Lucas 3
3
Ca pijim' nucun João co ja' taxipa' nonon pain com oro wari'
Mateus 3.1-12; Marcos 1.2-8; João 1.19-28
1Pain pin iri na ne, pain ca ma' 15 pin ne cawaxi' pain ca taramaxicon pe cain Roma Tibério César pane, taramaxicon pe nain Judeia Pôncio Pilatos. Taramaxicon pe nain Galileia Herodes. Taramaxicon pe nain Itureia je Traconites Filipe, coxa' ca Herodes. Taramaxicon pe nain Abilene Lisânias ma' quem. 2Anás con Caifás ma', wiricoco co iri' taramaxicon nana pain ca sacerdote to cacain Jerusalém ma' quem. Je i ma' cawaxi' con Iri' Jam pane, pain ca xo' tomi' con João panxica Zacarias pane. Tomi' pe non pain mahweri. Pijim' ho' rain capija ta non. 3Ma ac ca na, pijim' mao ac cain na oro xijein cidade ca to ja' pan nain iri' cwerein com ma', Jordão ma'. Pijim' ac tococwa na oro wari': Ja' je com ta. Ma' ta querec pin' xihwe pain ca cwirin' pin hwein ca caracat nuhu', je pain ca xic am pin cain ca caracat nuhu' Iri' Jam quem ta tata. 4Win ne ca xirao' pe ca profeta Isaías cara pane, pain ca xirao' pe qui' cain ca tomi' nucun Iri' Jam pane. Ca' na con pane:
Ma' na wari' co merem pe nain mahweri.
Wara quep xo' mi' jun pain wana Taramaxicon nuhu'.
Quep tan pan mi' jun pain wana ta.
5Tequi' pa' jein ca xococom coco' nein macan' ma'.
Oro pacun pain oro ca tamaja pan ne macan' ma' quem, ara jao jao ma' pin jein.
An tan pan xo' jein oro wana ca mam' cat in ma'.
Tequi' pa' xo' jein oro ca xococom nein wana ma' quem.
6Oro wari' pain oro xijein macan' ma', querec pin' ac cocon tara Iri' Jam pain ca to' witan taxi' capari' pain ca wari' nexi' ca'.
Ac i ma' na ca xirao' pe ca Isaías pane#3.6 Ca' na ca tomi' mao nein ca xirao' nucun Isaías: Wari' co wara quep xo' mi' non pain wana Taramaxicon nexi' ma', co quep tan pan mi' non pain wana quem, co ara ac i ma' na pain oro wana ma', ac ca winim' xo' con na Taramaxicon nexi', ac ca an pe xo' cain na ximicon con. Ac je na ca tomi' mao ne ca xirao' pe nucun profeta Isaías cara pane..
7Mija nana wari' co hwet nonon João pane, ma' ta ja' capari' pain com ta nana. Om ca paric camain' caca. Hwet iri nonon ne, tomi' ac tococwa na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem? 8Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'. 9Wap ho' xim cuhu' Iri' Jam ma' ira. Noro jun wari' co wara an pin nain iriquixi quit ma', co ta' caracat pin tain nain oro pana pain iri' caximain ma'. Oro panaji memem ca om mi xo' winain ma', ta' caracat pin tain tara, wixicaracao' mi' ac ca pain xe tara quem. Ac i ma' xim turuhu' Iri' Jam pain ca wap xim cuhu' quem na ca tomi' tococwa ma'.
10Cain' cain' xuxut quem ac cocon na oro wari'.
11Om na, wari' co ma' 2 non iri' curucun wom ma' pahu', na e' na pain ca mi' con con xucun co om non wom. Ac i ma' tara wari' co ma' moin' non carawa ca cao' wa quem. Mi' toron pain xucun co om non carawa ta ac tococwa na.
