Mariqoosi 15
15
Akka Pilatoosi turopa Yesuusin aanen
Maati 27:1-2, 11-14; Luqa 23:1-5; Yoha 18:28-38
1Teykante parappanne saarra qeesewwa ka qimoota isho kollissampaya a seera, orra firtishoonkotoppa co ollini piisanti oppa oorsaden ka sekkammaayye Yesuusi hiden. Ka Pilatoosi qaropa isha tarpishen. 2Pilatoosi ka Yesuusi kaassade ka kide, “Hela atti a nuqusa Yihuta'e?”
Yesuusi ka ishi orshe ka kide, “Akka atti kiite qara.”
3Saarra qeesewwa xoori we lekayaanne Yesuusi xasasni, 4Pilatoosi ka oppa oorew ka isha kaassade ka kide, “Akka we meeqaan ke xasasnaan tooye, malseeta takka nefo mina a oorisso?”
5Haka Pilatoosi oppa qawwaawno'e, Yesuusi malseeta takka nefo in oorinne.
akka Yesuusi qara toota faratamte
Maati 27:15-26; Luqa 23:13-25; Yoha 18:39-40; 19:1-16
6Pilaatoosi para paroppa'e oto xayso nessuma a orra Yihuta a qaran tarpeeta kaytooyye, orra hidame oppaayye akka takka furmado'e, nama a samayta kaassade takka ishootta furri. 7Sitiiyyi tiyyoolaya a mankisteeta qara xa'e ka orra leyshe ka hidame'e ca, Tiyyoolayoosen oppa takka Parpaani kidammi. 8Samayta ka Pilatoosi kapopa aane ka akka kollatamte mina'e, akka nama takka diissata kodo ka ishootta furo isha kaassade, 9Pilatoosi ka ishootta kaassade ka kide, “Akkan nuqusase a Yihuta ishina furo ihentane?” 10Wa malla asse kide, akka saarra qeesewwa Yootan Yesuusi isha qaropa tarpishen qoota upo malla,
11Saarrasene a qeesewwa xoori, akka samayta Pilaatosi kaassado ka kido'e, “Pakkaadippa Parpaani ino fure'e, samayta nyarshen.” 12Pilatoosi ka oppa oorew ka samayta kaassade ka kide, “Ka kuli namase a kiinittane nuqusa Yihuta attan koda?”
13Ishootta ka a lammatati ullupen ka kidene, “Fannise!”
14Pilatoosi ka ishootta kide, “Maana'e? Maanaanne dape?” Ishootta ka qare'ew ullupitta koopshen ka kidene, “Fannise!” 15Pilatoosi ka samayta xasassa'e Parpaani ishootta fure ka Yesuusi karafsiise ka akka fannisamo'e ishootta turopa tuukke.
Foolisoota akka Yesuusi kojeessite
Maati 27:27-31; Yoha 19:2-3
16Sitiiyyi foolisoota ka tika mukissampayta karopa Yesuusi qeette ka Foolisoota ata hasse piisa haleete. 17Ka ohaata tiima quda uwwisse ka qe'eyya a xalaala mina marte ka matta qara ishi kalsse. 18Ka ishi kiini, “Nuqusa Yihutaatiiyyi, nakayta a ke koddo!” Ka qara seesa'e, kaareeta ishi oorinni. 19Ka xaashan mattoppa ishi qiini ka qara tufanni ka isha kojeessa'e tura kilpiippanni ka ishi sakatanni. 20Ka ete isha qara seesen kammaayye, ohaatase tiima isha quda qeeden ka mehaddaadi isha quda kalshen ka fannissa ishin aanen.
Yesuusi akka fannisame
Maati 27:32-44; Luqa 23:26-43; Yoha 19:17-27
21Ka ete annaaneeyye Qerenitta takka, Simooni kidammo aappa opa Iskindiri isho a Ruufosi, a xaadi kantadaayye katamaappopa kallo akken ka akka irreetan masqalase a Yesuusi xaysado koden#Roomi 16:13 . 22Ka sekkammaaye pora a Kolkoota kidammo opa Yesuusin aanen. Kolkoota kideeta, “pukurkura matta kideeta.” 23Ka eeyyeeyye taadeta wayneeta a oppa karpeeta lahen akka ikko ishi daashen; isha xoori in ikkine. #15:23 “kerpe” waasene “kerpe” kiinaane akka surumta name'en dakaannini'i kooni. 24Ka sekamma isha fannisen ka mehaddaadi a kalsanna qootaden ka qara qoyritta kataden#mas 22:18. 25A Yesuusi fannisnaneeyye, siti teykante saateta sessa. 26Wanjalaadi akkissa'e taafeetase kiinitto, “Nuqusa Yihuta” Itaafamte. 27Ka Yesuusi quda'ew, shiftada lakkin de'en ka takka qinda akkittatin ka takka qinda pittittatin isha kapa fannisen. [ 28Qaalese a xuuma kiinitto, “Tiyyoolayaappa'e dikame” ka dikatte. #Issa 53:12 #15:28 mataafa ollopa marramma demo dikoota 28 qara padaawni. qaalese nefo aluuqa 22:34 qara kitto oli pahata. ka luqaasi 22:37]
29Orra isha kapan tarpino ka matta ishi lellehinni ka isha onni ka kiini, “Atti ke a tika qulqulloota pooto ka kuyyaata sessa kara qupo#mas 22:7; mas 109:25; Maari 14:58; Yoha 2:19; 30intoonno amma masqaloose qara lekkado ka isi dinsheey!”
31Saarra qeesewwa isho kollissampaya a seera ka asse isha qara seesni ka olli kiini, “Orra pila idinshe ma isi dinissa imalaale. 32Isha oton Kiristoosi, nuqusase a, intoonno a amma masqaloose qara lekkadooy, ino ka akkino ka isha amannooy.” Shiftaddasene isha olli fannisame kuli ka asseew isha onni.
Yesuusi akkima to'e
Maati 27:45-56; Luqa 23:44-49; Yoha 19:28-30
33Kuyyaate saateta lehi paayyatte haka saateta sakaliti'i, piita piisa ka tukkantaawte. 34Ete saateta sakali kayteeyye, Yesuusi nessa kuttanne ullupe ka kide, “Elohi, elohi, laama sapaqitani!” Se kideese nefo, “Waaqiyyo; waaqiyyo; maane'e alle ana diisse#mas 22:1 ?” kideeta.
35Orra eyye qa'anno oppa a demo ka ullupittose xaadi dakaye ka kide, “Ha Eliyaasi haleeni!” 36ishootta oppaayye takka ka keere ka wa takkan a fuuttota mina nukkulla qeede ka oppa haddaya wayneeta immake ka xaasha qara jikke ka Yesuusi dehayshe ka kide, “Intoonno akkima Eliyaasi de'o ka isha lekkisho tooynaay#mas 69:21 !”
37Sekkammaaye Yesuusi nessa kuttan ullupe ka nessa diishe.
38Kaaranta a tika qulqulloota ka illi xata paayyatte lakki kaamatte ka xata kayte#sooka 26:31-33. 39Motoloqa takkan Yesuusi tura qa'ade ka atta akkima Yesuusi to'e akke ka kide, “namoose dukaata'en inna a Waaqa.”
40Iskatta lake desa qa'ade ka sede tooyno ka eyye ca. Ishootta oppaayye nefo, Mekdelitteetase Maariyaami kiinaan ka, Maariyaamise Yayqoopise shakka isho Yoosa xaayte ka, Saloome ca#Luqa 8:2-3 . 41Ishootta a Yesuusi piita Kelilaati cooyyew isha kamma anni ka isha qaarqaarri. Iskatta pila a Yesuusi olli Yursaalamipa de'e lekayta ka eyye caaw.
Yesuusi akka hawlame
Maati 27:57-61; Luqa 23:50-56; Yoha 19:38-42
42Qoota letta halkeettaawte malla; lettose letta a sampata orra Yihuta tura qannitto ka a dikkisama'e koddite. 43Sitiiyyi Armatitta takka Yoosefi kidammo ka ulfeessame ka firtishoonkota Yihuta oppa takka kodde ka de'e; isha nefo nama a mankisteeta Waaqa kippeetan asanno; ka maxanyumaan Pilaatosi turopa aane ka akka pukka Yesuusi ishi daasho'e, isha naappade. 44Pilatoosi ka oppa qawwaawe ka kide, “Atta asse irra qara to'e?” Ka motolaqasene halacciise ka isha kaassade ka kide, “Hela Yesuusi keeto deyyo'ew to'e?” 45Ka ete toota Yesuusi motolaqa qara qalpeeffade kamma akka pukkaadi qeedo'e, Yoosefi faqqate. 46Yoosefi ohaata haaraya a pukkan hiddinaane pidde. Ka pukka Yesuusi masqala qara lekkishe; ka hidde; ka hawla shila kara xefen kara isha mooke. Ka shila kuttayta sukshe ka hawlase tura dufe. 47Mekdelitteetase Maariyaami isho Maariyaamise Yoosa xaayte ka ayshoppa akkima Yesuusi hawlinaan tooyni.
Actualmente seleccionado:
Mariqoosi 15: MaQu
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Mariqoosi 15
15
Akka Pilatoosi turopa Yesuusin aanen
Maati 27:1-2, 11-14; Luqa 23:1-5; Yoha 18:28-38
1Teykante parappanne saarra qeesewwa ka qimoota isho kollissampaya a seera, orra firtishoonkotoppa co ollini piisanti oppa oorsaden ka sekkammaayye Yesuusi hiden. Ka Pilatoosi qaropa isha tarpishen. 2Pilatoosi ka Yesuusi kaassade ka kide, “Hela atti a nuqusa Yihuta'e?”
Yesuusi ka ishi orshe ka kide, “Akka atti kiite qara.”
3Saarra qeesewwa xoori we lekayaanne Yesuusi xasasni, 4Pilatoosi ka oppa oorew ka isha kaassade ka kide, “Akka we meeqaan ke xasasnaan tooye, malseeta takka nefo mina a oorisso?”
5Haka Pilatoosi oppa qawwaawno'e, Yesuusi malseeta takka nefo in oorinne.
akka Yesuusi qara toota faratamte
Maati 27:15-26; Luqa 23:13-25; Yoha 18:39-40; 19:1-16
6Pilaatoosi para paroppa'e oto xayso nessuma a orra Yihuta a qaran tarpeeta kaytooyye, orra hidame oppaayye akka takka furmado'e, nama a samayta kaassade takka ishootta furri. 7Sitiiyyi tiyyoolaya a mankisteeta qara xa'e ka orra leyshe ka hidame'e ca, Tiyyoolayoosen oppa takka Parpaani kidammi. 8Samayta ka Pilatoosi kapopa aane ka akka kollatamte mina'e, akka nama takka diissata kodo ka ishootta furo isha kaassade, 9Pilatoosi ka ishootta kaassade ka kide, “Akkan nuqusase a Yihuta ishina furo ihentane?” 10Wa malla asse kide, akka saarra qeesewwa Yootan Yesuusi isha qaropa tarpishen qoota upo malla,
11Saarrasene a qeesewwa xoori, akka samayta Pilaatosi kaassado ka kido'e, “Pakkaadippa Parpaani ino fure'e, samayta nyarshen.” 12Pilatoosi ka oppa oorew ka samayta kaassade ka kide, “Ka kuli namase a kiinittane nuqusa Yihuta attan koda?”
13Ishootta ka a lammatati ullupen ka kidene, “Fannise!”
14Pilatoosi ka ishootta kide, “Maana'e? Maanaanne dape?” Ishootta ka qare'ew ullupitta koopshen ka kidene, “Fannise!” 15Pilatoosi ka samayta xasassa'e Parpaani ishootta fure ka Yesuusi karafsiise ka akka fannisamo'e ishootta turopa tuukke.
Foolisoota akka Yesuusi kojeessite
Maati 27:27-31; Yoha 19:2-3
16Sitiiyyi foolisoota ka tika mukissampayta karopa Yesuusi qeette ka Foolisoota ata hasse piisa haleete. 17Ka ohaata tiima quda uwwisse ka qe'eyya a xalaala mina marte ka matta qara ishi kalsse. 18Ka ishi kiini, “Nuqusa Yihutaatiiyyi, nakayta a ke koddo!” Ka qara seesa'e, kaareeta ishi oorinni. 19Ka xaashan mattoppa ishi qiini ka qara tufanni ka isha kojeessa'e tura kilpiippanni ka ishi sakatanni. 20Ka ete isha qara seesen kammaayye, ohaatase tiima isha quda qeeden ka mehaddaadi isha quda kalshen ka fannissa ishin aanen.
Yesuusi akka fannisame
Maati 27:32-44; Luqa 23:26-43; Yoha 19:17-27
21Ka ete annaaneeyye Qerenitta takka, Simooni kidammo aappa opa Iskindiri isho a Ruufosi, a xaadi kantadaayye katamaappopa kallo akken ka akka irreetan masqalase a Yesuusi xaysado koden#Roomi 16:13 . 22Ka sekkammaaye pora a Kolkoota kidammo opa Yesuusin aanen. Kolkoota kideeta, “pukurkura matta kideeta.” 23Ka eeyyeeyye taadeta wayneeta a oppa karpeeta lahen akka ikko ishi daashen; isha xoori in ikkine. #15:23 “kerpe” waasene “kerpe” kiinaane akka surumta name'en dakaannini'i kooni. 24Ka sekamma isha fannisen ka mehaddaadi a kalsanna qootaden ka qara qoyritta kataden#mas 22:18. 25A Yesuusi fannisnaneeyye, siti teykante saateta sessa. 26Wanjalaadi akkissa'e taafeetase kiinitto, “Nuqusa Yihuta” Itaafamte. 27Ka Yesuusi quda'ew, shiftada lakkin de'en ka takka qinda akkittatin ka takka qinda pittittatin isha kapa fannisen. [ 28Qaalese a xuuma kiinitto, “Tiyyoolayaappa'e dikame” ka dikatte. #Issa 53:12 #15:28 mataafa ollopa marramma demo dikoota 28 qara padaawni. qaalese nefo aluuqa 22:34 qara kitto oli pahata. ka luqaasi 22:37]
29Orra isha kapan tarpino ka matta ishi lellehinni ka isha onni ka kiini, “Atti ke a tika qulqulloota pooto ka kuyyaata sessa kara qupo#mas 22:7; mas 109:25; Maari 14:58; Yoha 2:19; 30intoonno amma masqaloose qara lekkado ka isi dinsheey!”
31Saarra qeesewwa isho kollissampaya a seera ka asse isha qara seesni ka olli kiini, “Orra pila idinshe ma isi dinissa imalaale. 32Isha oton Kiristoosi, nuqusase a, intoonno a amma masqaloose qara lekkadooy, ino ka akkino ka isha amannooy.” Shiftaddasene isha olli fannisame kuli ka asseew isha onni.
Yesuusi akkima to'e
Maati 27:45-56; Luqa 23:44-49; Yoha 19:28-30
33Kuyyaate saateta lehi paayyatte haka saateta sakaliti'i, piita piisa ka tukkantaawte. 34Ete saateta sakali kayteeyye, Yesuusi nessa kuttanne ullupe ka kide, “Elohi, elohi, laama sapaqitani!” Se kideese nefo, “Waaqiyyo; waaqiyyo; maane'e alle ana diisse#mas 22:1 ?” kideeta.
35Orra eyye qa'anno oppa a demo ka ullupittose xaadi dakaye ka kide, “Ha Eliyaasi haleeni!” 36ishootta oppaayye takka ka keere ka wa takkan a fuuttota mina nukkulla qeede ka oppa haddaya wayneeta immake ka xaasha qara jikke ka Yesuusi dehayshe ka kide, “Intoonno akkima Eliyaasi de'o ka isha lekkisho tooynaay#mas 69:21 !”
37Sekkammaaye Yesuusi nessa kuttan ullupe ka nessa diishe.
38Kaaranta a tika qulqulloota ka illi xata paayyatte lakki kaamatte ka xata kayte#sooka 26:31-33. 39Motoloqa takkan Yesuusi tura qa'ade ka atta akkima Yesuusi to'e akke ka kide, “namoose dukaata'en inna a Waaqa.”
40Iskatta lake desa qa'ade ka sede tooyno ka eyye ca. Ishootta oppaayye nefo, Mekdelitteetase Maariyaami kiinaan ka, Maariyaamise Yayqoopise shakka isho Yoosa xaayte ka, Saloome ca#Luqa 8:2-3 . 41Ishootta a Yesuusi piita Kelilaati cooyyew isha kamma anni ka isha qaarqaarri. Iskatta pila a Yesuusi olli Yursaalamipa de'e lekayta ka eyye caaw.
Yesuusi akka hawlame
Maati 27:57-61; Luqa 23:50-56; Yoha 19:38-42
42Qoota letta halkeettaawte malla; lettose letta a sampata orra Yihuta tura qannitto ka a dikkisama'e koddite. 43Sitiiyyi Armatitta takka Yoosefi kidammo ka ulfeessame ka firtishoonkota Yihuta oppa takka kodde ka de'e; isha nefo nama a mankisteeta Waaqa kippeetan asanno; ka maxanyumaan Pilaatosi turopa aane ka akka pukka Yesuusi ishi daasho'e, isha naappade. 44Pilatoosi ka oppa qawwaawe ka kide, “Atta asse irra qara to'e?” Ka motolaqasene halacciise ka isha kaassade ka kide, “Hela Yesuusi keeto deyyo'ew to'e?” 45Ka ete toota Yesuusi motolaqa qara qalpeeffade kamma akka pukkaadi qeedo'e, Yoosefi faqqate. 46Yoosefi ohaata haaraya a pukkan hiddinaane pidde. Ka pukka Yesuusi masqala qara lekkishe; ka hidde; ka hawla shila kara xefen kara isha mooke. Ka shila kuttayta sukshe ka hawlase tura dufe. 47Mekdelitteetase Maariyaami isho Maariyaamise Yoosa xaayte ka ayshoppa akkima Yesuusi hawlinaan tooyni.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión