Duk 2
2
MMEDI AMEEG YISỌS
(Mat 1:18-25)
1Me mme usiu ada, akpukko adidem Agọstus amaano ewuoghọ ato yaag ebad afịd anwe ame edọn̄n̄ọ me idaag ukrag Rum no ekesịn anyịn̄ me n̄wad ukrag, maa atukde ekpii taxsi eno Ciisa. 2Akpa ubad anwe akede anịm. Anịm aketịppe me inii Quirinọs akedaa ukrag me idọn̄ Sidia ato afịd anwe ekesịn anyịn̄ me n̄wad. 3Me ntre, afịd anwe ema edikaiya isọn̄ idọn̄ emana emmo maa ekesịn anyịn̄.
4Yosef aketuk aduk ufaag adidem Defịd, me ntre anyii mme anwaa esiu Mmedi ema edikpọn̄ Nasared mme akebaa mee Kadidi edika Betrehem me idọn Yudia, siade Betrehem akede isọn̄ emana nno Defịd. 5Yosef ake aka de adikisịn anyịn̄ mme Mmedi ame akedee anwa-anwaa anyii akeyịmme adido ame ake-san̄ake mme idịb. 6Nan̄a Yosef mme Mmedi ekesọg eba de, inii umeeg amadikem Mmedi adimeeg ayiu esiu. 7Ndiin anyii ama ameeg akpa ayiu aninie-anwe esiu, ano awan̄ anyii me ubaag afọn̄ anịm anyii me itighe udia ufeene. Siade itighe iki-ibaa ino emmo adiba.
MME AKPIMI EDỌN̄ ME MME ENYEL
8Kpa me ukem nkan idọn̄ ada, mme akpimi-edọn̄ emaeba me inwan̄ ekpimi edọn̄ emmo mee akunayiig. 9Me iyokko, enyel aketukko Abasi amaawuo awuud mme akpimi-edọn̄ idii, ndiin unwana ikan̄ Abọn̄ ayama akan emmo akọg. Me ntaag ada, ndịk ama amam emmo. 10Ade enyel ato emmo, “Ku ufịn̄ghe ndịk. Mmenyi eti-etuk adikuọrọ ino yinne ame akine afịd anwe ekuk ataa inịk-esịd. 11Akunayiig anịm, nsag-ayiu amana me isọn̄ emana adidem Defịd, akidee andiyagha anyịn̄. Anyii ade Mesaya ano ade Abọn̄. 12Ndiin anịm akide idiọn̄n̄ọ ino yinne ame ayịn̄ ikibii idiọn̄n̄ọ anyii: Ayịn̄ iya ikịd nsag ayiu nan̄a ewan̄n̄a me afọn enịm me itighe udia ufeene.”
13Me ndo-ndo ada, atuk udịm mme enyel etuk Efịn edibiọn̄n̄ọ mme akpa enyel, ndiin afịd emmo emaetọn̄n̄ọ adikwuo ikwuo ntooro Abasi etoo.
14“Itooro Abasi ame aba me Efịn,
ndiin emem aba mme mbun ame ebaa me isọn̄ ano mbun ada ame Abasi akukko inịk-esịd aban̄a.”
15Me inii mme enyel ema ekenyọn̄ eka Efịn, mme akpimi- edọn emaeneme me atuk emmo etoo, “Yaag ayịd ika idọn̄ Betrehem idagha ada ikikiin andiyagha mee Abasi anee ayịd idiọn̄n̄ọ.”
16Ndiin emmo esọsọp eka idọn̄ Betrehem, ekeyịm anyii tutuk emmo ekịd Mmedi mme Yosef eno ekịd nsag ayiu Yisọs ame akenaa me itighe udia ufeene. 17Me inii mme akpimi-edọn̄ ema ekekịd nsag-ayiu ema, emmo emaedogho afịd anwe etuk se enyel akedogho emmo aban̄a ayiu anịm. 18Idii amaakpa afịd anwe mme ekekukko se mme akpimi-edọn̄ ekedogho emmo. 19Ade ama ade Mmedi, anyii amaatoiyo afịd n̄kpo se aketịppe anịm. Anyii ama akaisiu akre aban̄a se mme n̄kpo anịm akeda ano. 20Afịd n̄kpo se mme akpimi-edọn ekekuk eno ekịd akede ukem nte se enyel akedogho emmo. Ndiin, emmo emaetooro Abasi eno eno anyii ubọn̄, ndiin enyọn̄ ebịne mme edọn̄ emmo.