12Ma' nana co cut in taxipa' nanain oro imposto ca pagar je tococwa oro wari' ma'#3.12 Imposto ma', je i ma' dinheiro ca pagar je caca oro taramaxicon pain governo. Ma' ta ha' caparut pain ca taramaja wa pain ca governo urut ca' nana. Je cwerein pain cara pane, je cwerein pain xocori ca' quem, pain ca pagar jein imposto cacapari' oro taramaxicon.. Hwet nonon João quem, xi om ne ca ja' taraparut pain com ta ara cocon ta. Cain' cain' xuxut quem taramaxicon co ca' na taxipa' capijacon Iri' Jam ac cocon na.
13Om na, pagar jein imposto nuhu' iri jujun oro wari' ne, ta cut in tiquin' ca' hwein dinheiro nein ca cut in jein cucuhu' oro taramaxicon me ac tococwa na.
14Ma' ac caca na oro soldado co tomi' querec ca' nonon ma' quem: Warut quem? Cain' cain' xuxut quem ac cocon na.
Om na, ta to' jin' huhun oro wari' me, ta tomi' ca' huhun me: Mo ta mi' maparut pain dinheiro, om ta quep em' urut pahu', om ta mixein urut pahu', ta to' jin' ac i ma' camain' huhun me ta. Na e' na pain ca hohot na ta hwein dinheiro ca cut hwe pain ca taramaja nuhu' ma' quem ac tococwa na.
15Oro wari' pane, wara winim' nonon Cristo co wara tomi' pe ca Iri' Jam pane. Mija na ca jain jain cocon. Taraju iri nonon João ma' ne, pain ca pijim' ca ma', tomi' querec ac xucucun na: Om ta wirico ca ra? Wirico tara co Cristo co winim' iri' ra na ca tomi' querec xucucun ma'.
16Ane tomi' xo' ca' cocon João ne: Ja' paxi' inuhu' pain com ta, ane maqui' ta' ca xucun co hwara' opa tiquin' ca' napa' ne. Iri' wari' na. Om ca hohot ne pain ca taramaja mi' ton, om xi quep xiho' camain' ton pain ca tacom' mi' ton pain macorinain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta. 17An to ni ca' toton nonon oro co tomi' ha' nonon cocon oro co om tomi' ha' nonon quem. Win ca wari' co an pe ni ca' tain nain ca xao pe xine tocwi trigo pain tocoxi ma' quem. An nain mam' pahop nucun, pahop ac cain na tocoxi, an to ni ac cain na iri' tocwi pain xirinain, wixicaracao' mi' ac cain na tocoxi pain xe ca om jo' ra ha' ma' quem nonon#3.17 Pain ca tomi' mi' con wari' co pahop nain tocwi trigo João ma', wirico Jeju co tomi' mi' ca. Main an to ni totoron oro wari'. Co cwirin' pin nana ma', an to ni ac tococwa tara. Co om cwirin' je na nana ma' iri nana ne, wixicaracao' mi' ac tococwa tara pain cote ne xe ca om jo' ra ha' ta na. . 18Ac i ma' na ca hu cocon oro wari' João pane. Ma' na oro xijein ca pijim' nucun pain ca hu cocon quem. Pijim' mi' nonon pain capijacon Iri' Jam ca tomi' hwet napari' con wari' nucun co to' witan ton nonon quem.
19Pan to' nain taraxicon Herodes ma', co taramaxicon ma'. Xi om ne ca an pin ara cam Herodias ma', co narima' ne ca coxa' ca ma'. Ma' na oro xijein ca om awi wa ca ara ca quem, je ca pan to' cain taraxicon. 20Om ca cwirin' ca quem. Caracat tiquin' mao ac ca na, quep ac con na João, tao' pe ac con na pain xirinain ca tao' to tao' to to wa ma' quem.
Ca ja' con pain com Jeju João
Mateus 3.13-17; Marcos 1.9-11; João 1.32-34
21Pain ca om tao' pe querec tocwa João pane, pain ca ja' ja' wet tococwa pain com oro wari' pane, ja' ac tocwa na Jeju quem. Ja' pin iri ta ne, pain ca tomi' tomi' wet con Cote ca ma', pa ac ne na nanawin. 22Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.
Oro hwanana nucun Jeju
Mateus 1.1-17
23Ac ca ma' 30 ne na cawaxi' nucun Jeju pain ca pijim' ta' ca pane. Panxica José xi' ma nonon oro wari'.
José ma', panxica Eli na.
24Eli ma', panxica Matate na.
Matate ma', panxica Levi na.
Levi ma', panxica Melqui na.
Melqui ma', panxica Janai na.
Janai ma', panxica José na.
25José ma', panxica Matatias na.
Matatias ma', panxica Amós ma'.
Amós ma', panxica Naum na.
Naum ma', panxica Esli na.
Esli ma', panxica Nagai na.
26Nagai ma', panxica Maate na.
Maate ma', panxica Matatias na.
Matatias ma', panxica Semei na.
Semei ma', panxica Joseque na.
Joseque ma', panxica Jodá na.
27Jodá ma', panxica Joanã na.
Joanã ma', panxica Ressa na.
Ressa ma', panxica Zorobabel na.
Zorobabel ma', panxica Salatiel na.
Salatiel ma', panxica Neri na.
28Neri ma', panxica Melqui na.
Melqui ma', panxica Adi na.
Adi ma', panxica Cosã na.
Cosã ma', panxica Elmadã na.
Elmadã ma', panxica Er na.
29Er ma', panxica Josué na.
Josué ma', panxica Eliezer na.
Eliezer ma', panxica Jorim na.
Jorim ma', panxica Matate na.
Matate ma', panxica Levi na.
30Levi ma', panxica Simeão na.
Simeão ma', panxica Judá na.
Judá ma', panxica José na.
José ma', panxica Jonã na.
Jonã ma', panxica Eliaquim na.
31Eliaquim na, panxica Meleá na.
Meleá ma', panxica Mená na.
Mená ma', panxica Matatá na.
Matatá na, panxica Natã na.
Natã ma', panxica Davi na.
32Davi ma', panxica Jessé na.
Jessé ma', panxica Obede na.
Obede ma', panxica Boaz na.
Boaz ma', panxica Salmom na.
Salmom ma', panxica Naassom na.
33Naassom ma', panxica Aminadabe na.
Aminadabe ma', panxica Ram na.
Ram ma', panxica Esrom na.
Esrom ma', panxica Perez na.
Perez ma', panxica Judá na.
34Judá ma', panxica Jacó na.
Jacó ma', panxica Isaque na.
Isaque ma', panxica Abraão na.
Abraão ma', panxica Terá na.
Terá ma', panxica Naor na.
35Naor ma', panxica Serugue na.
Serugue ma', panxica Ragaú na.
Ragaú ma', panxica Faleque na.
Faleque ma', panxica Éber na.
Éber ma', panxica Salá na.
36Salá ma', panxica Cainã na.
Cainã ma', panxica Arfaxade na.
Arfaxade ma', panxica Sem na.
Sem ma', panxica Noé na.
Noé ma', panxica Lameque na.
37Lameque ma', panxica Matusalém na.
Matusalém ma', panxica Enoque na.
Enoque ma', panxica Jarede na.
Jarede ma', panxica Maalaleel na.
Maalaleel ma', panxica Cainã na.
38Cainã ma', panxica Enos na.
Enos ma', panxica Sete na.
Sete ma', panxica Adão na.
Adão ma', panxica Iri' Jam na.
Actualmente seleccionado:
Lucas 3: TBPN
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil
Lucas 3
3
Ca pijim' nucun João co ja' taxipa' nonon pain com oro wari'
Mateus 3.1-12; Marcos 1.2-8; João 1.19-28
1Pain pin iri na ne, pain ca ma' 15 pin ne cawaxi' pain ca taramaxicon pe cain Roma Tibério César pane, taramaxicon pe nain Judeia Pôncio Pilatos. Taramaxicon pe nain Galileia Herodes. Taramaxicon pe nain Itureia je Traconites Filipe, coxa' ca Herodes. Taramaxicon pe nain Abilene Lisânias ma' quem. 2Anás con Caifás ma', wiricoco co iri' taramaxicon nana pain ca sacerdote to cacain Jerusalém ma' quem. Je i ma' cawaxi' con Iri' Jam pane, pain ca xo' tomi' con João panxica Zacarias pane. Tomi' pe non pain mahweri. Pijim' ho' rain capija ta non. 3Ma ac ca na, pijim' mao ac cain na oro xijein cidade ca to ja' pan nain iri' cwerein com ma', Jordão ma'. Pijim' ac tococwa na oro wari': Ja' je com ta. Ma' ta querec pin' xihwe pain ca cwirin' pin hwein ca caracat nuhu', je pain ca xic am pin cain ca caracat nuhu' Iri' Jam quem ta tata. 4Win ne ca xirao' pe ca profeta Isaías cara pane, pain ca xirao' pe qui' cain ca tomi' nucun Iri' Jam pane. Ca' na con pane:
Ma' na wari' co merem pe nain mahweri.
Wara quep xo' mi' jun pain wana Taramaxicon nuhu'.
Quep tan pan mi' jun pain wana ta.
5Tequi' pa' jein ca xococom coco' nein macan' ma'.
Oro pacun pain oro ca tamaja pan ne macan' ma' quem, ara jao jao ma' pin jein.
An tan pan xo' jein oro wana ca mam' cat in ma'.
Tequi' pa' xo' jein oro ca xococom nein wana ma' quem.
6Oro wari' pain oro xijein macan' ma', querec pin' ac cocon tara Iri' Jam pain ca to' witan taxi' capari' pain ca wari' nexi' ca'.
Ac i ma' na ca xirao' pe ca Isaías pane#3.6 Ca' na ca tomi' mao nein ca xirao' nucun Isaías: Wari' co wara quep xo' mi' non pain wana Taramaxicon nexi' ma', co quep tan pan mi' non pain wana quem, co ara ac i ma' na pain oro wana ma', ac ca winim' xo' con na Taramaxicon nexi', ac ca an pe xo' cain na ximicon con. Ac je na ca tomi' mao ne ca xirao' pe nucun profeta Isaías cara pane..
7Mija nana wari' co hwet nonon João pane, ma' ta ja' capari' pain com ta nana. Om ca paric camain' caca. Hwet iri nonon ne, tomi' ac tococwa na: He! Ja' xi' com hwe ra oro caxicon em', ac i ma' na ca tomi' tococwa ma'. Witan ca' xin hwein ca mana' tamana nucun Iri' Jam ra? Ma' co jein ca' jun nuhu' ma' quem? 8Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'. 9Wap ho' xim cuhu' Iri' Jam ma' ira. Noro jun wari' co wara an pin nain iriquixi quit ma', co ta' caracat pin tain nain oro pana pain iri' caximain ma'. Oro panaji memem ca om mi xo' winain ma', ta' caracat pin tain tara, wixicaracao' mi' ac ca pain xe tara quem. Ac i ma' xim turuhu' Iri' Jam pain ca wap xim cuhu' quem na ca tomi' tococwa ma'.
10Cain' cain' xuxut quem ac cocon na oro wari'.
11Om na, wari' co ma' 2 non iri' curucun wom ma' pahu', na e' na pain ca mi' con con xucun co om non wom. Ac i ma' tara wari' co ma' moin' non carawa ca cao' wa quem. Mi' toron pain xucun co om non carawa ta ac tococwa na.
12Ma' nana co cut in taxipa' nanain oro imposto ca pagar je tococwa oro wari' ma'#3.12 Imposto ma', je i ma' dinheiro ca pagar je caca oro taramaxicon pain governo. Ma' ta ha' caparut pain ca taramaja wa pain ca governo urut ca' nana. Je cwerein pain cara pane, je cwerein pain xocori ca' quem, pain ca pagar jein imposto cacapari' oro taramaxicon.. Hwet nonon João quem, xi om ne ca ja' taraparut pain com ta ara cocon ta. Cain' cain' xuxut quem taramaxicon co ca' na taxipa' capijacon Iri' Jam ac cocon na.
13Om na, pagar jein imposto nuhu' iri jujun oro wari' ne, ta cut in tiquin' ca' hwein dinheiro nein ca cut in jein cucuhu' oro taramaxicon me ac tococwa na.
14Ma' ac caca na oro soldado co tomi' querec ca' nonon ma' quem: Warut quem? Cain' cain' xuxut quem ac cocon na.
Om na, ta to' jin' huhun oro wari' me, ta tomi' ca' huhun me: Mo ta mi' maparut pain dinheiro, om ta quep em' urut pahu', om ta mixein urut pahu', ta to' jin' ac i ma' camain' huhun me ta. Na e' na pain ca hohot na ta hwein dinheiro ca cut hwe pain ca taramaja nuhu' ma' quem ac tococwa na.
15Oro wari' pane, wara winim' nonon Cristo co wara tomi' pe ca Iri' Jam pane. Mija na ca jain jain cocon. Taraju iri nonon João ma' ne, pain ca pijim' ca ma', tomi' querec ac xucucun na: Om ta wirico ca ra? Wirico tara co Cristo co winim' iri' ra na ca tomi' querec xucucun ma'.
16Ane tomi' xo' ca' cocon João ne: Ja' paxi' inuhu' pain com ta, ane maqui' ta' ca xucun co hwara' opa tiquin' ca' napa' ne. Iri' wari' na. Om ca hohot ne pain ca taramaja mi' ton, om xi quep xiho' camain' ton pain ca tacom' mi' ton pain macorinain caji caximacon ma', xi iri' wari' ta' ta. Mo ta cwirin' pin hwein ca caracat nuhu' ma', mi' ac cuhu' tara pain Tamataracon Iri' Jam. Mo ta om cwirin' je na hwein ca caracat nuhu' ma' quem, wixicaracao' mi' ac cuhu' tara pain cote ne xe ta. 17An to ni ca' toton nonon oro co tomi' ha' nonon cocon oro co om tomi' ha' nonon quem. Win ca wari' co an pe ni ca' tain nain ca xao pe xine tocwi trigo pain tocoxi ma' quem. An nain mam' pahop nucun, pahop ac cain na tocoxi, an to ni ac cain na iri' tocwi pain xirinain, wixicaracao' mi' ac cain na tocoxi pain xe ca om jo' ra ha' ma' quem nonon#3.17 Pain ca tomi' mi' con wari' co pahop nain tocwi trigo João ma', wirico Jeju co tomi' mi' ca. Main an to ni totoron oro wari'. Co cwirin' pin nana ma', an to ni ac tococwa tara. Co om cwirin' je na nana ma' iri nana ne, wixicaracao' mi' ac tococwa tara pain cote ne xe ca om jo' ra ha' ta na. . 18Ac i ma' na ca hu cocon oro wari' João pane. Ma' na oro xijein ca pijim' nucun pain ca hu cocon quem. Pijim' mi' nonon pain capijacon Iri' Jam ca tomi' hwet napari' con wari' nucun co to' witan ton nonon quem.
19Pan to' nain taraxicon Herodes ma', co taramaxicon ma'. Xi om ne ca an pin ara cam Herodias ma', co narima' ne ca coxa' ca ma'. Ma' na oro xijein ca om awi wa ca ara ca quem, je ca pan to' cain taraxicon. 20Om ca cwirin' ca quem. Caracat tiquin' mao ac ca na, quep ac con na João, tao' pe ac con na pain xirinain ca tao' to tao' to to wa ma' quem.
Ca ja' con pain com Jeju João
Mateus 3.13-17; Marcos 1.9-11; João 1.32-34
21Pain ca om tao' pe querec tocwa João pane, pain ca ja' ja' wet tococwa pain com oro wari' pane, ja' ac tocwa na Jeju quem. Ja' pin iri ta ne, pain ca tomi' tomi' wet con Cote ca ma', pa ac ne na nanawin. 22Quiji' hwet ac con na Tamataracon Iri' Jam. Ac xucu' na cwerein. Tomi' pan ac con na Iri' Jam. Maqui' nain pawin ca tomi' nucun. Panxita' inem ta arain non. Om ca noc camain' xim. Hohot tamana mapa' ta na ca tomi' con ma'.
Oro hwanana nucun Jeju
Mateus 1.1-17
23Ac ca ma' 30 ne na cawaxi' nucun Jeju pain ca pijim' ta' ca pane. Panxica José xi' ma nonon oro wari'.
José ma', panxica Eli na.
24Eli ma', panxica Matate na.
Matate ma', panxica Levi na.
Levi ma', panxica Melqui na.
Melqui ma', panxica Janai na.
Janai ma', panxica José na.
25José ma', panxica Matatias na.
Matatias ma', panxica Amós ma'.
Amós ma', panxica Naum na.
Naum ma', panxica Esli na.
Esli ma', panxica Nagai na.
26Nagai ma', panxica Maate na.
Maate ma', panxica Matatias na.
Matatias ma', panxica Semei na.
Semei ma', panxica Joseque na.
Joseque ma', panxica Jodá na.
27Jodá ma', panxica Joanã na.
Joanã ma', panxica Ressa na.
Ressa ma', panxica Zorobabel na.
Zorobabel ma', panxica Salatiel na.
Salatiel ma', panxica Neri na.
28Neri ma', panxica Melqui na.
Melqui ma', panxica Adi na.
Adi ma', panxica Cosã na.
Cosã ma', panxica Elmadã na.
Elmadã ma', panxica Er na.
29Er ma', panxica Josué na.
Josué ma', panxica Eliezer na.
Eliezer ma', panxica Jorim na.
Jorim ma', panxica Matate na.
Matate ma', panxica Levi na.
30Levi ma', panxica Simeão na.
Simeão ma', panxica Judá na.
Judá ma', panxica José na.
José ma', panxica Jonã na.
Jonã ma', panxica Eliaquim na.
31Eliaquim na, panxica Meleá na.
Meleá ma', panxica Mená na.
Mená ma', panxica Matatá na.
Matatá na, panxica Natã na.
Natã ma', panxica Davi na.
32Davi ma', panxica Jessé na.
Jessé ma', panxica Obede na.
Obede ma', panxica Boaz na.
Boaz ma', panxica Salmom na.
Salmom ma', panxica Naassom na.
33Naassom ma', panxica Aminadabe na.
Aminadabe ma', panxica Ram na.
Ram ma', panxica Esrom na.
Esrom ma', panxica Perez na.
Perez ma', panxica Judá na.
34Judá ma', panxica Jacó na.
Jacó ma', panxica Isaque na.
Isaque ma', panxica Abraão na.
Abraão ma', panxica Terá na.
Terá ma', panxica Naor na.
35Naor ma', panxica Serugue na.
Serugue ma', panxica Ragaú na.
Ragaú ma', panxica Faleque na.
Faleque ma', panxica Éber na.
Éber ma', panxica Salá na.
36Salá ma', panxica Cainã na.
Cainã ma', panxica Arfaxade na.
Arfaxade ma', panxica Sem na.
Sem ma', panxica Noé na.
Noé ma', panxica Lameque na.
37Lameque ma', panxica Matusalém na.
Matusalém ma', panxica Enoque na.
Enoque ma', panxica Jarede na.
Jarede ma', panxica Maalaleel na.
Maalaleel ma', panxica Cainã na.
38Cainã ma', panxica Enos na.
Enos ma', panxica Sete na.
Sete ma', panxica Adão na.
Adão ma', panxica Iri' Jam na.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Copyright 2023 Missão Novos Tribos do Brasil