe ho' napa'. Oro ca tomi' ne ca', oro ca ara ne ca' quem, wirico Te na co tomi' pan nain. Wirico co ara pan nain quem. 11Howa xine pain ca tomi' xuhu' ca': Win cwere inon Te. Win cwere napa' quem. Mo ta om howa mahu' pain ca taraju hwein ca tomi' ne ca', je xi howa mahu' pain ca querec hwein oro ca ara ne ca' quem? 12Je ca tomi' xuhu' ca', tomi' iri'o' inuhu': Mo ta howa mahu', ara ac hwein tara oro carawa ca an xiho' nain ca ara ta' ca'. Hwara' opa tiquin' tamana tara oro ca ara xi' hwe quem. Xi om ne ca hwet ton ara ton Te ta#14.12 Hwara' opa tiquin' tamana tara oro ca ara xi' hwe quem iri na Jeju ne, tomi' napari' pain ca tomi' xo' xuxun oro wari' pain ca howa tocwa quem. Na napari' pain ca tomi' xo' xuxun pain capijacon Iri' Jam. Xi om ne ca in hwet ara con Cote ca pain pawin pane. Xi om ne ca mam' ara capari' pain Tamataracon quem. Je Tamataracon ca mi' napari' pain ca hwara' opa wa.. 13Oro carawa ca mi' xut pain hun Te ma', pain ca an hwet mi' hun pain wuxu pain ca mi' naparut pain ca tomi' urut pum ca' hun pata', ara mi' ac xuhu' pain tara. Ma' ta an hwet mi' xuhu' pain ca hwara' opa nucun Te pain ca awi tamana nucun ta inuhu'. 14Ara mi' xuhu' pain oro ca mi' xut pain hun ma', pain ca an hwet mi' hun pain wuxu pain ca mi' naparut pain ca tomi' urut pum ca' hun pata' na ca tomi' caparut ma'.
Ca mi' xuhu' pain Tamataracon Te ta caparut Jeju
15Mo ta om noc mahu', tomi' ha' ac mahu' tara pain oro ca ara je xuhu' ca' ac caparut na. 16Tomi' ac ton tara Te pahu': Mam' roron con xucun co quep xiho' toton nonon, ac i ma' tara ca tomi' ton pahu'. Mam' ac cuhu' con tara. Pe ho' cara ac cuhu' tara quem. 17Mam' turuhu' pain Tamataracon. Je tara Tamataracon ca an hwet mi' nuhu' pain oro ca iri'o' wa con Te Iri' Jam. Om ca mi' ac tococwa pain Tamataracon Te oro wari' co om howa nanapa' ma'. Xi querec cacain ta. Om ca querec pin' camain' cacain. Wahu' iri na ne, querec pin' hwein. Xi om ne ca pe ho' ara cuhu' ta. Win cwere turuhu' quem.
18Paca' xuhu' paxi' inuhu', ane om ximin xi' hwe ne. Ame hwe e', in hwet ac xuhu' tara ta. 19Om ta pain homa ne, om ac ne tara ca querec mami' cacapa' co om howa nanapa' ma'. Wahu' iri na ne, querec mami' ac mahu' tara#14.19 Jeju ma', tomi' mi' nain Tamataracon Cote ca. Ac ca querec xun Jeju tara pain ca ma' capari' Tamataracon Cote ca.. Om ta pi' ra ha' ne ca e' nuhu' ta. Xi pi' ra ha' ne ca e' ne ca' quem. 20Maqui' iri tara xec nein ne, pain ca querec mami' xim mahu' ma', taxi' pin ac mahu' tara pain ca win cwere ton Te cwa', je pain ca win cwere mahu' quem, je pain ca win cwere xuhu' ca' quem.
21Mo ta taraju pa' hwein capija ca tomi' ha' je xuhu' ca'. Mo ta tomi' ha' mahu' quem. Querec pin' ac xihwe tara pain ca om noc mahu' ma'. Mo ta om noc mahu', om ta noc cuhu' Te. Wata' quem, om ta noc xuhu', an hwet pe ac xije tara pahu', mi' ac xuhu' tara pain ca querec pin' mahu' pain iri' xumuhu' ma' quem na ca tomi' caparut ma'.
22Tomi' querec ac con na Judas ma', xucun Judas, om na Judas Iscariotes: Cain' cain' xima quem Taramaxicon ne? Para mi' e' xim maparut pain ca querec pin' urut pum pain iri' xumuxut quem? Je xi mi' momon pain ca querec pin' quequem oro xucucun wari' co om howa nenem quem na ca tomi' querec con ma'.
23Om na ta Judas ac con na. Wari' co om noc napa' ma', tomi' ha' ac cain tara ca tomi' ne. Te ma', om ta noc con quem. Wata', Te quem, hwet ac xut con tara, to ho' ac xut con tara quem. 24Wari' co noc napa' ma', om ca tomi' ha' cain ca tomi' ne. Oro capija ca tomi' xuhu' ca', om ca maqui' nein ca coromicat ne. Maqui' pan non Te co hwet roron oro wari' napa' ta naparut.
25Tomi' hwet inuhu' pain capija ca', pain ca pe ho' pe ho' wet xuhu' ca' ac caparut na. 26Ane maqui' ta' ne Tamataracon Te ca quep xiho' xim nuhu' ne, ame hwe e'. Wirico Te tara co mam' xim nuhu' pain. Pe rain maxicon Panxita' ta tarain. Ma, maqui' ac ne tara, tomi' xo' tomi' xo' pi' pin ac cuhu' tara pain oro ca iri'o' wa con Te Iri' Jam. Mam' pe wet ac cuhu' tara pain oro ca tomi' xuhu' ca' quem. 27Pain ca paca' xim xuhu' ca', to' om pin tain ca toron ne xumuhu' pa'ao'. Wata' tara co mi' nuhu' pain. Om ta ac pain ca om toron ne ximicocon oro wari' co om howa nanapa' ma', om tara. To' om iri'o' tain ca toron ne xumuhu'. Je ca tomi' xuhu' ca': Ta toron ne xumuhu' me. Ta jin' hwe me ta. 28Wara taraju mahu' pain ca tomi' ca' xuhu' pane: Mao ta' paxi' ina, ane in hwet xim xuhu' ne, pe ho' ac xuhu' tara, ac i ma' na ca tomi' xuhu' pane. Mo xi om noc iri'o' mahu', tomi' querec te ac mahu' xira pain ca hwet ton ta' Te co taramaxicon hwara' opa tiquin' ca' napa'. 29Wara tomi' hwet inuhu' pain ca om mao querec ta' ca'. Ma' ta howa mahu' ta inuhu'. Mao iri ta' ne, howa ac mahu' tara pain ca tomi' iri'o' ta' ca'. 30Om ta momon tomi' tomi' tiquin' xuhu' pain xocori ca' quem, xi ma' ara ne carawa ca ara xim napa' ca'. To' quiji' pin xim paxi' napa' Caxicon Jam co taramaxicon pe ho' nonon oro wari' pain macan' ca', ane om na con pain ca to' quiji' pin capa' ne, xi taramaxicon pe ho' capa' ta. 31Ane na e' ne pain ca tomi' ha' tomi' ha' pi' pin tain oro ca ara ra capa' Te ne, pain ca mi' pin ra capa' ca'. Mi' pin ta' pan ina pain ca tomi' ha' ton ca'. Om ca nain ho' xije. Ma' ta taxi' cacapa' oro wari' pain ca om noc ton ca' naparut.
Tequi' to je e'. Maji mama' xi' ta ac caparut na.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil