Johaneb 5
5
Jesub ge ǃhom khoeba ra ǂuruǂuru
1Nēn hoan khaoǃgâb ge Jesuba Jodeǁîn kaitsēdi di ǀguis ǃaroma Jerusalems ǁga ge oa. 2Tsî Jerusalems ǃnâ, Gūdao-ams tawas ge ǃgaus, Hebregowab ǃnâ Betesdas#5:2 Betesdas: ǀNî xoaǁguigu ge Betsada ti ūhâ tsî ǀnîgu ge Betsaida ti ūhâ. ti ra ǀonǂgaihes, koro ǁhaoǂgapaga ge ūhâ isa ge hâ i. 3ǂGui ǀaesen hâ khoen (ǂgīn, sorosi ǃnubusina ūhân tamas ka io ǃhomn) ge nēpa ge ǁgoe i [#5:3b-4 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.tsî ǁgam-i di gongonhesa gere ǃâu. 4ǀHomǃgā-i ǃKhūb di-i gere ǁaeba xu ǁaeb ǁga ǁgôaxa tsî ǁgam-e gongon xui-ao. Tsî ǂguro ra ǁgam-i di gongonhes khaoǃgâ ǂgâ-i, ǁnā-i ge gere ǂgau.] 5ǁNāpa ge ǁgoe i khoegu di ǀguib ge ǃnonadisiǁkhaisaǀa kuriga ge ǀaesen hâ i. 6Tsî Jesub ge ǁîba mûǁgoe tsî a ǂan ǁîb ǂomxase ǀaesen hâ ǃkhaisa, ob ge ge dî bi: “ǂUru ǂgaots ra?”
7Ob ge “ǃKhūtse, khoe-i xare-i ǁgam-i ra gongonhe ǁaeb ai nē ǃgaus ǃnâ nî huiǂgā te-e ta ge ūhâ tama hâ. Tita ǁnāpa sīsa ra dītsâ hîa i ge ǀnî khoe-e ti aiǃâ ra ǂgâ” ti ge ǃeream. 8Ob ge Jesuba ǁîb ǃoa ge mî: “Khâimâ, ǂgoas âtsa ū îts ǃgû!” 9ǁNātimîsib ge ge ǂuru. Ob ge ǂgoas âba ū tsî ge ǃgûtsoatsoa!
ǁNās ge Sabbattsē i xui-ao 10gu ge Jodeǁî ǂgaeǂgui-aoga ǂgauǂgauhe gob ǃoa ge mî: “Sabbattsēs aits kom sîsen ǁoao! ǂHanub ǃoagu i kom hâo, sa ǂgoasats nî tani ǃkhaisa!”#Neh. 13:19; Jer. 17:21
11Ob ge ǁîga ge ǃeream: “ǂGauǂgau te gob ge tita ǃoa ‘Sa ǂgoasa ū, îts ǃgû’ ti go mî.”
12O gu ge ge dî bi: “Tariba ‘Sa ǂgoasa ū, îts ǃgû’ ti go mîba tsiba?”
13Xaweb ge nē ǂgauǂgauhe goba tari-i xab go ǂgauǂgauhe ǃkhaisa ge ǀū i, ǁnāpan ge ǂgui khoena hâ i tsîb ge Jesuba ǁnāpa xu ǃgûbē hâ i amaga. 14Nēn khaoǃgâ kha ge Tempeli ǃnâ ǀhao, ob ge Jesuba ge mîba bi: “Nēsits ge go ǂgau xuige ǃaruǀî tā ǁore, î-i tā ǁnā-i ǃgâ-ai tsū xū-e hāǂam tsi.” 15Ob ge nē khoeba ǃgû tsî Jodeǁîga sī ôa tsî ge mîba, Jesub xab ge ǂgauǂgauhe ǃkhaisa. 16ǁNā-amaga gu ge Jodeǁîga Jesuba, Sabbattsēs* ǂhanubab ge khôa xui-ao ge ǃgôaǃgontsoatsoa. 17Ob ge Jesuba ǁîga ge ǃeream: “Ti Îb ge nēsis kōse ra sîsen tsî ta ge tita tsîna ra sîsen.” 18Jodeǁîgu ge ǁnās ǃgâ-ai mâti gu nî Jesuba ǃgam ǃkhaisa gere ôa-am. Sabbattsēs aib ra sîsen ǃkhais ǀguisa tama i tsîb noxopa Elob xa ǁîb Îb ase ra ǃhoa, tsî ǁnās ǀkha ǁî-aitsama Elob ǀkha ǀguitikōse ra dīsen ǃkhais ǃaroma.
Elob ge ǁîb Ôaba ǁkhāsiba ra mā
19ǁNā-amagab ge Jesuba ge ǃeream: “Amase, amase ta ra mîba du, ǀGôab ge ǁîba xu ǁî-aitsama xū-e a dī ǁoa. ǁGûb ra dīseb ra mû-i ǀgui-eb ge a dī ǁkhā. ǁGûb ra dī-i ǀgui-eb ǀGôab tsîna ra dī xui-ao. 20ǁGûb ge ǀGôabab a ǀnam xui-ao hoa xūn hîab ra dīna ra mîba bi, tsîb ge nēn ǃgâ-ai kai sîsenga nî ǁgau bi. Tsî du ge nēs xa nî burugâ. 21ǁGûb ra ǁō hâna ǂkhaiǂkhai tsî ûiba mās ǁkhās khamib ge ǀGôab tsîna ǂgaob ra-i hoa-e ûiba nî mā. 22Tsîb ge ǁGûba hoa ǀgoraǃgâsa ǀGôaba nî mā, 23hoan nî ǀGôaba ǃgôase, ǁGûban ra ǃgôas ǁkhās khami. Xawe ǀGôabats ga ǃgôa tama io, ots ge ǁîba ge sîb tsîna ǃgôa tama hâ.
24“Amase, amase ta ra mîba du, ǁnān hîa ti mîsa ǁnâu tsî Elob tita ge sîb ǃnâ ra ǂgomn ge ǀamo ûiba nî ǃkhōǃoa. ǁÎn ge ǁoren ân ǃaroma ǀgoraǃgâhe tide, xawen ge ǀnai ǁōba xu ûib ǃoa go ǃgâu.
25“Amase, amase ta ra mîba du, ǁaeb ge go hā tsî ǀnai nēsi hâ, ǁō hân nî Elob Ôab* domma ǁnâu tsîn ǁnān ǁnâu rana nî ûiba. 26ǁGûb a aitsama ûib di ǀau, ǃkhais ǁkhās khamib ge ǁkhāti ǀGôaba ûib di ǀause ge dī. 27Tsîb ge hoaraga khoenab nî ǀgoraǃgâ ǁkhāsiba ge mā bi, ǁîb a Khoen Ôa amaga. 28Tā ǁnās xa buru; ǁaeb, hoaraga ǁō hân nî ǀhobadi ân ǃnâ dommi Elob Ôab diba ǁnâub nî hā xuige, 29tsîn ge ǁkhawa nî khâi. ǁNān ǃgâina gere dīn ge ǀamo ûib ǃoa nî khâi tsî naun ǂkhabana gere dīn ge ǀgoraǃgâs ǃoa nî khâi.#Dan. 12:2
Jesub xa hâ ǃkhō-amdi
30“Tita ǂûta xu ta ge xū-e a dī ǁoa; tita ge ǁnâu khami, tita ga ǀgoraǃgâ, os ge ti ǀgoraǃgâsa a ǂhanu-ai. Tita ti ǂâisa dī tama, xawe sî te geb di ǂâisa ra dī xui-ao.
31“Tita xa ta ga aitsama ǃkhō-am, os ge ti ǃkhō-amsa ama tama hâ. 32Xaweb ge ǀnîb tita xa ra ǃkhō-amma hâ tsî ta ge ra mîba du tita xab ra dī ǃkhō-ams a ama ǃkhaisa. 33Sadu ge sîsabega Johaneb ǁĀǁnâ-aob ǃoa ge sî tsîb ge amaba ge ǃkhō-am.#Jhn. 1:19-27; 3:27-30 34Xawe ta ge tita khoe-i di ǃkhō-amsa ǃkhōǃoa tama hâ, tsî ta ge Johaneb di ǃkhō-ams xa ra ǂâiǂâiǃnâ du, ǃgâiǃō kaihe du nîse. 35Johaneb ge khau tsî ra ǃnâ ǃamǀae-i ase ge ī i, tsî du ge ǃnubu ǁaero-e ǁîb di ǃnâb ǃnâ ǃgâiǃgâisen tsî gere ǃgâiaǂgao. 36Xawe ta ge tita Johaneb xa a kai ǃkhō-am-e ūhâ; ti ǁkhāǁkhādi tsî ti buruxa sîsengu tsîna. ǁGûb ge tita ǁnā sîsenga ǀamǀam ta nîse ge mā, tsî gu ge ǁîga ti Îb xa ta sîhe hâ ǃkhaisa ra ǃkhō-am. 37ǁNā ǁGûb ǂûb hîa tita ge sîb ǀguib ge ǁkhāti tita xa ge ǃkhō-am. Sadu ge tātsē ǁîb domma ǁnâu tamas ka io ǁîba aisa xu ais ǁga mû tama hâ#Mat. 3:17; Mrk. 1:11; Luk. 3:22 38tsî du ge ǁîb mîsa sadu ǂgaogu ǃnâ ūhâ tama hâ, sadu ǁîba ge sîba ǂgom tama amaga. 39Sadu ge Xoas ǃnâ ra ôa, ǁîs ǃnâ du ǀamo ûiba ra hō ti du ǂgom hâ xui-ao. Xawes ge Xoas tsîna aitsama tita xa ra ǃkhō-am! 40Tsî du ge tita ǃoa hā tama, nē ǀamo ûiba du nî ǃkhōǃoase.
41“Khoesi koasa ta ôa tama hâ, 42sadu Elob di ǀnamma sadu ǃnâ ūhâ tama ǃkhaisa ta a ǂan amaga. 43Tita ge ti Îb di ǀons ǃnâ ge hā, xawe du ge tita ge ǂhara tsî ǃkhōǃoa tama ge i, tsî du ge ǁnān hîa ǁî-aitsama ra ǂnûǁkhaebasena ra ǃkhōǃoa. 44Buruxa tama i kom hâo, ǂgom tama du hâ ǃkhaisa! Sadu kom ǁîǃnābe ǃgôagu hâo, xawe Elob ǀguiba xu hâ ǃgôasib tsîna ôa tamao. 45Tā ǁGûb tawa du nî tita xa ǀanaǃgâhe ti ǂâi. Moseb ge nî ǀanaǃgâ du! Ā, Moseb ǁîb ai du ge mûmâinǃgâba. 46Xawe Moseba du ga ǂgom hâ, o du kom tita tsîna ga ǂgom hâo, ǁîb ge tita xa xoa hâ i amaga. 47Xawe ǁîb xoa hâna du ga ǂgom tama io, mâti du tita ra mîna nî ǂgom?”
Actualmente seleccionado:
Johaneb 5: KKG20
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Khoekhoegowab Elobmîs © Bible Society in Namibia, 2020.
Johaneb 5
5
Jesub ge ǃhom khoeba ra ǂuruǂuru
1Nēn hoan khaoǃgâb ge Jesuba Jodeǁîn kaitsēdi di ǀguis ǃaroma Jerusalems ǁga ge oa. 2Tsî Jerusalems ǃnâ, Gūdao-ams tawas ge ǃgaus, Hebregowab ǃnâ Betesdas#5:2 Betesdas: ǀNî xoaǁguigu ge Betsada ti ūhâ tsî ǀnîgu ge Betsaida ti ūhâ. ti ra ǀonǂgaihes, koro ǁhaoǂgapaga ge ūhâ isa ge hâ i. 3ǂGui ǀaesen hâ khoen (ǂgīn, sorosi ǃnubusina ūhân tamas ka io ǃhomn) ge nēpa ge ǁgoe i [#5:3b-4 Nē ǃâs ge ǁîgu a ǀoro Grike xoaǁguigu tamas ka io ǀoro ǂnûiǃkhunidi ǃnâ a ǀkhai.tsî ǁgam-i di gongonhesa gere ǃâu. 4ǀHomǃgā-i ǃKhūb di-i gere ǁaeba xu ǁaeb ǁga ǁgôaxa tsî ǁgam-e gongon xui-ao. Tsî ǂguro ra ǁgam-i di gongonhes khaoǃgâ ǂgâ-i, ǁnā-i ge gere ǂgau.] 5ǁNāpa ge ǁgoe i khoegu di ǀguib ge ǃnonadisiǁkhaisaǀa kuriga ge ǀaesen hâ i. 6Tsî Jesub ge ǁîba mûǁgoe tsî a ǂan ǁîb ǂomxase ǀaesen hâ ǃkhaisa, ob ge ge dî bi: “ǂUru ǂgaots ra?”
7Ob ge “ǃKhūtse, khoe-i xare-i ǁgam-i ra gongonhe ǁaeb ai nē ǃgaus ǃnâ nî huiǂgā te-e ta ge ūhâ tama hâ. Tita ǁnāpa sīsa ra dītsâ hîa i ge ǀnî khoe-e ti aiǃâ ra ǂgâ” ti ge ǃeream. 8Ob ge Jesuba ǁîb ǃoa ge mî: “Khâimâ, ǂgoas âtsa ū îts ǃgû!” 9ǁNātimîsib ge ge ǂuru. Ob ge ǂgoas âba ū tsî ge ǃgûtsoatsoa!
ǁNās ge Sabbattsē i xui-ao 10gu ge Jodeǁî ǂgaeǂgui-aoga ǂgauǂgauhe gob ǃoa ge mî: “Sabbattsēs aits kom sîsen ǁoao! ǂHanub ǃoagu i kom hâo, sa ǂgoasats nî tani ǃkhaisa!”#Neh. 13:19; Jer. 17:21
11Ob ge ǁîga ge ǃeream: “ǂGauǂgau te gob ge tita ǃoa ‘Sa ǂgoasa ū, îts ǃgû’ ti go mî.”
12O gu ge ge dî bi: “Tariba ‘Sa ǂgoasa ū, îts ǃgû’ ti go mîba tsiba?”
13Xaweb ge nē ǂgauǂgauhe goba tari-i xab go ǂgauǂgauhe ǃkhaisa ge ǀū i, ǁnāpan ge ǂgui khoena hâ i tsîb ge Jesuba ǁnāpa xu ǃgûbē hâ i amaga. 14Nēn khaoǃgâ kha ge Tempeli ǃnâ ǀhao, ob ge Jesuba ge mîba bi: “Nēsits ge go ǂgau xuige ǃaruǀî tā ǁore, î-i tā ǁnā-i ǃgâ-ai tsū xū-e hāǂam tsi.” 15Ob ge nē khoeba ǃgû tsî Jodeǁîga sī ôa tsî ge mîba, Jesub xab ge ǂgauǂgauhe ǃkhaisa. 16ǁNā-amaga gu ge Jodeǁîga Jesuba, Sabbattsēs* ǂhanubab ge khôa xui-ao ge ǃgôaǃgontsoatsoa. 17Ob ge Jesuba ǁîga ge ǃeream: “Ti Îb ge nēsis kōse ra sîsen tsî ta ge tita tsîna ra sîsen.” 18Jodeǁîgu ge ǁnās ǃgâ-ai mâti gu nî Jesuba ǃgam ǃkhaisa gere ôa-am. Sabbattsēs aib ra sîsen ǃkhais ǀguisa tama i tsîb noxopa Elob xa ǁîb Îb ase ra ǃhoa, tsî ǁnās ǀkha ǁî-aitsama Elob ǀkha ǀguitikōse ra dīsen ǃkhais ǃaroma.
Elob ge ǁîb Ôaba ǁkhāsiba ra mā
19ǁNā-amagab ge Jesuba ge ǃeream: “Amase, amase ta ra mîba du, ǀGôab ge ǁîba xu ǁî-aitsama xū-e a dī ǁoa. ǁGûb ra dīseb ra mû-i ǀgui-eb ge a dī ǁkhā. ǁGûb ra dī-i ǀgui-eb ǀGôab tsîna ra dī xui-ao. 20ǁGûb ge ǀGôabab a ǀnam xui-ao hoa xūn hîab ra dīna ra mîba bi, tsîb ge nēn ǃgâ-ai kai sîsenga nî ǁgau bi. Tsî du ge nēs xa nî burugâ. 21ǁGûb ra ǁō hâna ǂkhaiǂkhai tsî ûiba mās ǁkhās khamib ge ǀGôab tsîna ǂgaob ra-i hoa-e ûiba nî mā. 22Tsîb ge ǁGûba hoa ǀgoraǃgâsa ǀGôaba nî mā, 23hoan nî ǀGôaba ǃgôase, ǁGûban ra ǃgôas ǁkhās khami. Xawe ǀGôabats ga ǃgôa tama io, ots ge ǁîba ge sîb tsîna ǃgôa tama hâ.
24“Amase, amase ta ra mîba du, ǁnān hîa ti mîsa ǁnâu tsî Elob tita ge sîb ǃnâ ra ǂgomn ge ǀamo ûiba nî ǃkhōǃoa. ǁÎn ge ǁoren ân ǃaroma ǀgoraǃgâhe tide, xawen ge ǀnai ǁōba xu ûib ǃoa go ǃgâu.
25“Amase, amase ta ra mîba du, ǁaeb ge go hā tsî ǀnai nēsi hâ, ǁō hân nî Elob Ôab* domma ǁnâu tsîn ǁnān ǁnâu rana nî ûiba. 26ǁGûb a aitsama ûib di ǀau, ǃkhais ǁkhās khamib ge ǁkhāti ǀGôaba ûib di ǀause ge dī. 27Tsîb ge hoaraga khoenab nî ǀgoraǃgâ ǁkhāsiba ge mā bi, ǁîb a Khoen Ôa amaga. 28Tā ǁnās xa buru; ǁaeb, hoaraga ǁō hân nî ǀhobadi ân ǃnâ dommi Elob Ôab diba ǁnâub nî hā xuige, 29tsîn ge ǁkhawa nî khâi. ǁNān ǃgâina gere dīn ge ǀamo ûib ǃoa nî khâi tsî naun ǂkhabana gere dīn ge ǀgoraǃgâs ǃoa nî khâi.#Dan. 12:2
Jesub xa hâ ǃkhō-amdi
30“Tita ǂûta xu ta ge xū-e a dī ǁoa; tita ge ǁnâu khami, tita ga ǀgoraǃgâ, os ge ti ǀgoraǃgâsa a ǂhanu-ai. Tita ti ǂâisa dī tama, xawe sî te geb di ǂâisa ra dī xui-ao.
31“Tita xa ta ga aitsama ǃkhō-am, os ge ti ǃkhō-amsa ama tama hâ. 32Xaweb ge ǀnîb tita xa ra ǃkhō-amma hâ tsî ta ge ra mîba du tita xab ra dī ǃkhō-ams a ama ǃkhaisa. 33Sadu ge sîsabega Johaneb ǁĀǁnâ-aob ǃoa ge sî tsîb ge amaba ge ǃkhō-am.#Jhn. 1:19-27; 3:27-30 34Xawe ta ge tita khoe-i di ǃkhō-amsa ǃkhōǃoa tama hâ, tsî ta ge Johaneb di ǃkhō-ams xa ra ǂâiǂâiǃnâ du, ǃgâiǃō kaihe du nîse. 35Johaneb ge khau tsî ra ǃnâ ǃamǀae-i ase ge ī i, tsî du ge ǃnubu ǁaero-e ǁîb di ǃnâb ǃnâ ǃgâiǃgâisen tsî gere ǃgâiaǂgao. 36Xawe ta ge tita Johaneb xa a kai ǃkhō-am-e ūhâ; ti ǁkhāǁkhādi tsî ti buruxa sîsengu tsîna. ǁGûb ge tita ǁnā sîsenga ǀamǀam ta nîse ge mā, tsî gu ge ǁîga ti Îb xa ta sîhe hâ ǃkhaisa ra ǃkhō-am. 37ǁNā ǁGûb ǂûb hîa tita ge sîb ǀguib ge ǁkhāti tita xa ge ǃkhō-am. Sadu ge tātsē ǁîb domma ǁnâu tamas ka io ǁîba aisa xu ais ǁga mû tama hâ#Mat. 3:17; Mrk. 1:11; Luk. 3:22 38tsî du ge ǁîb mîsa sadu ǂgaogu ǃnâ ūhâ tama hâ, sadu ǁîba ge sîba ǂgom tama amaga. 39Sadu ge Xoas ǃnâ ra ôa, ǁîs ǃnâ du ǀamo ûiba ra hō ti du ǂgom hâ xui-ao. Xawes ge Xoas tsîna aitsama tita xa ra ǃkhō-am! 40Tsî du ge tita ǃoa hā tama, nē ǀamo ûiba du nî ǃkhōǃoase.
41“Khoesi koasa ta ôa tama hâ, 42sadu Elob di ǀnamma sadu ǃnâ ūhâ tama ǃkhaisa ta a ǂan amaga. 43Tita ge ti Îb di ǀons ǃnâ ge hā, xawe du ge tita ge ǂhara tsî ǃkhōǃoa tama ge i, tsî du ge ǁnān hîa ǁî-aitsama ra ǂnûǁkhaebasena ra ǃkhōǃoa. 44Buruxa tama i kom hâo, ǂgom tama du hâ ǃkhaisa! Sadu kom ǁîǃnābe ǃgôagu hâo, xawe Elob ǀguiba xu hâ ǃgôasib tsîna ôa tamao. 45Tā ǁGûb tawa du nî tita xa ǀanaǃgâhe ti ǂâi. Moseb ge nî ǀanaǃgâ du! Ā, Moseb ǁîb ai du ge mûmâinǃgâba. 46Xawe Moseba du ga ǂgom hâ, o du kom tita tsîna ga ǂgom hâo, ǁîb ge tita xa xoa hâ i amaga. 47Xawe ǁîb xoa hâna du ga ǂgom tama io, mâti du tita ra mîna nî ǂgom?”
Actualmente seleccionado:
:
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Khoekhoegowab Elobmîs © Bible Society in Namibia, 2020.