<div class="version vid1516 iso6393smo" data-vid="1516" data-iso6393="smo">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">O le &#8216;Upu Tomua</span></div><div class="ip"><span class="content">O ai </span><span class="bk"><span class="content">Ioane</span></span><span class="content">? &#8216;Ua igoa lenei Tusi &#8216;i&#257; Ioane (Yeh&#333;hanan i le gagana Eperu po o I&#333;annes i le gagana Eleni). O le tasi lenei o &#8216;aposetolo a Iesu lea e masani &#8216;ona fa&#8216;aigoaina o le so&#8216;o pele (Ioane 13.23; 19.26; 21.20-24). I le tausamiga o le paseka sa fa&#8216;alagolago lenei &#8216;aposetolo i le fatafata o Iesu ma sa tu fo&#8216;i o ia i lalo o le koluse fa&#8216;atasi ma le tin&#257; o Iesu i le taimi na maliu ai Iesu. &#8216;Ina &#8216;ua toet&#363; mai Iesu nai le oti sa tamo&#8216;e televave o ia i lona fia va&#8216;ai i le tu&#8216;ugamau o Iesu &#8216;ina &#8216;ua ia maua le tala, </span><span class="it"><span class="content">&#8216;ua leiloa le tino o Iesu i le tu&#8216;ugamau.</span></span><span class="content"> &#8216;Ua atagia ai o se tagata sa ola v&#257;v&#257; lalata tele &#8216;i&#257; Iesu.</span></div><div class="ip"><span class="content">O le &#8216;a&#8216;ano o tusitusiga a Ioane, o Iesu o le &#8216;Upu ola a le Atua &#8216;ua liutino tagata ma &#8216;ua ola fa&#8216;atasi ma i tatou (1.14). O Iesu o le malamalama moni o le lalolagi ma o ia o le Alo o le Atua (1.1-14), o le Tama&#8216;i mamoe a le Atua ma o le Areto o le ola e fa&#8216;avavau.</span></div><div class="ip"><span class="content">O le tele o vaega o le Tusi e talanoa ai i fa&#8216;ailoga po o v&#257;vega na faia e Iesu e fa&#8216;ailoa mai ai le uiga Atua o Keriso ma o ia o le Fa&#8216;aola sa folafolaina. O le tele o nei v&#257;vega po o fa&#8216;ailoga &#8216;ua &#8216;avea lea ma ala e talitonuina ai e le to&#8216;atele o tagata Iesu ma fa&#8216;atuatua &#8216;i&#257; te ia. &#8216;Ae sa &#8216;avea fo&#8216;i nei fa&#8216;ailoga sa l&#275; talitonu ai nisi o tagata &#8216;i&#257; Iesu ma latou &#333; &#8216;ese mai ma latou tete&#8216;e atu ai &#8216;i&#257; te ia.</span></div><div class="ip"><span class="content">O se isi vaega t&#257;ua o lenei Tusi (Mat&#257;&#8216;upu 13-17) o saunoaga tima&#8216;i ma fa&#8216;ala&#8216;ei&#8216;au a Iesu i lana &#8216;au so&#8216;o &#8216;ae maise le po na pu&#8216;eina ai o ia. O &#8216;upu fautua &#8216;ina &#8216;ia tumau pea i le fa&#8216;atuatua ma fa&#8216;alagolago malosi &#8216;i&#257; te ia ma le Tam&#257;. &#8216;Ia &#8216;onosa&#8216;i e talia puapuag&#257; ma tig&#257; o le galuega &#8216;ona o le tala&#8216;iga o lona suafa. O Mat&#257;&#8216;upu fa&#8216;ai&#8216;ui&#8216;u o fa&#8216;amatalaga o le fa&#8216;amasinoina ma le fa&#8216;asatauroina, le maliu ma le toet&#363; o Iesu ma lona fa&#8216;aali atu i ona so&#8216;o.</span></div><div class="ip"><span class="content">E tele ni fa&#8216;ailoga va&#8216;aia masani o le soifuaga o lo&#8216;o fa&#8216;aaog&#257;ina mai e Ioane i lana tusi e pei o le malamalama, mol&#299;, afi, vai, falaoa, vine, i&#8216;a, leoleo mamoe, lafu mamoe; o nei fa&#8216;ailoga va&#8216;aia e a&#8216;oa&#8216;oina mai ai le it&#363; fa&#8216;aleagaga. &#8216;Ua manino mai ai, o Ioane o se tagata sa loloto tele lana su&#8216;esu&#8216;e i a&#8216;oa&#8216;oga fa&#8216;a-Atua &#8216;i&#257; Iesu.</span></div><div class="ip"><span class="content">O le to&#8216;atele o le &#8216;au su&#8216;esu&#8216;e i le &#8216;Upu a le Atua, o le Tusi lenei sa tusia i le vaitaimi i le v&#257; o le 90-100 vaitausaga o le Ali&#8216;i.</span></div><div class="iot"><span class="content">O le Fa&#8216;asologa o Mat&#257;&#8216;upu</span></div><div class="io1"><span class="content">Fa&#8216;atomuaga 1.1-18</span></div><div class="io1"><span class="content">Ioane Papatiso ma ulua&#8216;i so&#8216;o o Iesu 1.19-51</span></div><div class="io1"><span class="content">O galuega a Iesu i tagata lautele 2.1-12.50</span></div><div class="io1"><span class="content">O aso fa&#8216;ai&#8216;ui&#8216;u i Ierusalema 13.1-19.42</span></div><div class="io1"><span class="content">O le toet&#363; ma le fa&#8216;aali atu o le Ali&#8216;i i ona so&#8216;o 20.1-31</span></div><div class="io1"><span class="content">O le fa&#8216;aali o Iesu i Kalilaia ma le &#8216;upu mulimuli 21.1-25</span></div>
      </div>
   </div>
</div>

Samoan Contemporary New Testament © Bible Society of the South Pacific, 2009.

O le ‘Upu Tomua
O ai Ioane ? ‘Ua igoa lenei Tusi ‘iā Ioane (Yehōhanan i le gagana Eperu po o Iōannes i le gagana Eleni). O le tasi lenei o ‘aposetolo a Iesu lea e masani ‘ona fa‘aigoaina o le so‘o pele (Ioane 13.23; 19.26; 21.20-24). I le tausamiga o le paseka sa fa‘alagolago lenei ‘aposetolo i le fatafata o Iesu ma sa tu fo‘i o ia i lalo o le koluse fa‘atasi ma le tinā o Iesu i le taimi na maliu ai Iesu. ‘Ina ‘ua toetū mai Iesu nai le oti sa tamo‘e televave o ia i lona fia va‘ai i le tu‘ugamau o Iesu ‘ina ‘ua ia maua le tala, ‘ua leiloa le tino o Iesu i le tu‘ugamau. ‘Ua atagia ai o se tagata sa ola vāvā lalata tele ‘iā Iesu.
O le ‘a‘ano o tusitusiga a Ioane, o Iesu o le ‘Upu ola a le Atua ‘ua liutino tagata ma ‘ua ola fa‘atasi ma i tatou (1.14). O Iesu o le malamalama moni o le lalolagi ma o ia o le Alo o le Atua (1.1-14), o le Tama‘i mamoe a le Atua ma o le Areto o le ola e fa‘avavau.
O le tele o vaega o le Tusi e talanoa ai i fa‘ailoga po o vāvega na faia e Iesu e fa‘ailoa mai ai le uiga Atua o Keriso ma o ia o le Fa‘aola sa folafolaina. O le tele o nei vāvega po o fa‘ailoga ‘ua ‘avea lea ma ala e talitonuina ai e le to‘atele o tagata Iesu ma fa‘atuatua ‘iā te ia. ‘Ae sa ‘avea fo‘i nei fa‘ailoga sa lē talitonu ai nisi o tagata ‘iā Iesu ma latou ō ‘ese mai ma latou tete‘e atu ai ‘iā te ia.
O se isi vaega tāua o lenei Tusi (Matā‘upu 13-17) o saunoaga tima‘i ma fa‘ala‘ei‘au a Iesu i lana ‘au so‘o ‘ae maise le po na pu‘eina ai o ia. O ‘upu fautua ‘ina ‘ia tumau pea i le fa‘atuatua ma fa‘alagolago malosi ‘iā te ia ma le Tamā. ‘Ia ‘onosa‘i e talia puapuagā ma tigā o le galuega ‘ona o le tala‘iga o lona suafa. O Matā‘upu fa‘ai‘ui‘u o fa‘amatalaga o le fa‘amasinoina ma le fa‘asatauroina, le maliu ma le toetū o Iesu ma lona fa‘aali atu i ona so‘o.
E tele ni fa‘ailoga va‘aia masani o le soifuaga o lo‘o fa‘aaogāina mai e Ioane i lana tusi e pei o le malamalama, molī, afi, vai, falaoa, vine, i‘a, leoleo mamoe, lafu mamoe; o nei fa‘ailoga va‘aia e a‘oa‘oina mai ai le itū fa‘aleagaga. ‘Ua manino mai ai, o Ioane o se tagata sa loloto tele lana su‘esu‘e i a‘oa‘oga fa‘a-Atua ‘iā Iesu.
O le to‘atele o le ‘au su‘esu‘e i le ‘Upu a le Atua, o le Tusi lenei sa tusia i le vaitaimi i le vā o le 90-100 vaitausaga o le Ali‘i.
O le Fa‘asologa o Matā‘upu
Fa‘atomuaga 1.1-18
Ioane Papatiso ma ulua‘i so‘o o Iesu 1.19-51
O galuega a Iesu i tagata lautele 2.1-12.50
O aso fa‘ai‘ui‘u i Ierusalema 13.1-19.42
O le toetū ma le fa‘aali atu o le Ali‘i i ona so‘o 20.1-31
O le fa‘aali o Iesu i Kalilaia ma le ‘upu mulimuli 21.1-25

Escuchar Ioane O le ‘Upu Tomua