UNỊM YISỌS MBOBII
21Me inii ayiu anịm akeyoog usiu itagha-ete, ema enịm anyii mbobii nte ibed Abasi akedee, Yosef mme Mmedi esịkke anyii anyịn̄ Yisọs. Ade enyel ama adogho Mmedi ato ano ayiu anịm anyịn̄ anịm mbemisiu anyii ayuu idịb.
EBII YISỌS EDII MEE TEMBUL
22Me usiu ndutịm adine Mmedi#2:22 Nte ufaa anwaa umeeg, kon̄n̄ọ nte nan̄a ubunọ n̄kpo emmo akedee, akena nte anyii ane uwaa usana idii tembul me usiu aba mee anyii ameeg, mbemisiu anyii amana aduk adikpuno Abasi mme mbun ufịn. asana akedikem nte ibed Mosis atii-ke, Yosef mme Mmedi ebii nsag-ayiu Yisọs mme emmo edika tembul me idọn̄ Yerusedem, adiyaag anyii nno Abasi. 23Emmo eke ene anịm adinịm ibed Mosis nte ekewadda, “Afịd akpa ayiu aninie-anwe ame emeeg ana nte enịm san̄a-san̄a eno Abasi.” 24Emmo ekeka n̄ko adine uwaa nno Abasi nte ibed Mosis aketii-ke. Atoo, “Iwaa ibium iba mme nyiu Tọm-Tọm iba.”
SIMIỌN AKỊD ANDIYAGHA ABASI
25Anwe kian̄ amaaba me idọn̄ Yerusedem me inii ada ame akekreke Simiọn. Anyii akede adinen anwe ano Abasi. Anyii akebed anwe ame akidee idọnesịd ino mbun Isred. Adisana Sịbidid amaaba mme anyii. 26Adisana Sịbidid ama ayaara ano anyii atoo, ke anyii imi-ikpaa n̄ko iboghoke anyii akịd Mesaya ame Abasi aki-ino edii. 27Me usiu ada, Sịbidid Abasi amaabii Simiọn aka esa tembul, me inii Mmedi mme Yosef ekebii nsag-ayiu Yisọs eka de adikiyaag anyii nno Abasi nte ibed Mosis aketii-ke. 28Simiọn amaakịd nsag-ayiu Yisọs ndiin abuoghọ anyii akana me ubaag esiu. Ndiin anyii atooro Abasi ano adogho atoo;
29“Abọn̄, amii nde ayiu utu afe, yaag amii mkpa me emem ndiin.
Siade afe Ame ane se afe ake anwuọn̄n̄ọ ano mii.
30Anyig amii amekịd andinyagha mme afe anoo ato adinyagha afịd ikọd esiu.
31Afịd anwe me mme idud eyaekịd ada ame afe adọn̄n̄ọ.
32Anyii akiba nte unwana ame akibii Abasi iwuud mbun ada ame adidee Yuu, ndiin anyii ade ada ame akibii ubọn̄ ino ikọd afe, mbun Isred.”
33Idii amaakpa Yosef mme Mmedi me n̄kpo se Simiọn aketan̄ aban̄a nsag-ayiu Yisọs. 34Ndiin Simiọn ama adiọn̄ Yosef mme Mmedi ano adogho Mmedi atoo, “Abasi amaag ayiu anịm adibii nne adiwaag anwe me Isred ekappa ekpọn̄ Abasi mme adine mbun ufịn me Isred esan̄a ekpre Abasi. Anyii akide nte idiọn̄n̄ọ ame atukko Abasi, ade adiwaag anwe eya enwana mme anyii. 35Ake tukde, anyii aya ayaara akikre adiwaag anwe. Ndiin afe Mmedi aya anakka afuoghọ.”
ANNA ATAN̄ ABAN̄A NSAG-AYIU YISỌS
36Kpa ukem usiu ada, Anna ame akedee brọfed anwa-anwaa amaaba de n̄ko me tembul. Anyii akede ayiu Fanuel, ame aketukko ubun Asha. Anyii amaasọn̄ me emana eti-eti. Ake adọn̄ mme ebịk-esiu mme isua itagha-eba mbemisiu ebịk akpa. 37Ndiin anyii ama asughọ nte anwaa ekpa, ndiin isua emana esiu akede anian̄ mme inian̄. Ataa adiwaag isua unwe esiu akede me tembul. Anyii akpuno Abasi akunayiig mme unweme-ayiig, me adibọọn̄ akam mme utre-udia kwa-inii. 38Me inii Simiọn akesọg atan̄ ikuo me Mmedi mme Yosef, Mmedi ama aditọn̄n̄ọ aditooro Abasi. Anyii ama atan̄ aban̄a nsag-ayiu Yisọs ano afịd afịd anwe mme ekesọg ebaa mme iduk-anyi ebed Abasi adidọn̄ Krais ato adifaag mbun Yerusedem.
UBUN YISỌS ETỊMME ENYỌN̄ NASARED
39Me inii Yosef mme Mmedi ema ekekre afịd n̄kpo mme ibed Mosis akedoghoke ene, emmo ema etịmme edinyọn̄ ufaag emmo me idọn̄ Nasared me akebaa me idag ukrag Kadidi. 40Nte nsag-ayiu Yisọs akekọddọ, Anyii ama anakka asiọn̄n̄ọ idii ano anyi ifiog, ndiin Abasi ama afoo-mfo mme anyii.
YISỌS MEE TEMBUL
41Afịd afịd isua Etii mme Ekieg Yisọs ema-ekan eka idọn̄ Yerusedem ekedia usọrọ Basofa mme Yuu. 42Ndiin me inii Yisọs ama akeyoog isua dughu-iba, anyii mme etii mme ekieg esiu ema edika usọrọ me idọn̄ Yerusedem nan̄a ido emmo ake- akan adee. 43Usọrọ ada ama akekre, Mmedi mme Yosef emaetọn̄n̄ọ isan̄ unyọn̄ n̄ka ufaag. Yisọs ama asiọg aba me Yerusedem, ade etii mme ekieg esiu iki-idiọn̄n̄ọke. 44Sia Etii mme Ekieg ekekre eto ke anyii akesọg asan̄a mme emmo. Ndiin ekaisiu me isan̄ emmo me afịd usiu kian̄. Me akpatre usiu ada, emmo editọn̄n̄ọ adiyịm anyii me atuk mme nsan̄ mme iman emmo. 45Me inii emmo mmikikịdde anyii, emmo ema editịmme eka idọn̄ Yerusedem eketọn̄n̄ọ adiyịm Yisọs. 46Me ane usiu ite, emmo ema ekekịd Yisọs me afigh tembul. Anyii aketighe me atuk ikpo mme andikpiab ibed Mosis. Akesọg akpan̄-utọn̄ ano ukpiab n̄kpo emmo ano abub emmo mme mbumi. 47Idii amaakpa afịd anwe se ekeba ekuk mbumi mme ibọọrọ esiu. 48Mkpaidii amaane etii mme ekieg esiu me inii ekekịdde anyii de. Ekieg esiu amaabub anyii, “Ayiu amii, nse-e ine noo afe ine yire ntịm? Etii afe mme amii ima-inakka iyịm fii.”
49Ndiin Yisọs amaabọọrọ emmo atoo, “Nse-e ade no anyịn̄ ikiyịm mii? Nte ayịn̄ idiọn̄n̄ọke ke ana nte amii mba mo me ufaag etii amii?” 50Ade iki-inwaaghake etii mme ekieg esiu se Anyii aketan̄ ano emmo.
YISỌS AMAKỌD ME ANIỌN̄ MME MFO ABASI
51Akema, anyii ama adikọn̄n̄ọ emmo aka idọn̄ Nasared, ndiin akuk uyiu ano emmo. Ekieg esiu Mmedi ama anịm mme afịd n̄kpo anịm mme esịd ano akaisiu akre aban̄a mme n̄kpo ntịppe anịm. 52Nte Yisọs akọddọ, anyii ama anakka anyi ifiog. Abasi me mme anwe emaekuk inịk-esịd mme anyii.
Actualmente seleccionado:
Duk 2: ETB
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.
Duk 2
2
MMEDI AMEEG YISỌS
(Mat 1:18-25)
1Me mme usiu ada, akpukko adidem Agọstus amaano ewuoghọ ato yaag ebad afịd anwe ame edọn̄n̄ọ me idaag ukrag Rum no ekesịn anyịn̄ me n̄wad ukrag, maa atukde ekpii taxsi eno Ciisa. 2Akpa ubad anwe akede anịm. Anịm aketịppe me inii Quirinọs akedaa ukrag me idọn̄ Sidia ato afịd anwe ekesịn anyịn̄ me n̄wad. 3Me ntre, afịd anwe ema edikaiya isọn̄ idọn̄ emana emmo maa ekesịn anyịn̄.
4Yosef aketuk aduk ufaag adidem Defịd, me ntre anyii mme anwaa esiu Mmedi ema edikpọn̄ Nasared mme akebaa mee Kadidi edika Betrehem me idọn Yudia, siade Betrehem akede isọn̄ emana nno Defịd. 5Yosef ake aka de adikisịn anyịn̄ mme Mmedi ame akedee anwa-anwaa anyii akeyịmme adido ame ake-san̄ake mme idịb. 6Nan̄a Yosef mme Mmedi ekesọg eba de, inii umeeg amadikem Mmedi adimeeg ayiu esiu. 7Ndiin anyii ama ameeg akpa ayiu aninie-anwe esiu, ano awan̄ anyii me ubaag afọn̄ anịm anyii me itighe udia ufeene. Siade itighe iki-ibaa ino emmo adiba.
MME AKPIMI EDỌN̄ ME MME ENYEL
8Kpa me ukem nkan idọn̄ ada, mme akpimi-edọn̄ emaeba me inwan̄ ekpimi edọn̄ emmo mee akunayiig. 9Me iyokko, enyel aketukko Abasi amaawuo awuud mme akpimi-edọn̄ idii, ndiin unwana ikan̄ Abọn̄ ayama akan emmo akọg. Me ntaag ada, ndịk ama amam emmo. 10Ade enyel ato emmo, “Ku ufịn̄ghe ndịk. Mmenyi eti-etuk adikuọrọ ino yinne ame akine afịd anwe ekuk ataa inịk-esịd. 11Akunayiig anịm, nsag-ayiu amana me isọn̄ emana adidem Defịd, akidee andiyagha anyịn̄. Anyii ade Mesaya ano ade Abọn̄. 12Ndiin anịm akide idiọn̄n̄ọ ino yinne ame ayịn̄ ikibii idiọn̄n̄ọ anyii: Ayịn̄ iya ikịd nsag ayiu nan̄a ewan̄n̄a me afọn enịm me itighe udia ufeene.”
13Me ndo-ndo ada, atuk udịm mme enyel etuk Efịn edibiọn̄n̄ọ mme akpa enyel, ndiin afịd emmo emaetọn̄n̄ọ adikwuo ikwuo ntooro Abasi etoo.
14“Itooro Abasi ame aba me Efịn,
ndiin emem aba mme mbun ame ebaa me isọn̄ ano mbun ada ame Abasi akukko inịk-esịd aban̄a.”
15Me inii mme enyel ema ekenyọn̄ eka Efịn, mme akpimi- edọn emaeneme me atuk emmo etoo, “Yaag ayịd ika idọn̄ Betrehem idagha ada ikikiin andiyagha mee Abasi anee ayịd idiọn̄n̄ọ.”
16Ndiin emmo esọsọp eka idọn̄ Betrehem, ekeyịm anyii tutuk emmo ekịd Mmedi mme Yosef eno ekịd nsag ayiu Yisọs ame akenaa me itighe udia ufeene. 17Me inii mme akpimi-edọn̄ ema ekekịd nsag-ayiu ema, emmo emaedogho afịd anwe etuk se enyel akedogho emmo aban̄a ayiu anịm. 18Idii amaakpa afịd anwe mme ekekukko se mme akpimi-edọn̄ ekedogho emmo. 19Ade ama ade Mmedi, anyii amaatoiyo afịd n̄kpo se aketịppe anịm. Anyii ama akaisiu akre aban̄a se mme n̄kpo anịm akeda ano. 20Afịd n̄kpo se mme akpimi-edọn ekekuk eno ekịd akede ukem nte se enyel akedogho emmo. Ndiin, emmo emaetooro Abasi eno eno anyii ubọn̄, ndiin enyọn̄ ebịne mme edọn̄ emmo.
UNỊM YISỌS MBOBII
21Me inii ayiu anịm akeyoog usiu itagha-ete, ema enịm anyii mbobii nte ibed Abasi akedee, Yosef mme Mmedi esịkke anyii anyịn̄ Yisọs. Ade enyel ama adogho Mmedi ato ano ayiu anịm anyịn̄ anịm mbemisiu anyii ayuu idịb.
EBII YISỌS EDII MEE TEMBUL
22Me usiu ndutịm adine Mmedi#2:22 Nte ufaa anwaa umeeg, kon̄n̄ọ nte nan̄a ubunọ n̄kpo emmo akedee, akena nte anyii ane uwaa usana idii tembul me usiu aba mee anyii ameeg, mbemisiu anyii amana aduk adikpuno Abasi mme mbun ufịn. asana akedikem nte ibed Mosis atii-ke, Yosef mme Mmedi ebii nsag-ayiu Yisọs mme emmo edika tembul me idọn̄ Yerusedem, adiyaag anyii nno Abasi. 23Emmo eke ene anịm adinịm ibed Mosis nte ekewadda, “Afịd akpa ayiu aninie-anwe ame emeeg ana nte enịm san̄a-san̄a eno Abasi.” 24Emmo ekeka n̄ko adine uwaa nno Abasi nte ibed Mosis aketii-ke. Atoo, “Iwaa ibium iba mme nyiu Tọm-Tọm iba.”
SIMIỌN AKỊD ANDIYAGHA ABASI
25Anwe kian̄ amaaba me idọn̄ Yerusedem me inii ada ame akekreke Simiọn. Anyii akede adinen anwe ano Abasi. Anyii akebed anwe ame akidee idọnesịd ino mbun Isred. Adisana Sịbidid amaaba mme anyii. 26Adisana Sịbidid ama ayaara ano anyii atoo, ke anyii imi-ikpaa n̄ko iboghoke anyii akịd Mesaya ame Abasi aki-ino edii. 27Me usiu ada, Sịbidid Abasi amaabii Simiọn aka esa tembul, me inii Mmedi mme Yosef ekebii nsag-ayiu Yisọs eka de adikiyaag anyii nno Abasi nte ibed Mosis aketii-ke. 28Simiọn amaakịd nsag-ayiu Yisọs ndiin abuoghọ anyii akana me ubaag esiu. Ndiin anyii atooro Abasi ano adogho atoo;
29“Abọn̄, amii nde ayiu utu afe, yaag amii mkpa me emem ndiin.
Siade afe Ame ane se afe ake anwuọn̄n̄ọ ano mii.
30Anyig amii amekịd andinyagha mme afe anoo ato adinyagha afịd ikọd esiu.
31Afịd anwe me mme idud eyaekịd ada ame afe adọn̄n̄ọ.
32Anyii akiba nte unwana ame akibii Abasi iwuud mbun ada ame adidee Yuu, ndiin anyii ade ada ame akibii ubọn̄ ino ikọd afe, mbun Isred.”
33Idii amaakpa Yosef mme Mmedi me n̄kpo se Simiọn aketan̄ aban̄a nsag-ayiu Yisọs. 34Ndiin Simiọn ama adiọn̄ Yosef mme Mmedi ano adogho Mmedi atoo, “Abasi amaag ayiu anịm adibii nne adiwaag anwe me Isred ekappa ekpọn̄ Abasi mme adine mbun ufịn me Isred esan̄a ekpre Abasi. Anyii akide nte idiọn̄n̄ọ ame atukko Abasi, ade adiwaag anwe eya enwana mme anyii. 35Ake tukde, anyii aya ayaara akikre adiwaag anwe. Ndiin afe Mmedi aya anakka afuoghọ.”
ANNA ATAN̄ ABAN̄A NSAG-AYIU YISỌS
36Kpa ukem usiu ada, Anna ame akedee brọfed anwa-anwaa amaaba de n̄ko me tembul. Anyii akede ayiu Fanuel, ame aketukko ubun Asha. Anyii amaasọn̄ me emana eti-eti. Ake adọn̄ mme ebịk-esiu mme isua itagha-eba mbemisiu ebịk akpa. 37Ndiin anyii ama asughọ nte anwaa ekpa, ndiin isua emana esiu akede anian̄ mme inian̄. Ataa adiwaag isua unwe esiu akede me tembul. Anyii akpuno Abasi akunayiig mme unweme-ayiig, me adibọọn̄ akam mme utre-udia kwa-inii. 38Me inii Simiọn akesọg atan̄ ikuo me Mmedi mme Yosef, Mmedi ama aditọn̄n̄ọ aditooro Abasi. Anyii ama atan̄ aban̄a nsag-ayiu Yisọs ano afịd afịd anwe mme ekesọg ebaa mme iduk-anyi ebed Abasi adidọn̄ Krais ato adifaag mbun Yerusedem.
UBUN YISỌS ETỊMME ENYỌN̄ NASARED
39Me inii Yosef mme Mmedi ema ekekre afịd n̄kpo mme ibed Mosis akedoghoke ene, emmo ema etịmme edinyọn̄ ufaag emmo me idọn̄ Nasared me akebaa me idag ukrag Kadidi. 40Nte nsag-ayiu Yisọs akekọddọ, Anyii ama anakka asiọn̄n̄ọ idii ano anyi ifiog, ndiin Abasi ama afoo-mfo mme anyii.
YISỌS MEE TEMBUL
41Afịd afịd isua Etii mme Ekieg Yisọs ema-ekan eka idọn̄ Yerusedem ekedia usọrọ Basofa mme Yuu. 42Ndiin me inii Yisọs ama akeyoog isua dughu-iba, anyii mme etii mme ekieg esiu ema edika usọrọ me idọn̄ Yerusedem nan̄a ido emmo ake- akan adee. 43Usọrọ ada ama akekre, Mmedi mme Yosef emaetọn̄n̄ọ isan̄ unyọn̄ n̄ka ufaag. Yisọs ama asiọg aba me Yerusedem, ade etii mme ekieg esiu iki-idiọn̄n̄ọke. 44Sia Etii mme Ekieg ekekre eto ke anyii akesọg asan̄a mme emmo. Ndiin ekaisiu me isan̄ emmo me afịd usiu kian̄. Me akpatre usiu ada, emmo editọn̄n̄ọ adiyịm anyii me atuk mme nsan̄ mme iman emmo. 45Me inii emmo mmikikịdde anyii, emmo ema editịmme eka idọn̄ Yerusedem eketọn̄n̄ọ adiyịm Yisọs. 46Me ane usiu ite, emmo ema ekekịd Yisọs me afigh tembul. Anyii aketighe me atuk ikpo mme andikpiab ibed Mosis. Akesọg akpan̄-utọn̄ ano ukpiab n̄kpo emmo ano abub emmo mme mbumi. 47Idii amaakpa afịd anwe se ekeba ekuk mbumi mme ibọọrọ esiu. 48Mkpaidii amaane etii mme ekieg esiu me inii ekekịdde anyii de. Ekieg esiu amaabub anyii, “Ayiu amii, nse-e ine noo afe ine yire ntịm? Etii afe mme amii ima-inakka iyịm fii.”
49Ndiin Yisọs amaabọọrọ emmo atoo, “Nse-e ade no anyịn̄ ikiyịm mii? Nte ayịn̄ idiọn̄n̄ọke ke ana nte amii mba mo me ufaag etii amii?” 50Ade iki-inwaaghake etii mme ekieg esiu se Anyii aketan̄ ano emmo.
YISỌS AMAKỌD ME ANIỌN̄ MME MFO ABASI
51Akema, anyii ama adikọn̄n̄ọ emmo aka idọn̄ Nasared, ndiin akuk uyiu ano emmo. Ekieg esiu Mmedi ama anịm mme afịd n̄kpo anịm mme esịd ano akaisiu akre aban̄a mme n̄kpo ntịppe anịm. 52Nte Yisọs akọddọ, anyii ama anakka anyi ifiog. Abasi me mme anwe emaekuk inịk-esịd mme anyii.
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Etebi (Esit Eket) Bible by Beyond Translation is licensed under Creative Commons Attribution-ShareAlike 4.0 License.